iamici's Profile

作為Masa san嘅fans，得知其新炭燒餐廳MASA satori charcoal dining 開幕，即刻book咗午市試一試先。餐廳選址與其Omakase店相同，都係位於銅鑼灣皇冠假日酒店一樓，地理位置便捷，裝潢亦承襲酒店一貫的高級格調，十分適合不同場合及人士前來用餐。午餐套餐嘅主食可選釜飯或鰻魚飯二食，兩個都好吸引，今次就先order海鮮釜飯。前菜款式多，擺盤優雅，包括有沙律茄子豆腐番薯同四款刺身，食材新鮮，每道前菜都各自再有醬汁或調味，恰到好處。燒物方面，炭燒鯖魚及雞肉丸子表現出色，燒魚更是會因應季節而轉，睇得出佢哋對食材嘅用心。海鮮釜飯可說是一絕。飯中海鮮包含蝦、蜆、鮭魚，並綴以小白魚及海膽，食之前仲會加上三文魚子點綴，鮮味與香氣在口中完美融合，米飯粒粒分明。值得一提的是，餐廳貼心地準備了昆布清湯，可以將釜飯製成茶漬飯，帶來另一種層次享受，非常暖胃。甜品係紅豆蓉配雪糕，仲會加上少少昆布鹽作點綴，鹹甜交織。呢個lunch set明顯感覺到喺價格與質量之間取得了良好的平衡，價錢大眾化，出品十分高質素。…Read More

最近都好興手打檸檬茶～K11 就開左間林香檸，成日行過都好大陣好香嘅香水檸檬味🥰睇個menu都有好多種唔同類型嘅檸檬茶，有啲仲幾特別㗎～鴨屎香檸檬茶個鴨屎香茶底好夠味唔澀，雖然深色但係又唔會太濃太苦～香水檸檬嗰浸味真係好特別，飲落好大浸香味，但又唔會又酸又澀，個人認為好飲過茶餐廳檸檬茶好多😍香印提子檸檬茶本身仲估係檸檬茶加提子味嘅糖漿，點知原來真係用咗原粒提子，揼爛再加落檸檬茶度😨而且提子份量都唔少，飲落口仲會食到新鮮嘅提子肉😍提子陣味同香水檸檬味都幾夾，飲落去好清新，如果夏天飲仲正！…Read More

早兩日去開銅鑼灣，諗住食個快飯就返屋企。天氣涼涼哋啱晒食碗熱辣辣嘅湯麵，於是就入咗呢間喺渣甸街小巴站對住嘅拾味刀削麵館醫肚。一坐低店員就示意用QR code點餐，除咗點餐之外仲可以remark你嘅要求，例如多蔥少蔥，唔使怕尷尬，非常體貼！今次就叫咗個麻辣牛展刀削麵，湯底有啲似紅燒牛肉麵嘅湯底，唔係普通味精湯～刀削麵睇得出係用人手削，因為每條長短厚度都唔同，食落都幾煙靭👍🏻牛展醃得幾入味，份量都唔少，仲幾大塊！特別叫咗麻辣分開上，可以加少少落個湯麵度食仲惹味😋另外仲叫咗個糖心蛋，中間個黃仲好流心😍呢間餐廳價錢唔算貴，但係份量就好多！算係銅鑼灣性價比高嘅餐廳👍🏻…Read More

最近試左時代廣場一間韓國餐廳，食物質素高，環境又坐得舒服，大推！今次同朋友叫左個set dinner，$600幾有哂前菜、主菜、湯同拌飯！2個人食夠哂有突😂兩個都食到勁飽！前菜前菜一共有6小碟，仲有一甖泡菜(仲要原條泡菜上，店員即場剪開)同埋拌粉絲。拌粉絲既份量絕對唔似前菜，而且加左好多材料！炭烤八爪魚八爪魚係原隻八爪魚，加左d翠肉瓜同洋蔥一齊整～食落都有少少辣，餸飯一流！濟洲白切五花腩呢個五花腩可以好似韓燒咁夾生菜食，可以自己加埋蒜頭、辣椒等等既配料，非常豐富！雖然係五花腩，但食落唔算太油膩👍🏻薯仔排骨湯呢個湯十分香濃，加左d酸菜又幾夾！食完d辣野飲番啖熱辣辣既湯超正😍d排骨都幾多，肉都好淋，煮咁耐有d似煲湯d排骨，入哂味！薯仔都煮到淋哂，正👏🏻拌飯成個set包左兩個拌飯，自己可以揀配料再加韓式辣醬去撈～飯底就用左紅米飯，比白飯更有營養！碗飯仲好大碗👍🏻…Read More

最近睇社交平台都見唔少人講放題有榴槤食🤩仲要係期間限定！今個夏天小弟都無咩點食過榴槤，決定係佢完之前去食番夠本😍 今次小弟既目標並唔係刺身、壽司個d，而係榴槤！去到門口職員都會問你要唔要加$10升級食埋榴槤～確認加錢升級菜單先會有榴槤可以揀～而且每次只可以叫最多2個(我諗應該係跟人頭去計)，食完再叫～不過好彩落單之後好快就黎到，所以食完先再order無問題😌榴槤食得出係冰過黎，不過都幾甜又多肉😋d核都唔算太大粒，真係有d似食緊新鮮既榴槤😍質素都唔算太差，凍凍地都有d似食緊雪糕😂唔係追求食開貓山皇黑刺個d呢$10加左應該可以滿足到你～最後同朋友兩個人食左10幾粒🤭除左食榴槤當然仲有食d壽司刺身啦，一如既往咁有水準！今次真係超滿足😍…Read More

呢日朋友帶左我去諾士佛臺食飯，間餐廳有得飲野、食西餐同埋串燒，聽落好似好多元化咁😆一坐低已經比本串燒menu吸引住🤩串燒大部分都係一客兩串～燒白鱔好肥美，肉好厚身！d魚皮燒到卜卜脆😍免治雞肉棒加左d雞軟骨，食落好有口質👍🏻另外仲叫左個南部雞雞髀肉，唔會燒得太過火，肉質鮮嫩，好食～除左串燒仲叫左個香辣鮮茄汁虎蝦意粉😋虎蝦有兩大隻，啖啖肉👍🏻成碟意粉個份量都算多，d汁真係有少少辣不過都可以接受～然後仲叫左蒜香辣椒牛柳粒，一口size啱哂一路食一路傾計😆估唔到呢間酒吧既串燒真係幾出色，拍得住出面d日式串燒店～呢度d氣氛都好正，啱哂同朋友過黎傾計飲野食串燒👍🏻…Read More

天氣咁熱真係成日都想食d生冷野😆雖然呢間極尚大喜屋之前已經食過但係聽聞佢地最近有d新野出左～即刻約埋朋友去試😏刺身就唔使多講，一如既往咁高質！雖然呢日好多人食但係上菜都好快👍🏻平時都比較少係放題食壽司，因為驚食得多會飽😂不過今次見到呢幾款壽司真係忍唔到手好想試🥹牛油果醬呑拿魚壽司本身無咩期望，以為塊呑拿魚會係普通野，點知見到都有d油花架喎，食落仲入口即溶🤩黑松露拖羅魚籽塔就好重黑松露味，中意食黑松露既必叫！另外仲叫左個XO瑤柱蟹蒜牛肉卷，手卷入面包左青瓜、雞蛋同蟹柳，加埋面個塊牛肉依都幾特別！熟食方便必試新出既川燒廣島蠔！質素同出面串燒店既有得比！d蠔都幾大隻，加埋堆炸蒜好惹味😋之後仲叫左個蒜蓉粉絲蒸扇貝，味道好似酒樓個d咁！估唔到放題都有呢d食，幾特別😂睇黎放題愈來愈啱唔食魚生既人喇～…Read More

呢日去開鴨脷洲行outlet，記得鴨脷洲西村街市好多野食所以就諗住係個度搵野食～見到呢間餐廳好似坐得幾舒服，價錢又唔貴就入左去搞點晚飯😌呢度個menu分左墨西哥卷餐同烏冬餐～墨西哥卷餐平均$60幾有埋飲品同薯條/沙律；烏冬餐就$40幾有埋飲品，好抵食！墨西哥雞肉卷餅見到個卷餅切開左d料多到呢……雞肉仲食得出用左孜然粉醃👍🏻辣汁都啱啱好唔會太辣，又唔會太多食到成手都係汁👍🏻薯條灑左d味粉，幾好食！香辣蕃茄肉丸烏冬烏冬用左稻庭烏冬，煙煙韌韌～肉丸食落有d似傢俬店個隻，唔錯👍🏻個汁辣辣地幾惹味！另外配左個沙律，都幾大碗！同埋一碗入面有幾種唔同既沙律菜，又有蕃茄同洋蔥，好有心思！d沙律汁係特別調教過，酸酸地幾開胃😋…Read More

早排見有網站介紹呢間新開既餐廳以星空為主題，試業期間仲有85折優惠，即刻約朋友去試～如果無論係食物質素定服務都幾失望😕因為人手不足，落單、拎menu、追單、加單都要～好～耐～先有人會理😥最後經過無限既等待，餐飯兩個人食左1.5鐘….真係食既時間應該唔過半個鐘…….鮮拆蟹肉牛油果芒果卷 $178只有3細舊已經唔太合理…..同朋友食食下覺得唔對路，點解蟹肉牛油果芒果卷只有蟹肉同青瓜？等左一輪終於叫到侍應過黎，收左碟野過左15分鐘比過碟新既我地～可惜芒果係未熟既…….炭燒澳洲M5和西冷扒配燒汁伴法式手工薯蓉食完個前菜30分鐘先有呢個main course😵‍💫本身同朋友都有d期望，點知上到枱又再次失望左……$368只有兩細塊牛扒，質素同其他西餐廳平一半既牛扒相近…..而且鹽落得太多，咸到有d苦😨呢個質素完全配唔上呢個價錢新鮮蜆肉手工幼蛋麵牛扒上左等多10分鐘終於黎埋個意粉喇…..同其他菜色問題一樣，份量太少……呢度既麵我諗一個人食完都唔夠飽😥不過麵條幾彈牙，係好食既……另外同朋友仲叫左兩杯mock-tail….其他餐廳cocktail既價錢同份量就等同呢度既mock-tail喇🙂明白試業期間係會有多甩漏，但份量同食物質素似乎唔能夠以試業為藉口。地方環境係靚既，但相信短期內都唔會再有下次…..…Read More

呢排天氣咁熱，成日心思思想買番杯凍冰冰既野飲～最近聽好多人都介紹呢間係尖沙咀既茶跡，早幾日同fd係尖沙咀行街經過就入左去試～黑糖珍珠鮮奶拎上手d黑糖係暖既😌叫左少甜所以飲落去都唔會太甜👍🏻另外飲得出奶味好香濃，唔會比黑糖味搶哂～d珍珠都好有咬口，唔會好甜！擺左陣再似d珍珠都唔會變硬，好飲😋葡萄益力多益力多既飲品好少會唔好飲😂只係睇d配料夾唔夾同好唔好食～朋友揀左葡萄益力多，一粒粒既葡萄原來係爆珠，咬開一鼓香甜既葡萄味就衝左出黎！本身葡萄味同益力多都幾夾，所以成杯野都唔錯，又唔會太甜👍🏻…Read More

呢日去咗佐敦行街，友人經過蝦蝦燒癮起，就拍板去食啦！一上到去就俾大大嘅飲品櫃吸引，仲有OOHA🤩每張枱都坐喺流水蝦隔離好方便，友人不停夾，我就不停燒，佢真係好鐘意夾蝦🤣好有成功感咁話🤣蝦肉的確爽口彈牙👍🏻普通加啲鹽落去燒已經好好味😋除咗蝦以外，仲有大量海鮮、肉類、蔬菜任食😎全部都不停refill，尤其最多人夾嘅海鮮系保持常滿👍🏻款式又多，原條魚都有3款，最喜歡馬友，油分夠👍🏻仲有螺、蠔、鮑魚、帶子、貴妃蚌等等🤩肉類有羊架、牛仔骨、牛柳粒、多春魚、煙鴨胸、台式腸仔等等，應有盡有，仲有燒雞肶菇，加啲醬油喺面，燒完都唔太乾👍🏻仲有蒜蓉包又係要encore🤤最後雪糕都有好多款口味，呢晚絕對係一趟超值增肥之旅😌…Read More

早幾日臨番屋企係尖沙咀見到間小食店，唔止賣平時小食店既燒賣魚蛋煎釀三寶，仲有賣一d重慶小食～依家天氣咁熱真係唔想成日食熱野，所以就買左d重慶涼拌小食番屋企😌成都手撕雞呢個手撕雞$48咁大碗都幾抵食！手撕雞無皮又無骨，啖啖肉😋好西青瓜黑木耳呢個份量又係好多，青瓜爽脆，消暑一流👍🏻重慶涼麵+豬頸肉+雞髀菇除左小食之外仲有重慶涼麵，自己再另加配料～店員好貼心咁分開餸同麵，本身已經分別撈好麵同餸，番到屋企自己可以再選擇撈唔撈埋一齊食～…Read More

最近同朋友去完日本，意猶未盡，番到黎香港都要食番d日本菜😂呢日就去左間都多人推介既德美壽司，價錢唔算好貴，食物高質🤤汁燒魷筒份量適中，食落唔會un，爽口彈牙～d汁甜甜地都幾惹味😋青瓜麥味噌早排係日本食過就愛上左😍雖然只係簡單既食材，但係青瓜好入味好爽脆，解油膩一流！鐵板牛柳粒d牛柳粒份量都算多，肉質鮮嫩好淋，配埋d汁有少少似食緊中式牛柳😂墊底既洋蔥好甜😋德美海膽魚生飯呢個魚生飯有好多款刺身，例如三文魚、油甘魚、帶子、蟹柳、蝦同埋海膽🤤刺身雖然每款只有大約2塊，但就好大塊同厚身😍呢個set仲有湯同埋沙律，都算抵食👍🏻最尾仲有個送既忌廉泡芙做甜品，滿足😍…Read More

大喜屋嘅放題食過好多次，但係呢間係大喜屋品牌最高等級嘅殿大喜屋小弟一直都好想試但冇機會….呢日襯朋友生日一齊去豪食😍首先食咗刺身先！刺身非常新鮮，三文魚同埋油甘魚仲要係厚切😍超滿足！另外仲叫咗殿大喜屋先有嘅拖羅🤤拖羅嘅厚度啱啱好，油脂好豐富，咬落去都有入口即溶嘅感覺，最後同朋友仲encore左一轉！食完刺身就叫咗一轉壽司😌壽司，我哋就叫咗啲其他大喜屋冇嘅款式～包括：香蔥芝麻拖羅小卷-鋪住啲拖羅蓉，啱晒我呢啲鍾意食拖羅嘅人😍螢光魷魚軍艦-螢光魷魚食放題比較少見，呢度嘅味道都唔錯！柚子和牛燒壽司-柚子味都幾突出，和牛食落唔會太油膩👍🏻帶子鵝肝壽司-帶子同鵝肝兩個味道夾埋好豐富！黑松露帶子壽司-黑松露味好突出，鍾意食黑松露嘅一定要試😋食完壽司就開始食熟食喇😌黑松露蒸蛋-呢個黑松露味都係好突出！蒸蛋入面冇其他材料，不過個蛋蒸得好滑，細細杯食完仲有位食其他嘢😂清酒煮蜆-雖然落單嗰陣佢有標明呢個係二人份量，但係嚟到份量都唔算太多，可以接受👍🏻啲蜆肥嘟嘟無沙，個湯底都好清甜，落埋芫荽更加正😋燒乳鴿-見到好多人都有叫到乳鴿，我哋當然唔執輸啦😆新鮮嚟到仲熱辣辣，肉質鮮嫩多汁，質素一啲都唔差過酒樓～鹽燒大頭蝦-除咗乳鴿之外呢個大頭蝦都好多人叫，食完之後即刻覺得多人叫唔係冇原因😂大頭蝦燒得啱啱好，唔會燒到太乾～而且仲好多膏tim😍用嚟送啤酒一流👍🏻👍🏻麻辣酸菜魚-呢個麻辣湯底非常惹味，啲魚都好嫩滑，仲冇骨架🥹今次同朋友胃口都麻麻地，呢一間一定會再返嚟食🤩…Read More

呢日同朋友去銅鑼灣行街，順便book左呢間牛陣HANARE Platinum Label - 牛陣既姊妹品牌，同牛陣火鍋放題唔一樣，主打係日本產黑毛和牛，齊齊lunch食好西😋入到去見到餐廳既裝修好光猛、簡潔，枱同枱之間有足夠空間，坐得好舒服唔會太逼😊點完餐就先食前菜，店員細心咁介紹每一款前菜～三款前菜都好精緻好開胃👍🏻鹿兒島縣產黑毛和牛呢碟牛有成7塊，份量都幾多！和牛油脂分布平均，放入口即刻融化😌肉質鮮嫩，輕輕淥幾下就食得！配埋個壽喜燒湯底簡直係絕配😍本日推薦海鮮呢日既推薦海鮮係油甘魚同埋蠔～油甘魚刺身就食得多，不過用黎打邊爐就真係第一次！估唔到食落魚味都好香濃，熟左既肉質都仲好嫩滑，有驚喜！蠔亦都好新鮮，肥嘟嘟脹卜卜咁😋呢個set就配左”極”黃金鰹魚湯底，味道清清地唔會搶左海鮮既鮮味👍🏻旬之野菜盛合呢個野菜盛合真係超級豐富😍材料十分新鮮，一d都唔hea架！而且份量都好多，真係兩個人先食得哂😂另外lunch set都會包左飯/烏冬或者蕎麥麵～小弟同朋友都揀左烏冬😋 烏冬係稻庭烏冬，煙煙韌韌，好食！最後仲有甜品😆甜品份量啱啱好，唔會太多，食完呢個lunch set真係好滿足🥰…Read More