BIG TING*'s Profile

朋友生日特登過黎試下佢個嫩雞煨麵，滿心期待點知一啲都唔好食。我地想試個蟹粉撈麵，所以將嫩麵變左年糕。先講個雞肉年糕（嫩雞湯底配年糕）（$5x）：一睇，奶白色好好味咁啵！點知一試，我同朋友對望一眼：無味既？！ 咩濃郁奶味個啲，完全唔覺。咸味又無，淡maumau，枱上亦無鹽胡椒之類。雞粒ok既，正常味囉。最後係配埋少少蟹粉一齊食先清哂。蟹粉撈麵（$8x）：蟹粉好味既，呢個價值少少貴，好在味道唔差服務：個年長呀叔服務態度都幾差，好似唔憂做咁。睇緊menu時問佢menu上面個雞肉年糕係咪姐係嫩雞煨麵轉年糕，口upup唔知搭咩，再問佢又話差唔多啦！跟住落單時再問多次想confirm係咪同一個湯底（驚叫錯），又係唔知答乜，係隔離煮緊野食個姐姐答話係呀一樣架總括黎講係完全唔值得黎食，經過都唔會再食，就連咩都食既朋友都話呢餐野曬quota…Read More

好難食上個月黎食的，明明打左個食評，唔知係我無按提交定唔見左？！個日9點後入黎食，滿心期望，點知難食到一個點。我叫左個醉雞米線（+$10轉雞髀）個湯似冬瓜湯咁，好似好清甜，一飲，嘩！！咸到好似味精唔洗錢咁！！咸到苦！真心未飲過咁難飲既湯底，無任何味得咸味！個醉雞好重酒味，但一啲都唔好食，得咸味！雞鞋、肉少！男友就叫左個醉雞飯，佢都話重酒味，但唔好食。咁難食既麵真係第一次食，請都唔會再食...我同朋友講，佢走左去試，佢話以前好好食，而家係難食到接受唔到。50幾蚊一個餐食啲咁既野真係唔會再食好多年無寫食評，但佢難食到我忍唔住要即刻比番個差評佢…Read More

當晚被安排坐上層，點完餐，等左9個字，傾到口乾之際先發現水都無比杯（問左waitress,聽唔明佢個啲唔知邊到口音既英文，大概意思應該係水要比錢啦我估） 但叫左的餐飲係咪應該上左先？竟然坐左成粒鐘野飲都唔上杯.......再等多陣，野飲到，凍檸茶兩杯，正常味道。再等一陣，是日餐湯無蕃茄湯，只有「蘑菇湯」，有粒粒蘑菇在內，湯啡啡地色的，飲落唔會好滯，唔錯！ 而餐包牛油是比較淡味的。然後又到左漫長既等待時間啦。等到頸都長，前菜到：「蟹肉餅沙律」「青蘋果帶子酥盒」。幾好味，蟹肉餅剛炸起，不過當然唔係蟹肉絲，味道整體似日式炸薯餅，但味道ok;青蘋果酥盒都好味，不過如其他食評所講，酥盒唔熱，熱會感覺好啲；伴菜的沙律好fresh，dressing酸酸地唔會好油，掂！主菜： 「bbq豬肋骨」「龍蝦汁海鮮意粉」先講個ribs，佢面頭個醬係茄醬，直情點薯條個啲，一開始覺得怪怪地，因為食開都係美式甜甜辣辣的醬。但食食下又幾好食喎！再加啲tabasco，好味！肉夠多（ribs要夠多肉食落先爽^_^）又唔會好多肥肉，食到lamlam脷！龍蝦汁意粉：唔會非常impressive，但食落係西餐廳水準，舒服的味道！ （其實係詞窮唔識形容，哈，但我味道唔錯架）甜品：紫薯朱古力心太軟配雪糕流心狀態，不過唔係一叉開就山泥傾瀉個種。加紫薯好特別！睇到啲內餡係帶紫色，紫薯味中和左部份朱古力味，本身我唔太鍾意太重朱古力味的甜品，會好漏，而呢個絕對係岩我心水！好味好味好味！（重要的要講三次）食物上面係幾好味，但呢間餐廳既service令我地都一致認為唔會再去呢間分店。唯一得幫我地落單的女侍應正正常常，另一個全程大部份時間黑面，服務奇差！上完ribs 碟都唔比隻就行開，叫先識比（做餐廳預先或隨後即時比餐具係基本野啦）食到尾叫佢可以上甜品啦，即時黑哂面唔應機！無錯係真係180度變臉個隻黑面找錢時態度亦是非常惡劣！下次想食時會去銅鑼灣分店，絕不會再來灣仔呢間！…Read More

第一次食呢到既心太軟，叫左百利甜酒朱古力心太軟，黎到個陣店員話估計呢個應該唔夠流心，果然一挖係得好少流心，店員話食住先再整多個比我其實個味道幾好，只係無乜流心姐。之後再黎多個，外層脆，裡面多左流心但係都唔係好多，不過已經食到好飽啦店員話可能酒味呢個無咁流心，我再研究下，原味流心朱古力個個會好流心，食住先再整多個比你不過真係食唔落，一連食兩個好有罪惡感，哈哈，男朋友又唔食得蛋只可自己KO哂兩個。不過感覺到店家好有HEART要做好d甜品，靜係呢樣就已經值得讚下次要黎要試一試綠茶心太軟先，睇到相流心十分多！…Read More

去完土屋順便黎呢度試下佢出哂名既墨魚 可能都仲未好晏所以得幾個人排隊揀左墨魚同埋雞腎打開個袋聞覺得唔係太討好 甚至..有少少臭 可能係D醬(應該係源至芥辣)既問題啦撇開D醬都唔算差既 至少都幾爽口 不過食物本身好似無咩味 尤其墨魚 得個爽字見到周圍都幾多人係生腸 奈何由細到大都對呢樣野無咩好感 熒光橙色感覺麻麻地…Read More

睇戲之前特登黎土屋呢度買木糠布甸....入到去 成間舖都算幾大幾多位..不過有少少暗沉 只係得一抬兩個人係度食緊野本來想話食榴槤木糠布甸(雖然未係當造) 但係無 唯有揀綠茶味既老闆娘幾細心 知我買外賣拎走應該未食住就主動問洗唔洗冰鎮然後用個發泡膠碗裝d冰 上面就擺個盒木糠布甸到左起碼一個鐘之後先係戲院度食 都仲係幾凍呀一畢個陣好似有少少雪既聲 不過原來都唔硬 仲有少少過軟 應該係因為太耐先食啦不過就真係好creamy呀 而且又唔滯 買個陣無留意 食落先知原來上面係oreo餅碎而唔係瑪莉餅碎d餅碎就真係甜左D 而咁濃既朱古力味配埋淡淡既綠茶味都可以平衡番整體黎講如果唔係D餅碎咁甜既話真係好好味 唔知係咪係黑暗環境下食啦 感覺上好似食極都食唔哂咁下次睇戲都一定會黎買番個木糠布甸 不過一定唔會咁遲先食…Read More

上一次食呢d圈圈已經好耐之前了，係上年年中，個時都係買左個拖肥味既，印象中係新鮮熱辣岩岩整好，個時食落真係超感動好好味呀係食過最好味既1次，就算搭車番到屋企都仲係好好味，又夠甜又夠香，雖然係油左d不過唔介意為佢犧牲一次！但係前幾日食個個就真係麻麻地，一心出去順便食埋回味下d pretzel，買左2個，1個拖肥1個sour cream&onion，加杯檸檬汁，合共$34左右拖肥味見佢都擺左幾個係度就無考慮到究竟係咪熱既，但係拎到上手先知原來都凍哂，今次雖然個面都仲係有個d拖肥味粒粒，但係明顯已經少左好多～食落，真係唔熱，又無左外層個種微脆既感覺，而且焦糖味又唔夠，所以食到無咩感覺，靜係知食緊舊甜甜地既麵包條sour cream & onion食落似淡味既sour cream&onion味薯片，因為佢只係灑d sour cream既粉係pretzel上面，食落其實都唔係好大洋蔥味，除左真係食d有多d粉係上面個舊啦～到食到尾個陣先見到好多粉係度，早知就一路食一路痴多d呢d粉啦 不過整體上味道都係麻麻，可能因為中意食甜既多d啦檸檬汁唔錯呀～無上次咁甜了～多番份檸檬既酸味，剛好可以消除下pretzel既膩滯感揀第2個個陣問左下店員既意見，佢話杏仁啦杏仁幾好味架，之後就已經想幫我入落去袋度我都未揀好～之後求其揀左個肉桂味～不過佢岩岩打好單個下我想換番做sour cream & onion，點知受到佢不屑既眼神～我都知我係應該揀定先講既，不過如果真係唔換得我可以唔換～但之後佢都換番個sour cream既比我～問佢可唔可以剪埋，佢話加$2，我ok，佢一路剪一路就悔氣又不屑咁話:"小姐下次要換就早d啦.....唔係剪左我地賣唔出架" .. 搞到我好疑惑：明明我話要換個陣都未剪/未話要剪?只係岩岩袋入去咋喎?總括黎講已經無以前咁好味～下次行過都未必買了…Read More

次次黎親新世紀睇戲都會黎呢度買d野食先入場，有時趕頭趕命都會買番個意大利包雞肉磨菇芝士菠菜意大利包$38：今日試既，一如以往叫staff reheat左先，好鐘意見到d包本來一大舊白潺潺reheat完之後有d啡色坑紋 雞肉都係普通整三文治個d，都算係幾乾，不過比d芝士味come左，靜係食到d咸味咁囉～可能因為係係戲院黑媽媽咁食，老實講真係唔太感覺到菠菜既存在，不過就食得出d磨菇～整體上都唔錯既個包，而且拎住舊熱辣辣脆卜卜又好芝味既包睇戲都加哂分了　不過食完就比較飽滯，或者因為有雞肉啦，同埋個包都唔係細煙火腿(定唔知煙肉)芝士意大利包$38：聽落好似好普通三文治既感覺，不過食落就幾好味!芝士好似比例上多過其他款既意大利包，配埋火腿定煙肉真係好好味，又唔會太咸，d芝味好出 拎起塊包望住d芝士拉絲真係好滿足架意式雜菜乾蕃茄配蒜香蕃茄醬$38：係因為唔想食肉而叫揀既，d蒜香蕃茄醬無想像中咁好，蕃茄醬味道好似茄膏，唔夠「茄」，味道上無咩大幫助 食食下仲有少少寡～不過慶幸雜菜都算多，乾蕃茄酸酸meimei咁都算新鮮～如果個醬可以更加茄而且濃番少少就好啦磨菇芝士蛋批$20：係朋友既，試左兩啖～個批睇落都唔細，好似平平無奇咁，但係reheat完之後，咬開個批係會感受到入面個d蛋+磨菇餡～好滑嘟嘟好似食燉蛋咁　不過個味道上就同個雞肉磨菇芝士意大利包差唔多，可能因為大家都係磨菇芝士啦～不過呢個就無無咁滯燒汁手撕豬肉凱撒包$29：個d手撕豬肉睇落係一絲絲咁，不過食落就似係肉醬 (其實係我食個次睇落都似肉醬，不過之後係第度見到係一絲絲既?!) 酸酸甜甜咁，配埋入面有生菜蕃茄咁樣(好似仲有一塊肉) 都幾開胃～而且reheat完之後個包好脆又有少少煙煙韌韌咁樣，講真齋食個包都已經好好味了～加埋d溶左既芝士～好好味呀！個人認為呢度d食物好味過starbucks，而且仲多ｄ選擇，不過真係貴左d啦，d食物通常都起碼20幾30蚊～不過下次再黎都一定會買既!…Read More

自從佢係呢度開左之後都一直心郁郁想試，不過上年係機場試過一次small whopper 同埋洋蔥圈後感覺不是特別好，因為並沒有先前既食評所講既juicy漢堡扒，而洋蔥圈亦猶如圈狀炸粉漿一樣，唯獨whopper既蔬菜新鮮，沙律醬酸味十足，減低膩滯感。先試左佢既新地筒，威化筒有別於麥記個種，無咁硬，不過也非什麼美味之物；雪糕好有牛奶味，好滑，算係挺身唔會太快溶，整體上也是不錯的，食完之後涼浸浸！而雖然話試過whopper後感覺麻麻，但依然對佢既蘑菇芝士漢堡好有興趣～買野食既counter有兩條隊，收銀員動作亦好快而不亂，感覺好有效率；等左陣好快拎到食物（外賣），用一個大紙袋裝住裡面既小紙袋同埋膠袋仔，不太環保不過對於好似我咁捧住好大袋野既人好方便，店員亦都好熱心幫忙整理好入面既袋方便抽住～十幾分鐘之後番到屋企食，打開個包都仲熱，睇怕係係買麥記唔會發生既事～再聞一聞，芝士好香，已經令人流哂口水!!佢既芝士似乎有別於麥記個種，好似無較無咁"蘇"??個人比較鍾意BK呢種...而蘑菇好juicy，配合埋溶左既芝士真係好好味！又唔會過咸，而且份量都算足夠～相反漢堡扒係呢度就變成配角，比麥記既稍為多汁但依然好乾，亦都唔係好食得出佢既炭燒味同埋肉味，或者已經比磨菇同埋芝士搶哂啦如果可以有個蘑菇芝士包就好了，即係無左漢堡扒，轉哂做蘑菇芝士而薯條，估唔到隔左咁樣一段時間都依然咁脆！比麥記既粗身少少，唔會話成盒/有部份薯條係淋batbat變哂型既，又無咁多鹽，食起黎都無咁口渴～但不見「薯味」既蹤跡，唯有靠茄醬搭夠啦跟餐一杯「飄雪」飲品(+$3)，揀左Coke Zero，齋點上面既雪糕黎食依然美味，不過撈埋一齊飲就覺得味道好似怪怪的，或者係因為Coke Zero吧，或者揀雪碧/忌廉會比較好。成個餐好似用左$35左右，以呢個質素黎講都係值既！下次會再黎食！…Read More

呢間麵包店開放式咁，一入到去既感覺係：好多款包喎先睇蛋糕櫃，賣相麻麻地啦啦，吸引唔到我…另一邊櫃有藍莓乳酪杯、焦糖布甸、香蕉pancake、三文治等，賣相都係普通。麵包方面，試過幾款火腿蛋包：呢個包個樣同其他麵包店賣既腿蛋包唔同，d餡係好似熱狗咁包係中間而唔係包係裡面，有2塊捲住既火腿同埋1塊蛋，火腿夠咸夠味蛋都正常，食食下會發現入面有d千島醬，酸酸地咁食落好夾好好味，熱辣辣個時食仲更加好味。菠蘿紅豆包：個面幾脆，但係無左果種豬油香；第一次食果時個餡好奇怪，夾埋個包食似有淡淡朱古力味，齋食個餡又唔覺有朱古力味但又無紅豆味，gel狀咁，好難食…第二次食就好d，紅豆餡有紅豆味，見到d豆衣，不過係甜左少少。中式蒸包$4@ $15/4：佢d蒸包味道唔錯，最鍾意係佢個豆沙包，紅豆餡夠香夠甜夠綿滑，包層亦夠軟熟，包又夠大個…蓮蓉包媽咪就話唔錯。蛋白蛋撻$5：size比p&t個d細少少，個樣似鮮奶撻但其實味就完全唔同，呢個蛋白餡勝在唔會太甜膩，算係滑，味道淡淡地咁。藍莓栗子包：所謂藍莓只係面頭果pat好甜既藍莓果醬，裡面既栗子餡不多不少，唔係好夠香同滑，稍嫌過甜。見佢d魚柳包同豬柳蛋包賣相唔錯，魚柳好似炸得幾脆咁，有機會會試下。笑面係比佢既豆沙包同埋火腿蛋包…Read More

係附近既學校番學~lunch有時都會黎呢度食~不過個人就唔係真係太好~其實食物既味道都ok~價錢都合理份量仲好大 未食完都已經好飽亦有d雜菜.. 感覺均衡d黑椒汁雞扒火腿扒 配意粉 飲品 忌廉湯$26溝水白湯~得幾粒仔粟米 羅宋湯竟然要加$3???個意粉只要當佢係普通港式黑椒汁意粉黎食.. 都幾唔錯雞扒好大塊~ 意粉都好多好多蒜蓉牛扒 配意粉 飲品 忌廉湯 $29白湯同上牛扒好大塊~不過比化學物la到無哂肉味~好淋好淋蒜蓉汁蒜味欠奉~ 不過都撈埋意粉都可以接受飲品好大杯.. 尤其近幾次光顧飲熱朱古力都好感動因為佢真係落左好多朱古力粉...所以朱古力味頗濃! (有成舊未溶哂既朱古力粉係底)有樣野不得不提就係佢呢度既食物真係太油尤其雞扒果d本身已經煎得好油~加上佢d意粉汁真係...撥開d意粉睇睇個碟底.. 係可以見到d油多到難以置信~ 名乎其實既油浸意粉其實維苑以價錢、環境、食物黎講都唔錯了如果可以煮果陣用少d油的話~相信我會經常黎食…Read More

平安夜當日黎左朗豪坊～人流好多，行到累就黎呢度坐下，順便試下人人讚好味既綠茶星冰樂。之前飲過pacific coffee既咖啡覺得同平時飲開既即溶咖啡好相似（或者係我唔識欣賞啦），所以決定以後都唔會係呢d地方飲咖啡，而超愛綠茶味食品既我一早已經對呢杯greentea frappuccino虎視眈眈了…點了中杯，少cream，但依然好多cream…不過幾幼滑～綠茶味唔濃（如果濃郁的話我會愛死它）但係奶味幾重，實在令人陶醉…不時會飲到一粒粒碎冰，飲到最尾仲靜番一大堆綠茶味不重既綠茶碎冰同一大pat cream，唯有慢慢食番d冰吧　只怪自己太心急，未撈好就已經慢慢將整杯frappuccino吞噬了朋友點左個sausage roll，原本仲以為真係包左條腸仔係入面，原來係d肉餡，個人認為普普通通，不過配埋茄汁食都幾難會唔好味！reheat左之後好熱辣辣，食到warm哂之前經過見到有blueberry cheesecake，本來今次幫襯係想試下，點知無！好失望地望住個凍櫃…唯有下次再黎吧其實行街行到累想坐下傾下計，黎呢d地方都幾好，d梳化亦好坐，但稍嫌張木台將凳分隔得遠，搞到傾計時總覺得距離好遠.....而且朗豪坊呢間比較開揚，都係鍾意係店入面坐，燈光柔和，坐得舒服又傾得舒服！…Read More

每次見到XTC都會好高興，見到雪糕櫃入面既gelato一樣好高興，比錢既時候都好高興因為有得食，一啖啖擺入口又是高興，食完更是高興…　總而言之，食XTC就是會令人高興的吧!!今次本來上船同埋係美食嘉年華果度都敵得過XTC，點知一落船，嘩不得了!! 心癮一起又推開左XTC度門，望到雪糕櫃入面既野真係不能自拔，試左幾隻味藍莓蛋糕：味道幾特別，有點cream cake的味道，藍莓味唔突出焦糖香蕉：香蕉味好誘人，不過配埋焦糖實在係聞到都覺甜，食落都係甜花生醬：食落的確似食緊花生醬，口感軟滑既gelato配上濃香花生醬，令人心醉開心果：開心果既味道好似無之前咁濃？不過都依然係有頗多既果仁碎(真係好碎)$33/2scopps. 唔算平 不過質素好就咩都抵哂！反正都唔係成日食…Read More

是日行海港城，好心急要搵呢間New York Fries，睇下佢有幾震撼，薯條有幾好食排隊時見到都幾多外國人買，而個staff d英文都幾流利下，一到我買果陣就即時轉番廣東話，成個過程都好流利！而且服務態度都唔錯 Poutine (Small) $30薯條剛炸起，加埋gravy真係熱到出煙，真係唔敢咁快食住驚熱氣不過頗為淋，應該係因為淋了gravy的原故吧；薯味比麥記、毛s之類的濃，不錯講到個醬汁，個人認為無咩咁特別，個汁只係比d鹹味佔據哂（好鹹下…），只可以話個汁濃囉，而牛肉味…唔濃烈唔突出！而ｄ芝士，因為唔太夠溶，感覺差d，不過一舊舊都算幾有口感既薯條撈埋個汁一齊食，味道比普通好一點點，始終都係要配番幾包茄汁黎食！！下次再經過會試埋The works....…Read More

平安夜晚特登黎搵下呢間店，睇下佢既四寶丸究竟有幾好味沙嗲四寶丸 $8@ 有牛丸、魚蛋、蝦丸、墨魚丸 　要左辣，個阿嬸就咁將串四寶丸浸落d辣汁度~結果成串野不斷滴辣汁，搞到食得好lea hea不過算啦，食個味姐!講番d丸，其實如果唔係有顏色睇、個檔度有牌睇佢係咩丸，就咁食真係分唔出係咩丸可能係因為d沙嗲汁比較濃味，同埋d丸本身無咩味?? 而且粒粒都幾粉下...不過d汁都幾好味既.. 整體都唔錯! 下次經過都會買既…Read More