emilyluk416's Profile

經過買咗杯咖啡，見到價錢都係正正常常，熱latte $36杯個設計已經係好唔方便成杯咖啡根本就係三合一，然後加咗好多水啲顏色仲衰過熱奶茶個杯就大，但係咖啡都唔滿睇相唔好以為我飲咗好多係因為佢個設計倒瀉咗好多…Read More

明白，8號風球可能生意唔係幾好但係冇理由將啲食物翻炸到缺水狀態根本完全食唔到，又唔知道聯絡邊一個，然後落咁大雨又唔想落換🌚🌚🌚黑仔不過呢一間麥當勞執錯嘢都唔係第一次永遠麥樂雞都會冇麥樂雞醬所以離開一定要檢查…Read More

今日去到淺水灣向左一個圈，想食啲輕食見倒有熱狗set就揀左Hooman 一個正常熱狗$68起，加多$10就有薯條同埋嘢飲半價。我就揀左個Corgi Corgi with fries $78 Ice Mocha $25 (50%off) 餐飲半價 total $103 叫完餐之後，成個過程唔需要等5分鐘就上倒，而且嘢食都好熱，講真其實都幾足料，薯條同煙肉topping份量，一啲都唔孤寒。美中不足就係ice mocha，原價$50但係用朱古力醬🥲 死甜唔好飲因為餐廳範圍其實好細，入面仲有員工做緊其他嘢，加上就咁睇個格局都唔好錯，好彩the pulse 開放左啲公共空間，於是我就拎咗出去望住海景嘆熱狗…Read More

如果要搵一個地方把酒談心-我一定會推介食串燒 今日去到西環ENSO 燒物相當出色，清酒Sake亦都好齊🍶ENSO 係燒物上，雞都有分好多唔同部位，所以今日就決定全部一試 Chicken Breast Soft Bone $58（雞胸軟骨）燒雞軟骨食得多，雞胸軟骨就真係第一次好似食咗好多骨膠原落肚咁樣🤣 仲有三款柚子，竹炭，綠茶岩鹽的而且確食出三個唔同層次個人最鍾意柚子，食燒物，唔多唔少都會感覺油膩，柚子清新口感，相當夾。Red Satsuma Chicken Wing $48（赤雞雞翼）Chicken Thigh（雞腿）$38Chicken Skin （雞皮）$38呢個雞皮真係世一，叫完一次唔夠要再encore🤣 將所有多餘油份已經燒乾，食落好非常香脆，好香雞油味但一啲都唔覺得肥膩。Minced Chicken Stick $54（免治雞肉棒）呢一個雞肉棒入面仲有少少軟骨碎，口感一流，好香雞油味，仲有少少咬口，令到個層次提升。Grilled Wagyu Steak $350（燒和牛扒）食完雞就食牛🥹🥹🥹呢個和牛，入口即溶，油脂分布平均，七成熟既軟熟，亦都唔會話太生所以會韌，師傅的確好有功架🥰Angus Beef (安格斯牛柳）$68Cold Inaniwa Udon $48（冷稻庭烏冬）點樣都要有啲澱粉質落肚嘅，稻庭烏冬不嬲都知道彈牙煙韌，凍食就更加出色Crab Meat Salad w/Onsen Tamagotchi $88 (蟹肉溫泉蛋沙律）整體性價比極高，值得再返嚟♥️…Read More

之前呢一直都有聽朋友介紹過，大家都淨係話好好食好好食，今次經過見到有有啲攰，想搵個地方坐下食下野，所以諗都唔諗就入咗去。同朋友揀咗兩個冰冰食 紅豆抹茶 $52 黑麥脆脆 $52朋友話紅豆抹茶，都係正常發揮，紅豆蓉略嫌有少少太甜，但係茶味濃郁，底層布甸好滑我自己就食黑麥脆脆原來其實即係珍珠奶茶味😂 識落個冰嘅口感好神奇，真係入口即溶，食到好龍滑嘅奶香，但係食完之後口感唔會覺得啲奶味停留黐住個口，相反竟然有少少覺得小清新嘅感覺，唔知係因為溫度問題定係乜嘢原因，我覺得好神奇🤣黑麥脆脆上面有一嚿麵包質地嘅嘢，好似啲一口西多士咁樣，好咁連埋沙冰一齊食，其實都幾match ,我覺得值得再返轉頭試，希望下一次是朱古力味…Read More

今晚落咗去香港仔揼骨，揼完骨肚餓就梗係搵嘢食㗎啦，見到都有幾多人食，然後望入去乾乾淨淨，所以就一試。都係食完寫食評嘅時候先見到原來有咁多負評，但係真心體驗又覺得不過不失。叫咗一個韓國燒牛肉石頭鍋飯 我見到個份量的而且確嚇親，係兩個成人嘅份量。根本冇可能食得晒撈勻咗之後就咁睇都覺得幾足料，味道唔錯，唔需要加醬汁都覺得好足味。另外再叫咗一個來自星星的你嘅雞翼其實講真，佢只不過係一個有小小海鹽既炸雞翼，除咗雞翼本身嘅味道同有少少鹹之外，就食唔出有啲乜嘢特別。肉質一般，都係普通雪藏雞翼， size都細隻。但係就絕對未至於係負評，因為同場職員都幾有禮貌…Read More

今日本身約咗朋友食飯，但係因為OT所以搞到成2130先到旺角，講真估唔到而家接近亦晚10:00旺角都仲有咁多食肆開，睇餐牌見到都幾吸引，同埋入面都幾多人食，所以就入咗去蘇杭冰室。Staff都好有禮貌，同埋親切，落單都好快手。炭燒T骨扒配薯角 $98其實完全食唔到，有炭燒嘅味，我係一個女仔叫咗呢一個牛扒都覺得唔夠食，因為份量真係好細，肥肉多，同埋好薄，可以食嘅位置唔算多，肉質好一般，冇乜牛味。跟餐嘅餐湯，我相信如果飲完一碗一定要去洗腎，我飲咗一啖之後就冇再飲。另外一個麻辣肉丁煲仔麵 $62 的而且確好足料好多肉，但係一樣都係洗腎秘方。呢間餐廳應該都唔會有下一次。但係佢哋服務好，反而冇加一。…Read More

有老人家生日，所以呢就近近地去屋村酒樓慶祝，見到阿拉斯長腳蟹清蒸減價$298斤，我哋都叫咗一隻阿拉斯加長腳蟹 $298/斤 約$1600 蒸之前師傅會拎出嚟俾你睇咗先，之後亦都會拎過嚟俾你影張相，然後就會幫你分開啲手手腳腳方便你哋食。整體來講，肉質唔錯，好大隻好多肉，而且都算鮮甜，唯一有少少可以改善嘅地方就係覺得使得唔夠乾淨。片皮鴨 $128 全隻 呢一個片皮鴨唔叫真係對唔住自己唔係好肥，燒得恰到好處，皮脆肉嫩。好高質素，仲要只係$128 韭黃同埋青瓜都免費refill金銀蛋莧菜，我食得多但係估唔到原來配苦瓜有幾好食整體感覺都好好，服務都唔錯♥️ 見到老人家生日，仲會更加好招呼送個甜品俾我地 係人情味~…Read More

今日睇完男朋友打波，成班隊友話想打邊爐，近近地就去咗大角咀，好多舖頭都冇得walk in但係財記有就入一入去喇，本身諗住坐唔包場質素應該一半，點知埋單每人$300都唔使仲食到好飽 。例牌叫咗兩個湯底，一個辣一個唔辣豬骨湯底，估唔到都幾好飲，係用咗豬筒骨真材實料，蔬菜都唔少，湯頭都唔似味精野。之後叫咗個手切肥牛同埋金錢展肥牛就好食啲啦，整體來講都可以接受有肉味，唔算太肥。最值得欣賞就係呢一個即炸響鈴又鬆又脆又好食。花甲份糧就比想像中小同細…Read More

萬聖節入赤柱，食下野，因為帶埋狗仔，其實好多餐廳都係露天，可以同狗仔一齊食，不過路過見到呢一間餐廳會另外比水兜狗仔，所以就覺得加分。入到去仲見到隔離嘅小朋友可以用顏色筆畫畫。相信都係一個歡迎family嘅地方。BACON CHEESE 煙肉芝士漢堡 $148呢個煙肉芝士漢堡真係不得了，又多汁又有肉味，芝士味濃郁，煙肉香脆可口。BLACK PEPPER 黑椒漢堡 $148呢個黑椒雖然肉眼見唔到，但係食落去就真係嚇親，香口得黎唔會太辣，份量恰到好處配合得好好。CLASSIC NEW YORK 經典紐約 $88呢個唔係我食，係朋友食，中間除咗好正路有條熱狗之外，另外仲加咗一啲酸酸嘅蘿蔔絲，非常之解膩，感覺上可以減低少少罪惡感CORN COBBLER 烤甜粟米 $38CHILLI CHEESE FRIES 芝士辣肉醬薯條 $72…Read More

今日約咗客人喺尖沙咀附近見面，要食嘢就梗係去K11啦貴價food court🤣🤣 但係有一個都幾差嘅體驗首先門市同事都幾冇禮貌，感覺上好似唔優做生意咁，態度有少少趕客，可惜個客想食拉麵咁就繼續喇。火灸安格牛拉麵 $98麻辣 SPICY** +$5其實首先同陳述不一，只係普通煎並冇火炙效果，其實都明白係Foodcourt但係 $100一碗拉麵比膠兜個感覺已經差咗一半。試咗試過間麻辣嘅湯頭，其實係100%米線個湯底🥲🥲🥲跟住再食一啖拉麵，鹼水嗰陣刺鼻嘅味道未放入口已經聞到，牛就正常發揮，不過份量好少，得3塊，由於啲拉麵嘅鹼水味道真係好嚴重，所以冇食晒就走咗啦如果冇服務，然後嘢食又難食 真係搵唔到推薦嘅理由，十級失望只有3塊牛🥲🥲🥲…Read More

作為一個港島人，正常肚餓搵嘢食都應該會去東大街。今日經過門口見到寫住蜑家菜，又未試過，就入一入去。其實坐底睇完menu ，第一下係呢一間中式茶樓都幾貴喎，跟住去廁所嘅時候發現原來後面成個舖位都係佢哋，都幾大。之後叫左個煲仔飯，小菜，前菜茶芥每位$15香芋魷魚粒肉餅煲仔飯 $98呢個真心係食過，最好食嘅煲仔飯，可能本身本人好鍾意食芋頭，佢嘅芋頭綿密程度係好似d台式飲品咁滑，冇諗過原來芋頭同肉餅係咁match。 飯香，肉餅唔肥 識到粒粒魷魚。麻辣涼拌蓮藕片 $48 正常操作，蓮藕爽口新鮮冇渣豬潤炒蜆(加煎米粉底) $208+$58呢一個真係衝擊我五官，本身以為只不過係普通一個砂煲炒蜆，嚟到面前先至煮，相信米酒嘅成份應該好高，因為全個餐廳都聞到咁滯，嚟到面前先至睇住佢哋開口，原本以為豬膶係一片片，但係原來已經係打爛晒，如果再凍啲食呢一個餸就一流，因為好重薑好暖胃。侍應都好細心講解，然後喺你面前教你要點樣食，試一試啲湯，然後食晒所有蜆，記得唔好飲晒啲汁，因為你會後悔，個湯先至係精華，之後再煮一個煎米底全部縮晒水。最搞笑係食唔晒，因為真係冇諗過份量咁大，但係最後都只係剩返一個茶樓碗仔嘅size，侍應走埋嚟見到拎個外賣碗同我講叫我拎返屋企再食，精華嚟㗎。唔可以浪費啊食完一次之後我好肯定會有下一次，因為我都會想大下自己屋企人認識蜑家菜。…Read More

今日喺尖沙咀附近收工，未去到食飯時間，但係有少少肚餓，諗住Happy hour飲杯野算，行到落去見到GBar裝修得幾有feel，望一望餐牌，價錢又唔算太貴，所以就諗住坐低試一試。原來逢星期一至五 happy hour 仲有買一送一就咁望海鮮都幾乾淨同埋新鮮 整體裝修似Lounge 都幾有feel 頂級海鮮拼盤$338 雖然生蠔size比較細，但係鮮甜同新鮮。海水味道依然喺度。四隻就真係唔夠喉。之後青口，海蝦都係正常操作幾好食，彈牙有口感，最比到驚喜我嘅反應係八爪魚，爽口新鮮，估唔到咁好食。其餘其他海鮮解凍就唔係做得太好，好似冇左肉質鮮味咁，味道較淡希望下一次有機會試一試佢個芒果拿破崙，因為見到身邊都幾多人食。另外一開始坐bar頭，諗住影得靚少少，但係因為真係幾唔舒服，所以最後都係坐咗落去food court public位置…Read More

除咗鍾意食海南雞飯之外，其實都好鍾意飲唔同嘅咖啡 今日去到K11 Musea 地下底層food court周圍行吓，就見到呢一杯 $85 既咖啡人一世物一世，所以都想試吓仲要專登有個教學咁樣所以就叫左杯Truffle Cream Blue mountain with nut $85 望落去外表有少少普通有少少似台式飲品嘅奶蓋咁樣我都有好乖咁樣根據教學聞一下先，的而且確味道非常濃郁同香。然後我就試一試個奶蓋先，不而且確俾佢嚇親。我冇諗到淨係個奶蓋都會有咁濃嘅黑松露味濃郁程度其實係遠遠超過你去食黑松露醬點薯條個醬既3倍😂 絕對冇偷工減料 同埋真係好香好滑。呢個真係可以介紹俾鍾意黑松露既朋友一試♥️…Read More

去到K11 Musea，冇理由唔一試咁出名的新加坡文華海南雞飯 Chatterbox Cafe 🐥 海南雞飯 $123 有睇開我其他食評應該都知我好鐘意食海南雞飯😂 係海南雞飯唔係只係海南雞，因為冇咗油飯再出色嘅海南雞都變得好單調😮‍💨油飯又香雞味又有小小香茅的清新 加分雞的份量比相象中多，皮肉分離，唔會過肥，肉質好有口感好細膩，好似可以食倒隻雞曾經做過gym咁😂 佢秘製個豉油令到我有撈飯既衝動配料方面薑茸偏甜，不過如果係因為地道新加坡風味就明點解，辣汁如果辣多小小就更好。白胡椒肉骨茶 $112 朋友叫左，然後我偷偷飲左一啖湯頭同食左條骨，湯頭胡椒相當濃但又不失肉鮮味，分量多到食唔哂🤣…Read More