Stupid2025's Profile

光顧原因：兩年前食過鐵板西冷牛扒餐，當時三份一塊牛扒都係筋，極度失望，再冇光顧。今天經過餐廳樓下，知道星期一至六下午2點至4點，全單8折。這扒餐8折後只$66，價錢相當吸引，再試無妨。日期/時間：2025年9月17日 星期三，14:04環境：位於工廈內，餐廳環境寬敞、氣氛舒適，有不少寬闊卡位。下午茶時段人流較少，可慢慢享用。上菜速度 : 10 分鐘食物：鐵板西冷牛扒餐（黑椒汁）配薯條椰菜、跟餐送熱阿華田。味道/份量：牛扒份量十足，沒有因為下午茶時段提供8折而份量縮水，值得一讚。落單時向侍應要求扒要少筋，果然做到，喜出望外。 牛扒嫩滑多汁冇筋，牛味濃郁，超滿意。冇筋可全部食晒，超值 ! 椰菜和薯條鋪滿鐵板，份量各佔一半。椰菜味道正常，薯條有鹹香，少部分仍脆。阿華田味道正常。價錢：午市正價$82 ，星期一至六2點至4點，全單八折，八折後只$66。性價比高，超級抵食 !服務：侍應和廚師重視顧客要求，服務唔錯，抵讚！衛生：乾淨企理，衛生情況良好。下午茶時段見到員工拖地，進行清潔，為晚市作準備。p.s. 餐廳社交平台有提供每月午市餐牌**結論：整體性價比高，食物美味、份量足夠，8折抵食，大滿足！ 希望水準可以保持💪🏼，值得再回訪！…Read More

日期/時間：2025年9月5日，14:20環境：工廈的一般環境，舊式茶餐廳的一般裝修，沒太多座位食物：我在下午茶時段叫午餐 馬拉盞海鮮炒飯、茶樹菇合掌瓜雞腳湯、雜果涼粉冰，合共 $42味道/份量：炒飯很大碟，似正價時段份量。熱辣辣有鑊氣和蛋香撲鼻。炒飯粒軟硬適中。海鮮配料豐富，包括蝦仁、蠔仔及蟹柳，味道唔錯。附送的例湯是用小湯碗盛載，份量十足。有一隻雞腳和幾件合掌瓜。味道合格，飲完冇口渴。套餐還附送飲品，可免費升級特飲。都幾大杯，內有很多涼粉和雜果，雜果以菠蘿為主，味道合格。價錢：我揀的午餐午市正價$46 ，下午茶時段 14:00後所有午餐一律$42。服務：正常衛生：正常，合格**結論：1）美味、份量多 ！14:00 到這裏叫午餐，超值！假如我今天食最貴的午餐$54，下午茶時段只$42 ，會慳 $12，慳咗嘅錢可以拮多串魚蛋或燒賣2）今時今日百物騰貴，茶餐廳的午餐不會同時送例湯及特飲，食完超級飽 ！ 呢間小茶餐廳好難得，性價比高，值得支持💪🏼3）早餐的粥餐和超值早餐，價錢相當吸引，我考慮下次嚟當午餐食4）順帶一提：今年3月我首次幫襯，下午茶食咗生炸大雞髀，雞皮好脆，調味相當唔錯兼肉汁豐富，當時忍唔住破例食晒所有雞皮，超有罪惡感…Read More

8月27日下午茶時分，我第一次去觀塘康寧道閔味千里香餛飩皇，點咗20隻嘅全家福小餛飩（上湯湯底），正價$41，下午茶時段有9折抵食優惠，$37就食到，超值！餛飩包括五款口味，每款都有豬肉香味，皮薄又滑，湯底清甜不油膩無味精感覺，我忍唔住飲晒都唔覺口渴😋👍🏼。餐廳細細，企理乾淨，有紙巾供應。見到店員手包餛飩餃子，好有誠意。下午茶時段人少，座位舒適，靜靜地食好輕鬆，好飽好滿足，期待下次試餃子🥟！…Read More