自從上次同朋友食過「劉X手」之後就成日對麻辣火鍋心思思明明自己唔係好食辣，但試過一次之後真係會明知自己食得好辛苦都會想再試今次又俾班朋友捉左去試「成都老碼頭」班朋友趁我未黎就叫左野食，仲要叫左成都原味小辣，本身打算叫佢地嗌鴛鴦鍋底，如果太辣既話都有清湯個邊可以幫下手丫嘛不過唔叫都叫左，無辦法啦坐低左一陣黎左小食，原來佢地叫左現炸酥肉同埋酥炸雞皮現炸酥肉應該係用左豬頸肉，炸得好脆，熱辣辣幾好食，仲唔會炸到乾爭爭而炸雞皮都係熱辣辣，仲炸到卜卜脆，正!打邊爐唔少得既一定係牛肉架啦嗌左一份和牛牛頸脊，雪花紋勁靚!!入口即溶!!另一份好似係雪花肥牛，質素都唔差另外仲叫左鴨舌、瘋狂辣牛肉、繡球菌、午餐肉、手工丸拼盤、老友鬼鬼等等大致上食物都唔錯，全部都係好吸湯既食物，真係食到出哂眼淚水...雖然好辣但佢又真係幾香既佢地呢度除左加一之外仲每位收$25醬料吧同水果吧當然飲品係單點啦不過其實水果都可以解到辣既，特別係西瓜~但有朋友話食西瓜會更加辣，點解我又唔會既?!哈哈…Read More
叫咗唔多，淨係叫咗五樣點心，1.源發蝦餃皇：皮薄，蝦都幾彈牙。2.蟹子燒賣皇：每粒都大大舊，好足料。3.可愛流沙包：表妹見到好開心。我見到就覺得好搞笑，出曬汗嘅豬仔包，食落都唔錯，唔會太甜，啱我口味。4.金雞鹹水角：造型真係好得意，小朋友至LIKE啦！仲話要攞返屋企擺。哈哈。我都好耐無食鹹水角啦，懷舊小食。5.春風得意腸：食落幾香口。幾樣點心都幾好食。大家都食得幾開心。價錢都算實惠。
住附近嘅都可以帶下小朋友嚟食下個滿頭大汗嘅豬頭包架。
