小雞粒's Profile

個日同好朋友係旺角唔知食咩好，咁岩經過兆萬，就係百花之中揀個似樣d既食喇。見到韓日屋，有得韓燒又有得食刺身，兩樣我既最愛，都係199蚊，即刻上去試下。一上到去一陣就有位，waiters服務唔算好熱情，不過都唔差。我地即刻點野食，點完就出去睇下有咩拎，有甜品（芝士蛋糕、豆腐花、泡芙等等）、、雪糕、汽水、樽裝飲品等等，全部任拎，好豪。比個泡芙大家睇下，夠凍又唔會雪得硬冰冰。之後好快野食就到喇，首先係三文魚剌身同大蝦剌身！作為好中意食日本既的我，覺得剌身最最最緊要係新鮮，三文魚同大蝦都係鮮甜既好開心。如果要挑剔，就係三文魚唔太夠厚身>.<厚身一定好好味，不過個d多數都係好貴既價錢先有的質素哈哈，所以都ok ge！之後就到燒肉喇，呢度既燒肉有好多款，又有wasabi牛肉粒﹑酸辣醬肥牛﹑有豬有雞有羊﹑岩曬我呢d食肉獸。同埋佢燒野食個板有塊類似牛油紙既野，好好用，唔洗落油，唔會燒焦。燒烤方面除左燒肉，仲有海鮮燒，好多其他野，例如菠蘿、冬菇等等，好多款揀。有樣野要改既，就係鋪面的地下有d油，又未至於行到滑到既，但係個feel有dd唔乾淨，油諗諗咁。但係不得不讚既，有樣野幾impressed既係waiters有次過黎幫我地放好d食物，d位放到岩岩好，就哂手好方便，感覺係用超值的價錢，買到d好pro的食物同服務^^ 好開心。…Read More

個日收左工，周圍都好多人，上網搵左呢間cafe，見佢d評價都唔錯，所以決定去試下上到去覺得都幾大，入面仲見到個private room，一大班大開party又唔想咁貴都係一個幾好既選擇間餐廳都幾多選擇，最後我同個朋友叫左個set dinner，飯，小食，2杯野飲，每人都係二百蚊到，西餐黎講算係幾抵既價錢個餐包好特別，唔同出面一般西餐既餐包，咬落去有香草味同咸咸地，真係好好食之後就上個湯，酸酸地，都幾開胃到個前菜，係用自家製既醃料再加紅黃菜頭整成，好特別，味道都係酸酸地，佢地用既材料都好新鮮，好清新終於到main course喇，我揀左steak黎食，7成熟岩岩好，又唔會太軟同太韌，個皮面有煎過，所以個表面脆脆地D薯仔好好食配搭燒汁略嫌咸左d，但整體配搭係十分唔錯最後當然唔少得甜品係酥皮香蕉撻同檸檬蛋糕香蕉同檸檬既組口相當唔錯，我個人黎講唔鍾意太甜既甜品，所以佢既甜度對我黎講係岩岩好set dinner仲送杯野飲，大大杯咁好抵飲，我就飲mocha，咖啡同朱古力既比例岩岩好，唔會太苦同太甜，舊cream超級好食值得一讚既係佢地既服務態度十分好，好有禮貌整體黎講，雖然佢係工廈入面，但從設計到食物都相當有心思，係一間好特別既餐廳，值得一試…Read More

n年唔見一次嘅中同終於成功約齊人。人數都唔少，要滿足曬各人嘅需要，就只有兩個選擇：火鍋或者放題。最後都係放題，而地點係荃灣瀛喜日本料理。由於人數唔少，所以咩都點下，每人二百蚊有找，都幾抵食嫁!壽司方面，推介鰻魚壽司和黑松露三文魚壽司，前者味道清新，後者有黑松露點綴，與三文魚好夾。魚生方面，三文魚和鮑片很好，重點推介海膽，鮮甜又唔腥。炸物方面，南瓜，蕃薯，蝦和蠔都不過不失，略嫌有少少油膩。沙律嘅質素普通。極力推介三文魚腩，系必點，魚腩肥美滑溜，食落好滿足。而另一小食朱古力球棒，呈深啡色，圓碌碌，口感就似溫暖嘅麻薯，內裡是熱嘅朱古力，但唔會太甜，甜品愛好者必食!!!!幾個人，不論男女，都食到飽一飽，不錯耶!…Read More

朋友曾經推薦金田家拉麵店，尋日去開銅鑼灣，一於就去試試~其實金田家呢個名我之前都略有所聞，佢所做既系「博多拉麵」，2011及2012年北九州拉麵節佢地系得獎名店，被選為人氣No.1。加上聽講由日本師父派過來主理，所以我都滿有期望!去到餐廳，裝潢佈置幾有特色，充滿日本風，猶如去左日本當地既拉麵店禁。由於是平日，去到的時候人不多，可即刻入坐。同其他日本出名既拉麵專門店差唔多，拉麵款色從來系「貴精不貴多」，只有三款拉麵，但就有唔同變化可以選擇，包括麵的軟硬度、葱既分量、加其他配菜等。我揀選了至尊叉燒拉麵，軟硬度就揀左「硬」，葱量「正常」等左3分鐘，拉麵就到。一片片薄薄既叉燒圍著鋪放碗既邊，湯既香味已經噗埋個鼻到，令我真系急不及待食第一啖!先試試麵條，系典型「博多風拉麵」，這個「硬」的硬度對我黎講啱啱好，有嚼口，而且麵條幾幼，掛湯力強，湯同麵合埋一齊，令人一嘗難忘。再嚐下個湯底，湯呈奶白色，濃度適中，豬骨湯味好重，質感好似牛乳同忌廉既合體，香滑無比，但唔油膩。試埋叉燒和配菜。薄薄既叉燒，幾大塊，有一種獨特的咸香，吃起來煙煙韌韌。而配菜爽口彈牙，溏心蛋單，蛋黃呈半流心狀，蛋香濃郁，甜甜地，真系可以食上癮。簡簡單單既一碗拉麵，無好似海鮮呢D名貴食材，原來用心去做同配搭，都可以成為極品，系一試難忘既極大。以後去開銅鑼灣，都要食金田家﹗…Read More

前幾日同朋友約左去風月堂食野，雖然無訂位，但係都唔係等左好耐就有位叫左一個漢堡，份量超大 有漢堡、煙肉、蛋、少量配菜，基本上兩個人食都足夠。漢堡肉味十足，配上沙律醬別有一番風味。煙肉味道亦香濃，但可以再煎燶少少，令其味道更上一層樓整個漢堡味道多層次，但疊得太高，食起上黎有少少唔方便。。。。薯條沒炸脆，雖然帶有微熱，但只有「軟林林」既質感另外都叫左兩個甜品，個人覺得都算非常大杯，仲有大大球雪糕@@大家share黎食都會幾飽。甜度都適中，我覺得唔錯，值得一試。…Read More

上星期日去深水埗同親戚食完飯，去左呢間甜品鋪食甜品。一坐低見到餐牌d相已經好吸引，仲見到我最鐘意食既焦糖布甸，即刻嗌左個黎試。我覺得個布甸滑得黎蛋香味都好濃，而且唔算好甜，唔會話好漏。另外，楊枝金露入面都好多柚子肉同西米，味道不過不失，OK，不過係略嫌有D酸。…Read More

之前去韓國食過school food，覺得好好食，一直都想再食，見到香港開左店，一定要去試下。因為我唔係好鐘意食生野，所以呢度啲款式就岩哂我喇！呢度既壽司紫菜卷甘，細細舊，食落口都幾有口感，味道都唔錯，配答墨魚好有咬勁。不過泡菜飯都幾辣下，不過可能我唔食得辣，所以食左幾啖就頂唔順，同我係韓國食既都有少少分別。…Read More

上排係朋友介紹之下去左小酒窩餐廳食野。因為無book位所以都提早左少少去，驚要等好耐位，點知最後都等左差唔多一個鐘先有得入去食。嗌左個牛排，熟度岩岩好，配黑淑汁超正，又唔會好咸同好韌 ，味道都唔錯，有碳燒既味道。個pizza底都幾脆，而且有濃濃既芝士，所有材料都好入味，但係略覺得有啲乾，不過係好似同pizza hut啲pizza有啲似。…Read More

前幾日同朋友約左去風月堂食野，雖然無訂位，但係都唔係等左好耐就有位。叫左一個漢堡，超大份，兩個人食都夠，味道都唔錯，生菜超脆，啲醬汁都好多，不過不失，不過因為太大份，好難拎住成個飽就甘食。另外都叫左兩個甜品，個人覺得呢度啲甜品都算係大杯，大家share黎食都會飽，甜度都適中，生果都好甜好新鮮，我覺得唔錯，值得一試。…Read More

今日係新城市行街，比呢間鋪show出黎既食物吸引左，入左去食。呢間餐廳都算多野揀，好多類型既定食都有！叫左個牛肉鍋烏冬，雖然都幾普通，唔太特別，但係佢個價錢都唔貴，所以我覺得可以接受。個烏冬都幾好食，牛肉唔太韌，烏冬係滑身嗰隻，配料都唔錯，幫到成個烏冬加分。另外，個天婦羅就麻麻，不過啲料唔算好足，淨係得層脆皮，脆皮之下既料就無咩味又少。…Read More

每次去食元氣都要排長龍，今次同屋企人食，因為係平日，而且時間又夜左少少，所以唔洗排隊就有得直接入去食！灸燒三文魚繼續保持水準，平時唔多食三文魚既我都食左幾件，佢唔會有好肥膩既感覺，比起普通三文魚更加易入口。另外就係必食既加州卷，雖然係好普通，無咩特別，但係啲料都算足，而且唔會一夾就散開哂，加埋沙律醬真係一留，唔錯唔錯。…Read More

之前聽朋友講太興唔抵食，但係媽咪一直話覺得好食又抵食，於是搵日自己親自去試下。叫左幾個菜食，最特別都係個冰鎮咕嚕肉，不過我覺得唔係好岩自己口味，雖然都係酸酸甜甜，但食落去感覺怪怪地，凍凍地但又熱熱地甘，不過味道都係ok既。另外叫左個蔬菜煲，呢個個味道都幾野味，但係菜好似少左啲，不過配飯食最岩。整體上覺得呢間餐廳都唔錯。…Read More

今日去左牛陣食lunch，叫左普通火煱，五六十蚊有邊爐打仲要任飲任食其實好抵。當然喇，中午既話其實唔係食得好多野。不過我覺得以呢個價錢黎計，已經算多野揀，有菜有丸有飯。我覺得呢度啲牛都唔錯，普普通通，都過得去。但係啲顏色望落去就唔多靚，好似擺左好耐甘，唔係太新鮮。不過我朋友就話唔得，好難食，可能係我唔太講究。清湯既味淡左啲，下次會試下其他湯。…Read More

薩莉亞一向出名抵食，但每次都要排勁耐隊先有得入去食，於是今日諗住早啲去唔洗等就有得食。去到真係唔洗排隊，直接有得入！叫左個芝士薯角，薯角唔係好多，但就有濃濃既芝士，食落都唔錯。另外叫左個水牛芝士pizza，個pizza無咩餡料，不過又係好重既芝士味，岩哂鐘意食芝士既我！而且野食真係好平，抵食！…Read More

好耐無食過pepper lunch，前幾日經過food court，被佢既香味所吸引！於是同朋友去左食。叫左個普通牛肉飯加芝士，無特別驚喜，但係依然係好香，自己炒下炒下再加埋啲汁一齊撈黎食真係好好味！不過可能我係啲汁到落重左手，所以覺得有啲咸，所以其實應該唔洗落太多都得。…Read More