紫紅's Profile

早幾日食左西餐，今次食台灣野，朋友介紹將軍澳呢間那個唔錯，抵食又樣樣水準平均，去到已經要係出面排隊喇，好在我地等第二張就得，除咗入坐，仲有好多人等外賣。主食叫左個紅燒牛腱湯麵，想試多啲其他野，個麵加底share，牛腱厚身大大塊好夠林同入哂味，湯底另上，好有台灣味道。跟餐$15仲有杯黑糖波霸奶茶，好多珍珠，覺得比平時既大杯啲添，物有所值呀。小食叫左鹽酥雞 & 澎湖起司花之蝦餅，都好食喎，大人細路一家大細都啱食。食到飽哂仲攞走先二百幾蚊咋，下次再黎，好多野食仲想試呀。…Read More

阿囡話好掛住呢度既 tiramisu 要黎食，俾佢講到我都好想食，點知落order 時話今日 lunch 時段已經賣哂喇，遲來了一步，唔緊要，小朋友好易滿足，黑松露薯條補上，熱辣辣外脆內軟好好食。Carbonara Spaghetti 個人覺得要汁夠才好食，每一條意粉都黏著，加埋有少少鹹味既肉粒，真係好夾。Aloha Pizza 製作需時，我地啱啱食左個意粉就上枱，皮底薄，邊咬落有啲似法包咁，最鍾意襯熱食，嘆埋杯Apple Thyme 好享受。今晚好早未到7點已經滿坐，有幾枱都係慶祝生日，呢度都好適合呀。…Read More

杞醉上至服務主食，繼而前菜醬料甜品都好滿意。上網搵食見到位於荔枝角呢間小店，本身我哋唔係住呢區，又唔想收工去攞完兜一大個圈，於是乎膽粗粗問下有冇送貨，溝通清晰，第一步食得開心先。收到貨包裝整齊乾淨，食慾胃口大開，打開支酒味聞下香香甜甜的。首先雞半隻先落一半，計準時間食好嫩滑有雞味。再食下其他配料，最鍾意手工韭菜豚餃子，皮薄新鮮足餡。仲有滑、蔬菜、米線、雪花肥牛，等緊一鑊熟嘅時候，食下醉花甲和蝦，好正好入味，屋企人個個都讚。壓軸驚喜唔好以為係魚蛋，係芝麻湯圓呀，夠哂飽喇，重點係相聚時間圍埋一起說說笑笑。…Read More

暑假梗係要玩水！玩完特別肚餓！今年天氣麻麻，好多日都落雨，呢日真係好好彩，黎到西貢玩到好想玩既獨木舟大半日。中午抖下是但食啲野算，玩完舒舒服服食餐好去左隔離酒店。好鐘意呢度樓底高，有天然光射入餐廳，感覺好放鬆。睇餐牌已經被燒龍蝦尾通心粉吸引住，上枱龍蝦汁加芝士好香，唔好以為得上面隻龍蝦尾有肉，通心粉入面都有一粒粒龍蝦肉，超有驚喜，口感相當豐富。另外仲叫咗個 Burger，最經典嘅安格斯牛肉加煙肉加芝士配薯條，我心目中嘅完美組合。店員仲好細心問需唔需要分一半上碟，夠肉味夠 juicy，忍唔住加杯啤酒，一流享受！阿女就嘆雪糕！…Read More

充滿人情味嘅「月爐．端燒」發現近「旺角東」火車橋隔離有一間靚靚居酒屋，果然無揀錯💕一入到鋪頭就聞到香𠿪𠿪嘅串燒味😊 原來係分上下兩層，上層係日式榻榻米，我哋星期四晚去到已經滿坐（主理人話最好預早兩三日訂位）今次我哋坐下層係bar枱，可以睇到廚師即席料理，又可以同主理人Chole談天說地，開懷暢飲，香港好難得咁有heart❤️做嘅餐廳。嚟到居酒屋，梗係要串燒配美酒啦！我哋叫咗幾款串燒，欣賞廚師好有耐性烹調，全部都燒得好好。特別特別特別係燒雞皮（無先炸後燒）好有心機，耐心等候，係與衆不同！唔叫實走寶！鵝肝多士$$68，鵝肝一啲都唔苦，唔會太咸同埋太油膩，味道係啱啱好，燒起熱辣辣夾多士真係絕配。串燒白鱔@$68，白鱔夠新鮮，燒起嚟皮脆肉厚，脂肪香噴噴，好在老公點咗一人一串，太滋味！推介佢哋自家秘製香印葡萄酒@$48一試難忘，連平時唔好日本酒嘅老公都飲到❣️感謝一下主理人Chole嘅招待，樂在其中，坐bar枱其他食客都傾得好開心。…Read More

星期六囡囡課外活動前，去咗觀塘海濱匯食飽飽先，教大家搭巴士，喺定富街站落車，行過去5分鐘唔洗，非常近。Truffle Carbonara Linguine 松露卡邦尼扁意麵 $108 松露味道香濃而馥郁，扁意粉都掛滿Creamy Carbonara 嘅醬汁，除了味道配合得剛剛好，扁意粉的口感都彈牙充足非常有口感，每一啖都有煙肉。10” Handmade pizza （Margherita) $138羅勒葉新鮮，茄醬酸度頗高夠開胃，Buffalo mozzarella口感綿滑，有淡淡的奶香中和咗茄醬嘅酸味，餅底香脆，係會掛住嘅手工薄餅我哋+ $35 Tiramisu，香滑，不會太濃嘅酒味，小朋友都食得到。餐廳坐得好舒服，樓底高，人流唔會好似一般商場咁多人咁嘈，仲鍾意佢有自然光射入。…Read More

朋友介紹我黎食 $98 唔洗另外加錢食個 main 都得，天氣咁熱，如果淨係想食啲沙律、甜品、炸物、飲個湯、飲杯嘢坐得舒舒服服啱曬，仲要高質，服務態度好好。出去行個圏，頭盤有長通粉、沙律（自己加醬、芝士、麵包粒配料）、調咗味嘅西瓜配青瓜，滿意喎。再出去攞轉熱食薯條同麥樂雞。見到隔離枱脆皮豬腩伴香草燒菠蘿 +$78 樣唔錯，心思思我都落左order，正常份量黎架，有啲厚度同真係好脆，配日式洋蔥汁感覺開胃，咬啖菠蘿既水果汁，食完一塊會想再食。驚訝嘅係呢度甜品竟然有 CANELE，外形小巧可愛法式小甜點，著迷到一個點，外皮焦糖化，內部柔軟且帶有濃郁的香草和蘭姆酒。…Read More

去一間唔係東大街既餐廳，A3地鐵一出穿過巴士大總站，對住馬路邊就見到呢間位於地舖西餐廳，注意星期一休息呀。午市都幾多選擇，沙律、意粉、飯、各類扒，揀食咩都諗左陣。呢日黎到要等位，坐左一張幾隱蔽嘅枱，店員都會好留意去招呼我地。餐湯羅宋湯唔意外一定必有，特別在紫薯湯，唔會太甜，仲好濃紫薯味道，鍾意紫薯既人可以一試。扒方面會全熟上，份量都好大份，我地一致好評炸薯角，外皮薄脆內軟好香口，比起薯條更愛薯角。對蛋有唔同喜好既都有選擇，分別炒蛋、烚蛋、溫泉蛋，廚師好週到。沙律，餐飲，甜品都包括係呢個豐盛全餐內，既享受有滿足。…Read More

每逢星期日或者假日呀，想同阿囡食個早午餐就第一時間諗起呢度，休閒放鬆嘅好地方，近地鐵站巴士站，之後去邊都就腳。上次黎食牛，今次食豬先，厚切啖啖肉喎，呢塊係豬梅肉嘅關係，就算切大舊啲食都好易咬，加埋啲燒烤醬，好有高質叉燒嘅感覺。兒童餐既長通粉係大筒型，食落去啲肉醬係曬入面，欣賞佢煮得乾身啲唔會有啲醬汁係咁滴到四週圍，小朋友自己可以處理得好好。薯條同set lunch嘅原來都有分別，無咁炸同唔辣，細心度十足。中午時間天氣好熱，追加埋個甜品雪糕食，好幸福呀，仲有唔同味可以揀，估唔到賣相仲好靚有花花，超值。…Read More

黎啟德咁多次，第一次嚟到雙子滙，搵食超級方便，地面SOGO崇光百貨呢層有𨋢直到12樓食滙堂，地方低調得嚟又高貴。我哋嚟食咩？我哋嚟食豪華版大阪燒，平時食平民版，嚟到梗係要點鵝肝，我確實係衝住佢而黎嘅！留左位邊睇邊食坐靚位，日本師傅整大阪燒好有架勢，一對手整8個絕不手軟，色香味俱全，外脆內軟一啲都唔粉漿，阿女睇到眼凸係咁讚。講返個糖醋漬青瓜八爪魚，好值得提嘅前菜，我覺得係同大阪燒好夾嘅，食食下大阪燒再食幾舊好開胃。份量size好夠飽，阿囡蛋包麵食唔哂，可以外賣帶走到成半份，留俾爸爸咁話。嗰個大阪燒鐵鏟有大中細，期待有mini版，如果有扭蛋就好喇，好可愛好鍾意💞…Read More

慢煮手撕豬腩窩夫三文治 $152一入到去已經見到差不多每一枱都叫呢款，就試一試。幾有驚喜，慢煮豬腩非常之腍身而入味，因為係手撕，感覺棉密，絕對唔會感覺到豬肉嘅硬，再配搭熱、香、脆嘅夾餅食係外脆內軟喺口腔入面交雜，加上芝士香，好有新鮮感！慢煮牛面頰肉配扁意粉 $172欣賞佢嘅牛面頰炆得非常之腍身Juicy兼入味，值得一讚佢係以另外一個小窩上嘅，所以keep到溫度，要食意粉嘅時候再夾一件牛面頰，每一啖都係保持味道，而牛肉仲食到紅酒香氣，可見廚師嘅細心位🫶🏼👍🏻(自家製8寸酥皮薄餅)意式蕃茄肉丸芝士酥皮薄餅 $152廚師非常大膽創新！因為從未試過用酥皮薄餅底，蕃茄肉丸鮮嫩多汁，加上芝士係絲嘅效果，非常滿足😌👍🏻👍🏻叄重大古力麻糬窩夫配朱古力雪糕 $84佢嘅窩夫底係麻糬做嘅，煙煙韌韌而軟綿綿，再配搭朱古力味濃嘅雪糕，簡直係完美嘅句號！食物嘅份量非常之足夠，所以如果大家想有口福，又想試吓創新嘅菜式，推介大家嚟呀。…Read More

觀塘地鐵站一出就係，望到工業中心行幾級樓梯轉彎就到。叫左2款好啱小朋友食既壽司，全部用熟既配料製作而成，擺盤好靚，好有食慾呀。（（搖滾樂））---- 鰻魚、芝士、炸蝦、牛油果（（蜘蛛））炸軟殼蟹、青瓜、牛油果、蟹柳仲叫左個日式麻醬豆腐沙律，細份但都比心目中大碗呀，豆腐面加上芝麻食落味道好有層次，吸引左隔離枱都嗌返碗試下添。串燒2串都好好食，特別係食左壽司先，再有啲熱野食入口，荔枝同露筍有本身既水份，加埋燒香左既鹿兒島豚肉包住一口吃係正！…Read More

啟德站越來越熱鬧，最近帶小朋友出門既熱點，地鐵站一出已經有好多公園商場玩樂餐廳，又齊集又新。日本拉麵大人小朋友都啱，紅色招牌經過見到好搶眼呀，6：30pm 嚟到已經要係門口排隊等位，唔係攞飛形式，20分鐘左右有枱，我哋4個人俾咗張卡位我哋。極品叉燒拉麵足足有四大塊叉燒，都比平時嘅多，湯底好夠濃，愈食會愈想繼續食，亦唔會特別口渴，滿意呀。炭燒雞軟骨串有醬汁包住，好似粒魚蛋嘅雞軟骨唐揚炸雞即炸起嘅感覺，好熱好熱，咬落去好嫩滑又有肉汁唔乾上菜速度好快，店員效率好高，我哋坐低到走只係用咗45分鐘咋！相信一定會再嚟！…Read More

打卡聖地！全院滿座！已經再度拜訪，好好彩等一陣就有枱，被阿囡同氣氛感染，身處係度我都覺得 PC 狗好得意。不流都有儀式感既我地倆母女，點哂全部PC狗既食物勁心花怒放，係咁映相係咁映相，隔離枱原本諗住唔嗌PC狗拉麵最後都嗌左，食野最緊要食得開心。整體食物都唔錯，我特別幾鍾意小食係蒸既，蝦餃有驚喜，唔係中式食開嗰隻皮，有種日式版本感覺，平衡返拉麵濃味，甜品就算見佢色彩繽紛，都唔會太甜，好飲又好食架，創作唔洗講連埋心思簡直滿分。野食上枱速度好快，見到店員做嘢好認真摩打手執枱落單收錢，讚！…Read More

小朋友口味成日變，個期鍾意食烏冬，呢期鍾意食長通粉，最近鍾意打邊爐，阿媽唔周圍搵食點得。搵到觀塘米線芳華假日中午都可以食一人靚湯鍋，揀咗穀飼肥牛、蕃茄湯底、公仔麵，跟配火鍋拼盤(有蔬菜類和丸類)，自助醬料區，仲有杯熱飲，$78，服務都唔錯，主動加湯呢啲細心位。唔使再同阿囡share個米線，我梗係食辣，揀咗四川麻辣湯，第一次嚟食我會揀微辣，試左都真係辣嘅，唔係無料到架。米線份量都多，口感爽彈煮得好適中。炸野配餸會另上係值得讚，尊重食物又尊重食既人。…Read More