麻甩大叔周遊遊's Profile

位於中環些利街，搭長電梯上去高少少位置，正正就係電梯隔離嘅斜路位置。係一間感覺好唔錯嘅墨西哥酒吧餐廳，Taco同捲餅都係非常之正宗，風味味道都係好有驚喜BREAKFAST BURRITO $178禮拜六日brunch special黎。淨係份量已經覺得非常之誇張，掩餅餡料非常之多，滿滿嘅牛油果醬撈埋洋蔥蕃茄同煙肉粒，仲有香腸片同炒蛋，成個捲餅塞滿晒，細食少少可能食一半都會飽SURF & TURF TACOS $158Taco都好完整，個餅夠脆，餡料多到一邊食會一邊跌落黎，烤蝦肉同牛肉加埋牛油果醬同香料配料，口感幾正，酸酸地幾惹味。6 HOT WINGS $88雞翼都好食好入味，辣辣地加埋D檸檬葉好香。有3個醬跟埋，一個甜酸汁，一個墨西哥辣汁，另一個係sour cream，三款汁都好好食，特別鍾意個辣汁更加香口Santa Monica Sunset $98Lychee Martini $98Sunset個杯朋友叫，入口甜甜地，唔會太濃酒體。我自己飲Lychee Martini，香嘅荔枝味之餘酒嘅後勁都幾濃…Read More

見到好多朋友推薦呢間外賣店話好似住家飯咁咁好食，見佢地都真係幾好生意幾多人買。佢地原來係一家人去經營店舖，炒粉麵飯都有，而且唔落味精，所以口味上都好似屋企食嘅咁，香得黎無咁重口味。鹹魚雞粒炒飯 $55 / 家常炒飯 $50是日靚湯 跟餐$7叫左兩個炒飯同屋企人一齊食，都幾大盒夠3個人食。鹹魚雞粒炒飯勁香鹹魚味，拎到返屋企都仲好夠熱。家常炒飯有D驚喜，因為有好多料係入面一齊炒，仲要有魷魚。另外今日佢地湯水係紅豆沙葛湯，好甜好香好有屋企味道。自制豬軟骨(二人份) $78份量都幾多，呢個價錢OK。個滷水汁係幾香，豬軟骨都好夠入味，而且已經煮得好夠淋，軟骨部份都唔洗太大力咬手打牛肉餅 $36店舖自己手打嘅手肉餅，食落好似食緊牛丸咁咁彈牙，牛味加埋少少胡椒味食落好香，好抵食，有好多片係入面，加埋佢地個自制辣椒油勁正勁辣老闆娘同我講話原來可以直接電話落單，之後先過黎比錢拎就唔洗等咁耐…Read More

元朗呢間係正宗嘅台灣肉焿店，原來台灣宜蘭個邊有都有間係總店黎，係當地人氣都係勁高。餐廳好多野食揀，真係好似返左台灣咁，而且價錢好親民一D都唔貴芝士芋泥蛋餅 $45蛋餅捲得唔錯，個餅幾煙韌，入面好多芋泥同芝士。芋泥夠棉滑又好香，再加埋D拉絲芝士個味更加好食QQ炸地瓜球 $33地瓜球同夜市食到嘅有D唔同，入面唔係空氣感而係真係幾Q彈棉滑嘅地瓜，外面炸得好脆加左D煉奶都幾特別酥炸雞扒魯肉飯 $65塊雞扒勁大塊，呢種酥炸嘅口味真係台灣菜先有，十足好似係台灣食緊好好食嘅便當或者去左夜市咁。雞扒炸到勁脆又唔油膩，灑左D椒鹽已經好香，滷肉都唔少，而且滷肉個汁滲晒落個飯到勁香勁好食抹茶麻糬奶酥 $49塊吐司好厚，勁香抹茶味同奶味都勁濃，加左係吐司上面一齊焗焗到好酥香脆，中間仲加左麻糬，食落煙煙韌韌咁，就算唔係甜嘅甜品一樣都係咁好食珍珠奶茶+$10另外加左錢轉左杯珍奶，奶茶原本就已經係少甜所以好飲得出個茶香味，珍珠好多食落勁煙韌勁彈…Read More

元朗呢間手工餃子其實都好多年，近排好似改左名。餃子店每日都係人手自己包，D餡料口味都有成14款咁多，仲可以湯餃或者煎餃都得。湯底仲要有花膠淮山煲豬骨湯可以揀，無味精好好飲。價錢都幾抵食，仲可以雙拼唔同餃子。今次試左幾款湯餃：韭菜豬肉餃、白菜豬肉餃、芹菜豬肉餃同京蔥羊肉餃。韭菜豬肉餃個味比較夠濃，好多韭菜料好足。白菜豬肉餃就清新啲，白菜爽脆同肉汁都好夾。芹菜豬肉餃有陣清香，食落好開胃個味都係比較濃。京蔥羊肉餃無羶味，京蔥幾香，個湯仲可以解下膩幾好。煎餃方面，試咗芝士豬肉餃同紫菜豬肉餃嘅雙拼，成隻都煎到脆卜卜，芝士一咬爆漿拉到絲，紫菜好香就有陣海鮮風味，兩款都好食小食叫咗麻辣豬耳同皮蛋豆腐。麻辣豬耳爽脆，偏辣同麻辣，但就食到停唔到口。皮蛋豆腐就軟滑，皮蛋好香，有少少肉鬆係上面個味又幾好食。整體黎講，餃子大隻，環境乾淨企理，價錢又唔貴，元朗想食餃子可以試下…Read More

睇落店舖細細但勁有驚喜，餐廳只係做外賣，味道正宗之餘，份量同價錢都真係好驚喜。誇張D講，如果住附近的話我相信我可以日日外賣都得。泰式秘制豬頸肉飯 $49豬頸肉都多片，燒到本身個表面脆脆地好香再切片，再淋左D蔥香嘅燒汁上去成個味都好好食。同埋又有D沙律菜跟埋，成個口感即時無咁油膩黄咖喱牛筋腩飯 $55咖喱有好香香料味，微微嘅辣味，咖喱味好濃。有幾舊牛筋腩，煮得好淋筋位好軟牛味幾香，咖喱撈埋個白飯一齊食會停唔到口花生香蕉煎餅 $38係我暫時食過最好食嘅香蕉煎餅，擠滿左花生醬同埋煉奶仲要有埋花生碎粒。煎餅個底係有一層好脆嘅脆片，咬落係咔咔聲個種脆，好香好脆好好食火山骨飯 $45都幾誇張，真係成條火山排骨肉。條排骨肉豬肉勁淋，軟骨位都可以食到咬得開冬陰功海鮮湯 $25雖然細細碗，但係有唔少海鮮好足料，有蝦有青口有魷魚，味道夠酸夠辣勁開胃泰式奶茶 +$13跟餐加錢，個茶味幾香，泰茶飲佢個茶香同甜味幾好飲…Read More

位於北角匯二期嘅呢間法國餐廳，同朋友早左少少入左去坐低，發現坐窗邊嘅座位可以直接睇住個太陽日落，勁好feel。餐廳環境舒適寧靜，座位唔算特別多，坐落舒服。雖然係法國餐，但係set dinner價錢都唔算貴，set已經包埋前菜主菜同飲品。同朋友分別叫左唔同嘅set dinner，前菜叫左忌廉蘑菇湯同埋法式白酒煮青口。蘑菇湯夠滑身，菇同忌廉味都好香，而且都唔少蘑菇粒係入面，多口感幾好飲另外個青口都好食，青口本身夠新鮮，白酒同牛油個味揮發出黎好夠香。青口本身都大隻，所以都幾厚肉同埋個味都夠鮮甜Set Fish焗法國鱸魚伴蜆肉忌廉汁，另外有薯蓉伴底。鱸魚煎到個皮夠脆好香，魚肉本身好夠厚，鱸魚個種厚實嘅口感都好正好鮮。另外蜆肉都大隻，個忌廉都幾濃厚，幾好食Set Pork chop慢煮西班牙豬鞍薯蓉配蔬菜，整體望起上黎已經覺得好靚。西班牙豬本身個肉都係比較香，慢煮出黎好嫩，而且唔油膩。加左少少燒烤醬食起上黎又香好多，另外配菜有D小節瓜冬菇同西蘭花，冬菇個味勁濃好多汁就係咁，同朋友邊睇住日落邊食住晚餐，overall黎講都係幾唔錯…Read More

太子呢間入型入格充滿住工業風嘅拉麵店，成間店勁型。佢地唔止淨係食拉麵，居然仲有冷粹飲品同甜品，幾難得一間咁正宗嘅拉麵店會有埋甜品食。到底係一間被拉麵耽誤嘅甜品店，定係被甜品埋沒嘅拉麵店，答案係拉麵同甜品都係完美！！🤩😍🦐濃蝦湯拉麵 $98店家只有三款拉麵，但蝦湯呢碗真係令到成間拉麵店都好香。佢地個碗用左黃銅鋼黎裝拉麵，成個感覺幾正之餘，就算食得慢少少都仲係好夠熱。湯底較濃同杰身。一大片嘅叉燒搭配兩粒手打豬肉丸，肥瘦適中，肉丸仲有D軟骨幾特別。炸雞兩件 $28就連炸雞都炸得好好食，炸皮唔厚咬落好脆皮，肉好厚好大件，雖然有少少油膩但係肉汁好多，蛋黃醬加埋一齊食係勁正🍮焦糖布甸 $40布甸夠結實，蛋味好香之餘仲見到唔少雲尼拿籽，食落滑得黎好香雲尼拿嘅香。焦糖都好夠多，至少係包晒成個布甸，整體都非常之香。🍰Tiramisu巴斯克 $65又點會諗到拉麵店都有巴斯克食，而且仲要咁出色。表示灑左咖啡粉，中間層係棉滑嘅芝士蛋糕，底層係好香嘅tiramisu乳酪蛋糕層，仲食到D好濃咖啡味嘅餅乾碎，呢個甜品比起一般甜品店更加值得去食🍵冷泡八女煎茶 $45綠茶茶味清香，慢慢細味下有種甜香綠茶味，飲落舒服，食過拉麵同甜品後飲起上黎就更加解膩如果香港有拉麵店排行榜，我會將佢排係第一位，下次會再戰食埋其餘兩款拉麵同其他甜品…Read More

中環感覺唔多韓國餐廳，見呢間網上評價唔錯又係新開嘅就即管去試一試。餐廳keep住都幾多人流，環境乾淨，重點坐得舒服。小食前菜份量都幾多，唔止有泡菜仲有魚糕同粉絲。小章魚五花肉套餐 $188套餐仲有跟一鍋米飯，味道有少少偏甜無想像中咁辣。小章魚幾多粒口感彈牙，五花肉唔少不過就偏油身D，不過用黎配飯食係OK牛肉嫩豆腐鍋呢個套餐幾抵食，一個炒熱鍋再加一個湯鍋。叫左呢款牛肉嫩豆腐鍋上檯時仲係熱到勁滾，有一隻生雞蛋附送可以直接打埋落去一陣就熟晒。個鍋我揀左少辣，食起上黎岩岩好。牛肉片唔少，豆腐超嫩，整體成個味道配飯撈埋一齊食勁正 海鮮蒽煎餅 $178唔係厚身個種煎餅，所以口感比較脆。海鮮都幾多，又蝦又魷魚。蔥量都唔少，食起上黎幾夠香。另外有個酸酸地嘅辣汁，沾沾黎食香好多又無咁油膩Fried Pork and Vegetable Dumpling (6pcs) $78煎炸餃子個外皮好脆，算係幾大隻。內餡係豬肉同大量嘅蔬菜，幾香唔錯…Read More

餐廳基本裝修同氣氛都好有日式昭和風嘅感覺，唔少嘅靚燈籠同埋織旗都好靚，比較可惜係餐廳油煙味大左少少。有個二人嘅壽喜燒套餐，都係唔錯嘅選擇。叫左個招牌壽喜燒二人餐，加左$50升級左澳洲M9和牛西冷&美國頂級牛頸脊。 兩款牛都靚，和牛就真係油花靚好多，不過牛頸脊都好吸引幾厚切有職員幫手燒，用海鹽同牛油熱個左鍋之後加埋D壽喜燒汁放牛入去燒，牛頸脊好濃牛味，油感唔多。另外之後食埋片和牛，好嫩好滑，入口就溶左咁，好食。清酒煮鮮蜆原本係手打漢堡，但轉左煮蜆。蜆肉每隻都大隻，蒜味牛油味加埋個酒香同蜆香，整體好鮮甜小食: 甲羅燒多士 / 燒和牛牛舌甲羅燒好濃蟹膏香，配左多士食，入面仲有D蟹肉好好食。牛舌7成熟左右幾彈牙，幾鍾意佢地配個墨西哥辣醬，勁辣之餘又好食黑松露燉飯食埋D蔬菜之後最後加埋個燉飯入去煮，整體好濃好厚身嘅忌廉味，個壽喜燒汁又幾中和到忌廉個陣油膩味…Read More

呢間印度餐廳連個名都話埋你知佢係食正宗嘅印度野，絕對係北角入面最隱世而且最好食抵食嘅印度餐廳，唔收加一之餘價錢仲要唔貴。餐廳係家庭形式打理，門口望落唔起眼，但入面乾淨舒服奶油咖哩肉醬 Butter Minced Beef咖喱味好香濃，加左芝士同D忌廉係上面即刻香左好多昇華晒成個味道。肉醬個份量都幾多，撈飯或者蘸薄餅都真係一流！Cheese Naan $36個口感正到好似食緊薄脆pizza咁！外皮烤到金黃香脆，咬落去好軟熟，仲有濃濃芝士香可以拉到絲，必點！Ox Tongue Curry Masala $83牛舌厚切，炆到軟淋好入味。瑪莎拉醬好香帶少少辣，同有微微蕃茄酸香，配烤餅食好正Hyderabadi Mutton Biryani $78傳統印度飯煲到粒粒分明，羊肉大件又燜得腍，香料滲透每粒飯，D醬汁撈勻食成個飯都勁香小總結 ：街坊價錢+高質印度野，兩個人點四樣嘢都係$300！又夠正宗，真心推呢間餐廳，下次出北角都會想食多次…Read More

對於香港人黎講食點心真係無分朝早定夜晚，係太子見到呢間都真係唔少人。見佢地點心價錢其實幾實惠幾親民，全部手工點心即叫即蒸，所以特別好食。另外無加一收費，茶錢都係幾蚊位完全唔貴金牌蝦餃皇4隻 $34蟹籽燒賣皇4隻 $32蝦餃同燒賣都包得好大粒，蝦餃個水晶餃皮唔易穿夠煙韌，入面蝦肉夠大夠多。燒賣都好好食，肥肉唔多，豬肉同菇都夠多所以咬落幾結實，同埋個味都唔鹹唔覺得有好重味精嘅味，幾好食雪山叉燒包2個 $20個雪山包皮夠酥化夠脆，個叉燒餡個味幾香幾唔錯千島醬香脆蘿蔔糕 $29蘿蔔糕切到一粒粒細粒煎得幾脆，蘸左個千島醬食幾特別皮蛋瘦肉粥 $25不過不失，好大碗，好多瘦肉肉絲，如果多D皮蛋就正蒜蓉墨魚頭 $36墨魚頭好爽彈，蒜蓉好香好好食，另外有D粉絲索起晒成個味花膠螺頭燉木瓜湯 $32個湯好清甜木瓜香味，真係幾足料，螺頭同花膠都燉到淋晒可以食埋…Read More

觀塘工廈隱世級嘅高分餐廳，原來好多人都好識搵好野食，6點左右去到都已經好多人係餐廳。餐廳柔和嘅燈光，空間感大得黎坐落好舒服。蒜香蟹肉意大利粉 $138熱宇治抹茶+$24意粉份量都非常之多，煮得岩岩好意粉仲係彈。非常之多蟹肉同蒜片，蒜香味非常之足夠香。蟹肉亦都唔少，多到每啖意粉都會有好多蟹肉。另外跟餐叫左杯抹茶，估唔到會有可愛嘅拉花咁靚，抹茶個味勁香濃又唔澀，好好飲安格斯牛肉芝士漢堡 $148凍朱古力+$20內層有半熟蛋，芝士，安格斯牛肉，蕃茄，蔬菜，咁多層食落成個口感係豐富，加左個半熟煎蛋令到個口感更加濕潤幾唔錯。另外仲有薯條，都幾多。杯朱古力都好誇張，濃到好似食緊粒好濃嘅朱古力咁吉士焦糖梳乎厘班戟 $108佢地個梳乎厘班戟好似轉左做法，以往個size已經好大，今次黎食嘅size直頭係巨！兩大件嘅梳乎厘加左勁多鮮忌廉瀑布咁款，燒到表面形成焦糖有少少脆又好香。成個梳乎厘空氣感好正，唔易扁身而且食落有陣陣蛋香，側邊仲有D焦糖爆谷，成個甜品我比200分！！…Read More

早排行經山林道見到呢間新開嘅川菜店，其實見佢店舖出面紅紅噹噹咁已經覺得好有食正宗川菜食辣嘅個種感覺，今次放工後就去左食一食，睇下係咪真係咁正宗。店入面中式個種設計黎，幾舒服。餐牌都多野食揀，價錢又唔算貴，重點真係擔心食唔太到辣的話可以同自己揀辣度肉夾饃 $25食川菜一定要食返個夾饃，夾左唔少豬肉同少少肥肉入去，個饃烤得好酥脆感覺似食緊千層酥咁，內餡好有油香好好食，外酥內香，好正爆炒雙嫩 $128叫左BB辣呢個辣度岩岩好，呢個其實係炒豬潤同豬腰黎。唔止有辣椒爆炒，仲加左唔少青蔥同蒜落去。味道係好香帶少少辣感，豬潤同豬腰都無怪味，而且口感幾爽幾好食烤茄子 $48原條茄子烤得好好食，加左好多蒜蓉係上面，好香老長沙臭豆腐 $48個種臭味真係好特別好香，仲醬汁仲要夠晒香辣，個口感係偏硬，索得起晒包住D醬汁，咁樣又幾唔錯沙棘汁 $28好大杯好濃，好少飲到沙棘汁呢樣野，感覺幾特別…Read More

近呢幾年都真係好少會去酒樓食點心，因為太多酒樓嘅點心都係工廠貨，所以而家通常都會搵D手工點心小店黎食。深水埗呢間手工點心新開左無耐都已經多人幫襯，餐廳唔算大但坐得都算ok。點心有好多款，價錢唔貴，茶錢都係幾蚊一位。蝦餃皇2隻 $18 / 蟹籽燒賣皇2隻 $18幾開心可以每籠淨嗌兩粒，蝦餃同燒賣都好大粒，好食得出手工點心個種感覺。蝦餃入面勁多蝦好飽滿，個水晶皮煙韌好食。燒賣入面包住菇同肥肉都好有口感黃金糕 $17熱辣辣好煙韌，椰香味幾正炸乳鴿 $48乳鴿唔算細隻都幾好肉，炸到個皮都幾脆。另外幾鍾意佢地唔係比淮鹽而係孜然粉，又幾好食炸鮮奶卷 $24炸得好靚，D鮮奶餡擠得好多入去，個卷咬落好脆，入面又好香雪山叉燒包 $25好包好大，雪山個皮好酥化，叉燒內餡唔算太多，不過個汁幾香幾甜豉汁白鱔+潤腸煲仔飯 $100會問加唔加豬油入去，當然一定要加！會加埋個豉油入去之後閂蓋焗一陣。打開勁香豉汁同鱔香味，白鱔都幾多舊好鮮，肉質又好彈。個飯加左豬油勁香，底仲要有飯焦好脆口，勁好食川貝百合燉湯 $48燉湯都幾足料，瘦肉唔少唔怪知飲落好甜，個湯仲要無咩油，夠晒補…Read More

一直都有聽過好多人講呢間野川抵食好食，估唔到真係幾有驚喜。餐廳內外都有座位可以坐，入面空間感幾大，門口仲要有隻1比1高嘅ironman，勁型！CP值高到爆，價錢好親民，由其是5點半前有下午茶更加抵食。牛角包三文治(芝士,炒蛋) $38咁岩去到餐廳未到5半仲有下午茶嗌，仲有得免費升級做紅豆冰。牛角包焗到勁脆，炒蛋炒得好夠滑，勁香蛋味自家制叉燒拉麵,芝士湯底 $59拉麵黎講價錢真係好抵食，叉燒有3片都切得幾厚，卷得幾好唔易散開，肥瘦適中唔會太肥。配料都唔少，有隻半熟蛋,粟米同木耳絲，另加左片芝士好味好多四品刺身盛台 $200，三文魚腩刺身5片 $80勁誇張，呢個價錢有齊甜蝦,北寄貝,三文魚腩,大血螺刺身，每一樣都至少有4片。新鮮！鮮甜！由其是比較少食大血螺刺身都好有驚喜，食落好鮮口感夠爽，而且部份螺肉仲捲左細細條嘅手卷。三文魚腩每一片都好厚切，甜蝦都好大隻，CP值高到爆花之戀2本 $44，三文魚壽司2件 $20壽司同壽司卷都好好食，特別係花之戀蟹籽勁多蟹籽沙律 $64勁大一兜沙律，蟹籽超級多，入面好多青瓜絲同沙律菜燒三文魚頭 $70香蒜大茄燒 $40芝士年糕3件 $42厚燒牛舌 $36串燒同燒物都好出色，燒得好靚。牛舌厚切，淨係加左鹽同黑椒，另外食個陣加埋檸檬汁，油感正夠香，夠嫩幾彈牙。另外茄子勁大條，勁多蒜蓉超級香。仲有三文魚頭燒得勁香，D魚油流晒出黎，全部都好好食…Read More