高矮肥瘦's Profile

我哋一行人四人，先嚟咗一位，跟住嚟咗三位，但係都冇QR code 。同個侍應講冇得掃，但嗰位侍應係講普通話，但態度OK，佢馬上同對講機講我哋枱冇QR code 。咁我就去睇吓依度有乜嘢食 。自助熟食方面，有好厚嘅番薯波、冷盤魚皮、酸辣鳳爪等等自助打邊爐方面，有廿零樣嘢揀，但好多都係平價嘢食，菜類、丸類都好少，但有豬皮可以放落麻辣湯底度嘢飲方面，好多都係有汽飲品，免費酒得雪花甜品方面，種類就多啲，有雪糕、雪條、甜筒、乳酪、啫喱、豆腐花返到埋位，都仲未有QR code，去到櫃檯同服務員講，就有一個講廣東話好後生嘅人諗住幫我哋，跟住有個阿姨應該係服務我哋嗰區，就接手幫我哋搞，終於先有得掃QR code叫咗一個鴛鴦鍋，一邊麻辣小辣，豬骨湯底。牛油三種，但係我哋冇叫肥牛，有脆鯇魚、蝦滑墨魚滑、有蝦但嗰日冇、仲有廣島蠔、花甲類同鮑魚 。鮑魚會比好多，唔會太細隻，但唔會好韌，個廣島蠔嚟咗三轉先到第一次叫嗰啲仲要未融雪食晒餐飯都未融晒 ，熄晒爐先再嚟我哋就話唔要啦漏單情況好嚴重，同埋人手應該唔夠，上菜收碟都係嗰幾個，試過想加水嘅時候成個場啲水壺都冇水，當叫到個阿姨嚟加水嗰陣時同個阿姨講仲有好多嘢未到，個阿姨點點頭，但唔知有冇幫我哋追個牛只有第一轉好食，跟住嗰啲都麻麻哋，個羊只係叫咗一次一夾就散人頭$300老人家會平少少，但係應該唔會再嚟黎…Read More

珍惜食物🙏🏿🙏🏿上網有人介紹睇啲圖啲意粉都好大碟！就同老豆去試下去到望入去位都比較少同位同位之間空間都唔算大，有4個bar枱位，枱上面有提供芝士粉，辣醬同黑椒粉唔知係人手問題定咩，目測有2個樓面，1個負責問訂位，因為得2個人冇得訂位，都排左30分鐘後生樓面望落應該新做冇耐，另一個熟手啲，但語氣有啲嚴肅我地揀左1份香蒜白酒蜆肉意粉、鴨肉墨西哥卷、2杯野飲=～$130，超級抵其實以正常食量，又想食多啲唔同小食，1碟意粉建議3-4人分享，我地2人因為佢份量大，除左飽，都有啲厭，唔係唔好食，係同一個味食太耐，可能佢地野飲真係太慢，個意粉差唔多食完同埋個卷都上埋先上野飲，意粉正常，如果再食會試有辣味嘅意粉，芝士類應該唔會叫，除非你多人去個卷上面會放好多日式甜醬同蛋黃醬，個卷都放幾多椰菜絲，鴨肉都有，但唔洗30蚊，所以唔好其望多，本身諗住叫豬頸肉卷但冇貨，我地係夜晚7點到，7點半坐低野飲，我就叫左梅子梳打，冇乜氣，又唔夠酸，偏淡，但係有助解膩，老豆果杯係一種花嘅檸檬茶，完全冇檸檬味，又冇酸，個花又冇味，所以唔會再叫一分錢一分貨，有正常有劣，大家衡量下另外大家珍惜食物，因為企出面只見到bar枱，入坐前4位後生男仕一人一碟，係冇人食晒，坐低之後後面一家三口，一人一碟意粉，冇睇到有冇食晒，但大家唔好做大嘥鬼🙏🏿🙏🏿…Read More

上網見到人話好食，就同屋企人去食，整體比大排檔貴多$10或以上，份量都算夠，上菜速度正常，但好趕客，見你停晒手就開始執野，如果同fd想傾下計就唔好揀依間-炸大腸，唔算大味，不過份量算少-鵝片，ok，算多-胡椒豬肚蜆，本身係花甲但果日冇，味道ok唔算好辣，份量都夠-腐乳通菜，葉部份正常，但啲莖唔夠淋，老人家唔太岩枱同枱之間位置都夠，因為要上菜走黎走去，所以通道唔算太窄，但人好多，叫啤酒就叫左幾次先有…Read More

4位大人，其中一老人，$298加一，先有花膠雞煲、魚生（三文魚、蝦、帶子）、一盤海鮮（蠔、鮑魚、鱔、蝦、沙白？）、一盤骰仔牛+牛其實食晒都6分飽，不過鍾意食三文魚嘅仲有燒三文魚同可獎攞返埋位煮嘅三文魚，攞左2舊魚鮫，唔錯👍🏿，因為太飽，冇試晒其他食材，所以唔多評論但個環境都幾闊落，比左張6人枱我地，但個冷氣就唔算好勁，係接受到嘅熱加少少涼，但冰住海鮮嘅冰就大半變晒水，野飲都唔算好多款，但酒好妗人有4款，鍾意飲酒岩晒…Read More

店內空間坐10人，但感覺9人頂盡，因為有一枱係獨立高枱3人位，張枱放完食物都冇位，啲凳全部係高位摺凳，坐得唔舒服如果講現場手握壽司，佢算係平，同埋有啲壽司望落係幾大份，例如花之戀，2大塊生文魚包住，但就冇考慮點放落口，咀細梗加要分幾啖一般壽司型狀偏長條型，魚生唔算大，可能我食慣連鎖店，某啲壽司仲都散，我地3人叫左一輪冇食飽就去左隔離街食第二輪第一輪唔飽至少十款壽司+2款熟食都好似過600，依個比例我會繼續揀食壽司郎…Read More

係其他平台見到，就同屋企人黎試下，叫左：-牛丸湯粉絲我淨係食左牛丸，可能牛肉比例高啲，咬落去比較難啲同彈牙啲，湯偏啖，粉絲份量較少-咖喱雞咖喱偏濃，唔會好水，雞件好大舊，但唔會好柴，唔會好鹹，有少少辣-星洲炒蘿蔔糕會有啲蝦仁，有蛋同菜圃，味道都係偏淡，但食太多會好膩-半打沙嗲可能少食沙嗲，個樣有啲似某牌子微波食品，味度一般，冇乜炭香味，醬正常-馬拉盞通菜唔會好鹹，正常份量連加一$36x上菜時間快，但種類唔算好多，味道都偏淡，偶爾一次都可以，價錢算平，希望種類可以多啲…Read More

新開第一次試，選擇偏少，連晚餐套餐都係得二人套餐可以揀，其他每頁都冇超過10樣野食揀，店內冇wifi，坐太入唔係收得太好，但又要手機落單忌廉野菌皇烤雞扁意粉，有驚喜，份量夠，味道好，但熱飲都要加錢🥲$60+3可能岩岩開店，店員態度幾好第二次豪少少食左個牛扒加沙律，份量唔太夠，牛扒薄左少少，食晒唔太夠，但收90幾第三次，放工時段，座位只有4成，但店員都唔比坐4人枱👎🏿，再試扁意粉比第一次食冇咁乾身，比較多水既汁，但都唔錯，希望之後會有改善以上問題…Read More

放工唔知食乜好，行過未食過就膽粗粗入去試下，除左牆身某啲餐牌，同個霓虹燈似香港啲，冇乜其他裝修例牌野，冇驚喜，點餐用寫紙，價錢偏貴，叫左個吉烈魚，茄豆，炒蛋，牛油多士，麵，熱奶茶一共$58黎得冰室最緊要試奶茶，唔太掂，同一般茶記差唔多，麵上先，有條菜，麵質煮到仲有少少硬再黎吉烈魚，本人唔食茄豆，係點餐紙都打左個大交叉，但仲係比左碟茄豆黎，個吉烈魚大塊，冇乜雪味，不過不失，牛油多士多牛油，但本人唔太食，所以一般，炒蛋正常，未算炒到熟晒…Read More

食完一間又貴又唔飽，就揾下有啲咩可以填番滿個胃揾到依間，本身對韓國冇乜好感既我所以下面唔會話有冇韓feel見到餐牌有pizza，唔會好飽就入左去坐因為之前食左野，所以就叫左一個墨西哥雞肉pizza$5x，一個韓國餃子$4x（好似）同一杯士啤多利乳酪沙冰$3x一共$1xx因為我冇留意個價錢同埋唔係我比先黎野飲，味道ok酸酸甜甜，飲落可能唔夠沙冰，但咁樣味道冇咁淡，比較睇個人，我個人覺得ok再黎pizza,聞落個味似細個食吞拿魚包果個味（因為我本身唔食果隻吞拿魚）以為賴野，不過擺落口又唔係好差，但個pizza切完拎起啲料會跌晒落黎最後比較失望既係個餃，一個味道唔錯既蒸餃然後上面加左啲芝士同茄汁…Read More

老豆介紹黎食，兩個男人叫左1個肉燥飯，1個鹽酥雞，1個滷腸，2粒炸貢丸，1個三杯魷魚（真名唔記得）連加一埋單$255首先黎飯，飯既上菜速度合理，但好細碗，食唔慣既話可能覺得比較油，冇乜特別跟住黎三杯魷魚，個汁似豆豉汁但冇豆豉味，佢仲有個香菜味，但我唔太鍾意。啲魷魚某啲靭，某啲淋第三樣黎炸貢丸，表面乾，內裡有汁，但個表面唔係脆，炸到表面係有啲靭第四樣係滷腸，個分量同平時買到既台灣腸一條差唔多，食落似比較淋既臘腸，但咬口偏向腸仔果邊最後鹽酥雞，份量少，最大舊都唔夠好大大果啲比，雞本身冇味，佢有比啲粉係側邊，比你自己點除左個飯上菜速度合理之外，基本上我地係食完一碟再黎一碟，只有個腸食到一半就黎個鹽酥雞野飲冇叫，見到一杯珍珠奶茶都38，仲要唔知幾大杯…Read More

同老豆兩個人食，老豆就揀左依間，見好耐冇食日本野，就試下入到去唔太大間，但都full，一坐低茶都冇杯，價錢偏貴，我叫左個鯖魚set加10蚊三文魚手卷，老豆叫左個燒牛set，再加一個全燒壽司set，野飲要自己拎，加埋300幾。除左面豉湯（匙冇主動比）首先黎手卷，起馬係正常size，唔係某啲一口手卷，有三塊三文魚，但都係放面，食到尾都係得飯，青芥末唔太攻鼻，中意食好攻鼻果啲應該唔太岩。然後上燒牛set，我試左一塊，比較油，但太薄，食唔出乜。再黎燒壽司set，食落多油，有芝士果啲就比較鹹啲之外都食唔出係乜，口感都差唔多。最後到我個鯖魚set，同個牛set一樣，有一碗沙律，兩舊壽司（類似加州卷果隻，但冇咁多涵），一小碟螺肉，一碗暖偏熱既飯同鯖魚，除左鯖魚其他都普通，個鯖魚皮仲有少少脆，少少鹹幾好食（佢仲有個汁，但我覺就咁食都可以，所以冇點我地坐卡位，我人比較高，佢張枱底唔係平，而係一個梯形，隻腳冇位放，坐得好唔舒服而個服務，一黎漏比茶，二黎我地叫完兩個set，都未叫完條友就走左去，後尾要再叫第二個人黎落埋未落既單個人表示唔會再去…Read More

晏晝唔知食乜好，但又唔想食飯粉麵果啲，就揾下有咩漢堡岩食見到依間近近地就去睇下睇完餐牌，想試下和牛係點，就點左普通和牛漢堡包（$85）外賣（+$2）番到去個包尚暖，佢會有個紙盒裝住個包，仲有個擺盤方式，不過都係將上層個包擺斜，對我黎講賣相唔係太重要所以唔會特別加分可能和牛關係，唔想太多汁同配料破壞和牛既口感，所以配料冇乜，咬落有肉汁，但可能得肉同菜，層次比較少，而我之前未食過和牛，但今次個享受過程麻麻地…Read More

今日路經，見到寫住牛扒之選定乜鬼，就午餐走去試下，叫左個紅酒乜乜肉眼扒+薯菜+餐湯（$58）凍飲（+$2）。黎到既時候都有8成滿叫左紅湯，黎既速度快，但可能平時食開果間既紅湯比較濃稠，相對依間比較稀水啲，但有料。跟住黎凍飲，奶茶少甜少冰，算係做到，但味道一般。但仲飲緊湯既時候突然黎個焗飯，叫番上菜條友唔知佢聽唔到定乜，叫兩聲都唔轉番過黎。最後揾第二個黎攞走，我見湯飲完，等左陣個主菜都未黎就揾人跟跟單，我以為佢寫錯焗飯，岩岩叫完個主菜就黎。個主菜有兩大塊牛扒同薯菜，牛扒唔同一般茶記果啲，而真係有厚度既牛扒，一塊突別厚，但果然太厚，熟過頭，咬落好靭有汁但冇牛味，冇咁厚果個就好咬啲，「林」啲，但一樣冇牛味，果個紅酒汁，可能我冇乜食過好野，冇紅酒味，得少少酸味。薯菜就係老麥薯條，數量比我隔離枱既偏少。同樣係牛扒，但可能係午餐，質量冇咁講要求，但依次既經驗令我懷疑係咪真係牛扒之選？…Read More

晏晝4點幾，見行開果頭，聽講午餐同下午茶平就入去食下。入到去客人加埋都冇十個，有幾個已經食緊，有一家人等緊餐，所以我係新點餐，點完冇耐入左黎一對男女，唔知點解，果對男女既餐竟然上先，過左陣已為我個餐黎（我點下午茶牛扒）佢攞住吉列豬，原來我個牛扒係果對男女到，好彩對方未食，但咁少人都要搭單，有啲過份。下午茶牛扒同一般茶記既牛扒一樣，冇話特別好食，但杯奶茶真心唔掂，拉低晒成個餐既水準。PS:之前同屋企人食過晚餐，大家都叫5成熟，但出到黎個熟度唔同，我果塊似5成啲，屋企人果塊熟好多，白湯唔掂，自己用罐頭開都好飲過佢，失望…Read More

同屋企人食，一共兩層，樓上唔知有冇位，但局住啲人係係晒下面果層鰻魚便當、比目魚+羊架餐（晚餐）、「雪花」肉眼餐（5成）（晚餐）張枱岩岩啲人食完走，換新餐紙，佢地用膠，但幾張都洗唔乾淨，服務生都見到，直接換啲洗乾淨啲鰻魚便當先到，後兩個餐等左好耐，隔離枱後黎都齊晒，同吹佢先黎，服務生解釋話單多紅湯酸，得紅蘿蔔比目魚肉散，羊架靭肉眼有牛味，5成切開冇乜紅，但有血水，但雪花唔知佢係名定咩，感受唔到兩個晚餐都有得送雪糕，雀巢同野飲一杯凍奶茶有茶渣服務生態度ok，但上菜時間同單既順序可以做得好啲…Read More