Mscorgi's Profile

公司附近都有間隱世Omakase，依家做緊優惠，秋天主題既套餐由原價$598變成$398，不過我個時去咁岩就未有優惠首先有13道菜，蟹肉鮮香係嫩滑既蒸蛋襯托下更突出，接下來就重頭戲，因為主要都係做附近上班族生意，所以刺身同壽司都係成碟咁樣一齊上，醬油漬赤蝦口感幾漿口，咀嚼下滲出甜味；濃味壓軸既洋風鰤魚，係薑葱既配搭下勁惹味，魚油香味爆發壽司我幾喜歡北海道的帆立貝，上面有松露油畫龍點睛，帆立貝清甜，松露味味道更上一層樓；之後吃到奢華海膽杯，下面更藏住爆多蟹肉，甜香鮮味在嘴巴暢遊最後食埋卷蛋蛋糕就完～…Read More

今日去左新光黃埔睇戲，睇完去左紅磡船澳街掃街，好多小食店，見到好多人排媽咪雞蛋仔，不過出餐都幾快，就試下新口味芝麻湯圓雞蛋仔🤣中秋限定，一底$56，另外仲有開心果格仔餅，一底$53熱辣辣新鮮整好雞蛋仔，粒粒都好飽滿，好完整一底，外脆內煙韌，咬開真係有麻糬內餡拉絲😍黑芝麻味好香濃，而每粒雞蛋仔都有麻糬，用料好豐富另外再叫左杯飲品，鮮榨檸檬冰沙🍋酸酸地幾開胃，天然果酸帶出沁涼清香，一口解渴，不錯…Read More

今日家人冇煮飯，一齊去試新餐廳「農耕記」！沙田呢間分店不用排隊就可以入座，位置寛敞，坐得幾舒服😌由於媽媽不吃辣，所以特意點了蒜蓉粉絲蝦仁比佢，開邊蒸蝦賣相吸引，味道清甜，再加埋香噴噴的蒜蓉和豉油，送飯一流，仲有墊底盡吸蝦汁精華既粉絲，鮮味更濃😍我同爸爸食到辣就叫鮮炒黃牛肉，充滿湖南風味，夠辣又夠濃味，薄切牛肉鮮嫩又入味試埋香水檸檬茶，清甜解辣，$36有1L，勁抵飲👍🏻食完呢餐都幾滿足，唔算好貴…Read More

雞蛋仔mix 腐乳同咸蛋黃得唔得架🤣媽咪雞蛋仔最近同「大孖醬料」聯乘推出「腐乳黃金雞蛋仔」一底要$45，即刻叫黎試下等左大概10分鐘就有，天星碼頭呢間分店比較多遊客，所以等侯時間會長少少，雞蛋仔味道超豐富，第一啖未食到腐乳味，不過重鹹香，濃味過芝士口味！咬開就見到腐乳醬，冇諗過平時送飯既腐乳都可以配雞蛋仔🤣勁創新另外叫埋杯無冰鮮榨檸檬茶，生津解渴，幫助消化，唔會好甜，不錯👍🏻呢間分店風景係最靚，可以見到成個維港😍…Read More

餐廳以京都禪風為題去進行佈置，一竹一石都是由設計師用心整合，令我們對美食的熾熱的心情都放鬆下來，好好欣賞一下裝飾和聽取店員的介紹Omakase｜$1980/人先付打響頭炮的是用雞尾酒杯盛放的天草明蝦，口感爽彈緊實，味道鮮中帶勁。墊底的還有溫室培育的蓮芋、來自靜岡的水果番茄和沖繩的醋漬水雲，其中的酸甜在口內迴盪，開胃菜效果一流前菜慢煮八爪魚，口感更鬆軟，愈嚼愈有味道，最後再吃一口醬漬大根清新一下剛好揚物炸鰆魚外面的麵衣十分酥脆，突顯出內裏炸得半生熟的魚生硬嫩滑有香，配上微酸的醬汁令鮮味更上一層樓刺身第一道是野生左口魚切成兩片，以鮮嫩滑溜為主，旁邊配上一條火炙左口魚裙邊，增添一絲油潤，最後吃一口網燒彈牙北寄貝刺身，有著炭香配著海藻鹽帶出甜味接下來是有如花朵般的鯖魚卷，經過師傅匠心獨運加入了新鮮芽蔥、薑芽和白板昆布後令鮮味更多層次，成為人人都能享受的美味鮮魚卷步入赤身魚中就是冬季當道的寒鰤魚，師傅採用備長炭去燒製，令魚脂的香氣和味道完全釋放煮物蒸神奈川太刀魚，太刀魚油脂豐富是必吃美食之一，蒸製後加上鰹魚清湯和蘿蔔蓉，口感以綿滑柔軟為主酒肴炸春卷第一口要小心燙口，上面再灑滿新鮮黑松露片，奢華得來是值得互有昇華的配搭壽司第一道是爽口墨魚，簡單用了鹽去調味，突出爽滑的口感.第二道名為九繪魚，亦即是香港稱為石班，白身魚中味道較濃郁，油脂不多不少剛剛好.第三道是我最愛的池魚，肉感豐厚油潤有滋味.第四款是壽司店基本功的醋漬小肌，銀身魚中鮮味最濃.重頭戲是這件霜降拖羅，放進嘴內真是入口即溶，是幸福的感覺.拖羅再來連擊我這件北海道白海膽手卷，脆香的紫菜夾著鮮甜滑口的海膽，尤如甘露流過喉間.最後一件是醬油漬赤身，深色的赤身卻不會鹹，咀嚼下沒有筋，經過熟成後全部軟化，是很好的收尾甜品是來自博多的香甜草莓和自家製朱古力蛋糕配藍莓醬，而不是清一色的進口日本水果，感覺主廚對菜單設計非常用心…Read More

MW之前我淨係食過大角咀分店，可惜早排無做了🥹知道佢地深水埗先係本店，今日黎附近做野終於有機會試下位置都比較難搵，唔算深水埗旺區果邊，比較近石硤尾長沙灣，就係政府合署附近，門面就一貫既文青純白風，入面係湖水綠磚牆，得10個位既小店辣炒年糕拉麵就睇劇見過🤩不過去旅行都未試過，黎到都幾得意，將所有夾埋一齊食最過癮，煙韌同魚香加埋韓式辣醬幾上癮，明白哂劉在錫點解咁鍾意食麵🤣原味蛋捲煎得都幾整齊，上面灑咗黑白芝麻幾香口，切成每舊都係3口size幾好，食落有蛋味帶點嫩👍🏻…Read More

呢間Omakase並非隱世，位於海港城中心。地理位置超方便，上一次黎食係食清雅套餐，今日男朋友生日就食另一款貴d風花$880🤩兩間分別就係多左刺身同丼飯！食壽司之前先食前菜同刺身包括金時蕃薯、蝦味噌茶碗蒸蛋、間八刺身和帆立貝磯邊燒，金時蕃薯金黃色，含糖量高😍食落好軟糯好甜；間八魚口感韌中帶點脆感接住就到壽司十貫，我最鍾意有車海老同秋刀魚，前者肉質鮮美彈牙，蝦味香濃；後者為時令食材，肥美感爆登🤤口感肥美綿滑另外比較拖羅，我較喜歡赤身醬油漬，肉質油潤軟滑，魚味濃郁😋唔會淨係得魚油感甜品係黑芝麻奶凍，都係餐廳自己整，不錯…Read More

今日帶左無肉不歡的爸爸去Porterhouse食自助早午餐，之前食過覺得佢既扒類相當出色🤩今次剛好做蟹味主題，推出多款蟹味佳餚，例如:香脆軟殼蟹迷你漢堡、香炒鮮蟹長壽麵、蟹肉炒蛋等，不過就唔見網上介紹既蟹肉脆球同芝士蟹鍋🤨海鮮有即開生蠔、麵包蟹、鱈場蟹腳等，蟹腳已經剪好一段段，好方便食用👍🏻生蠔雖然比較細隻，但海水味同蠔味都好出，不過海鮮整體我覺得偏鹹左少少🤏🏻肉類有羊架、和牛排、烤豬腩，佢地扒類真係好高質😍同時亦係Refill得最快，羊架我都食左兩件，超JUICY同埋好軟嫩，如果你怕太生都可以同店員講你想食咩熟度，佢地會加熱後再送上檯比客人，烤豬腩皮超脆，旁邊仲有薯條，可以配熱熔芝士，邪惡代表🤣即製意粉海鮮區旁邊就係意粉區，可以自己揀意粉、醬汁同配料，醬汁有番茄或者忌廉，我就叫左個類似卡邦尼意粉，加埋芝左個汁勁濃稠同creamy🍝熱食其中軟殼蟹包幾好食😋味道好豐富，同埋個包身都係微脆，另外估唔到竟然有蒸魚，不過鮮蟹長壽麵冇Refill過，比較可惜，冇機會試到甜品有Tiramisu、Carrot Cake、Frangipane、Apple Crumble、雪糕等，今次就冇原個蛋糕，同埋甜品都較為普通…Read More

同男朋友食完呢間「Prohibition」，立即記錄🔖，下次會再黎食。首先，餐廳環境精美，座位舒適，而且私隱度夠高，最重要好鍾意店舖嘅木色色調設計🌼🐮生牛肉他他+烤酸種麵包🥯極之美味！酸種麵包配上開胃既生牛肉他他，令人非常開胃。牛肉咬落係一大享受，大量牛汁溢岀，香口既酸種麵包令人極度回味。開胃又好味，流哂口水，令人回味無窮😚！🐂 斧頭扒🥩好大塊黑安格斯，仲要係粟米餵飼，當我地大讚緊既時候，店員仲話係美國農業部認可頂級，能夠有幸試到真係好開心，又開眼界同口福！肉質鮮嫩，味道濃郁，啖啖多汁，唔試真係走寶👍🏻🍓Trio草莓三重奏🫙意外驚喜，估唔到有anniversary 既甜品，草莓啫喱+香草雪糕+馬斯卡邦慕絲同芝士泡沫蛋，材料十足，賣相吸引。芝士泡沫蛋質幼滑可口，令人愛不釋手，好食到停唔到口！必食之。選☝🏻私隱度極高，食物賣相同味道都好優秀，下次anniversary 都要再嚟😍…Read More

嫲嫲80歲大壽，連埋親戚一共10多人預訂兩檯食晚飯慶祝🤣食晚飯之前可以打牌娛樂一下，訂座前事先聯絡餐廳自訂慶祝語句出示在餐廳屏幕上，嫲嫲見到勁開心🫢.老人家好鍾意食魚，分別叫左乾煎黃腳立同清蒸游水海東星斑，黃腳立煎到外脆內軟效果，魚皮亦冇破爛，十分有功架👍🏻 東星斑澆熱油和醬油，魚肉裹着蔥薑的香氣，順滑爽嫩，兩款各有特色另外蔥爆蝦仁都係幾推介，好爽彈，而且啖啖肉，好岩老人家食，幾有鑊氣🌟我覺得價錢合理，不會太貴，服務也很貼心.富寶會所私房菜 (九龍城)九龍城衙前圍道39號金‧御門1-2樓…Read More

木質大門徐徐打開，映入眼簾的是帶有曲線的長壽司吧檯，位置共有12個，已經有5位食客入座正在淺酌，淺色木系的設計加上明亮燈光，令我不由然地對今晚的席前料理更期待.雅｜$1880前菜三小碟三個小碗分別盛有栩栩如生的鹽煮蟹仔，經過至少半日炮製的鯛魚鹽漬，口感爽彈不覺重口味很開胃，最後是當季時令富山灣螢光魷魚，好好保持了海鮮應有的彈牙和鮮度，入口水潤爆膏很滿足季節清湯今天供應的是產自京都的鱧魚，被譽為關西人餐桌上的風物詩，是鱔類的其中一種，所以很考驗師傅的刀功，將所有骨刺精心細琢飛走，剩下啖啖養份充足的鮮味雨肉，加上點點梅醬提調鮮味，最後有滑溜仙草般膠質的順菜刺身五點第一款刺身是產自四國島愛媛縣的天然真鯛，在春天當造又被稱為櫻鯛，肉質相當粉嫩，食感是甘爽鮮甜，配上日本醋橘，酸汁內再有蘿蔔蓉，令口味層次更豐富第二款是富山灣的另一名物，被稱為富山寶石的白海老，呈上有如小山一般的白蝦，幼細的白蝦入口甘甜十足，可以由原味起步、加山葵、加醬油，最後還是原味最能品嚐到箇中海產鮮甜，樸實無華第三款是金目鯛刺身，先用熱水焯一焯鮮紅的魚皮，令口感變得爽脆，肉質是淡淡粉紅色，味道夠鮮濃厚，脂肪油潤感脫穎而出.第四款見師傅拿出來一撻就馬上收縮，原來是岩手縣產的厚肉赤貝，經過一撻後神經收縮口感得變得爽口咬勁，師傅快刀切出一道道幼紋使其味道鮮甜洋溢，適合用醬油配.接著第五款刺身是北海道的白見貝，一生永遠都見到陽光的貝殼類，味道鮮嫩，質感厚重有嚼頭.厚軸的是北海道的水八爪魚，左邊是足身肉，咬下去感受肉嫩味美，右邊是獨有的吸盤肉，口感非常爽脆燒物師傅將整串白燒鰻魚拿出來，魚油和燒烤香氣霸佔了室內空間，每人一份就見到白燒才會有金黃色酥脆的表皮，再來是軟滑鮮嫩的口感以及濃香的魚肉，比蒲燒更能品味鰻魚真味季節料理餐廳的招牌菜就是這道白海老真丈，同樣採用富山白蝦，加上其他材料如豆腐等炸成日式炸蝦丸，外層帶點焦脆，內裏卻是軟綿蝦鮮味，令人意想不到握壽司十貫首先登場的是產自佐賀縣的銀身魚伊佐木，正值當造時候，肉眼可見鮮紅紋理，味道最為鮮味，一過了季節肉質就變得暗灰全無價值.本日有三款銀身魚，師傅梅花間竹奉上，令口味和口感有紓衝和更清晰，中間有這款間八魚來自擁有活火山的櫻島，於黑潮下成長使肉質更為結實，魚腩部位非常肥美，口感相當濃郁香醇，肥而不腻.第三款壽司是來自九洲大分縣佐賀關的關鯖，唯有這裏的真鯖可冠上關字，代表了關物崇高的美食地位，肉質緊實頗有彈性，咀嚼時味道更顯濃郁青森縣的帆立貝只會在高級日式料理店出現，因為供應不算多，是官方認證的特產，甜度高有點綿密漿口感覺，在齒頰間留香神奈川縣產出的池魚和壽司是絕配，因為池魚的油脂不高，肉質以鮮甜為主，與微鹹開胃的醋飯有加乘作用.壽司環節前師傅將一整塊長崎產藍鰭吞拿魚展露出來，手起刀落下將赤身、中拖羅和大拖羅部份分開，再將赤身最關鍵部份天身用醬油漬。當拖羅部份掰開在眼前時，油花差點閃得我睜不開眼睛中拖羅和大拖羅在油花和軟綿程度真的有一個遞增的感覺，入口即溶充滿幸福感，最後再將醬油漬天身拿出就是師傅匠心獨運之處，較鹹香的天身如果先於拖羅出現將會令味蕾集中於鹹味失卻肥美油脂，壓軸的話就感受到有別於赤身筋勁口感，天身相當柔軟鮮甜為正餐結尾的是根室產馬糞海膽手卷，必需用手即接即吃，打卡時間可能只有5秒，馬上從外層香脆海苔轉移到冰涼淺橙黃色的海膽，味道濃厚甘甜，回甘強且是極其鮮甜…Read More

母親節帶媽媽去中環Spiga，之前都試過呢到Brunch，今次同樣都係食weekend Brunch，但提供食物方式唔同左，再唔係自助餐形式，而係4 course Brunch🌟TO BEGIN分了Sea, Farm, land三款，每人可以揀一款，Sea其實係海鮮大餐🤩有生蠔、青口、大蜆、海蝦、昋拿魚他他、帶子，每款都有幾隻，我最鍾意就係生蠔！另外farm係風乾火腿拼盤配芝士🧀24個月帕馬火腿鹹鹹香香，嫩滑無筋，口感細緻🌟ANTIPASTI共有十二款選擇，每人可選3款，其中我最推介既有Fried Whitebait Fish同Beef Tartare，前者係炸白飯魚😍調味唔會好重，略帶鹽味，可口惹味；牛肉他他加入蛋黃拌勻，口感幾滑幾濃肉味🌟THE MAIN ACTRigatoni "Mancini" Pork Guanciale係免治豬肉管麵條，表面帶有溝紋的和中空的部份，藏滿濃郁芝士同番茄醬🥫超級入味；Black Angus Striploin有少少過熟，應該接近7成熟，上檯時已經切好，中間略帶少少粉紅，比較有咬口🙈🌟INDULGENT FINALE冇諗過甜品環節係推架Trolley出黎😆有7款甜品加1款水果，有朱古力蛋糕、朱古力冬甩、芒果奶凍、提拉米蘇、開心果麵包球等，生果就係密瓜，想食咩同店員講就可以😌甜品環節係推架Trolley出黎😆有7款甜品加1款水果，有朱古力蛋糕、朱古力冬甩、芒果奶凍、提拉米蘇、開心果麵包球等，生果就係密瓜，想食咩同店員講就可以😌…Read More

屋企有老人家生日，想幫佢辦大壽🤩就揀間私房菜去慶祝，自己編菜單之餘，餐廳仲容許客人帶酒帶蛋糕，勁好😍.當日叫左以下餸菜🌟花膠響螺煲雞湯🌟金華玉樹雞🌟薑蔥炒蟹🌟芙蓉蛋白蒸老虎斑2斤🌟台山菜花啫西班牙豬脾肉🌟蒜蓉粉絲蒸蟶子皇.呢個湯真係必叫，補益肝腎、强身健腰、滋補養顏，全家飲都好補😆 金華玉樹雞係我地順德家鄉名菜，由金華火腿、雞件及冬筍三者組合，雞已經去左骨☺️ 賣相賞心悅目，有菜有肉，雞件嫩滑，同時帶有金華火腿的鹹鮮，另外老虎斑有成2斤重，蒸得岩岩好，仲好嫩滑，蛋白超好送飯，吸哂魚鮮味同埋豉油😜…Read More

無意之中發現九龍城有間幾高質意大利餐廳，叫做帕維亞意大利餐廳，晚餐有分3道菜和4道菜，可以要前菜和湯，主食有安格斯肉眼扒、澳洲羊架、大蝦和法國鴨腿，想食好d就要額外再加錢～最後仲有是日甜品🍮.依家餐廳做緊任飲指定紅酒白酒2小時，只要人頭消費$500就可以，主食加錢基本上都過$500😬任飲package其實幾抵.我叫左份安格斯肉眼扒，5成熟，切開仲有粉粉紅色，肉質夠腍，脂肪分布均勻，味道上都帶香濃的牛肉味😊…Read More

最近青衣城開咗間冰室，環境幾大，午餐時間都好多人食，Menu有是日午餐、常餐或單點，是日午餐的供應時間都很長，由11:30至18:00都有，所以3點幾如果好餓，除左下午茶都可唔可以食是日靚午🤣.今日是日午餐有椒鹽豬扒、燒汁雞扒焗飯、黑椒西冷牛扒、和風椰菜肉片飯和四季豆牛肉飯，每日都有五款， $69連嘢飲👍🏻.但我就想試吓呢個避風塘海鮮炒麵😍有大量炸到金黃嘅蒜蓉，每一啖嘅避風塘炒蝦都有炸蒜，食落好香口，香辣惹味，麵炒得乾身，唔會好油…Read More