jkochun's Profile

食左咁多間牧羊，屯門呢間真心不得了，服務態度非常之快，點解講快？食完碟野唔夠1分鐘已經有侍應生走黎問你幫你收走佢？我當場嚇一跳，然後得啖笑！最好笑係我同朋友一路食一路傾，每食完一碟佢哋就九秒九收走，隻手就係我同班朋友中間係咁收野！反應快到呢，其實無野做就入廚房幫手啦！又或者唔好請咁多人啦！講明90分鐘用餐時間，以家30分鐘唔夠就趕你走咁，到我哋食到晚上8點左右個侍應就黎話last order, 我心諗乜唔係10點收？8點同我講last order！跟手同我講你哋仲有雪糕未上要唔要上埋？我朋友即刻話陣間攞走，佢就一個好似好無奈咁講攞走都得。佢哋真心野食味道係唔錯，但呢間既服務真心垃圾！尖沙咀K11個班侍應禮貌好多！所以屯門呢間就真心唔再反食啦！我寧願去K11好過🤬🤬…Read More

今日同老婆去食篤篤船麵，9點截單，8點55分叫我埋單！真好笑，入到去話仲有15分鐘無飯5分鐘無麵，話幫你落單但連餐牌都無得睇！嘩…好笑到呢，食到一半9點鐘係咁叫你埋單！我真心想爆粗！9點截單，我飯都未食完埋乜Q單呀！你截單時我埋單係人情！我可以唔埋係道理！食到火都黎…真心唔會有下次！班友收枱仲快過澳牛啲人，食完即問仲要唔要？如果大家有興趣想受氣俾人吹埋單既就可以黎試吓！…Read More

今日去形點搵野食，行左入呢間Pizza Maru ，叫左炸雞，魷魚飯，同個pizza，魷魚飯比心目中辣，但味道唔差而且個魷魚超正，之後炸雞上黎，炸雞我叫左芝士炸雞，比較傳統味道，但啲雞好嫩口，一啲都唔鞋！最後到pizza，估唔到最後真係最驚喜！個pizza啲芝士唔只可以拉絲，仲可以拉到闊條麵咁！總結所有野都唔差✌️…Read More

首先講態度，係對你笑笑口但講野難聽過粗口，有人頭最低消費又唔早講？坐低左叫野食你先講？仲要等左半個鐘你先講？仲要同我講小朋友都計？小朋友5歲都未夠叫個咩餐佢可以食得晒？食唔晒咪浪費晒！寫完3個餐講明等陣再叫一個餐，轉頭一上菜就問落唔落埋單，俾我感覺就好似某明星講唔準諗即刻答！答啦！仲唔答？好啦入正題...講完態度講返野食質素個大蝦同黑松露意大利飯比較偏硬...牛柳長通粉就好味不得了!值得一讚係個橙汁居然係鮮榨！薯角好咸...手打牛肉漢堡就一般（超多筋）可惜一開始俾人攪到乜心情都無晒...食龍肉都無味！就算黃店都要有好態度！除非服務態度有轉變...如果唔係一定無下次！！…Read More