Q ming's Profile

5月11號星期日係母親節，5月8號我哋提早慶祝母親節，我哋叫咗五個餸，先來咗一個黑椒燒鵝皇，個黑椒汁係好鹹，其實基本上每一個餸都係偏向鹹，都覺得個廚師個味蕾係咪有啲問題呢？跟住嚟一個黃金一口豆腐，冇驚喜食品一般，花膠鵝掌煲，鵝掌的而且確係幾大隻，但好可惜個芡汁係好多油同埋偏向鹹咗啲，砂鍋魚頭煲味道一般都係偏向鹹，最後嚟一個濃湯雞煲翅，個湯個味道適中，但係好可惜都掩蓋唔到雪藏雞味，最後送咗個南瓜西米露俾我哋食，個南瓜西米露係真係好甜，政府時常忠告市民食嘢要少鹽少糖少油，今晚嘅餸菜真係多鹽多糖多油，真係食得唔健康啦。希望個廚師有改進嘅廚藝。…Read More

可能團購比嘅食品係差啲啦，所以下次我都唔會再團購，今次對呢間嘅食品真係好失望，所謂海鮮嗰啲海鮮簡直好差，肯定喺街市見到咁質素係唔會買呢啲海鮮囉，最慘 佢仲要扮到好矜貴咁，每人一隻蠔，一隻鮑魚，一隻蝦及一片脆肉鯇魚片，更冇諗到嗰隻蝦看似好新鮮，但啲肉係糜，嗰隻蠔腥到隔籬枱都聞到，嗰一片脆肉鯇魚可能唔新鮮啦有一浸味嘅，牛肉任食，主打有三個煲任揀一款，決定選擇榴槤雞煲，個雞煲可算係好味道啦，款式選擇唔多，食材已經影晒出嚟啦，飲品都唔係好多得揀，團購$169另外加$50服務費，合共$220，呢個價錢食呢啲咁嘅食品都算係唔抵啦。…Read More

6月5號約咗班朋友敘舊，有朋友移民咗英國返嚟香港敘舊揀咗呢間素食店，好欣賞每款嘅素食令人驚嘆，看外表唔似係素食，幾許亂真，例如：素年經典不可能芝士漢堡，牛肉像真度極高，當然口感會有分別啦，另一個值得推介係香芋番薯波粒，看外表平平無奇，但食落去別有一番風味，再推介係自家製麻醬雞絲涼皮…Read More

睇到廣告話平民海鮮自助餐，去到根本就唔係一回事，真係好多工人在這裡食午飯，相信有啲人好似我哋咁去試吓，有$60嘅龍躉餐同百零蚊半邊龍蝦餐，我哋選擇咗食$45嘅一個鐘頭自助餐， $45就唔好要求太高啦，點樣個價錢就俾返點樣嘅貨色俾你，我諗個一盤魚就當係海鮮掛，都唔知係咩魚嚟㗎，啲魚肉好似蒸水蛋咁腍都屬於好難食，整體來講都係個湯最好飲，我哋食到唔夠半個鐘就已經走人啦，試過就算啦，都唔會再去食，地點實在太唔方便。…Read More

12月18號四大長老提早做冬至食晚飯，先來個清湯龍蝦伊麵味道非常之惹味，龍蝦肉夠彈牙，個伊麵吸咗啲龍蝦汁都好惹味，炸子雞看落好普通，食落原來係脆皮肉嫩，值得推薦，條魚蒸到啱啱熟，肉質夠嫩滑，個叉燒就一般啦，賣相都係麻麻地唔係好吸引，冇特別驚喜，欖骨夠晒嘢味，就一定要嗌個白飯嚟食，感覺就冇咁鹹，個雜菜煲都係一般，個湯底都幾清甜嘅，最後嗌咗椰汁馬豆糕，個椰汁唔係好夠香味，勝在唔係好甜可以接受，服務員態度都幾好，衛生方面有兩隻碗係唔乾淨，一隻碗有頭髮兼有廁紙，真係唔明白點解咁污糟，換來一隻碗都係污糟，在衛生方便大打折扣。…Read More

11月7號有朋友生日，睇到廣告任食大閘蟹，影到啲大閘蟹又大隻又多膏，所以就選擇咗呢間食店食大閘蟹，啲大閘蟹嚟到枱面隻隻都細隻到無倫，蟹膏唔使講梗係好少啦，我哋食隻隻大閘蟹最多四兩重，蟹膏蟹肉基本上都冇乜肉食，啲雞肉同其他啲食品都算OK嘅，冇什麼驚喜，雪糕種類又少又唔好食，都唔知係乜嘢牌子嘅雪糕，仲有雪條食，汽水飲品都算多款選擇，講到服務就要講吓帶位嗰個阿姐的態度非常惡劣，問多兩句都覺得你好煩，今時今日咁嘅服務態度都係算衰㗎啦，終於明白到點解而家咁多人北上搵食。…Read More

20 June 2023 是日午餐係跟中心一天遊玩，通常跟團玩的午餐都係一般，冇想到這間酒家的食品係香味俱全，每一道菜都係即煮，所以出到嚟嘅餸菜都係好新鮮熱辣辣，通常個粟米羹係落好多生粉，令到個粟米羹杰撻撻，口感係唔好食嘅，食雞有雞味肉質嫩滑，最欣賞嘅咕嚕魚來代替咕嚕肉，估唔到魚都可以做到咕嚕肉咁嘅味道，真係好好食，整體來講每一道菜都係好好味👍🏼👍🏼👍🏼👍🏼👍🏼…Read More

25 June 2023 是日自助午餐，萬怡酒店包場，長腳蟹相機食先，到我哋食嗰陣時係已經冇咗長腳蟹，換來係蝦，每人有兩隻生蠔，啲生蠔又細隻又唔新鮮，睇見個賣相就已經唔想食啦，所以我冇食到，我未曾食過啲青口係冇味，我真係從來未食過咁難食嘅薯仔沙律，好高難度竟然可以整得咁難食，唯一可以讚嘅係甜品係冇咁甜。…Read More

喺網上睇到人介紹呢間酒店嘅自助餐係好抵食，好強調有花膠同蟹食，9月19號約朋友一起去食，我諗吓JW嘅名都好有名氣，相信啲食物會有水準，都唔會差得去邊，是日自助午餐我比較係欣賞啲蝦，真係好新鮮好鮮甜，蟹同其他嘅食品都係一般，要靠師傅（味精），因為我返到屋企要飲好多水，同埋要食一個橙先可以解味精，我朋友跟我一樣回到家要飲好多水，同其他嘅自助餐嘅味道差唔多囉，我未食過煙燻三文魚有渣，花膠無可否認又大件又厚肉，但味道一般冇驚喜同家常小菜冇乜分別。…Read More

到這間新餐廳食個午飯，這處環境感覺好舒服，食品的賣相好吸引，味道更加吸引，最欣賞青口，味道鮮甜，雖然牛扒有八成熟，但肉質保持軟化，美中不足就係啲飯有點硬，最後甜品酸酸甜甜，增加食慾。…Read More

18 Jun 2018 到這間店食自助晚餐，人流都唔多，這裡食品種類都算多唔可以話好多，味道一般，稱不上話好味，因為吸引唔到我每一樣都取來食，賣相不吸引，當晚冇胃口食…Read More