chantlok's Profile

平時去親葵芳都只會去葵興廣場食野，都唔知有個葵芳廣場，所以都搵左好耐先搵到，所以都夠哂隱世，但係環境幾好，同埋pet friendly會有埋pet menu 可以比你地既寵物食，但係就要坐戶外食。我地兩個人叫食左龍蝦濃湯蟹肉帶子麵，蝦多士，炸薯條配黑松露蛋黃醬，菠蘿青檸紅菜，帶子南瓜意大利飯，芒果沙冰。但係都會推介食龍蝦濃湯蟹肉帶子麵，入面有好蟹肉，個湯麵十分濃蝦味。但係炸薯條就可以自己考慮下，因為個人覺得個黑松露味冇咩，似係沙律醬…Read More

中環食咩都貴，經過見到呢間日式餐廳外表幾精緻同幾多選題可以比我配搭，都不禁走左入去食。佢唔同配搭都要唔同價錢，但係有幾樣野都想食，最後叫左個和風定食，就包左湯、主菜、小菜同飯。湯都加左10蚊叫左個法式龍蝦濃湯、主菜就叫左自家製野菌醬燒和牛漢堡扒、小菜就叫左明太子醬厚燒玉子、飯就都加錢叫左北海道蟹膏蟹肉味噌飯，但係呢個飯就要加20蚊，最後都食左$150。但係個和牛漢堡扒個汁就好濃味好好食，個龍蝦湯都值係加錢飲，但係小菜就未必需要同個飯都未必需要加錢換…Read More

兩個人在夜晚去左呢間越南餐廳食野，雖然話係越南餐廳，但係感覺上比較似泰國餐廳，我地叫左個大蝦冬陰功湯、香辣豬肉碎生菜包、金不煥香辣牛肉炒金邊粉同燒牛柳芒果青芒絲沙律。香辣豬肉碎生菜包幾夠酸，夠哂開胃，唔會食到好滯。燒牛柳芒果青芒絲沙律就正正常常。大蝦冬陰功湯就一人都飲到3碗，都幾足料，亦都幾夠味夠酸夠辣。金不煥香辣牛肉炒金邊粉就炒落唔會好乾，亦都十分足料。食完之後仲可以叫埋佢另一間舖既糖品，但係食左多野都好飽食品落，有機會都會再去食…Read More

今日突然好想食韓國湯野，見東涌又冇咩韓國餐廳做選擇，就叫左個韓式海鮮辣湯麵食，但係個麵底係拉麵唔係公仔麵，食落太淋，一pat pat咁，唔係特別好食，個湯底又唔夠辣，直程冇咩味，入面d海鮮麵唔係好多，有少量蝦同魷魚，但係少到同冇食有分別。別外瑞加左個小食食，小食就叫左個魚片頭，凍左d，但係就好食過個麵。65蚊就唔算好抵食，唔知係整好哂定係人手充足所以先咁快手，等左幾分鐘就有，如果唔想等就可以食呢間。…Read More