大食9's Profile

期待咗好耐，終於有機會一試，大坑比較吊腳，要特登過嚟，時間金錢都洗唔少。😢排隊唔算太耐，職員有禮貌，食物一般，慕名而來，奶茶唔夠濃香，熱央算收貨，還有奶醬多可以接受。試一次就夠，而且麵類係完全唔使試。麵有漂白水味，等得耐，麵用大光麵，似用清水煮，食得清淡啱晒！唯一可取嘅係啲麵加咗菜，而家啲菜貴，俾多條菜當賺咗！叫咗餐蛋麵同豬扒雞翼蛋麵，餐蛋麵中規中矩，好難整得難食，豬扒係沙爹味道ok, 可惜凍咗，雞翼係得皮有味道，而且都係凍嘅。真心唔需要下次！…Read More

去開附近做嘢，突然想食個上海粗炒，响openrice 見到呢間嘢，望入去又見到唔少人幫襯，於是試吓啦！店面裝修好似老字號，連班伙記都好有經驗咁，心諗無死錯人啦！點知上海粗炒得大碟，假日冇普通size, 我本身細食，驚食唔晒嘥嘢，唯有叫排骨麵，心諗無死掛。塊排骨係大嘅，但啲炸粉同肥膏搞到口感好差，好似唔知食緊啲咩？膠同啫喱之間嘅嘢。味淡而且好味精！最犀利嘅係卅十幾度要杯水竟然要$2😓真係諗唔到再幫襯嘅理由。定係我唔識叫嘢？如果你試過不防推介下😔…Read More

由於疫情被迫三餐都要外賣，呢個凍凍地天氣好想食煲仔飯，見到呢間就試吓叫。外賣自取，竟然驚喜有飯焦，餸嘅份量好夠，總括嚟講，好味😋會再嚟幫襯👍🏻都有唔少人當食，希望好快可以同朋友嚟試啦！…Read More

近排天氣涼咗，經過呢度覺得可以幫襯下。想食羊又想要牛，就叫咗個雙拼。羊牛都好香又冧。食完個身即刻暖曬，唔係講笑😅隔咗一個星期又忍唔住再幫襯 😋大大碗五十蚊，食到好飽好滿足😌…Read More

响咁旺嘅地方竟然有個咁chill嘅地方真係勁正，樓下係彌敦道，一轉入山林道就已經唔同晒feel, 再搭𨋢上去，一入門口就有啲organic嘅嘢賣，已經好似去咗第二度，無得去旅行都可以嚟呢度感受下。野食全部由New Zealand進口，好fresh, 好值得推薦…Read More

好少見呢啲特色店舖，諗住幫襯下，一個餐五十零蚊唔算平，叫咗個餐，但肉醬意粉同杯咖啡個味淡過醫院餐，份量仲少到連我本身食量唔大都覺得唔夠飽，ok, 無下次， thank you!…Read More

同先生到附近搵食，見呢度雖然好評唔多，但勝在就腳，又坐得舒服，於是一試。地點係一個極唔起眼商場一樓，座位不多，兩個人叫咗兩個全日餐。一黎係餐湯南瓜忌廉湯&羅宋湯，味道不錯，仲有蒜蓉法包都好味，最愛係夠熱，先畀個讚👍🏻跟住係主菜，三文魚意大利飯&羊脾煎蝦拼薯菜，兩個味道出眾，出面唔係咁易食到，只係羊脾叫咗7成熟，但都太生，可能係我自己食唔慣，下次可以叫熟d🍗最後係餐茶就真係無咩特別，只係杯奶茶係真珠奶茶嗰種☕️總結：呢個價錢食到呢個食物質素真係感覺賺咗😋👍🏻會再黎幫襯，建議大家黎開呢頭可以試試…Read More

因為Friday nite, 唔想食到8點零就比人叫埋單趕走, 於是上網搵d可以坐耐d既地方!因為就腳, 所以本住一試無妨既心, 最後決定呢間, 食物款式同之前食評既介紹差唔多, 不過d味道ok, 主要有好多海鮮, 大部分都很鮮味, $168返晒本!其中蠔油炸生蠔+法式多士, 味道奇怪點之外, 其餘菜式, 都很鮮味! 特別是花蟹蘿蔔煲, 花蟹有蟹膏, 白蘿蔔吸晒蟹膏鮮味! 真令人回味!只分3種菜單, $99, $168 & $250, 我訂的是$168, + $8茶介, 但菜式太多, 最後嗰3款可以唔洗, 而換成生果拼盤, 會完滿d!老闆 + 1個女侍應, 態度好好, 不過8點後, 全院滿座之後, 就唔係好夠人手, 上菜慢咗d, 心急既朋友就吹老闆, 但其實當時我已經好飽, 遲d上菜都ok!最後我地都坐到11點幾才離開, 實在暢快, 建議預早一星期前訂位, 老闆當日會再confime, 服務周到! 週末及前夕較多人, 未必有walk-in位! …Read More

$70任飲任食, 限時3粒鐘, 湯低$45煲, 唔洗加一 7點前最好去到罷位先, 因為7點後勁多人! 無晒位咁滯7點前有生蠔, 都算新鮮&大隻, 7點後已經無晒, 但有好大隻既青口, 蜆&其他海鮮......不過有少少沙另外食物數得出既都有, 總之一句, 抵食! …Read More

$118任食放題2粒鐘, 又近屋企, 環境都還算ok, 坐得舒服, 又有電視睇, 招呼一般6點幾去到未有咩人, 唔洗等位, 到咗七點零鐘就開始多人, 要等一陣位......一開始叫咗d爐端燒, 滴晒油&唔好食! 食完已經制住左, d野飲係一泎泎既, 叫咗黑豆漿, 勁甜, 唔好飲, 其他魚生, 壽司, 天婦羅都麻麻, 唯有可以推介下係燒蕃薯, 不過燒到好黑, 一句講晒, 下次咪攪我!…Read More