WonderV's Profile

突然想食米缐，諗起寶石大廈附近有間米缐店成日都要排隊等位，今日有的是時間，所以我決定去試吓～我到達的時候排緊5-6個，我等左大約十零分鐘。 我本來只是叫左中辣魚肉春卷酸辣米線($39)，後來見到幾枱都有叫一個涼拌墨魚頭($45)，我又叫一份。正呀個米線，好弾牙，個湯底好惹味，好多好多肉碎，好好食😋 反而個魚肉春卷一般般。 唔怪之得涼拌墨魚頭泔多人叫，個墨魚頭好爽口，不過最正係個涼拌汁，有大量蒜、蔥、麻油？佢仲有個汁可以點，似係魚露定係醋？但係又有少少辣，總之好好味啦，勁啱夏天食👍👍👍 *店鋪泠氣唔係好夠，一路食要開住風扇仔😅總結，「雲家」係我近排期最愛～ ❤…Read More

Fd子約我食lunch同諗住出嚟荃灣行吓，咁我就帶佢去荃灣紗廠逛逛，順便喺嗰度揀餐廳食。一上長樓梯就見到間懷舊中式點心館，好似幾有趣咁所以我哋揀咗黎試～-✈️流沙包 （打卡食物‼️ 我哋影相影一輪，食嘅時候都仲有少少流沙嘅效果，同埋又唔會好甜👍）-日式綠茶茶果 （最最最好味，佢有清清嘅綠茶味）-筍尖蝦餃-黑松露燒賣-鮮蝦春卷-叉燒腸粉*紗廠內嘅餐廳都係好歡迎攜帶動物一齊進食，所以我哋隔籬左右其實都好多🐱🐶點茶公館 (荃灣)荃灣白田壩街45號南豐紗廠1樓109-110號舖…Read More

好姊妹話屯馬綫開通咗之後竟然冇搭過屯馬線😨 咁一於同佢搭去宋皇台睇吓文物、打下卡，再順便去九龍城食泰菜。今次係好隨機喺南角道搵一間黎試，揀咗金麥泰泰國餐館。 我同佢都勁肚餓，以為自己好食得🤭叫咗八樣嘢🤣-生蝦蝦上面都鋪滿冰粒，食落都好爽口。點埋個泰式汁，正晒。-雞肉生菜包呢個一上枱我就知道我哋嗌錯咗😅 我地應該叫豬，豬係肉碎，呢個雞肉係雞肉粒，味道唔錯，不過肉粒太大舊了。-豬頸肉沙律豬頸肉燒得少少濃邊，正‼️ 配菜有青瓜蕃茄拌埋酸酸辣辣嘅汁好惹味～-泰式蝦餅超級熱辣辣、香口，彈牙👍-串燒豬牛雞好香燒烤味，啲肉燒到啱啱好，啲肉唔會韌。-細冬陰功好足料又香濃，仲有3隻大蝦好入味好彈牙啊～-馬拉盞炒椰菜苗-椰汁糕好煙韌又唔黏牙又唔太甜。我哋今次太睇得起自己個胃😅，食唔晒要打包～ 埋單$60x.金麥泰泰國菜館 (九龍城)九龍城南角道34號地下…Read More

同🐢蜜食生日飯，佢揀咗呢間餐廳，我哋叫咗：-慢煮豬腩肉薄餅餅底好脆，呢個好有口感，好好味～-香草燒雞燒雞好惹味，肉都好嫩，伴左個啡色醬同綠色醬，啡色醬就好似麥記麥樂雞的燒烤醬，綠色醬就味道怪怪地，掂左黎食嗰一刻有啲以為自己食緊海南雞😅-炸魷魚呢個有啲失望，冇乜味。-軟心朱古力蛋糕好好味呀，好香濃嘅朱古力味有啲似 Brownie又唔甜～ 正‼️訂枱時remark左生日慶祝，職員好貼心加咗蠟燭同寫名，仲有幾個員工一齊圍住唱生日歌，畫面好震撼，但係係開心嘅～ 🤣 仲有一張即影即有送～ 埋單$9xx.…Read More

前排約咗朋友去食蒸海鮮～ 今次揀咗喺太子嘅小漁港，呢間朋友之前食過介紹去嘅，話星期一至四唔使+1，又唔使收茶介，海鮮又新鮮。本來諗住食$298/人套餐嘅，但係姐姐有介紹今日返咗松葉蟹只需每人加多$100，咁我哋就揀咗$398/人。我哋仲加咗$78要個粥底（瑤柱排骨粥）。 另外仲叫左2個小食（避風塘豬手同鮮魷）成set嘢好快就到咗，姐姐會提我地刺生要快d食。佢又會幫我地安排先蒸隻蟹，隻蟹熟咗就把蟹蓋d膏撥哂入粥內，我哋食完剌生就啱啱好可以食蟹，姐姐之後再幫我地蒸其他嘢，服務超級好～ 食哂海鮮仲有農家四寶（菜瓜）+蟲草花蒸雞伴烏冬。其實已經好飽，不過一定要食埋個粥，吸哂d海鮮精華，仲有蟹膏，個粥好鮮甜又有少少蟹膏味，好正。 食埋個粥，真係飽到上心口，餐廳離太子地鐵站都有d距離，食飽岩哂慢慢散步走。*下次又試吓$298果個餐先～埋單$19xx.…Read More

收工即興約🌶🦶，成局✌🏻 。我話要落九龍城食「見見面」，因為對上一次食已經係一年前。因為冇book枱，所以坐細鋪嗰邊，原來裝修咗，環境舒服過以前好多～ 我哋叫咗：-酸菜桂花魚（例牌）（魚肉滑，塊塊差唔多size唔會碎濕濕，份量都好多，三個人食到好滿足唔會唔夠食，我哋仲加咗寬粉索晒啲汁好惹味～）-干鍋田雞（田雞肉好嫩，配菜洋蔥同青椒都炒到好入味，撈飯一流）-辣子雞（好香口，唔干，花生都食晒）-炒番薯葉（蒜蓉炒，食咗幾樣咁辣嘅，食返一個清淡啲又可以幫忙中和返啲辣😅）-炸饅頭（估唔到有驚喜，炸得好香口，唔會好硬）-串燒*細舖坐得幾舒服，人少少唔會太嘈，可以傾到計～埋單$88x。…Read More

老豆話要飲茶，咁我就帶佢同阿媽去咗間裝修模仿番六七十年代屋村大排檔嘅食店。我哋星期六下晝去食，去到要排隊等六張枱。我哋3人被安排坐在路中間一間細枱，張枱比較貼其中一張卡位，人哋出入要譲🤨，上食物又要讓🙄，仲要讓埋俾佢上食物同收碗碟😤⋯ 枱好矮，食完餐茶腰骨好攰😫食物款式唔係好多，味道正常。我哋嗌咗六個點心：-金沙米皇腸 （炸米網包住蝦肉春卷，幾香脆）-牛仔骨-蝦餃-鮮蝦腐皮卷-蜆芥鯪魚球（香口彈牙，點埋個蜆芥汁鹹鹹地好惹味）-鳳爪佢有限時1小時用餐。埋單$190老馮茶居 (荃灣千色匯) (荃灣)荃灣眾安街68號荃灣千色匯ll期地下G30-G33號舖…Read More

出左bonus, 同同事食個「豪」lunch~ 我哋一致決定食日式野，就去左愉景新城鳥山名 。我哋叫咗：-$130 壽司定食拼牛肉鳥冬 （8件壽司）-$140 牛肉火鍋定食-$138 三文魚腩海赤蝦芥辣章魚飯-$168 海七飯 （7款刺身：北海道甜蝦、三文魚、真鯛、油甘魚、鮮帶子、拖羅茸，馬糞海膽）*佢每個定食會跟沙律菜🥗、前菜、茶碗蒸蛋、味噌湯同甜品，**（有湯麵同火鍋的定食就冇味噌湯跟）*雖然就貴咗少少，但係佢價錢同味道係成正比架👍👍 咁間唔史放輕鬆獎勵吓自己都可以呀～午餐不用加一，埋單$57x。…Read More

班姊妹話要約打邊爐，記得之前行開大鴻輝附近見到有傳單介紹新開左間火鍋店，咁就去試吓啦。火鍋店地方好大環境都好乾淨，侍應安排咗我哋坐窗口位唔錯唔錯。不過到揀火鍋就出現咗少少矛盾，有人要食麻辣火鍋，有人唔食得辣，正常就係鴛鴦鍋啦，但係佢呢度竟然麻辣鍋係唔可以有鴛鴦鍋🤯 最後我哋叫咗兩個湯底=兩個鍋😝 咁就皆大歡喜。不過兩個湯底就唔可以坐窗口位所以我哋要調去中間位梳化卡位。椰子雞鍋湯底上枱之後，侍應會即場開個椰青倒到啲椰青水落去，等佢滾起即刻試啖蛋湯好清甜。 麻辣湯底就好夠辣，但係就唔夠香。-手切安格斯牛小排（例牌）（雪花均勻，勁重牛味👍）-滑牛肉（真係「滑」，好嫩）-蒙古羊肉片（夠so)-珊瑚蚌-爽滑豬膶-白柏葉-脆鯇魚骨腩-鮮腐竹-生根-香菇貢丸-炸響鈴-娃娃菜-萵筍片呢度嘅食材好新鮮呀，所以價錢都偏貴少少，不過一分錢一分貨啦，而且服務都好好👍 下次人多啲仲可以book房添。*有一樣嘢唔好就係九宮格內嘅醬料其中蒜蓉有陣酸臭味，應該係擺咗好耐😨 叫職員換過第二盒蒜蓉味道就正常返😅埋單$18xx。…Read More

呢幾日落雨涼少少，最啱食麻辣火鍋.今日特登落佐敦食人氣麻辣火鍋店，佢出名食材夠新鮮、湯底夠正宗同埋個裝修好有中國風（牆壁畫）。一行入舖頭滿店都係麻辣香味👍等湯底同配料期間，叫咗個小食-脆皮炸肥腸。（本來我唔太好肥腸，但我個朋友話點咗甜醬同芥末醬之後，獨特嘅「肥腸味」唔係太重，我先夠膽試下，應該係即炸，上枱仲熱辣辣好香脆，果然點左醬料之後「味」真係唔係輕咗好多，所以我都食咗三舊咁多🤣）湯底我地叫咗中麻辣拼藥膳，藥膳清湯好入味啊，我哋每人都飲咗幾啖湯，唔會越飲越頸渴，麻辣香味聞住好香，佢辣度好夠，不過我覺得麻辣味唔係太惹味唔夠香濃，有啲失望😞我哋仲叫咗：魚卜 （$68，有成八九粒好抵食）脆骨腩 （都好厚切，份量都唔少，好新鮮好啖啖肉）豬黃喉 （淥5/6秒一縮食得，爽囗）羊肉卷（嫩，有羊味但唔so)黑豚肉 （賣相麻麻地，但係食落都ok喎唔鞋口喎)雪花肥牛（睇落以為會好鞋口， OK喎幾嫩）珊瑚蚌蟹子墨魚滑（彈牙）埋單 $12xx。二家姐正宗原味麻辣火鍋 (佐敦)佐敦文英街16號地舖…Read More

疫情緩和咗，今晚就同班閨蜜放肆一下～我哋「港女」精挑細選之下揀咗去 ｛香江花月｝ 烚吓烚吓～ 因為佢間舖頭出名周圍都係打卡位，同埋最緊要最緊要係連食物嘅擺盤同飲品嘅裝飾都係勁靚。👍👍餐廳裝修好復古，有好多懷舊嘅物品俾大家影相，好似人力車、舊郵筒、留聲機啊之類，同埋佢仲set左一間房仔比客人入去影相打卡，入面放咗好多鏡、燈嘅顏色仲會不停轉，又有好多兔仔擺設同七彩波波，不過都要排下隊等一陣，建議食飽先慢慢排，企下當幫助消化。一坐低會有welcome drink - 細細個茶杯仔入面係凍荔枝茶，甜甜地，幾好飲，可惜太細杯唔夠候，飲完至發現杯底有條立體既小錦鯉，好得意。我哋叫咗牛乳玫瑰鍋，個鍋入面有嚿玫瑰花形狀嘅冰牛乳，加埋啲花瓣，好似一幅圖畫泔呀！ 侍應姐姐會俾我哋影幾張相之後佢先開火，舊冰牛乳就會慢慢溶化㗎喇。 我哋等佢一滾起即刻筆啖湯飲，原來仲有木瓜一齊滾，不過味道唔係好出😅因為唔係太多人鍾意食牛所以我哋都冇嗌到牛肉拼盤，我見隔離枱個牛拼盤一上枱大家都嘩嘩聲，原來佢係用個圓形圈圈既木盤放住d牛肉、牛雜，包住個鍋泔擺，好夾呀，d牛肉片又捲埋玫瑰泔，又真係好吸晴喎～ 咁除咗靚，佢地火鍋配菜質素都唔錯，其中最特別都係冬甩墨魚果籽，佢係墨魚滑加左nuts，食落好有咬口～ 我哋叫左4杯特飲，都唔平，要$88一杯。-鳯琉香侍應姐姐上枱時會打d氮氣係杯野飲上面，會漲起左個好迷幻既水晶球🔮，不過佢好快會消失，我哋仲未嘩完已經冇左😅影唔切相🤣🤣 朋友話呢杯好好飲，勁菠蘿味好香。-星江夜-插住支試管做裝飾，朋友話佢好似荔枝梳打😅 冇乜特別桃花緣同翡翠沁 我同另外一個friend飲完都唔唔係好記得個味道. 我哋四個女仔食到捧住個肚走呀🤣 呢餐埋單 $23xx. 好貴呀！！ 不過真係好適合打卡，同埋其實座位都好舒適，同隔離枱都保持住一個距離，環境都唔算好嘈吵，都好啱我哋姊妹傾吓計～*好彩有個醒目嘅姊妹提早三星期預約否則我諗我哋都未必咁順利食到🙌🏼🙌🏼 …Read More

同事力推呢間高質素fusion西餐廳，咁就約friend嚟試吓啦~紅菜頭沙律黑醋汁酸酸甜甜好開胃，紅菜頭平時好少自己買來食，仲有合桃粒，呢個組合都幾有趣鵝肝燉蛋唔知個菜名真係以為甜品焦糖燉蛋，鹹鹹香香伴埋個多士都好夾黑松露薯條煙肉粒炒椰菜仔睇落煲仔細細，個份量都好多，椰菜苗好入味好爽口炸雞唔乾身好香脆，雞肉好嫩西班牙海鮮飯加埋魚子一齊食，口感好豐富呀黑毛豬安扒肉質唔un唔鞋，d肉都嫩，好厚身，我哋3個女仔食埋呢個飽晒😅埋單$12xx.…Read More

同Fd 慶祝生日, 今次揀咗海港城既Nara, 我哋大約6:30到，好多人喺門口等，禁飛都要排隊😅 估唔到等吓等吓我哋都等咗成個鐘😅 其實呢間都係打卡餐廳，但係我哋夜晚嚟環境比較昏暗都冇咩可以影到，下次應該揀日頭食lunch要book海景位🤦🏼‍♀️-蝦餅 （必叫‼️ 熱辣辣、彈牙，唔油👍）-花膠海鮮冬陰功湯（材料好豐富係好香，夠酸，但係對我來講唔夠辣，但係朋友唔食得辣覺得好啱佢口味😅）-黃咖喱軟殼蟹（份量都好足，咖喱甜甜地，我哋配埋薄餅食埋啲汁，正呀，軟殼蟹都仲有少少脆口，唔會淋晒👍）-泰式飛天通菜-大蝦柚子沙律（蝦好彈牙，好多柚子，唔苦澀好開胃-生蝦（好爽口，配埋嗰個泰式汁夠辣好惹味）-泰式豬頸肉配青木瓜沙律（配埋佢個汁好香口，又唔乾👍，配埋少少車木瓜沙律，可去油膩）埋單 $127x.佢有限時90分鐘交枱，所以唔係好適合慢慢食住傾😅…Read More

呢間餐廳之前都食過一次，今次friend揀地方食生日飯都揀中佢，不過夜晚比較難book所以我哋揀咗食晏晝，嗌左：龍蝦蟹肉包配凱撒沙律薯條 (用甜排包好似怪怪地？一口食落去好似甜味已經蓋過晒啲餡）黃金流沙軟殼蟹龍蝦汁意大利燴飯 (有啲失望，軟殼蟹林哂,但係個飯就好好味喎，又唔會太硬）炸水牛芝士條 紅棗桂圓薑母茶、超級水果茶,香荔西西茉莉沙冰京都丹波紫薯疏乎厘 (我哋+$20 rq寫生日牌, 擺盤超級靚，拎上枱震騰騰好正呀，我哋影完一輪相都仲熱辣辣，入口溶化、紫薯醬又香又唔漏都唔錯喎）埋單$66x.*佢有限時90分鐘交枱，邊吃邊傾比較趕😅，不過都明白而家餐廳都想做多幾轉生意的。——————————————————-補返第一次嚟食嘅下午茶先，嗌咗：炸薯條配黑松露芝士汁(個黑松露醬先係主角，👍正，好香濃嘅菌味）忌廉芝士磨菇釀雞翼(勁濃嘅芝士味，加埋蘑菇餡好有咬口，連埋雞翼一齊食好香口）超級水果茶(茶甜甜地，水果都好豐富，有西瓜、橙、菠蘿⋯）紅柚菲芷（酸酸甜甜）茶聊 (旺角)旺角砵蘭街189號1樓…Read More

收工約咗舊同事食飯，我哋揀左紗廠入面嘅labels cafe，貪佢平日夜晚都比較靜啱晒傾偈又唔催人交枱。我哋叫咗三個set share.-明太子意粉 $108（最普通嘅嘢反而最有驚喜，呢個好濃郁同幾惹味）-黑松露意粉 $98（都重「松露」味，應該未必人人啱😅）-Parma ham pizza $118 (勁多火箭菜😂）-加配左甜品檸檬撻 $46（第一下好似聞到檸檬味洗潔精咁，但食落又OK喎，小甜酸味）烏雲棉花糖+焦糖咖啡 $68 （呢個搞笑喎, 打卡飲品‼️ 其實仲有個白雲☁️，不過原來每日餐廳有指定係白雲定烏雲🤣）草莓紅桑子梳打配草莓冰 「跟餐+$25」熱情果伯爵茶配雜果冰 「跟餐+$25」*呢度真係好啱傾偈，又靜，我哋由7點食到9點半～ 大滿足！埋單$53x…Read More