eva_leong22的個人專頁

今日做完野完喺尖沙咀搵食，行到赫德道呢間邊，平時食開另一間老字號既雲吞麵，見到佢比起我平時食嗰間平一半，真係要試試係咩貨式😌🍜 雙拼粉麵 $46揀咗招牌虎蝦雲吞拼新鮮騸牯牛肉，竹昇麵底。一上枱就知掂，個湯底清得嚟帶金黃色，飲落有濃郁大地魚香，完全唔係味精湯🍲虎蝦雲吞每粒都脹卜卜，咬開見到入面有三隻蝦，好彈牙，食左兩粒已經好飽肚；騸牯牛肉切得薄身，汆得剛好粉嫩，牛味濃得嚟帶啖啖油脂香。幼麵索晒湯汁又夠爽身，我連湯都飲清先肯放碗！🥬 蠔油芥蘭 $20芥蘭揀咗最嫩嘅部分，焯水時間啱啱好，保持翠綠爽脆。蠔油正常發揮，量好多叫做幾抵食。🌶️ 自家辣椒油枱頭呢樽辣椒油先係重點！聞到好香蝦米味，辣度啱啱好，落少少已經幫碗麵加晒分。臨走見隔離枱個師奶買樽返屋企，原來$50有交易🍘 酸甜炸雲吞 $33即叫即炸！雲吞皮薄到透光，炸到金黃鬆化，咬落「咔嚓」聲。其實同雙拼麵入面嗰隻雲吞係一樣，只不過係炸嘅版本，點埋酸甜汁開胃得嚟解膩一流。下次要同朋友share，因為真係好大粒🥄隔臨走見到外賣不斷，原來呢度嘅生雲吞、竹昇麵同辣椒油都可以單買，呢個價錢喺尖沙咀，真係抵到爛！…查看更多

今日吾係咁肚餓想飲野當下午茶，去咗呢間好似幾健康既牛油果先生，下午4點工作日都有好多人企喺度等外賣！等左10分鐘終於有🤤🥑 牛油果羽衣甘藍奇亞籽燕麥 $55一打開膠杯嚇親！佢將成半個新鮮牛油果打左入去，仲要係熟到剛好嘅翠綠色。配上煙韌燕麥珠，軟綿得嚟帶咬口，奇亞籽泡發得啱啱好，撈埋羽衣甘藍碎，口感超豐富，飲到一半已經好飽肚！冰沙超解暑！🧀 牛油果明治鮮奶絕配芝士奶蓋 $52呢杯絕對係驚喜之作！頂層係鹹香芝士奶蓋，綿密到似食緊空氣感濃芝士🫨中層係牛油果明治鮮奶，底層居然係新鮮牛油果肉打成的蓉🫧飲落先嚐到奶蓋的微鹹，跟住係牛油果奶的醇厚，最後咬到細碎果肉，層次分明得嚟又融合得巧妙！🥛 牛油果混奶 $52朋友最近吾飲得冰，揀左呢杯難得吾係冰沙既手搖，牛油果嘅青澀同牛奶嘅甜潤平衡得剛剛好，杯底仲有少量牛油果粒增加口感。朋友飲咗一啖即刻眼仔發光話似飲緊液態牛油果布甸咁，入面仲有燕麥粒爆爆珠，推！臨走見到櫃枱又開始排長龍，呢個質素我應該會成日黎，又想試下佢個榴槤味產品，已經搵定聽日再嚟嘅理由～…查看更多

同friend喺旺角睇完戲，求其躝入砵蘭街想食辣野，發現呢間幾枱客枱面嘅餸菜份量都好大吓，完全啱晒我同個friend兩個超肚餓嘅狀態！🍲 自選五餸香鍋（香辣小辣）我哋揀咗肥牛、五花腩片、脆毛肚、萵筍同鮮腐竹，最好食係肥牛！啲肉完全鞋好嫩口！五花腩咬落去油脂同麻辣味一齊爆出嚟。脆毛肚每塊都切到啱啱好，鮮腐竹亦都係必叫，海綿咁索晒的湯汁，最後叫咗萵筍片好似令到個香鍋健康啲，爽脆入味！平時食開譚仔三小叫小辣其實都好夠～🐟 麻辣魚皮 魚皮撈得勻循，伴紅蘿蔔絲同埋香葉，成件事好似冇咁邪惡，每塊都黐滿芝麻同辣汁，入口先係脆，跟住辣味慢慢滲出，送飯一流！🍋 金桔檸檬茶 杯野凍冰冰，飲落酸甜適中，仲見到幾嚿金桔肉沉喺杯底。最正係夠大杯，檸檬片夠多，飲完成個口即刻降溫，對付麻辣最啱晒🍍 百香果檸檬茶 熱帶果味爆棚，每啖都飲到百香果籽，咬落卜卜聲。甜度調得剛剛好，唔會死甜，食食吓香鍋可以解辣…查看更多

係銅鑼灣買完野，一個人想食打邊爐放題，近近地揀左呢間新開「馬祖」火鍋放題，入到去原來係人氣食店都好多人排緊隊食！我揀左$148既Prime Grade牛肩胛拼無激素豬肉片套餐🍽️QR code落單完野飲就開餐！🥩Prime Grade牛肩胛拼無激素豬肉片雪花紋靚到似藝術品！淥10秒變粉嫩色，入口即化仲帶濃郁牛油香🐮無激素豬肉片薄切透光但唔會一夾就散，肥瘦比例完美！淥熟後捲成玫瑰狀，口感爽滑冇豬臊味～🍲 台灣藥膳麻油雞湯十幾個湯底入面揀左麻油雞湯，一上枱就聞到濃濃麻油香！湯底滾起時藥材味慢慢釋出，枸杞、紅棗清晰可見🐔飲啖湯成個身即刻暖笠笠～又健康又好飲😉藥膳味同麻油平衡得剛好，唔會苦澀，忍唔住飲咗兩碗！火鍋配料任食，即炸響鈴浸入麻油湯三秒立即軟化，吸滿湯汁精華。豆腐芝心丸一咬開就有流心芝士湧出，食嘅時候超燙口要小心！手打牛丸彈牙有嚼勁，隱約帶有陳皮香氣。驚喜見到羽衣甘藍，這種較少見的火鍋菜耐煮不爛，吸收湯汁後帶點微甘很解膩。菇類選擇多金針菇、香菇放滿碗，索汁能力超強！最後落單叫呢個台灣手工陽春麵！撈埋麻油雞湯💥 索盡藥膳精華，食到唔捨得放筷～台式飲品原來都係任飲，試左兩款🥤柑桔檸檬烏龍茶😀清新柑桔香撞烏龍茶底，打邊爐邊飲解膩一流🧊另外果杯幾驚喜，係朱古力雪香奶茶，上面佈滿脆脆，朱古力味超濃！奶茶同朱古力夾得岩岩好，吾會過甜最後要食翻個甜品，Mövenpick係任食！瘋狂encore特濃咖啡味！咖啡味濃到似食緊冰凍Espresso☕️裡面仲有咖啡豆碎增加口感，食完成個火鍋燥熱感即刻消失～狂隊3杯先肯收手…查看更多

今日專登走到中環，就為咗食朋友介紹既呢間韓式豆腐鍋🎍門口睇落低調幾似首爾聖水cafe🇰🇷入面坐得幾舒服，走嗰時仲見到有韓國人食緊～枱面有冰水壺，倒出嚟仲有冰粒❄️ 1秒穿越韓國！旁邊仲有提供飯焦糖同牙線，中意食飯焦糖既我見到真係超開心🍽️好快店員就送咗前菜過尼，有雜菜粉絲，麻油香爆燈！泡菜同小魚乾，最估唔到係有辣年糕🌶️重點係佢個味同韓國街邊食嘅一模一樣😀🦞 海鮮嫩豆腐鍋配泥蚶拌飯 $198石鍋滾住上枱！豆腐嫩到似豆花一夾就散，海鮮有大蝦、蜆同蟹腳！餐廳比左生蛋我，放落鍋入面撈開更濃滑～好快就上左我好想食既泥蚶拌飯，泥蚶超多！目測超過30隻肥美泥蚶🐚 每啖都食到3-4隻爆汁泥蚶，鮮甜新鮮，包埋紫菜食好正，$198有呢個份量真心好抵！🐂牛肉豆腐鍋配醬油蝦4隻 $198醬油蝦控必點！醬油蝦超大隻！蝦頭爆膏、蝦肉爽甜似刺身，醃得鹹甜剛好～呢個價錢平時喺首爾只可以啱啱食到四隻醬油蝦，今次仲要配埋豆腐鍋真係好抵！！牛肉豆腐湯底濃郁唔死鹹，肉份量足，肥瘦適中，喺個煲咁耐都都完全唔韌，湯頭加滑luuu嘅豆腐放入去啱啱蒸起嘅飯入面食，吸盡辣湯精華，超推！…查看更多

想食新疆菜，朋友推薦我去佐敦搵食，佢話呢間係真正嘅新疆風🤤鋪頭喺德寶城商業中心2樓，周邊貼曬宣傳poster都算幾易搵，入到去已經坐滿晒人，一入門就聞到炭烤香同孜然味，頭頂掛住新疆特色燈，五光十色好有feeeel🔥 羊肉串 $22/串即叫即炭烤！鐵籤串住半肥瘦羊肩肉，肥膏部分烤到透明脆邊，瘦肉嫩到滴肉汁🐑 撒滿粗粒孜然粉同辣椒麵，香料味濃到衝鼻但完全唔騷🍽️🥟 烤包子 $20即烤爆汁警報！金黃色酥皮脹卜卜，表面灑滿芝麻，一咬開熱氣噴出～內餡係洋蔥孜然羊肉粒，肉汁浸到包底微濕潤，羊油香同麵粉焦香瘋狂交融💥 外皮似牛角包鬆化帶脆，記得趁熱食否則會漏汁！🍜 丁丁炒麵 $68想試好耐，終於食到！原來丁丁炒麵係將手拉麵條切成粒狀再同青紅椒、羊肉末、番茄爆炒，口感似意大利飯同中式炒麵混合體～麵粒煙韌有嚼勁，吸盡酸酸甜甜嘅番茄芡汁，用匙羹舀嚟食超治癒，一個人KO半碟唔停口！真係好香建議必食！🍺 新疆奶啤 $15本身以為係係啤酒，點知店員話係乳酸氣泡飲料！第一次飲～銀白色罐仔凍到起霜，倒出嚟似稀身乳酪🥛 入口先嚐到奶甜味，之後衝出細密氣泡伴微微麥香，解辣效果一流，原來維族人真係會用嚟送烤羊肉，果然係神級配搭～臨走時問左句店員會吾會將來update餐單，佢話之後會有我中意食既新疆炒米粉，我諗之後再想encore！！…查看更多

最近睇蔡瀾啲書，成日都提起九龍城間中菜，今日收工特登過去試真啲！夜晚七點半已經坐滿晒人，好在等咗10分鐘就有位～ ✨ 老火例湯(細煲）$108一坐低阿姐就推介是日例湯——青紅蘿蔔粟米豬骨湯！細煲足夠4碗，湯渣裝到半滿，撈起仲見到成舊豬骨🐟！飲落超濃郁，冇味精好甜好夠火喉，啖啖都有豬骨香 🔥 招牌炒豬雜 $118必點嘅鎮店之寶！豬肝、豬腰、粉腸爆炒得鑊氣沖天，仲落咗大量薑蔥同秘製醬油。豬腰切花刀好爽脆冇異味，連我平時最唔鍾意食嘅豬潤都可以炒得好有鑊氣，最驚喜係粉腸洗得超乾淨，咬落甘香帶微焦邊👏🏻 🍖 山楂醬排骨 $95睇落似普通生炒骨，一食先知係心思作！排骨炸到外脆內鬆化，掛滿琥珀色嘅山楂醬，酸甜平衡得啱啱好，我覺得山楂醬調味係好食過菠蘿咕嚕肉，解膩效果滿分，同行怕肥嘅閨蜜都偷食咗三件😂 🥬 蒜蓉油麥菜 $72特登叫碟菜睇下會唔會都係咁有水準，上到枱油麥菜翠綠到發光，蒜蓉爆到金黃色又唔燶，菜葉索晒油香夠曬香 🐖 豬油撈飯(細桶）$60懷舊殺手鐧！細桶其實夠3-4人分，上枱時熱飯冒煙，自己撈埋豬油+甜豉油，睇住啲豬油慢慢溶化... 飯粒油潤到閃令令✨ 忍唔住扒咗兩碗，同行朋友未食過豬油撈飯食完之後都大讚 🍳香煎蓮藕餅 $108厚度超有誠意！每塊都係手打蓮藕粒混半肥瘦豬肉再加鯪魚肉一齊打，煎到兩面金黃微脆，咬落「喀嚓」一聲，蓮藕爽脆入面仲有豬油香。呢個價錢有6大件係真心抵 …查看更多

同事話公司附近開咗間好食又抵食嘅冒菜，今日lunch又想食少少辣嘢，再跟住佢一齊去試吓💗入到去見到唔少人排隊，不過等咗5分鐘就可以落單了，唔使幾耐就拎到返Office食📈冒菜C餐（任選5款配菜）$55一直猶豫緊叫藤椒湯定麻辣湯，最尾叫左冒菜麻辣湯小辣✨男同事太肚餓叫咗8餸啲餸多到裝吾曬，我吾係太肚餓就叫咗五個餸（風琴豆腐、蓮藕片、雞中翼、鮮蝦雲吞同豬大腸）同埋蕃薯粉👩‍🍳一打開見佢放左好多蒜，啲餸好足料，每樣材料有3件以上，食落其實都唔係好辣，但好香好香，下次可以挑戰中辣💁🏻‍♀️自己最中意係豬大腸，真係滷得好入味，風琴豆腐吸晒啲湯汁食冒菜必點👀泡椒魚皮 $28呢個真係超平超平！平時出面嘅川菜餐廳到$40以上。呢個比起我個冒菜小辣更辣🌶️魚皮入晒味比起藤椒魚皮更加惹味，份量足夠同同事share一齊食桃膠燉雪燕 $22食完冒菜覺我要潤下喉，再喺公司落去買啲野杯同甜品翻去，呢個又係好足料！要搖一搖先至可以飲得晒所有料，桃膠好滑又大塊～雪燕唔會得幾片，加埋紅棗飲落去成件事好養生🙂自選甜品 $28本身諗住揀豆腐凍但係賣晒😶‍🌫️最後揀左店長推薦既燒仙草配黑糖汁再加芋圓！咁樣都係$28🥹仙草冇講錯真係好滑，黑糖唔算特別太甜，啱晒唔係食得好甜既我，重點係芋圓真係好好食！真係軟軟糯糯吾會硬又難消化，係我食過咁多間最好食嘅其中一間💙…查看更多

咁岩係北角做完野，朋友介紹話呢間川菜抵食又大份，午市入去去超爆位，都好多打工仔中午過尼一班人食lunch🤹🏻川味回鍋肉飯（$58）好想食回鍋肉好耐！叫左小辣真係一啲辣感都冇，中意食辣既話下次要叫中辣以上先feel到，半肥瘦回鍋肉又夠香，有超多椰菜伴底，很好送飯，份量啱啱好夠送一碗飯！啱晒我平時食得唔多嘅人🙌🏻午市呢個價仲有埋野飲酒槽湯圓（$58）份量超級多！！佢呢個甜品係for 4個人用👀因為我一個人但又好想好想試呢個，於是叫左staff比1人份量我，上到枱個碗仲大過我塊面，應該起碼有50粒以上既小丸子，入面有大量蛋花加酒糟，我都係第一次食有蛋花version既酒糟小丸子，幾特別！但真係差啲食吾曬，下次約fd一齊食就岩岩好了…查看更多

今日約咗朋友去深水埗買DIY 材料，買完材料，天氣幾熱🥵好想食東南亞菜，上網見呢間好高分，決定入去一試。整齊體評價不錯，可以再食！沙嗲雞肉六串 （$89）好入味雞串，仲要個燒得啱啱好，完全唔乾，雞肉好嫩口，凈係食雞肉已經好好味，都埋個醬都好夾👀印尼海鮮炒飯（$89）我哋叫咗小辣，對於平時食得辣嘅朋友，都話辣後勁幾強。雖然係辣，但個炒飯好乾爽，入味，同埋有好多魷魚筒，鍾意食海鮮一定要嗌！🌊馬拉棧通菜 （$58）夏天食通菜真係一流，一碟勁多！唔算好辣，好惹味！仲附送番茄，可以解下辣。　牛筋丸湯 （$59）是兩溝米粉底，廣式米粉溝越南米粉。第一次食越南米粉口感似油面。牛丸口感好特別，好豐富，好實；同平時食開嘅牛丸唔同。一碗有勁多牛丸，如果兩個人食，小心食唔曬🧐珍多冰（$29）入去真係要叫一杯，第一下冇攪就飲咗，個黑糖好好味，攪完再飲都好正，同個椰奶好夾。比例啱啱好。好飲過手搖🤍木薯珍珠冰（$39）上菜個下呆左，以為一杯，點知係一碗咁上！勁多料🫣即刻食有刨冰感覺🧊今日夏天飲一流。溶咗之後可以用飲筒，碗底有幾粒木薯口感好爽口好得意～…查看更多

由於上個星期同阿爸食咗搵好好食嘅崩湯腩河！所以今日臨翻屋企又心思思想食想食個崩沙腩飯，平時見到佢都幾多分店，今日晚市見佢人少少入去試吓究竟好唔好食🧐清湯沙腩飯（$70）好嫩嘅崩沙腩🥹完全唔係鞋口，入口即溶，份量仲要唔少，加上個湯真係好好飲，用咗蘿蔔煲好清甜冇味精💚最後食完崩沙腩，用咗啲湯嚟撈飯好似湯飯咁食，佢又俾咗成匙羹蔥比我，放落啲湯真係超正！因為我都幾鍾意食辣，試咗佢呢間舖頭嘅辣椒油，唔會係死辣嗰種，好香！同崩沙腩真係好夾🍲飯都好大碗下，一個女仔食到超飽！凍檸樂（跟餐+$8）爽爽爽！！！夠凍檸檬夠多～崩沙腩最好嘅配搭一定係凍檸樂，特別係夏天真係好正👀…查看更多

剛剛去了西九看展覽，出去的時嘅很想吃串燒，到附近走一下看見這個$100/10串的串燒店，立馬就進了🫨蒜蓉金針粉絲花甲煲（$58）一定要點的程度，湯口很甜，沒有MSG的感覺！花甲也是大大的肉，數量還不少，蒜蓉好像不用錢似的，撈粉絲的時候一直粘著了蒜蓉，整鍋都是蒜蓉～超香！串燒（$100/10串）最推薦的是豬腩肉跟翠玉瓜！豬腩肉油脂分布很好，調味很惹味啊！翠玉瓜真的頭一次吃到這麼剛好的，汁水真的一咬就爆開了！羊肉和金菇卷我覺得肉有點少塊，牛丸真的蠻細心的，切了一半烤的，麻吉燒是大推！麻薯粘粘糊糊的半融的狀態，絕了!鴨屎香手打檸檬茶 & 手提檸檬青提綠茶（$48/ $55）點了增量杯沒想到那麼大啊！！比我的頭還大！手打檸檬茶沒有很甜是平常手搖店喝的味道～建議點普通就可以了，真的很難喝得完🫗…查看更多

第一次入跑馬地搵朋友食飯～Book咗呢間睇落去好chill嘅意大利餐廳🇮🇹有戶外位又有好多叉電位見有吾少人帶laptop工作時chill chill飲杯酒同咖啡😌跑馬地又夠靜，係完全隔絕咗銅鑼灣既喧鬧，同朋友食餐飯傾下計又唔洗就住用餐時間🍾我地兩個人叫左兩個testing menu $288（+10% service charge）一位，前菜主菜甜品再加野飲🫨人均$300左右，係跑馬地能夠坐得舒適又食得出廚師心思，真係都幾抵食🍽️精選意大利凍肉及芝士拼盤Parmesan ham油潤鹹香同Salami帶住微辣煙燻香，搭配濃郁既軟芝士，層次感爆棚！單食完之後用麵包疊底，放上各種配料一啖咬入去，成個balance啱啱好，而且軟芝士真係好有驚喜，入口即溶🧀仲有一d pickle同欖欖同野辣椒解膩蕃茄粒🍽️普切塔多士配煮式蒜蓉烤麵包 蕃茄味既麵包烤得酥脆帶炭香，蒜蓉醬大大舊放上去，個蒜蓉醬真係食過甘多西餐黎講最好食既一間，超有邪惡感但真係超好味！頂層堆滿新鮮番茄粒同香菜，每日都想食呢個包🍽️卡邦尼意粉配風乾豬面頰肉 主菜來了！意粉吸滿蛋黃與帕瑪森芝士的濃漿，風乾豬面頰肉鹹香酥脆，蛋漿粘滿咗每條意粉，調味剛好，兩個人好快就暴風清咗成個意粉🍽️大蝦蘆筍意大利燉飯配龍蝦忌廉湯醬朋友話好食過意大利既risotto📣 燉飯同意大利本地不同的是，米芯較軟，龍蝦湯醬濃郁鮮甜卻不膩口，大蝦彈牙、蘆筍清脆，撒上檸檬皮屑更添清新。龍蝦湯醬極濃厚，鮮甜卻不膩口，好似食緊海鮮版麵包盅咁🍽️招牌提拉米蘇 酒味好濃！！好似加咗不同種類既酒咁🥃朋友話食到醉醉地😂完全食吾到手指餅既痕跡🍰espresso同馬斯卡彭芝士可以mix得咁好真係大癲，份量大完全夠兩個女仔食，係我近期食過數一數二好食的tiramisu!🍽️巴斯克芝士蛋糕配士多啤梨醬 個人覺的tiramisu較我好口味，呢個chessecake都係濃到癲，搭配草莓醬的果酸，罪惡感瞬間減半，但可能係草莓醬用左一d香料去煮我唔係特別好中意，但整體黎講食呢個甜品作結係ok既🍽️凍latte & lemonadeLatte超大杯，厚厚既泡沫係面☕️食左咁多芝士既野，飲翻杯lemonade酸甜清爽，瞬間解膩！…查看更多

以前啱啱開食我每次入港島都會食晚市🥢果時已經覺得好好味🤤今次喺灣仔接左個job就試吓午市睇下水準keep吾keep到！中午12:30左右到已經有好多附近既打工仔排緊隊，外賣單又係超多，我等咗5分鐘就入到去，一黎到當然要叫翻例牌既燒鵝拼叉燒飯！至尊古井燒鵝 x 銷魂叉燒皇雙拼飯（$62）燒鵝真係keep到皮脆肉嫩，個味食到好明顯同其他燒味店吾同，見到話係用左特別既陳皮醬料去醃制內籠，吾怪得之咁入味～份量咁多食食下再沾冰梅醬完全吾會膩，重點係連個白飯都好好食，因為d鵝油滲透左落啲飯度，完勝豬油撈飯🥹叉燒又係燒得超好，最中意食表面燒焦果個位，半肥瘦叉燒入口即溶，完全有誇張啲叉燒真係好淋！最後仲搭條介蘭伴碟，覺得健康平衡咗，冇甘罪惡！倒湯（+$6）是日例湯係冬瓜薏米湯，好清甜又足料，飲落吾係味精湯，清熱解暑，飲完湯仲可以食埋冬瓜粒！…查看更多

去完西九翻尼好想食越南菜，行下行下見到呢間新開，價錢睇落吾貴試試！生牛肉牛丸湯粉 $68一上枱都幾大份🍲湯頭清甜！有蘿蔔，芫茜同薄荷葉，最中意佢入面加左一片片既炸蒜，飲飲下湯底食到超香！青檸辣椒呢d基本標配🙌🏻配料好足下，令我surprise 係個生牛肉好好食，好新鮮！吾會有筋好鞋口，真係做到入口即溶，另外牛丸都大大粒又彈牙，仲有成4粒真係食到超飽😼熱話梅峰蜜柚子茶 $25今日天氣凍左叫左杯熱飲🍵見到佢真係放左粒話梅😀第一次飲呢杯話梅茶幾特別，整體尼講佢用左好多柚子醬尼整，所以只係會有淡淡既話梅味，吾會特別酸，飲完好舒服覺得成件事好養生…查看更多