ronnycheung's Profile

最近天氣炎熱、陰晴難料，中午去一樂買個外賣吧。 怎料這短暫的時間、來回的幾句普通外賣溝通亦令人生氣😤首先係見到你後不理不採，然後突然用不耐煩的語氣同你講「企出去、等陣、要咩」，這仿似命令式語句係突發而來，你聽唔到？咁就再等等，聽到了就要快回應。除非你經常去幫襯，不然一般初次去幫襯或反應慢點的顧客肯定接不住。 相信一樂對生意極有信心。你唔幫襯？ 其他顧客仲有大把，好行唔送！ 冇計，暫時一樂的出品還沒有其他人在附近挑戰到。燒味係較好，但肯定唔係非食不可。厚厚的脂肪在鵝脾內則、粗糙的刀功切得鵝骨帶點骨碎、帶濕的米飯等都係一樂出品特色。其他的燒味就更不值得一提。 由它吧⋯ 沒有近憂，必有遠慮；悉目以待。…Read More

週五晚包房食飯，自選了菜色，當然北京填鴨是其中的一道菜，北京樓嘛⋯⋯份量十足，每道菜都做到美心水準，但總覺得可以再做好點。如乾瑤柱的陳舊味可以去得好點、鮑魚汁可以扣得濃一點、個湯可以燉得長少少時間，相信可以將個湯更有和味的感覺，當然這些都還欠少少。整體水準可以接受，但真想食好嘢，北京樓就不作考慮了。最後，這北京填鴨，已好像變了成燒鴨的感覺，哪裡有填鴨的味道呀？ 食落的味道就似係現今食任何普通蔬菜的味道，有型冇味。 另，上菜最好及時一點，溫度影響味道，樣樣都不變，就咁熱辣辣一點，味道亦將提升一點。 終結一句，美心味道，不過不失。…Read More

五十幾蚊，有冬陰功河加紅豆冰，你還想要什麼呢？ 湯底應該係俾咗心機去煲的，水準在中價餐廳之上，但食物的用料和份量就因價就貨。工薪階層能在中午食到咁樣價錢的河粉，算係可以接受，但下午茶就又要破費了。河粉係一般水平的廣東河粉，蝦的賣相可以，瘦削了一點，蝦肉唔彈牙，可能係雪得太耐。其他的配料份量較少，味道不過不失。唯一可讚係個湯底，讓大家不用百元以上亦可喝到這樣的水準。紅豆冰亦係等價交易，偏淡。瘦小的紅豆在溝淡的椰汁水中浮浮沉沉，顯得格外可憐。食客們，想要高級的⋯ 可以！ 早啲返公司努力工作，搏升職加人工吧。…Read More

老實講對安利的出品由從前的超鹹，但製作認真，樣樣嘢有返咁上下變為今天的味精出品，甚感可惜。今天中午又食咗一碗湯頭味精濃濃的爽腩米，其濃度已到達帶苦的感覺。如果這3位當家繼續咁做落去，相信安利亦好快會日落西山。記得從前這「腎衰竭」湯純粹係時代口味的差異，一碗魚蛋粉係出大汗、賣大力的勞苦大眾佳品，多加少少鹽可以補充身體失卻的鹽份，但這碗魚蛋、牛腩的製作認真，自然的鮮味、香味濃郁，很受食客歡迎。時移勢易，漁村變商港，食客亦已係以中產白領階層為主，君不見東大街兩邊路旁泊滿私家車，食客斯文有禮，哪裡還能抵得住超鹹的味道。大家要求的是一碗真材實料、製作認真的牛腩魚片河，你收我六七十蚊一碗係可以接受的，但請不要靠味精來增味，揀選靚牛腩、製作靚魚片好嗎？哪從前的炸魚片香氣已失卻多年了，還要食客等待多久呢？另，辣椒醬也沒有從前的感覺，醬太少，油太多，落碗唔香，醬汁亦已沒有任何味道。可惜了⋯ 希望唔好衰竭係這三位獎門人手裡。God Bless On Lee！…Read More

難得今天是佛誕，就去感覺不太靠得住的靠得住再試一次。 唉⋯ 一進門就被安排坐去邋遢的廚房門口。沒有其他位置嗎？ 不是，還有很多空座，但阿姐話就你坐就坐喇，都是一樣的座位。啊！ 阿姐啊！ 難道妳覺得每個座位都咁邋遢，真心覺得只係廚房門口啲位比較邋遢，其他還可以。我決定自己換位，坐卡位。慶幸冇人干涉我，成功換位。 看了看餐牌，自行用app點了沙爹公仔麵、多士炒蛋、奶茶。 上餐算快，但親愛的阿姐，檯面係俾我用餐的，你可以在擺下碟、碗和奶茶的時候想想個客用餐的方便嗎？No！ 阿姐最重要係擺低嘢，求企推開啲嘢，擺低就算。結果呢？ 奶茶在你左邊遠處、多士在靠近我屋企人的正前方、面係屋企人的左手邊。 靠！ 要自己重新排返好啲嘢！哪食品呢？ 不值一提，要不就諗起都唔想食。我保證，想減肥的話，天天去幫襯，你一定減秤！因為奶茶冇茶香、炒蛋係油泡蛋，而麵係清晨已用滾水泡過，排列整齊如剛拆開包裝的麵餅加類似牛肉的沙爹牛肉麵。 天啊❗️ 這是佛誕假日的早晨啊！ 怎麼這麼倒霉？！ 永不幫襯！ 但希望有人會欣賞你吧⋯⋯ …Read More

訂了檯但卻安排坐狹窄的bar檯。雖然店方話有打電話來確認，但正好沒能接到來電，店方亦不再跟進或重打，連重打第二次也沒有做。為什麼，原來生意好，客流量大，我亦只是2人檯，乾脆俾檯給其他更大額消費的客人。當然，以上只是感覺，但這是因為來電確認是在快到訂檯用餐的時間前10分鐘、來電只打了一次、我到店時已沒有任何空檯；另，店員的態度是可接可不接這檯生意了。因為沒進店用餐，沒法評價出品。當用這種心態來做服務業，能持久嗎？ 客人的眼睛是明亮的，慢慢就知道⋯…Read More

提前1個禮拜打電話去，想訂隻雞過節。 電話的回覆係唔接受預訂，到時自己嚟買，有就有、冇算你唔好彩！ 哇！ 咩態度！ 差！差！！差！冷靜想下，既然唔想做生意，請早關門大吉吧！ 其實附近的生記仲好食，伙計積極有肯幫客，大家去生記買吧，仲有少少現貨。 悅香雞，永不再去幫襯，而且只有雞好食，其他嘢真係唔掂！ 冇誠意兼冇水準。香港的食店全像佢，咁就玩完囉！…Read More