JanetFung的個人專頁

有時唔知晏晝食咩好，又唔想食飯，呢間又唔同size嘅燒雞俾你揀，叫咗個¼隻燒雞，再配焗薯，焗雜菜，佢啲雜菜有一浸孜然味幾好食，薯仔連皮焗又好香，燒雞雖然係¼件，但係都好大隻，再加埋一支檸檬水，真係好夠飽…查看更多

依間餐廳已經好多年，價錢合理食物質素又好高，最鍾意佢個蒜蓉包，烘得外脆內軟，雞肉多利亞又好cream好好食，其他意粉都好大碟， pizza夠薄夠鬆脆，平時夜晚都好多人等位，下午茶有時去食個pizza杯嘢飲已經好足夠。…查看更多

晏晝唔知食咩好，入去食咗碗牛腩麵，牛腩份量算多，但係舊舊都好肥，有一大嚿肥膏，11點後加凍飲要加$10 ，其實都幾貴，舖頭只收現金，冇現金係身都幾唔方便，食食吓見到個阿姨喺廚房食煙，心諗咩事呀，門口咁近都唔行出去食要喺入邊食，即刻覺得衛生程度好惡劣…查看更多

好耐冇食意粉屋，以前好鍾意食佢嘅芝士火鍋，今次隔咗好多年再試吓佢啲Pizza同意粉，我哋叫咗一個肉醬千層麵，同埋一個Pizza，個千層麵比較鹹，但係好多肉醬， pizza好足料，個Pizza皮邊，好脆好香口，有啲蒜蓉味，兩個人食都已經好飽，本身諗住嗌甜品，但係佢得三款唔係好吸引。…查看更多

上網見過有人介紹呢間貓貓cafe幾chill,路過入黎試下，佢有兩層，地下係食嘢嘅，上層就只得飲嘢，上上層都有少少麻煩，要買外賣杯嘢飲，又要換拖鞋，又有鞋架比人放鞋，有啲論盡，叫左杯熱朱同一杯叫babychino，諗住babychino 25蚊平啲就試下，點知一飲係冇味嘅奶，朱古力都好普通，45蚊，不過上到去都坐得幾舒服又靜，同埋貓貓同地方都幾乾淨，整體還好…查看更多

平生好少食Jolibee，今日路過又準備返工，於是買個外賣返公食，但係午餐時間真係好多人，個個都排隊買，叫咗個炸雞餐配個蘑菇飯，蘑菇汁唔夠多，但係炸雞我覺得好食過第二間快餐店嘅炸雞，價錢同第二間快餐店差唔多。…查看更多

同朋友入咗去試吓，我哋買咗份醉雞肉，味道係唔錯，都幾香酒香味，嗌咗一個蟹粉撈麵，其實一路都未食過，所以都好期待，但係蟹味唔重，覺得冇咩味，另外嗌咗一個牛肉牛筋鍋，都幾多料，兩個人食都好飽，但係價錢唔算平。…查看更多

今日同男朋友兩個去咗松記食糖水，依家係我哋第一次見面嘅地方，所以好有感覺，我哋每人嗌咗一個糖水，佢叫咗芋圓仙草，我叫咗鮮雜果涼粉，生果嘅份量都唔少，芋圓好煙靭好有咬口，同埋份量唔算細碗，價錢又唔算貴，不錯。…查看更多

琴晚同男朋友兩個喺明星食飯，叫咗一個脆鱔球，佢啲鱔肉都好大嚿，我另外嗰皮炸到好脆好惹味，因為有黑椒，另外加錢加咗個羊腩煲，雖然冇生菜墊底，但係羊腩好腍好入味，仲有叫咗條魚，好新鮮好大條，明星夜晚食飯都幾抵。…查看更多

下午茶嚟咗呢度食，揀咗個豬扒包同薯角，豬扒包個包烘得好脆，雖然塊豬扒細咗啲，薯角真係勁多，好香脆好好食，另外叫咗杯凍檸茶，佢唔係普通兩片檸檬嗰啲檸檬茶，係鮮榨檸檬嘅檸檬茶，夠酸夠味。…查看更多

今日情人節，朋友訂咗枱請我食西餐，之前都食過幾次呢間，西餐嚟講都算平，而家情人節有優惠一人套餐都係300幾蚊，有五隻生蠔，，生蠔好新鮮，有沙律，龍蝦湯好濃郁嘅龍蝦味，跟住主菜揀咗牛柳同埋海鮮龍蝦意粉，牛柳好腍，龍蝦意粉雖然佢寫原隻龍蝦，但係開邊後兩邊都係唔係同一隻，一大一細，唯一唔好嘅地方我哋冇叫上甜品，我哋仲食緊主菜嘅時候佢不停送個甜品上嚟，同佢講咗三次未食完個主菜，第四次佢堅持要上個甜品，搞到個雪糕溶晒，除咗上菜時間呢個問題之外，其實所有嘢食都係唔差嘅，佢個Tiramisu係好好食，總括嚟講呢間餐廳都好適合情侶去食，因為夜晚有結他手喺度一路自彈自唱，係好有氣氛的。…查看更多

今晚喺大埔路過一間西餐廳，見入面有紅磚牆嘅裝潢好似都幾有西式嘅味道，於是入咗去，餐牌上見到好多好港式西餐廳嘅菜式，我哋叫咗一人一個餐，有雜扒餐配薯條，另外一碟係有雞翼豬頸肉煙鴨胸牛柳粒龍脷柳配白飯，雖然睇落好似好多嘢，但係一個人食應該緊緊夠飽，味道唔差嘅，但係塊牛扒真係好薄，不過又唔係平時用鬆肉粉醃到好腍嗰啲牛扒，都好有牛味，但整體價錢偏貴，都要過$100一碟。…查看更多

今日遲咗，攞唔到飛買外賣返屋企食，我哋嗌咗兩個一人前，雖然外賣冇咁多款揀，而且係set好晒冇得揀款，但係刺身都好新鮮，亦都好夠食，每人都有大約10件壽司，外賣都唔錯嘅選擇。…查看更多

今日經過MOKO，見到好多人入去呢間食，於是入去試吓，我哋叫咗一碗原味牛肉麵同埋一碗紅燒半斤半肉麵，個湯好濃味，牛筋勁腍，牛肉都好腍好香，啲麵就少咗啲，不過味道唔錯…查看更多

我同朋友好鍾意黎呢間泰國餐廳食泰國菜，因為價錢唔算貴，又有質素，我哋好鍾意食佢嘅生菜包，我哋唔係食得好辣，我哋揀咗小辣，另外叫咗個泰式拼盤，同埋咖喱牛肉加薄餅，兩個人食三款菜已經好飽，咖喱好香，又唔辣，薄餅好鬆脆，配埋咖喱汁一流，而餐廳入面又大間，啲位又坐得舒服，值得再嚟。…查看更多