真思乃 Clare's Profile

今日中午過開尖沙咀，去試下多賀野拉麵，之前見好多人排隊，而好評又多。叫左粟國塩味拉麵，先試湯頭，溫度微熱，食到中途湯都唔夠熱，雖然塩味但唔係好鹹ok既。麵條一般無驚喜，店裡面有大玻璃見到入面有師傅用機器自家製麵。叉燒薄片有燒過，有焦香味，因為薄所以“鞋”口都唔覺。其他配料都一般。離開後上地鐵睇返openrice餐牌先知少左隻雞蛋，個麵黎都見無蛋，但以為係咁，早知就問聲啦，唉～，成個人down晒。最後有食晒，飽但唔太滿足，可能少左雞蛋少左d野咁，離開後口腔有回甘味，都ok既，不過同一個價錢會有其他更好味既選擇。…Read More

早兩日食那個盆菜，飽豪發財盆大盆(12人份)，蝦、鮑魚同金蠔大大隻，入味幾好食，材料都有味唔係白恰，豬肉d肥膏煮到綿花咁，但怕肥唔食得多。除左蝦少少霉外，底料好似蘿蔔、腐竹、豬皮都好入味，芋頭粉粉地特別讚，整體都滿意。whatapp落單，貨到付款好方便，送貨唔送上樓，要樓下收貨。好耐以前食過一次覺得好好食，之後試唔同店舖既盤菜，有d真係麻麻，今年諗起八味香，隔幾年今次再食，覺得味道有保持水準，家人都覺得好食，好開心。…Read More

屯門Aeon店重新裝修後多了一間拉麵店叫誠拉麵，位置在角落不起眼，看到廣告立牌就進去看看，平日人流不多可隨意選擇位置坐。新開時第一次食黑豚骨拉麵，已覺得好味，今日第二次食，點了一份平日午餐$65無加一，而午餐得一款白豚骨拉麵，沒有雞蛋，有前菜和汽水。白豚骨拉麵更有驚喜，湯底十分香滑，我懷疑加左牛奶(?)，湯面一片蛋白質薄膜。叉燒肉雖然薄片但肉質好嫰，唔知係咪加左豬頸肉或者係靚部位既肉，再用醬汁燒過之類精心製作，如果又厚又硬比你都唔想食啦。而這家的麵是我喜歡的幼麵，幼麵+湯+木耳絲同時咀嚼，真係一種享受。幼麵掛湯d，粗麵好咬口，各有所好。唔少食新店時好食之後就變差，但呢間隔一排黎食都仲好好食，無退步到，真係要寫食評支持一下。十分推薦誠拉麵店，真係店如其名，係有誠意的製作。…Read More

下午茶時間仲未食午餐，餓了，所以點了鮮茄焗豬扒飯。賣相美觀，焦香的芝士上面加點香草，有幾種顏色，發出既熱力就知係即焗，豬扒一入口就有驚喜，肉質好軟明顯有醃製好，應該係我吃過最好吃食既，而蕃茄好新鮮，覺得特別好食。下午茶價錢$52性價比極高，十分滿足既一餐。…Read More

十六座車仔麵：自選豬紅、金沙青、蝴蝶腩、紅菜頭麵(鼓油乾撈)一向鐘意食麵，當然車仔麵也是，第一次食呢間，先知道咩叫做車仔麵的新境界😂😍~車仔麵2.0，有新穎特別的食材，也有傳統的。回頭想起第一次應該要叫湯麵試下個湯，之後再試。豬紅都好入味，蝴蝶腩好淋，一口充滿五香牛味，唔會好嚡好韌攝牙罅，而金沙青肉爽爽地加少少的皮下脂好正，但又不同於豬頸肉的感覺。紅菜頭麵有誠意，聽說是特別去麵廠訂製。環境和裝修都好懷舊，好像車仔檔咁，連廁所(?)門都好懷舊，會繼續支持十六座，加油。…Read More

今天和老公第一次到台風，點了蕃茄海蝦沾麵和黑芝麻沾麵，看到評論特別有期待。 我吃了蕃茄海蝦沾麵，湯濃有掛到麵上，蝦味濃郁，麵條軟硬適中有咬感，是我吃過最好吃的沾麵。 而老公說他吃黑芝麻沾麵麵硬，湯需要再濃一點才好掛到麵上。 整體都很滿意，以後有機會會再來。很多人排隊天氣很熱，平日來可能要好一點。…Read More

午餐唔知食乜，咁啱知道附近雅都商場開左新 food court 所以去試下呢間既拉麵。點左黑油豚肉拉麵加玉子，麵黎到先試啖湯，湯味濃郁，拉麵係用我鐘意既幼麵，叉燒肉嫩，玉子半熟恰到好處，滿足，十分推薦。好開心發現呢間店，下次有機會再試下其他拉麵。…Read More