KtTam1730's Profile

想黎好耐(有同事推介），因為本身我同女友都鍾意貓，又趁住宜家個個係屋企煮飯，就可以唔駛排隊咁黎食喇，哈哈～一入到黎，估唔到⋯真係好多貓呀！！！講反野食先～叫左個二人餐，加左個小食拼盤，二百幾蚊價錢合理，因為份量真係好多，多到真係食唔哂！先黎左個湯同沙律，個湯唔似得出面稀釋既湯，足料！沙律配新鮮既菠蘿，令到成件事好開胃！再黎就係2個main dish喇，西班牙黑毛豬肋骨同埋即磨芝士黑松露野菌大啡菇忌廉意大利飯個黑毛豬肋骨真係好正，唔似得之前食過果D得排骨！根本同某高級西餐廳沒有兩樣，價錢上呢度仲平D添！個Risotto都係好好食，個飯夠哂黏，水份校得岩岩好，芝士黑松露加菇真係冇得輸，令到成個飯好香！其實呢度既特式飲品都幾多下，見到格離果枱成班FD係度酙花茶，可以係度慢慢傾下計。唔止有貓睇，仲有好野食！…Read More

位於長發廣場既一休開左大約一年, 主要都係做街坊生意. MENU入面都算選擇多, 基本野如刺身, 壽司, 卷物, 炸物, 鍋物都算齊全. 是日叫左壽司拼盤(花) ($128), 蟹籽沙律 ($38), 鐵板牛油雜菇($48)同珍寶豬頸肉鍋($58) 壽司拼盤(花): 總共有11件壽司, 有三文魚腩, tuna, 魷魚, 熟蝦, 鰻魚, 蟹籽軍艦, 醋鯖魚, 北寄貝, 劍魚腩, 同埋精選壽司兩件. 我地果兩件其中一件係油甘魚, 另外果件我都唔識分~ XDD 全部刺身方面都幾新鮮, 壽司飯酸度適中, 女士黎講舊飯會大舊D, 一口食唔哂件壽司, 男士食既話就方便D. 蟹籽沙律: 上桌時俾佢個分量嚇親, 好.大.碗! 不過好好食~! 落足料既蟹籽沙律, 成碟野俾人感覺好新鮮, 真係好值得推介！鐵板牛油雜菇: 分量正常, 不過鹹左d珍寶豬頸肉鍋: 超級大既鍋, 分量足夠二人食. 肉都算多, 仲有好多配菜, 仲加埋隻生蛋上面. 食到舔舔脷~! 埋單$299. 整體是不錯啦! 街坊生意, 呢個價錢食到呢個分量既野, 可以返兜~!…Read More

放假同屋企人想搵個邊爐十下十下，咁岩搵到依間「滾火鍋」，門口既員工都好好客咁邀請我地入去。 一入到門口，格局四四方方，座位夠大夠舒服 坐低唔夠一陣，店員就拎左四杯特飲比我地，飲完之後更加開胃 想即刻食野。配料新鮮，而且餐廳環境好乾淨！抵讚 湯底方面，叫左鴛鴦湯底，清湯豆腐拼沙嗲，都好夠味 但唯獨係落單之後，店員先再推薦燉湯湯底！搞到要下次黎，先可以試到！(仲話係招牌湯底) 我地前後叫左：安格斯肥牛，本地牛展，響鈴，豬下青，黑松露鮮蝦水餃，黃金午餐肉，仲有黃金炸豆腐。其他真係太多講唔哂。但安格斯肥牛，豬下青，黃金午餐肉，黃金炸豆腐，真係要點名encore。肥牛既擺盤同埋賣相值得一讚，唔會話好似其他鋪頭求求其其，而且淥幾秒就食得，入口即溶👍🏽 絕對對得住個價錢。而豬下青，我都係第一次食，外型賣相一流 影相放上網呃like 一定走唔甩黃金豆腐同黃金午餐肉，炸到岩岩好，依兩樣野都再加單再叫多份😂 午餐肉 未落爐淥既時候，已經同屋企人食哂，要再叫多份專for邊爐！最後最後！一定要大讚餐廳員工服務態度，沿途向我地介紹唔同既食物，而且仲教埋我地唔同食法！…Read More

今日收工，約左幾個大學同學落旺角打邊爐，聽朋友介紹依間野開左唔係好耐。起初，都冇太大期望，因為我平時都唔打邊爐，所以都係諗住就下班fd。一上到去，裝修好有特色，而且座位舒服。最緊要啲海鮮刺身夠新鮮，食物款數仲滿足到我咁挑剔既性格，藍妹啤酒仲要任飲唔嬲。我地好在一早留左位，未夠8點出面已經排哂長龍，入面仲要爆場，但係都冇影響到上菜速度！！依一點好抵讚，好小餐廳可以做到。依間火鍋邊爐，唔單止海鮮生蠔夠新鮮，而且啲牛都好高質素，比起其他同類既邊爐火鍋有過之而無不及(我個fd講) 一路慢慢食，去到差唔多夠鐘，都冇人吹單，可以比我地成班慢慢食野聚下舊，如果比著其他，一定趕走左我地。 差唔多食飽既時候，我地順便拎埋甜品，但甜品就有啲失色，得雀巢雪糕，但都尚可接受。另外佢地有部自製雪糕機，依個就幾過癮，可以適合小朋友自己動手整。食完，大家都好滿足，最緊要環境舒服，坐落唔會太逼，價錢又正正常常，唔會突然又收多。 抵食！下次會再同班fd黎！…Read More

行開旺角兆萬見餐廳果幾層有好多平放題，又成日滿座，所以決定訂枱穩陣啲。剛剛遇著晚市放題時段開始，職員忙住上菜，好好彩我哋有訂枱，一到達就已經有得坐低食。同朋友基本上乜都叫咗啲，諗住好食先再encore。首先有蒜香牛柳粒，蒜粒經煎炸後又香又脆，同帶有些許脂肪嘅牛柳粒相映成趣。據我所知，鹽酥雞軟骨就唔會跟炸蒜嘅，不過佢呢度做得咁出色，我地決定照殺！夠熱，夠酥脆，軟骨唔會太硬，配啤酒一流！（啤酒可以任飲）食得放題，又點少得魚生。呢度魚生選擇繁多，只不過我同朋友淨係食呢幾種魚生，有三文魚、甜蝦、帶子、北寄貝、拖羅、等等。又有另外一位同行嘅朋友，佢淨係食熟食，所以特登叫咗啲熟壽司俾佢，有大量火灸三文魚壽司同鰻魚壽司。聽佢講啲熟咗嘅三文魚都仲係好滑，魚油同魚肉分佈得夠平均。除咗炸蒜出色，呢度嘅炸物都值得推介，例如係炸蝦！淨睇見佢金黃色嘅外表都已經贏咗一半，再一啖咬落去外脆內軟嘅蝦身，即時落單追加一份。羊架加咗啲孜然粉去整，無乜騷味，又帶到羊肉味出黎，又無破壞到肉質。可以改善嘅地方反而係個醬，通常食羊會配介末醬同得薄荷醬，但呢個醬兩樣都唔係。甜甜地又酸酸地，似沙律醬多啲，真係唔係好夾，建議就咁食個羊。呢度除咗任飲氣水啤酒之外，仲有雪條送，不過就唔係任食喇。由於我哋預早訂咗枱，所以可以享用呢個冰箱入面嘅韓國雪條。其實去到呢個位，我哋已經飽到一個點，但食甜品係有第二個胃架嘛，於是就一人一條雪條，開開心心食住走喇！…Read More

喺附近返工，每日放lunch都見呢間食星馬泰餐廳排哂隊，又見佢選擇幾多，決定同同事試下。喺放晏呢啲寶貴時間，行動快係必須，由落單到上齊菜10分鐘都唔駛，值得一讚！我叫咗個B餐，午市套餐跟沙侓＋餐湯＋甜品＋飲品，夠哂豐富抵食！首先講一講跟餐沙侓，細細碗，有生菜、車厘茄、鳳爪，酸酸甜甜咁，其實幾開胃，不過就唔係個個都食鳳爪，覺得如果搵泰國芒果整，應該會多啲人接受到。炒貴刁落足料，有大蝦、魷魚、魚片頭、彩色椒、大蔥。最欣賞佢火候十足，炒到每條麵條都沾上醬汁，又唔會覺得過油。精華所在莫過於夾住喺麵條中間嘅蛋，蛋嘅掛汁能力強，同麵嘅比例恰到好處，令到每啖口感同味覺上嘅享受變得更立體、更完整。餐湯同甜品會不定期轉換，沒什麼大期望，亦沒什麼驚喜。但值得一提的是餐飲，佢唔係求祈一杯凍檸茶、熱咖啡就算，呢杯泰式奶茶用心製作。泰式奶茶的特點在於苦、甜、香，三種味道的融合。苦澀來自紅茶茶葉，甜味來自糖同煉奶，香滑來自鮮奶。沖調時最好用碎冰，會比一般冰塊更能均勻地冷凍飲品，又可以將甜度沖淡少少。我可以話呢杯奶茶同我去泰國飲嘅正宗泰式奶茶有99%相似呀！同事叫咗無骨海南雞喇沙，A餐跟沙侓, 甜品, 飲品。海南雞烹調得剛剛好，不太油膩，而肉汁仍在。配埋專用甜醬同埋甜辣醬，非常美味！第二主角喇沙大大碗，女仔食真係未必食得哂。辣辣地又帶點椰香，豆卜更好似海棉咁將成碗湯嘅精華吸收哂，超級惹味！其實食完成個餐都已經好飽，只不過眼闊肚窄的我們想試埋呢度嘅甜點，又見加$28就可以升級要個香芒椰汁糯米飯，就決定出動第二個胃喇！外型長得不似傳統芒果糯米飯，反而令人聯想起日式壽司。除咗已經淋咗喺芒果面嘅椰汁，旁邊有額外椰汁俾你隨喜好落落去啲芒果糯米飯度。芒果香甜，糯米飯煙韌，每一口都有濃郁椰汁味滲透出黎，完美地結束一餐豐富嘅午餐。…Read More

呢間餐廳可以話係一個可以同朋友出黎輕鬆聚下吹下水既好地方，坐得幾舒服大家可以高談闊論。仲有項加分位係會準備個籃仔比人裝袋，好貼心。加分位講完講野食，質素唔會令人失望。首先，我地叫左個西班牙24個月黑毛豬配蜜瓜。 食西班牙菜點少得黑毛豬火腿呢。蜜瓜十分甜，十分多汁，有哈蜜瓜同蜜瓜，配埋火腿一齊食真係非常正。兩個人食就剛剛好啦跟住再叫個西班牙式烤乳豬。個人覺得好脆好香口，尤其係堆薯條，因為形狀好特別，值得一試壓軸出場係傳統西班牙海鮮炒飯啦! 我諗真係海鮮應該多過飯, 青口魷魚帶子同蝦份量超多又好食，呢個飯我又係比十分佢最後就更係要啤啤佢啦見到有兩款叫brothers既啤酒幾特別咁，有coconut lime, 同埋lemon…Read More

Darci by Aldou 未開之前，其實已經從元朗朋友口中聽過Aldou Café。兩間大概是同一老闆開的吧。難得星期四去開元朗，諗住碰碰運氣，睇下試唔試到呢間久仰嘅餐廳（因為呢度一到星期五、六、⽇就一定爆滿，仲排哂隊添）。竟然俾我哋一行二人攞到剩返嘅兩張枱嘅其中⼀張由於我哋兩個都係懶人，所以一⾒到餐牌上嘅⼆人套餐，諗都唔諗就揀咗。點完無耐就上餐湯同麵包，今⽇餐湯係南瓜湯，麵包係pita bread。南瓜湯：南瓜湯⼀定要打得夠細滑，唔可以有南瓜粒粒。呢度做到，加埋drizzle of cream，成件事creamy得嚟唔會蓋過南瓜果種香甜，咸甜度適中。Pita bread：䁔䁔的，味道無乜特別，不過點咗balsamic vinegar + olive oil就令到件事酸酸甜甜咁，特別開胃。羅勒白酒忌廉煮藍青口：羅勒同白酒同藍青⼝好夾，屬於穩陣嘅配搭。忌廉汁嘅味道調教得啱啱好，每個青口殻入面都有肥美嘅青⼝⾁，洋蔥同青⼝吸哂個汁嘅精華，唔會得個青⼝殼有味。香燒焗香茅鱸魚 配 西柚檸檬汁：有人話，食⼀間餐廳嘅⿂就最能夠食得出大廚嘅廚藝。⼤廚選擇⼜燒又焗呢條鱸⿂，其實有啲冒險，好容易會overcook，流失水份。呢度整得算唔錯，尤其是配料。薯蓉夠綿，茄子燒得夠香，西柚檸檬汁同鱸魚絕配，用酸性中和魚同魚皮嘅油膩感。蟹肉冬陰公意大利飯： ⼀見到碟嘢覺得平平無奇，本⾝期望不大。一放入口，嘩！冬陰公嘅果種酸辣味一層層咁擊打味蕾！而且仲啖啖新鮮蟹⾁！唔好睇少果舊仔青檸，滴幾滴將蟹肉嘅鮮味帶岀嚟，令到成碟飯無咁heavy。秦式同意式嘅創意組合，原來夾得嚟架喎！本晚嘅最大驚喜！純粹個⼈意⾒：如果擺碟可以再精緻啲，絕對撼得贏master chef呀！值得推介嘅清新⼩店，下次再嚟試吓佢哋啲pasta先，⾒到好多其他食客都點咗…Read More

常歡笑食後感多得老闆請客，小弟初嚐貴店午飯及小食，在此分享一下食後感，如有不實之處請多賜教🙏🏻😊貴店走高檔健康路線，少油少鹽用料優質，有鮑魚作噱頭但價格親民，實屬難得。碗仔翅用料豐富稠度適中內有鮑魚仔有驚喜；鮑魚燒賣份量十足，豬肉結實不油而不乾，一粒已經大滿足；鮑魚仔及八頭鮑口感煙靭亦有海味鮮味，作為小食或午餐加料供佳。海南雞飯雞肉嫩滑，油飯不油，乾爽富香料味，非常出色。薑茸，辣醬，黑醬油齊全，一絲不苟。安格斯牛肉蒸飯肉餅有咬勁質感幼細有肉味，中間亦有陳皮香；加拿大黑豚肉切幼絲賣相精美口感柔軟並有梅菜味，感覺新鮮。唯上述兩者飯比例為多，會有食剩白飯意猶未盡之感，如可略調比例更完美。花菇瑤柱排骨蒸飯，花菇同事食左，無緣😅，瑤柱排骨厚切好餸飯，略帶蝦醬調味亦不失健康宗旨屬巧思之作。有麝自然香，希望貴店愈做愈好！…Read More

又去左兆萬，間間都係放題，所以揀左呢間個名改得幾好既去食。呢間叫大本瀛！xD因為同女仔去食，又唔想做大嘥鬼，唯有嗌少D 啦~但叫親既都幾好食喎！一開始就黎左刺身先，海蝦好鮮甜，好特別既係我地叫左一個叫迷你甜蝦真係迷你到呢可以一小口就吞左，不過都係好食既！三文魚係肥美果種，食得出係新鮮既，之前食過一D "梅梅地"，同呢度真係差天共地！呀~仲有帶子~好滑~食落都好甜！鰻魚壽司真係我既摯愛黎，呢度既鰻魚都冇令我失望，炙燒三文魚真係正，燒既程度岩岩好，一半生一半熟，令到個口感都好特別。係咪我對迷你既野有情意結呢！呢度有個一口海膽手卷，一口放哂落又別有一番風味喎，呢度既海膽真係認真不錯，唔會苦，仲要有甘香，推介之一！大家食個軍艦要小心D ，朋友食度當場落淚牛舌都好爽口下，翠肉瓜好甜！菠蘿都好甜唔酸和風芝士焗廣島蠔，咁樣整個蠔唔會太乾，蠔入面仲有汁！最後又係甜品時間，2個都好正！…Read More

放題呢家野，其實唔係旺角先多，荃灣都不乏，食過咁多間，滿屋實在不錯！入到去，發現環境都不錯，都幾闊落，坐落都幾舒服。野飲任攞一坐低就瘋狂叫xD牛柳粒係本人推介之一，整得岩岩好，食落唔會痴牙，鬆化有牛香！鵝肝壽司都係重點推介，油而不膩，好正！之後仲ENCORE左一碟！羊架就唔太膻，一般人都接受得到，怕膻既人就有福喇！牛舌，好爽口，加埋佢D配菜食就最match喇！呢個壽司就夠特別啦，又魚子、又海膽、又蝦，夾埋一齊估唔到又幾特別，好清新既海鮮既FEEL！件件都好大件呀，剩係睇舊牛同舊魚，真係好誇張！扇貝都好好食，一淡數哂落口。塊魚既調咪岩岩好，唔會太鹹，加埋檸檬汁就好清新喇！完左仲有haagen daz食TIM出面仲有甜品同水果攞嘩，食完真係食到好滿足，真心覺得不錯，推介呢間放題，會再來…Read More

我地見到有個set dinner menu,原來A la carte入面既意粉和意大利飯都可以升級做set,所以選擇都算多，價錢合理前菜有田園沙津和忌廉餐湯，沙津都幾大份主菜有280克美國頂級肉眼牛扒配燒汁我地叫左medium well,熟度剛好，肉質幾tender, 而且鋪滿香草，正蟹籽蟹棒忌廉意大利寬條麵忌廉味道很香濃，同蟹籽蟹棒好夾，食完想再叫多碟哈哈甜品係rasberry mousse cake,為豐富既晚餐畫上完美既句號…Read More

第一次黎呢間韓國餐廳食晚飯，估唔到質素幾好，價錢合理首先我地叫左牛肉水冷麵水冷麵其實有點似韓國粉絲，顏色就似蕎麥麵，配埋紅蘿蔔，白蘿蔔和青瓜絲，蛋，和一片片沾有沙津醬的牛肉，感覺好清新，好啱女仔食之後就係溶岩芝士炸雞麵包一上菜，哇!估唔到咁大份!! 芝士還是熱熱的，所以拉絲效果好好! 我地將炸雞點落芝士裹，然後將芝士拉絲包圍炸雞，好正! 仲有兩件紫菜粉絲卷，都唔錯下次可以試埋溶岩芝士牛肋條麵包，應該都有驚喜舞鶴柚子味燒酒適合喜歡strong 少少既酒既朋友舞鶴水蜜桃味燒酒易入口，但其實酒精濃度達13%…Read More

今日黎左呢間餐廳，質素幾好我地叫左兩個dinner set,首先有南瓜湯配蒜蓉脆多士，南瓜湯好健康主菜-白酒牛油鮮大蜆意大利粉有好多隻大蜆呀! 意大利煮得剛好，夠彈牙，牛油味也很香濃，不錯主菜-原隻炭燒波士頓龍蝦配黑松露醬薯條 (推介!)一上菜，哇! 賣相好吸引呀! 餐廳已細心地切開了龍蝦，所以可以啖啖肉咁食，海鮮味很重，蝦肉鮮甜。另外薯條除了可以點茄汁，仲有黑松露醬!甜品-紐約芝士蛋糕為呢餐畫上完美的句號…Read More

今日我地黎左呢間幾有名的餐廳食晚餐，見到有好多自家制果醬，身為果醬控既我好興奮呀!我地叫左兩個dinner set，包左餐湯，沙津，主菜，甜品，飲品半價tim!幾欣賞佢個蘑菇湯，每啖都係粒粒蘑菇，味道十分香濃, 另外沙津都出奇的大碗，好健康呀!慢煮厚切安格斯西冷扒 (配玫瑰蘋果汁)哇!份牛扒好厚呀!! 而且熟度剛好，帶肉汁，肉質鮮甜，值得推介! 伴菜和碟本身的設計都好靚慢煮法式羊架配芒果芥末汁-真心推介!用慢煮的方式煮，所以肉質好鮮嫩，入口即溶，不用很多的調味料就可以食到羊原有的鮮味，另外芒果芥末好有創意果醬九宮格多士我地想試哂呢到既自家制果醬，所以就叫左呢個多士，有黑糖四物，蛋黃菠蘿，香橙，藍莓，草莓，木瓜雪耳，熱情果，肉桂蘋果等，正!!甜品有大大件蛋糕，好味…Read More