lizziecat16's Profile

貓奴今晚嚟享受全日雞用心做實驗嘅成果🐥🔸溫泉雞下庄餐 $80雞皮爽口唔肥膩，啖啖雞髀肉好滑仲要無骨👍🏻熟度控制得100分，雞肉真係浸完溫泉咁好嫩滑💯下庄貴少少都值得俾👍🏻 跟餐有粒粒青瓜可解膩🥒油飯乾身唔油有乾蔥香氣，仲好大碗，男士都會夠飽。🔸溫泉雞上庄餐 $75（+$5轉蔥油干撈麵）特登叫埋上庄做比較，主要係雞翼、雞鎚、上胸肉，兩者都係無骨啖啖肉，雞皮靚仔爽彈，雞肉食落軟熟，不過有對比之下當然雞髀肉較滑。男友大讚蔥油干撈麵好食，撈麵個汁係幾惹味～🔸桑拿瑤柱肉餅 +$13一件蒸肉餅係質地實淨果款，有瑤柱香氣同埋都幾足料。肉餅可叫一嚿當小食share👌🏻 🔸蒜香娃娃菜 $24炸蒜豉油配娃娃菜簡單又好食，我哋仲用嚟點肉餅食👍🏻跟餐仲有飲品，見隔離枱飲緊熱柚子蜜幾香柚子味，應該幾refreshing，解膩又溫暖♨️當日排咗約10-15 分鐘，以食物質素同價錢貓奴覺得值得去。原來北角都有分店，無論響九龍定港島都有得食嫩滑雞下庄💛🐾貓奴足跡🐾🌐全日雞實驗所📍旺角通菜街80號地舖📍北角和富道21-53號和富地庫B50-51號舖和富美食廣場C1及C2號舖…Read More

冷風到🥶最啱食熱辣辣嘅日式土鍋飯🔥🔸西京燒三文魚腩土鍋飯🧡 $98原個土鍋飯整煲送到面前即叫即煲，熱辣辣又香噴噴😍中火先煲15分鐘再焗5分鐘🔥 店員會幫手較鬧鐘，唔怕煲過火～一打開係西京燒三文魚腩鹹甜鹹甜嘅香氣🤤飯粒吸滿鰹魚高湯嘅湯汁，再加埋三文魚腩嘅豐富油脂，食落鮮味濃郁😋三文魚腩油香十足而且食落軟嫩，加埋一咬即爆嘅三文魚籽真係畫龍點睛🤩🔸三文魚赤海蝦刺身🧡 $36三文魚入口細膩柔軟，赤海蝦大隻又鮮甜🤤🔸拖羅蓉帆立貝海鮮丼🤍 $118成座山咁高嘅海鮮丼🫣 入面有拖羅蓉、三文魚粒、厚切帆立貝，加埋滿滿嘅三文魚籽就成為呢座海鮮小山丘🤩🔸炙燒焦糖芝士蛋糕💛 $20芝士蛋糕表面有微苦焦脆嘅焦糖外層，芝士蛋糕好軟滑，兩者配合甜而不膩😋天氣轉涼想享受溫暖嘅幸福時刻，日式土鍋飯真係啱晒呢排食😋 二人埋單唔洗$300💛🐾貓奴足跡🐾🌐丼丼屋 (觀塘) @dondonyahk📍觀塘觀塘道418號創紀之城五期(apm)6樓L6-3b號舖…Read More

被招牌刨冰吸引而嚟嘅雲朵主題Cafe，夏天食刨冰真係好爽🧊😙🔸多芒小丸子 $108甜甜芒果夏天食好正！氣球咁大個芒果牛奶冰🍧啱晒二人share食～冰刨得好細緻，基本上入口即溶。芒果醬配牛奶冰加埋甜度啱啱好。入面仲有粒粒芒果肉同小丸子，感覺似食緊以前許留山嘅芒芒小丸子嘅放大刨冰版💛🔸慢煮封門柳玫瑰醬意粉 $138封門柳睇落幾靚，食落有牛香不過可能凍咗有啲韌。玫瑰醬似係韓式辣醬加忌廉，微辣有奶香幾好食😋🔸櫻花蝦帶子明太子忌廉意粉 $128擺盤幾精緻，櫻花蝦味幾香～ 可惜明太子味唔係太出😶雖然只得兩粒帶子，勝在都幾大粒，彈牙煎得唔會過熟。加埋木魚片滿滿日式風味～🔸芝士黑松露薯條 $68薯條外脆內軟，入面薯肉滿滿果款～厚厚一層芝士拉晒絲好邪惡🧀️ 加埋黑松露勁香🩶🔸凍朱古力 $46男友嘅凍朱古力幾香濃。🔸凍焦糖鮮奶咖啡 $46唔記得影嘅凍焦糖鮮奶咖啡，甜甜焦糖香配咖啡幾好飲。Cafe樓底夠高空間感大，配合雲朵主題適合不過，座位都幾闊落。一早訂咗枱準時到唔洗排隊，我哋食完離開出面已經排晒隊～🫢咁啱撞正G-Dragon生日月，佈置都以GD為主題，如果我係佢嘅fans會希望餐廳播返GD嘅歌會更切合主題🤫員工服務都好好，當日係我男友生日，多謝店員配合幫我放蠟燭響刨冰上️🎂☺️整體食物環境服務都唔錯，會為咗刨冰再嚟💛🐾貓奴足跡🐾🌐LAB ZERÕ (尖沙咀)📍尖沙咀金巴利道68號地下B號舖…Read More

貓奴較早前食過Imasa嘅懷石料理晚餐，今次就嚟食個lunch😊有邊個可以抗拒靚海膽、晶瑩透亮三文魚子🧡仲有火炙拖羅蓉配醋飯？❤️🔸冷前菜先嚟前菜有菠菜，菇菌、油揚絲打開味蕾。🔸熱前菜壽喜燒定食另一款前菜有原隻松葉蟹鉗，啖啖肉唔錯👍🏻🔸刺身鐵板燒定食另一款前菜係刺身，最欣賞原粒帶子非常鮮甜😋🔸火炙鮮吞拿魚腩配海膽三文魚子飯 $710 雙層新鮮海膽味道濃郁仲非常鮮甜，啖啖海膽入口溶化🤤晶瑩剔透嘅三文魚子粒粒脹卜卜，咬開脆卜卜一啲都唔腥。肥美拖羅蓉輕輕燒過後特別充滿油香，配醋飯食好夾👍🏻整個海鮮丼飯啖啖奢華，非常滿足😋🔸龍蝦·日本和牛扒鐵板燒定食🦞 $920龍蝦新鮮肉質緊實彈牙，以牛油煎香調味剛好。和牛扒雖然唔係厚切，厚度依然見到完美粉紅色嘅熟度，入口稍嚼就幾乎溶化，和牛油脂則停留響口腔🤤配一口帶菇菌香氣嘅飯中和油膩感👍🏻🔸和牛壽喜燒定食🐮 $560整鍋上嘅關東風壽喜燒，啱晒喜歡食鍋料理嘅朋友。幾塊薄切嘅和牛片熟度剛好地舖響鍋面，油脂分布好靚❤️和牛肉質細嫩，飲一口甜豉油湯好暖胃，不過湯底咸咗少少。鍋入面仲有香菇、豆腐、蒟蒻同蔬菜，吸滿湯汁精華👍🏻🔸日本和牛扒·鮑魚鐵板燒定食 $890另一款鐵板燒套餐，鮑魚燒得爽口脆嫩❤️和牛扒外層微焦，入口即化保持水準。所有定食都有茶碗蒸，又滑又多料。🔸紫薯雪糕 · 綠茶雪糕最後以甜品作總結，雪糕唔算太甜，正常發揮。餐廳位於半島酒店內，環境優雅寧靜，坐位好闊落。服務果然達五星酒店水評，細心而且親切，會同客人engage😊 確實係無可挑剔嘅精緻體驗☺️無論食物、烹調方法、環境、服務都達期望之上，價格較高實屬正常，不竟是半島酒店呀🤭以lunch menu嚟講多達30款以上嘅lunch set算係非常多選擇🤩眼花繚亂確實難選擇，唯有下次再嚟食其他🤭🐾貓奴足跡🐾🌐今佐日本料理 (尖沙咀)📍尖沙咀梳士巴利道22號香港半島酒店1樓…Read More

維港靚景、靚牛扒、酒店扒房令你諗起邊度？洲際裝修後改名麗晶酒店，而扒房依然沿用The Steak House🥩嚟呢度當然係想食靚扒，亦有唔少選擇。餐前麵包，外邊脆麵包內依然軟熟。🔸Gillardeau🦪生蠔新鮮飽滿，食落滑溜鮮甜爽口🩶🔸Poached Spanish Octopus 🐙酸酸甜甜嘅八爪魚咬落好柔軟而有彈性👌🏻🔸Crab Cake🦀蟹餅外層金黃香脆，一絲絲蟹肉清晰可見真正啖啖蟹肉。🔸USDA 20oz Chateaubriand🥩粉嫩顏色幾乎完美，肉質細嫩軟熟👍🏻雖然佢係signature，但呢塊牛扒唔係貓奴杯茶🫢有幾款唔同嘅調味料可以選擇，牛扒都係最簡單嘅海鹽已經足夠，芥末為較濃味嘅選擇。🔸Lobster Macaroni🦞龍蝦通粉好creamy，龍蝦汁融合通心粉中每一口都非常濃郁😋🔸Chocolate Fondant🤎4人至6人份量嘅朱古力心太軟蛋糕要嚟慶祝生日就最好不過，切開後朱古力漿流出嚟視覺一流👍🏻 配埋雲喱拿雪糕甜度恰到好處👌🏻餐廳儀式感滿滿，上牛扒前會俾你揀刀，店員會細心介紹，服務同環境都好加分😉🐾貓奴足跡🐾🌐The Steak House (尖沙咀)📍尖沙咀梳士巴利道18號香港麗晶酒店地舖…Read More

唔想食正餐就不如食串燒🍡呢度應該係近期食過性價比最高嘅串燒店😮唔怪之得平日夜晚嚟食都滿座🔥🔸超值套餐 $98前菜我哋揀咗涼拌青瓜🥒 ，肉類有魷魚鬚🦑、五花腩🐷、雞軟骨、燒雞腎、雞肉串🐓，蔬菜類有四季豆🫛同娃娃菜🥬。燒烤汁充滿孜然粉，香辣之餘仲好惹味😋🔸烤牛舌心 $28牛舌心厚度適中，燒得唔乾入面仲係軟熟～🔸XXL蒜蓉燒生蠔6隻🦪 $98必食超大蒜蓉燒生蠔🤩 熱辣辣上枱即叫即燒勁多蒜好香🤤大大粒蠔肉好飽滿，燒完仲好多汁超juicy呀🤤🔸蒜蓉燒原條茄子🍆 $28茄子肉軟綿綿好多汁，絕對係重蒜口味🤭🔸 錫紙燒蒜蓉金菇 $35金菇索晒蒜香醬汁好惹味，配埋肥牛一齊食仲正！🔸錫紙燒肥牛 $46份量好多嘅燒肥牛，同金菇一齊食非常夾😋🔸蒜蓉燒大蟶子2隻 $58蟶子size偏細同燒乾咗啲。不過其他串燒好食補返啲分～雖然我哋唔飲酒，但無論酒精同非酒精都有好多選擇～兩個人埋單都係400鬆啲食到超飽！唔好睇少$98套餐嘅份量，兩個人食都幾多～ 另外辣度用QR code落單時都可以自行選擇，照顧到唔食得辣嘅客人😊 味道唔錯又抵食，收工同朋友嚟飲返兩杯就啱晒🍻 仲要開到凌晨4點，食埋宵夜都仲得😆🐾貓奴足跡🐾🌐啤酒溝燒烤 (太子)📍太子大南街27-31號富威閣地下3-4號舖…Read More

將軍澳街坊又有口福😍咁高質嘅西餐小店不能夠只有貓奴知道❤️我哋叫咗兩個set dinner，有齊頭盤、主食同飲品。🔸西蘭花忌廉湯🥦西蘭花蓉忌廉湯濃稠但唔heavy，味道唔錯。🔸紐西蘭羊架配意大利飯🐏 $188呢份主食絕對係驚喜之作🤩 三大塊羊架仲有咁靚嘅擺盤好加分😍底層意大利飯份量十足，飯粒飽滿煙韌吸滿醬汁，配埋菇菌洋蔥嘅配料增加口感之餘味道亦更豐富😋羊架煎得好靚係完美粉紅色medium rare！表面焦香入面粉嫩juicy🤤🔸加拿大豬鞍配燒菠蘿🍍 $168呢個set唔食碳水嘅朋友會好開心🤩 沙律菜配柚子醬汁好開胃🥗重點超大塊超厚嘅豬鞍扒煎得好好👍🏻 金黃色表面帶微微焦脆～加埋燒菠蘿酸酸甜甜咁夏天食一流🤩 擺盤顏色咁豐富睇見都特別開胃😋豬鞍真係超厚！😳但一啲都唔嚡仲有肉汁🤤 燒菠蘿超甜又多汁🤩 切一嚿豬鞍同菠蘿一齊食真係絕配🥹🔸蒜蓉牛油帆立貝 $68迷你鐵板熱辣辣上枱好香～ 帆立貝size比想像大粒，仲有金菇洋蔥做配菜，值回票價🥹🔸蒜蓉牛油雞翼 $35以為普通蒜蓉牛油雞翼，食落好食過其他越南餐廳嘅牛油雞翼喎🫣唔會油淋淋而且無炸到乾晒，好食！😋餐廳環境闊落舒服較寧靜，啱情侶或朋友嚟食飯傾吓計～叫得Coffee Art相信呢度嘅咖啡應該唔錯，仲拎過獎杯🏆🫨下次嚟一定要飲咖啡同食佢嘅開心果甜品🤤 今次飽飽食唔到甜品🥹另外發現店舖內有個魔人布歐專櫃🤣 店主應該好鍾意魔人布歐🤭餐廳響新都城一期地下較寧靜嘅角落，由寶琳地鐵站C出口出行4分鐘就到，絕對係隱藏版嘅驚喜小店❤️整體食物用心製作，感受到廚師對食物由製作到擺盤都有要求❤️以自己嘅廚藝將食物完美地呈現響客人面前☺️ 俾個讚廚師🧑🏻‍🍳☺️👍🏻兩個高質set dinner加埋小食都係400+ ～keep收據去附近餐廳食仲有小食送，等貓奴去埋食拉麵先😍🐾貓奴足跡🐾🌐Coffee Art (將軍澳)📍將軍澳寶琳運亨路1號新都城中心一期G樓G95-96, G113-114號舖…Read More

每次搭巴士響荃灣聯仁街落車，都會被呢間食石燒牛嘅餐廳吸引住🤭熱辣辣香噴噴嘅石燒牛見到都流口水🤤我哋分別+$58轉酥皮湯，男友+$38跟餐嘅紅湯。酥皮湯根本係要浸落湯到先至正！🤩酥皮吸滿忌廉蘑菇湯更特顯酥皮嘅牛油香～🔸鵝肝配厚切平鐵牛扒🥩配香草牛油🧈我揀咗Flat Iron喜歡佢肉肉較柔軟同脂肪較少，配油滋滋嘅鵝肝平衡吓🤪 一上枱已經被肉肉響石板上燒緊嘅滋滋聲吸引住🤩 隔住個mon都感受到果陣牛扒同鵝肝嘅香氣🤤店員會幫手即席煎牛扒，真心加少少鹽已經好香又夠味～ 落埋自選嘅香草牛油，融化後滲入牛扒再響石板上燒🥹 牛扒肉質腍身好柔軟～再加上用鵝肝煎出嚟嘅油再煎煎佢超級香！🤩 店員果然冇介紹錯🤤🔸美國牛肩胛扒🥩 配蒜蓉牛油🧈 油花較豐富嘅嘅牛肩胛扒好有驚喜～ 肉味好濃郁之餘愈煎愈香🥹同樣加少少鹽同自選蒜蓉牛油煎多一分鐘左右就食得～ 過程好食又好玩😆🔸跟餐波浪薯條有冇人同貓奴一樣覺得波浪薯條係好食啲🤪少少鹽點啲茄汁，配埋後面杯重量級汽水好perfect😆🔸跟餐茄汁炒意粉茄汁炒意粉有誠意🤩 出面好多跟餐意粉唔係烚就係輕輕蒜蓉炒。男友話好食到食多碗都仲得😂👍🏻$500鬆啲牛扒好食，煎嘅過程又好玩～ 店員好nice又細心～ 店員提醒我煎牛扒過程啲油可能會彈到我個袋，幫我將個袋放響我旁邊安全嘅位置☺️幾時都覺得餐廳服務好已經加好多分～ 性價比高一定會返轉頭😍👍🏻🐾貓奴足跡🐾🌐DAY22 STEAK (荃灣)📍荃灣聯仁街28號康睦庭園2座地下3號舖…Read More

嚟九龍城唔一定食泰國菜，中式小菜都好出色好有驚喜🤩🔸鮑魚滑雞煲 $178最鍾意菜式熱辣辣香噴噴原煲上枱😍雞煲入面有4大隻鮑魚好足料！食落彈牙而不失軟糯～雞煲用洋蔥醬料爆炒雞件好惹味🤤🔸冰鎮酒醉鮑魚🍶老闆娘話而家有優惠，滿$250送一隻鮑魚～唔係講笑，隻冰鎮南非鮮鮑魚都幾大隻😲 花雕酒味好香，咬落爽滑彈牙一啲都唔韌。絕對係100分滿分嘅高質前菜🤩🔸彩虹咕嚕肉 $98諗唔到食咩一定係叫咕嚕肉🤭脆漿夠薄食落幾脆口，肉質一咬好軟嫩一啲都唔嚡～ 咕嚕肉每嚿大小一樣，唔知係咪用梅頭肉所以咁好食呢🤭甜酸汁包裹住酥脆嘅肉肉特別開胃😋🔸蝦乾啫啫通菜煲 $82熱辣辣上枱嘅啫啫通菜煲真係勁香！用蝦乾、少量肉碎、蒜頭爆香炒通菜好惹味🤤🔸例湯跟餐送嘅青紅蘿蔔湯，有齊三餸一湯😆食完就知點解餐廳好多熟客仔嚟食飯，呢度員工好親切，食物款式多之餘價錢仲幾抵食，仲唔洗加一，二至四人想食幾個簡單小菜的話就啱晒～ 性價比抵過去酒樓🤭🐾貓奴足跡🐾🌐大城小廚 (九龍城)📍九龍城福佬村道33-35號地舖…Read More

新鮮海鮮當然係蒸先食到食原汁原味😋最喜歡嘅主菜😆 龍蝦啖啖肉結實又彈牙仲好鮮甜🦞😋店員先送上6款新鮮海鮮：🔸加拿大野生海虎蝦🔸黃金翡翠螺🔸蟹皇大元貝🔸野生青口🔸韓國釜山蠔🔸野生鰻魚頭盤係自家製南非乾鮑，鮑魚結實味道偏淡，可以一試。全程由店員主理，我哋只係負責坐響到食😆時間同温度由店員控制，食緊嘅同時蒸下一款，熱辣辣出爐👍🏻🔸蟹皇大元貝自家製蟹皇醬超鮮甜！配搭大元貝上鮮味倍增😋🔸野生青口店員話青唔呢條鬚鬚「足絲」係野生青口嘅象徵，因為青口要抓實堅硬嘅物件防止被海水沖走。食落真係充滿海水味，完全唔洗點豉油~最後兩道海鮮：🔸澳洲龍蝦🦞🔸菲律賓奄仔蟹🦀🔸菲律賓奄仔蟹🦀大大隻奄仔蟹肉鮮嫩唔會蒸過龍，蟹膏仲好甘香。跟餐有少少蔬菜🥬，食到呢到已經好飽🤭全晚蒸海鮮嘅精華就響晒呢煲粥到🤩 用豬骨、粟米、粟子同頭先蒸嘅海鮮精華煲成嘅粥。男友仲特登拆埋隻蟹腳做海鮮粥😆 飽都食咗兩碗🤭海鮮蒸鍋有唔同價位，今次我哋食$449一位嘅套餐，以新鮮海鮮、服務親切又全程唔洗自己落手蒸嚟講，可以返轉頭👍🏻🐾貓奴足跡🐾🌐蟹仙海鮮蒸碢大公館 (銅鑼灣)📍銅鑼灣謝斐道500號維安商業大廈地下至1樓…Read More

香港寸金尺土，但呢間日式居酒屋竟然有棵櫻花樹響入面🌸 食物款式仲幾多～ 🔸玉子の大滿足💛 $108 （推薦🤩👍🏻）超厚玉子燒一定係是日MVP😍 好似食緊日式西多士咁😆好似綿胎咁鬆軟嘅玉子燒上面有滿滿嘅飛魚子好爽脆～配埋微辣嘅明太子同蛋黃醬好好食🤩🔸濃厚明太子醬撈烏東🧡 $78明太子醬+飛魚子呢個組合真係百搭又好食😋多到滿瀉嘅飛魚子😍🔸壽喜燒牛肉鍋🥩 $188 +稻庭烏東🍜 $25最鍾意食甜豉油壽喜燒🤎 牛肉有大慨5-6片，豆腐好嫩滑，菇菇同芋絲吸晒湯汁😋最後放埋個烏東落去煮簡直完美💯🔸荔枝牛肉卷串燒🍡 $68燒香咗嘅牛肉片包住甜甜嘅荔枝，清新解膩又好食～🔸鹿兒島一口豚肉串🐷 $38鹽燒豚肉串燒得幾香。🔸原味波子汽水🩵 $19呢度仲有棵好大嘅櫻花樹，環境真係好似去咗日本咁🇯🇵門口仲有個鳥居，周圍仲貼咗好多日版電影海報，店舖每一個角落都搵到唔少貓貓嘅蹤影🐱唔通店主都係貓奴? 😼想同朋友搵間居酒屋chill吓飲返兩杯，呢度食物款式多之餘氣氛都一流🌸🐾貓奴足跡🐾🌐 餓居 (太子)📍太子砵蘭街440號地舖…Read More

乜嘢係高加水麵條？🍜「W湯頭」？🤔唔同湯配唔同麵條？😮 食完呢碗拉麵長知識了🤭🔸豚x雞白湯拉麵🐷🐥🍜 $105雞白湯真係超濃郁😳 奶白色湯底結合豚同雞嘅精華，入口濃厚順滑，少少膠質但恰到好處唔漿口👍🏻豚x雞白湯嘅拉麵以含水量30%嘅低加水全麥粒麵製成，令麵條結構更緊緻，有嚼感而更有彈性。貓奴喜歡拉麵要有少少硬度，唔鍾意咁腍嘅就啱晒喇😋麵條食落仲有小麥香，配埋紫洋蔥粒同濃湯一齊食味道好豐富👍🏻🥚醬油溏心蛋好入味～🐷好大塊豚肉叉燒，微微黑椒香氣，肉質細嫩柔軟。🐥慢煮雞胸肉未至於好嫩滑但算做得唔錯👍🏻🔸地雞醬油拉麵🍜🤎 $108呢碗醬油拉麵淨係色澤已經好吸引🤩湯底較清澈但醬油味道好濃～表面睇落好似有啲油但食落唔覺得油膩。一路食一路睇後面拉麵簡介😆醬油拉麵係自家製嘅「多加水熟成麵」製作（全港第一間🤫）含水量高達38%💦 食落麵質好順滑，同醬油湯好夾🤤🔸雞皮餃子 $36雞皮外層烤到脆卜卜，外脆內軟。點埋蛋黃醬正～🔸柚子/葡萄梳打汽水 $28兩款特式梳打汽水好清新， 配炸物或拉麵都好解膩～餐廳好細心地提供髮圈俾客人扎起頭髮好好享受拉麵🧏🏻‍♀️食到中途想轉吓口味又可以落胡椒粉或生蒜調味。最後貓奴同男友清晒成碗，湯都飲到見底🤤🍜湯頭：店家強調以「W湯頭」做法，以日本地雞、豚骨、昆布、煮干（小魚乾）、鰹魚等等熬製成動物與海鮮結合嘅湯頭。兩款湯底各有特式😋🍜拉麵：對麵條嘅執著，唔同湯底配唔同含水量嘅麵條，食落口感同風味都好唔同👍🏻整體嚟講，由食材質素、準備及製作、餐廳環境，呢個價錢嘅拉麵算唔錯，難怪會平日夜晚去食都要排隊😋🐾貓奴足跡🐾🌐泓一拉麵 (太子)📍太子汝州街21號英來大廈地下E號舖…Read More

深水埗有手工漢堡？🍔仲有貓店長？😻🔸焦脆雞堡🍔 $78兩塊大雞扒加埋半溶芝士，一口咬落去好juicy~包身鬆軟帶微微牛油香，入面有爽脆本地有機菜同洋蔥中和油膩感👍🏻🔸芝士漢堡🍔 $88呢度係smash style嘅漢堡包，響鐵板上被壓扁嘅肉扒會更受熱，效果會更焦脆，較薄而且快熟啲～ 經典組合牛肉芝士生菜紫洋蔥係不敗嘅配搭，牛肉味濃郁juicy，自家製醬汁係巨無霸嘅味道。🔸金黃炸魚條🐟 （+$38 小食連飲品）食落有別於平時fish & chips果種魚條呢款帶魚肉嘅質感又有少少彈牙。🔸炸蕃薯條🍠 （+$38小食連飲品）外脆內軟，即叫即炸嘅炸蕃薯條甜甜地好好食～ 仲有4款醬汁可以去櫃枱自己唧。呢度有貓店長刀仔坐鎮，一坐低就蹼過嚟俾貓奴抱抱🥹 咁熱情得唔得架😚餐廳係Pet Friendly可以帶寵物嚟，下次可以帶朋友仔嚟俾刀仔認識吓😽🐾貓奴足跡🐾🌐Power Burger (深水埗)📍深水埗黃竹街2K號地舖…Read More

This is the Right Place to meet the Right People at the Right Time! 🍺👋🏻🤩食過就知呢間除咗係酒吧，仲係一間高質西餐廳😋🔸芝士焗墨西哥粟米片🧀 $98酒吧必叫小食之一，Nachos🤩 大大份嘅粟米片上有兩大pat滑滑嘅牛油果醬+ sour cream，配埋爽口蕃茄粒好夾！食到中間仲有芝士同少少肉碎，食到停唔到口🤏🏻😋🔸避風塘魷魚鬚🦑 $98西式酒吧x港式風味小食，避風塘做法夠晒香口惹味送酒一流🍺 魷魚鬚炸得酥脆而且一啲都唔韌，有驚喜😋👍🏻🔸西班牙海鮮鍋飯🦐 $308同男友不約而同地都好想試呢個西班牙海鮮鍋飯，有魷魚、大蝦、蜆肉、青口，底層飯粒吸晒海鮮精華再加高湯煮，濃郁入味而且軟硬度剛剛好。上面幾片檸檬看似裝飾，其實啖啖飯都有隱約檸檬香氣，幾refreshing~!好喜歡呢度嘅裝修風格，圍繞住尖沙咀寶勒巷呢一帶好有自己特色。見到有live band setting，相信呢度Happy Friday / Weekend一定好有氣氛☺️難怪咁多熟客仔收工嚟飲返兩杯🍻🐾貓奴足跡🐾🌐The Right Place (尖沙咀)📍尖沙咀寶勒巷17-19號地舖…Read More

乾燥嘅秋冬季節🍂 就會好想飲返碗靚湯暖下胃🥰🔸燉湯套餐 $88🐾前菜雲耳惹味爽口🐾姬松茸栗子補氣雞湯原盅燉湯材料好豐富，有煲到粉糯嘅栗子，滿滿菌香嘅雞湯飲完非常暖胃❤️🐾滷水排骨、豆腐（+$10）、雞翼（+20）米線滷水排骨好大條而且滷得幾腍，豆腐滑到斷開有豆香🤣 雞翼幾大隻好入味。米線唔係煮到過腍嘅粗米線，加埋自家製滷水汁成碗清晒😋🔸羊肚菌淮山粟米雞湯 $88羊肚菌香加埋粟米好清甜，湯頭濃郁無味精飲完都唔口渴👍🏻🔸奶鬆炸饅頭 $28饅頭炸到脆卜卜，加埋煉奶同肉鬆紫菜，鹹鹹甜甜真係最佳小食😋 不過價錢稍為進取咗啲🤫響附近返工又想飲啖住家靚湯嘅上班族，靚湯限量供應，記得早啲嚟🤭🐾貓奴足跡🐾🌐悠悠食堂 (鰂魚涌)📍鰂魚涌海光街11號地下3號舖…Read More