Judy_C's Profile

趁7.1假期前夕，到了屯門三聖村探望朋友，順道一試出晒名的海鮮作午餐朋友揀選了「泰海鮮」作為今次聚舊的餐廳，貪其沒時限，可以慢慢食慢慢傾。這間餐廳位於屯門三聖村商場地下，由西鐵屯門站再轉乘輕鐵#505便可直達三聖站，到站後過對面馬路便是三聖村商場了。餐廳正門餐廳其中一角我們一行4人，點了以下幾款海鮮1. 薑蔥鮑魚煲肉質厚實彈牙，薑蔥惹味開胃，略嫌不太夠熱，熱辣辣上檯會正好多。2. 冬蔭公湯煮花甲冬蔭公湯味道適中，不會太酸太辣，正花甲既份量都算多，粒粒飽滿之餘都沒有沙，好味。3. 青山灣焗龍蝦放上滿滿芝士拎去焗，淨睇黃金既賣相已經冇得輸龍蝦大隻，肉質彈牙，但略嫌芝士太多，食落會有膩既感覺。4. 泰皇芝心蝦丸大大粒，外層沾上一粒粒麵包糠，第一啖食落脆口，再來就是新鮮彈牙既蝦肉，咬開蝦肉之後就是流心芝士5. 豉椒蟶子皇米粉底蟶子皇果然是堅大隻，而且新鮮，再加上用豉椒嚟炒，開胃惹味。米粉底略嫌硬左少少6. 辣羔炒肉蟹肉蟹相當大隻，而且都是新鮮的，肉質彈牙。醬汁食落似似地冬蔭公味總結 : 如果諗住嚟三聖村食海鮮而又唔想食中式既話，呢間食泰式既海鮮餐廳大家都可考慮一試。…Read More

是晚相約很久沒見的朋友食晚飯，聚一聚。選址位於大家都方便的尖沙咀區，朋友話食過呢間，都幾好味下，甘我又未試過，便決定食呢間。唔知係咪因為是尖沙咀既關係，人超多，未夠7點到達拎位，都要8點多才可入座，餓扁了 白玉黃鴿 $29.9/隻 (每人只限堂食1隻)聽聞呢間既乳鴿係必點的，佢唔算大隻厚肉，但皮脆肉嫩，燒得好香口，點唔點淮鹽嚟食都一樣好味，肉汁多到流晒出嚟。細心位:提供手套同濕紙巾，仲有個鐵兜比你裝骨頭添小聚併盤 - 三併$69 (冰鎮秋葵．青芥木耳．辣汁花螺)冰鎮秋葵 : 凍冰冰，黏黏的，口感一流青芥木耳 : 爽口辣汁花螺 : 因有麻味，本人不太喜歡點來聚聚-5件 $69 (墨魚汁餃．芋蓉流沙．柚子蝦餃．蜂巢糕．賽螃蟹餃)每款都很新穎，味道特別，市面比較少機會可以食到西蘭花苗 $79新鮮翠綠，味道中規中矩鳳梨咕嚕 $99個人覺得幾好味，酸酸甜甜，好開胃粉墨登場 $99 (墨魚汁．薄荷葉炒飯)看似幾得意，賣相特別， 但就略嫌飯質較硬最後，當然唔少得以甜品結尾總結 : 款式新穎，價錢合理，地點方便，可以一試。…Read More

早於個多月前已夾好表嫂一同慶祝父親節，知道呢間酒樓主打新派FUSION點心，聽落好似幾特別甘，於是便早於2星期前致電訂檯。於父親節當天，一行13人便來到這間位於MEGA BOX 7/F的鳳城1954，試試這些新派點心先因人多關係，我們都點了好多喔1) 小朋友食晒2個，所以味道唔知點，但賣相一流2.) 櫻花蝦燒賣我個人覺得味道一般，櫻花蝦味不太突出3) 古法灌湯餃份量大，皮算薄，但略嫌湯汁少4) 上湯炸粉果這個應該是必點點心吧，我見附近好幾檯都有叫。我是首次見到炸物配湯嚟食表面果層甜甜地，內有鮮蝦餡料，配上上湯一併食，感覺幾特別5) 安格斯霸王 (牛肉腸粉)因只食了一小舊，所以食唔出係安格斯牛6) 紅油抄手 沒試，所以唔知味道如何7) 菠蘿炒飯份量看似好少，其實都夠食。餡料略嫌太少，味道一般。8) 黑松露水晶包黑松露味不算太突出，但超多菇，中意食茹既人一定喜歡這個9) 叉燒包中規中矩，沒太大驚喜10) 奶黃流心包我沒有試，但見屋企人撕開時唔算好流心11) 魷魚鬚份量偏細，但應該係即叫即炸的，炸粉夠薄同鬆脆12) 蝦多士我覺得這個好味，多士炸得鬆化，蝦肉厚實彈牙13) XO千絲蘿蔔條我個人喜歡這個，一口氣食左3舊外層鬆化+脆卜卜，內裡的蘿蔔帶出軟淋淋的口感 總結 : 各款點心味道一般，價錢尚算合理，但嫌地點有點不方便，本人覺得試一次可以了。   …Read More

好耐都沒有行過旺角中心附近了，聽同事說開了一個新商場T.O.P.，仲要是極之方便，因為是連接地鐵站出口的，落雨也不怕。於是是晚收工便約了幾位朋友去行街晚飯行到攰攰地，便上了3樓打邊爐揀左一間叫「菜菜鍋」的來試。這間是主打一人一鍋，而且每人可選2款湯底添一次可試2款味道。湯底選擇有麻辣白湯，壽喜燒，蕃茄味，豬骨醬油味，海帶和香辣味，我選擇了壽喜燒+豬骨醬油味。(壽喜燒 : 味道正常 ; 豬骨醬油味 : 豬骨味道淡了一點)但限時90分鐘，有點趕選好湯底後，便去醬料自助吧揀自己口味的醬料，之後再來便是到飲品區揀飲料了，選好晒之後，便是等......食自助區除了有火鍋配料外，還有少量熱食，白飯，公仔麵提供。放火鍋配料的雪櫃非常凍，可確保食物新鮮，不容易惹細菌，而且食物REFILL得好快，不需搶食喔種類選擇都算多，一般火鍋配料都有齊，蔬菜類，丸類，茹類，烏冬，魚塊，雞肉，還有青口。檯上都放有一壺鰹魚昆布湯，可自行加添湯底，完全自助啊我們揀選了特上牛肉呢個餐 (HK$189+10%)，肉類可選豬肉，上等牛肉和特上牛肉。店員首先會放低2盤牛肉+1盤豬肉。豬肉 : 薄切，好快熟，淥一淥就可食得，色澤粉嫩我分唔到邊款打邊款，但目測兩款牛肉都係靚嘢，肉質嫩滑，雪花分佈平均，肥膏唔多，沒有羶味蔬菜翠綠新鮮，較特別是有羽衣甘藍打邊爐又點會少得烏冬呢.......食埋滿足晒總結 : 地點方便，價錢合理，食物質素不錯，CP值高…Read More

今晚收工後相約朋友們於元朗區晚飯，因大家都中意打邊爐,放題之類，貪其一個價錢就可以任飲任食，唔洗就住就住而今晚甘岩天氣涼涼地，最適合就係去打邊爐啦之前搭西鐵回家途中都可見到呢間酒家既招牌，於是上網SEARCH一下，發現價錢都非常大眾化，任飲任食火鍋都只係$138。雖然火鍋料種類不算太多，但都可接受。 (呢度除左火鍋，還有蒸海鮮可選擇)地點好方便就腳，於西鐵朗屏站E出口，直行大約5分鐘就可到達。一坐下，立即選湯底先，我們揀了椰子雞鍋。仲有街景睇添 (直望就係西鐵站喇)先上白白的湯底再來主角.....椰子同雞落鍋雞件份量多，而且嫩滑，唔錯!自助醬料吧，都是大路打邊爐醬料啦，無咩特別各式手打丸都算出色的，蝦丸和墨魚丸都彈牙同有鮮味我個人就比較中意手打豬肉丸 (有肉味而且有咬口)鮮滑牛都是十分推介的在打邊爐的追加配料中，看見皮蛋一欄，當堂覺得好驚喜啊好少見到會有皮蛋可追加，我們都追加了一,兩次響鈴同炸魚皮就需要自行到醬料吧附近拎的，追加紙是沒有喔都是一般的火鍋配料啦，沒有什麼特別。肥牛 : 略嫌脂肪多了一點蔬菜 : 新鮮翠綠，是自行到雪櫃內取的，感覺滿衛生同保鮮。蔬菜雪櫃 : 除了菜之外, 還有少量茹類，粟米，南瓜，蓮耦......飲品櫃總結 : 雖然火鍋配料不算十分多，但勝在價錢大眾化。服務態度良好，上菜快。因是做街坊生意既關係，所以員工們感覺好親切。而且地點方便，值得一試。…Read More

近期天水圍的置富嘉湖商場(前名:銀座)進行大裝修，引來很多新食肆加盟。是晚HAPPY FRIDAY，於是相約居住在天水圍&元朗區的朋友們去踩踩新場最後，我們揀選了這間 - 101手工小火鍋。貪其選擇多，除了主角:一人一鍋之外, 還有即燒熱鍋小菜．台式肉燥飯．古早台灣麵．蕃茄湯麵．麻辣湯麵．鐵板餐等等。小火鍋餐牌，如果唔夠配料可以加錢追加，或者可以加錢追加小食。我揀選的是.......日式壽喜燒sukiyaki牛肉小火鍋 ($71.00)(湯底夠晒濃郁蔬菜同豆卜完全吸收晒壽喜燒甜甜的味道，食落非常惹味，送烏冬或飯都一流)(鍋裡配料都幾多架，牛肉片就一定有架啦，仲有京蔥，包心菜，白蘿蔔，玉子豆腐，金茹，魚腐，粟米等等)套餐還包了一份主食 (我揀了烏冬)  + 一份肉類 (我揀了肥牛片)，師傅幾好刀功切得幾甘薄肥牛賣相都唔錯，望落都幾新鮮。因為薄切既關係，所以只需淥2,3下，便可入口。幾滿足幾大鍋另外，我們一行幾人還追加了一份鹽酥花枝丸 (3粒) $12.00 & 台灣鹽酥雞 $18.001. 鹽酥花枝丸 (3粒) $12.00(入味，唔油，花枝丸彈牙)2. 台灣鹽酥雞 $18.00(香口惹味，一點都唔太油膩，值得一試)總結 : 價錢大眾化，食物款式多，再加上味道不錯，值得一試。…Read More

是晚星期五，相約同是住在元朗區的朋友們晚飯。由於元朗出晒名有好多優質又抵食的小店，今晚一於出去覓食一下最後揀了位於教育路的一間日式小店。一坐下, 店員先放低一樽茶。之後我們就開始慢慢點菜喇。有多款刺身飯同小吃提供給大家選擇，而且價錢不貴，非常平民價我們先點了這2款前菜，開開胃口先......份量合理，而且夠晒凍，正啊 (我至愛之一)1) 味付螺肉 ($18.00)2) 芝麻八爪魚 ($18.00)和牛串 ($28.00)一口牛，方便入口，肉質軟淋，燒得岩岩好，唔un，加上有黑椒作調味，惹味啊。冬茹串 ($15.00)燒完之後，都唔會變得好乾，仍然keep得到好juicy，加上用燒汁嚟燒, 甜甜地，仲有木魚牛舌串 ($22.00)肉質厚實又爽，燒得岩岩好，唔un，呢款都係用了黑椒作調味，不錯。(因本人不太喜歡食牛舌，所以只試了一塊)燒雞泡魚干 ($32.00)我覺得燒得ok, 唔會太乾身，再沾上沙律醬嚟食，一流啊。(用嚟送啤酒，簡直無敵啊)(呢個我至愛啊)和風肥牛鍋 ($68.00)湯底味道適中，唔會好咸，而且肥牛份量多，其餘配菜都入晒味，呢個價錢抵食西京燒銀雪魚 ($78.00) + 白飯 ($12.00)只要有呢個餸，我就一定會揀，因為唔係好多地方有架魚皮燒得香脆，魚肉滑身，配上白飯，超滿足 總結 : 雖然地方細細，坐得不會太舒適。但無論食物，味道都是優質，再加上價錢非常抵食。如果去開元朗玩樂的話，可嘗試一下。…Read More

是夜又到了HAPPY FRIDAY11月尾天氣應該開始涼涼地，最佳既飲食節目就梗係BBQ啦。我們早於1個月前已訂定今晚的BBQ場，因大家都住在不同地區，所以就揀左呢個場，正正就係正鬧市，大家都就腳。皇后燒烤 ，位於菲律賓會內，地點尚算方便。由紅磡站步行約需15-20分鐘。大家都可以鴐車前來的，但要留意喔，呢度車位非常少，如果要駕車到來的話，就要預早到來泊車喇。星期五晚$268/成人，任食燒烤食品，任飲啤酒和飲品。因為是星期五晚既關係，人超多。睇下........幾甘熱鬧，幾甘多人我們都已經係1個月前訂位的，但都是被分配到出入口位置 (樓梯底就是出入口喇)。可想而知，星期5晚既時段真係不容忽視的。我們一行8人，大家都坐得非常親密，感情立即升溫，變得密不可分喺拎飲品食物既地方，有一個自助調味吧。大家可按照自己既口味來揀選調味料，享受一個美味燒烤之夜食物種類都算多，味道都不錯的。一般既丸類，扒類，腸仔，雞翼，咖哩魷魚，蕃薯，蔬菜類都會有齊。較特別既......就係有幾款海鮮可以任燒，而且都係新鮮既。小型沙律吧甜品吧飲品．啤酒種類多。仲有紅，白酒添，岩晒嗜酒人士場內仲有少量玩樂設施可玩，唔怕悶親小朋友，又唔駛佢地成日對住部IPAD打機，都唔錯丫。總結 : 呢個價錢雖然唔算係大眾化，但位於九龍區既鬧市，又有海鮮任燒啤酒任飲，都算合理。如果唔想好似我甘，同朋友們密不可分既話，就記得要預早好多好多時間嚟訂位喇…Read More

10月份秋意漸到，適逢是朋友生日，正正就是打邊爐聚首一堂既好時機今次揀算呢間火鍋店，位於佐敦，地點都算方便，地鐵站一出，步行幾分鐘便可到達。而且還可以任飲任食2.5小時，任食打邊爐嚟講都算時間長了。一坐下，先來各自混醬一番先之後，店員便送上竹庶茅根比我地，等我地可以潤潤喉，細心，唔錯。當然，其他飲品大家可自行到飲品櫃自取。因我們人多，所以可揀選2款湯底:1. 鮮茄薯仔豬骨鍋 : 健康又清淡2. 泰國椰子雞鍋 : 湯底足料，滋潤清甜肥牛 : 薄切，只需淥一淥便可入口。滑牛肉 : 好軟滑，好淋身，有牛味其他都係一D普遍既打邊爐料.......沒太大特別芝士丸 : 一咬開，流心爆槳既芝士，非常滿足。芝士控必選總結 : 以呢個價錢同任食時間來講，算是CP值超高的，抵食既。…Read More

今晚又係HAPPY星期六，又係時候約班朋友出外覓食之日今晚又係揀左呢幢商廈裡面既食肆 (呢座大廈裡面真係有太多餐廳了......)，同埋地點超方便，係旺角地鐵站B3行出黎，步程約3分鐘便到。這是一間韓燒火鍋雙放題既餐廳，岩晒中意食燒肉又中意打邊爐既貪心人一坐下，店員先送上一份刺身(這是6人份)，因我不食刺身的，所以全歸我的朋友們。朋友們說刺身挺新鮮+鮮甜 ; 而且幾厚實，不是薄切的喔(注意:刺身不是任點任食的)仲有，燜牛肋骨煲 (好濃牛肉味，而且牛肋骨燜得好淋，好入味)主角來了.........第一輪 : 1) 1++韓牛牛胸爽2) 醃1++韓牛腩肉 3) 醃1++韓牛肩肉 : 醃到入晒味，肉質較淋身，好味4) 美國安格斯肉眼扒 : 份量大，薄切，肉質軟淋，味道濃郁5) 韓式美國安格斯一口牛粒 : 肉質厚實，比較有咬口。6) 韓式美國短骨牛排 : 肉質軟淋，易咬1++頂級靚韓牛，每台一客(好似)色澤鮮紅，雪花油脂分佈平均，入口軟淋，同埋入口即溶，牛味好濃超級第二輪 :1) 廚師腸2) 蟹柳3) 雞中翼4) 辣雞中翼 : 微辣，較為惹味。5) 韓式雞肉 : 微辣，燒完後肉質不會太乾，都鎖到肉汁。6) 五花肉 : 燒至外脆內軟，但依然有肉汁，唔會太乾。7) 帶子帶子 : 新鮮而且鮮甜軟淋第三輪:1) 芝士腸2) 魚塊3) 廚師腸 (ENCORE)第四輪 :點都要食返D蔬菜平衡一下1) 翠肉瓜2) 菠蘿3) 三色椒4) 粟米5) 雞脾茹6) 鮮冬茹食完一輪韓燒後，就點返一D熱食喇......1) 香蔥海鮮煎餅2) 牛肉粉絲鍋 3) 泡菜豆腐豬肉湯 : 個人認為好辣喜歡辣既朋友，一定會中意呢個湯。4) 韓式紫菜飯卷 : 味道較為清淡，相對較為失色。5) 牛肉炒粉絲 : 有麻油香味，粉絲彈牙有咬口，熱辣辣，正飲品類都幾多下，我今次揀左新包裝既忌廉鮮奶同埋米槳 (好少任食放題有呢隻飲品，所以就試下囉)甜品只得一款同埋一隻味既雪糕(雲呢拿味)，雪糕品牌係COCOBERRY (我第一次見咋，唔好怪我孤陋寡聞)總結 : 牛肉質素高，韓式飲品種類多。…Read More

見今天天氣涼涼地，心思思想食D暖笠笠既嘢，於是便相約朋友們晚飯，他們便提議到旺角食雞煲+打邊爐，因為選擇多。我們沿著旺角火車站附近覓食，最後選擇了在麥花臣場館附近的白布街呢間陸陸雞煲火鍋，岩晒我2款都食到餐廳內部我們點選了這個海鮮火鍋拼盤餐 $298/每位 (2位起計)，因我們一行4人，所以點了2個套餐，但原來份量十分之多，真係估唔到用平板自助下單，太新潮吧一坐下, 先送上前菜，開開胃口。花螺鮮甜彈牙再來，主角出場 ~~~~ 雞煲，因我唔太食得麻辣，所以點了微辣。雞煲材料有雞件、洋蔥、青椒等等，味道濃郁，有少少麻辣香味。雞件質地嫩滑，入晒麻辣香，非常惹味。因辣辣地既關係，我們點了柚子梳打+青檸梳打，解解辣，非常清涼。我個人覺得柚子梳打好飲D打邊爐既湯底就係龍蝦湯，湯裡還有粟米同蕃茄， 仲有成隻龍蝦添 重份量呀。除了龍蝦，當然還有海鮮拼盤既鮑魚啦蝦啦蠔啦帶子啦蜆蚌等等，每款海鮮都好新鮮鮮甜，呢個價錢食到甘多款同埋高質既海鮮，抵食睇下隻龍蝦，超大隻呀，肉質又厚實，而且味道鮮甜。呢個就係海鮮拼盤喇，真係無諗到$298有甘大盤鮑魚同埋帶子幾甘厚實鮑魚食落彈牙爽口，帶子軟淋新鮮，好味。之後仲有，頂級牛肩胛片，同埋豬肉片。2款肉都夠晒薄身，而且雪花分佈平均。頂級牛肩胛片豬肉片手打蝦丸，手打墨丸 ---> 爽口彈牙，正啊其他餃子類都較為一般，沒有多大突出。炸魚皮好脆口，但就略嫌太過碎。蔬菜夠翠綠新鮮飯後甜品:西瓜冰，食完夠晒冰涼仲有雪糕糯米茲送贈添總結 : 以$298呢個價錢食到甘多款海鮮同埋甘多打邊爐配料，算是抵食了。但唯一唔太好的是，飲品係唔包的。…Read More

本人其實都幾中意燒烤，特別中意比錢唔限時任燒果款，貪其方便，唔洗辛苦去霸爐，又會提供埋食物，燒烤用品等，兼且又有洗手間，真係淨帶個人出現便可，極為方便。我會選擇富泰燒烤場既原因，一來近屋企，二來價錢平，再加上面積廣闊，不會覺得好迫，而且仲有一個大型露天停車場，免費喔除了揸車之外， 還可以乘搭交通公具，只需乘搭西鐵到兆康站，再轉乘巴士便可來到。入場先付款，職員便會交給你2張紙仔...... 可換水，燒烤用品，食物藍   +  飲品券拎好燒烤用品之後， 當然就去食物區同飲品區啦 ~~~飲品櫃內既選擇都有好多款，大路同冷門都有，點都會有一款岩你任食燒烤只包水同飲品各一，如果要再買，就要依照價目表購買了。任食燒烤內包含既食物種類都算多，而且是獨立包裝，方便又衛生咖哩魷魚 : 入味雞扒 : 大塊而且厚肉豬扒，牛扒金沙骨，雞全翼叉燒 : 入味一直榮登燒烤排行榜榜首 - 雞中翼，有4種味道可揀，果然是最受歡迎食物之一南乳雞中翼 : 南乳味不太濃，其他燒烤場較少有，可一試。蒜香雞中翼 : 蒜香味不太突出麻辣雞中翼 : 因我本身唔食麻辣的，所以沒試，但身邊人都說好味。腸仔同丸類既選擇都幾多架.......眼見既有廚師腸，紅腸，芝士腸同埋台灣腸。丸類就有貢丸，魚蛋，墨魚丸，牛丸，燒賣等等.......蔬果類既選擇就有....茄子，青椒，翠肉瓜，粟米等等，另外，仲有麵包提供的。每包獨立食品上都有安全食用日期，大家可以食得放心:)準備就緒 ~~~ 開爐結論：交通方便，可供免費泊車 ; 地方寬落 ; 價錢平 ; 雖然燒烤食物種類普通，但勝在獨立包裝 ，而且不限時，是一個不錯的選擇…Read More

這晚又是朋友同我慶生的晚飯，朋友知我中意食牛又中意燒肉形式，所以帶我來試下這間專食牛的餐廳，仲要食放題添話就話係專食牛，但都有其他肉類, 刺身, 海鮮比大家任點任食的(放題時限:2.5小時)各款落單紙一坐下，店員會先按人數自動奉上一整套食物的。包括 :哇.....上檯喇，一睇D和牛既色澤就知係靚肉啦...........豚肉看似肥膏好多，所以我們一開始便燒豚肉先，待油脂沾滿燒網上，那一陣燒牛的時候便不會黏住了刺身因我只食海膽，所以除了海膽，其他的都已落入我朋友的肚裡(據朋友所講，刺身都是新鮮和鮮甜的，後來她都有再ENCORE)海鮮種類雖然不多，但夠大隻，新鮮同飽滿，質素幾好。我同朋友都有再ENCORE真係幾好味睇下D牛幾甘靚，色澤紅潤，雪花均衡，睇見都流口水(和牛西冷，和牛肉眼 & 和牛胸腹..........我們ENCORE完再ENCORE，超好味，超軟腍)食燒肉又怎能沒有啤酒呢好少放題可以任飲啤酒，呢度除了可以任飲啤酒，仲有清酒，梅酒和柚子酒都是任飲喔 ! 嗜酒者既天堂啊.......這部是全自動的暖酒機.......我第一次見到，好新奇呀可以自動斟出7-3黃金比例既啤酒機........我試玩了甜品和雪糕的種類超多，簡直花多眼亂啊總結 : 這間放題雖然價格略高，質素確實可以配上這個價格，可以一試!…Read More

朋友這晚同我食生日晚飯，我選擇了在YOHO MALL，主要原因是因為都近我俩回家而且餐廳種類多，質素亦高。今晚進食的餐廳餐廳裡面都裝飾得好有泰國風情，而且地方大，座位多，但空間度不大。因我們只得2人,所以食唔到太多嘢，以下就是我們這晚所食既食物喇(但完全唔記得左價錢同埋菜名)1) 沙嗲串燒(牛肉&雞肉)不過不失的一個餸，牛肉燒得不會太乾，食落口不會太'鞋' ; 相比起，雞肉較軟腍和多汁，再沾上沙嗲醬來食，無得輸2) 牛仔骨煲上檯時'吱吱聲' 便已覺得非常吸引，煲裡的配菜&味道好有泰式風味，惹味又開胃。牛仔骨份量多而且軟腍，這個餸配上白飯來食，一流3) 香脆豬腩肉炒芥蘭芥蘭新鮮翠綠，豬腩肉就肥膩左DD，味道是唔錯的。4) 芒果糯米飯這個芒果糯米飯是這間餐廳其中1樣招牌菜，非常出名，就算肚皮脹脹都要食埋佢…Read More

是晚一家人同老爸食晚飯慶祝生日，老爸為其就腳方便，就選擇了在屋企附近的酒樓用膳。這間酒樓位於天慈商場一樓，從天水圍西鐵站轉乘輕鐵既話，一個站就到了。如果步行既話，15分鐘左右就可到達，其實都幾方便。裡面環境都幾光猛，空間感都大。另外，大堂中央有部超大的電視機因為是星期一同埋做街坊生意，所以今晚人流不是太多。我們一坐下，老爸便開始研究菜單，準備叫餸開餐1) 至尊孖寶 $148.00(抵食，價錢平，份量足)燒味拼盤 鴨同雞都比左隻脾我地啊清蒸龍躉仔都幾大條下，而且肉質厚實軟淋2)上湯焗龍蝦(一隻)伊麵 $158.00龍蝦算大隻，而且肉質厚實，有咬口。3) 椒鹽八頭大連鮑魚 (6隻) $174.00鮑魚都算是大隻，但用椒鹽整，確實食唔出原有既鮮味，所以都應該係要清蒸肉質厚實，彈牙4)片皮鴨 1隻$98.00片出黎既皮都非常多，而且沒太多肥膏5) 薑蔥炒肉蟹1隻 $118.006)原籠蒜香糯米蝦 $78.00蝦肉新鮮彈牙，用蒜香一齊蒸，充滿蒜香味，正!*** 憑卷於晚飯用餐，免費贈送脆皮燒雞一隻有效期至30/4/2018 *** 開頭以為送既嘢一定不會太好啦，點知...........好大的一隻雞.............出乎意料喔外脆肉嫩，雞肉厚實，我都忍唔住，夾了好幾舊…Read More