ccb2222's Profile

諸勝堂見呢間餐廳開左一段時間，好多時候都見到有人排隊，今日落雨行過見無乜人排就同女朋友去試試。由於女朋友最近都好肚餓，又一定要食飯，叫左兩個餐都有飯，份量同質素都絕對對得起個價錢，滑蛋有蛋味，叉燒同蝦仁嘅份量都好夠。豬扒好入味而且好鬆軟一啲都吾靭，配埋個XO醬更加係將成塊豬扒帶去另一個層次（xo醬只係少少辣，本身吾係食得辣既都接受到）。店內既環企都好企理，係要挑剔嘅話就係音樂有啲略為太大聲但係啲法文歌（好似係）同純音樂都幾好feel。叉燒蝦仁雙拼日本滑蛋飯 $58自家製海鮮XO醬肉眼豬扒飯(辣) $59整體評分: 可以常去P.S. 店內仲掛左幾幅畫，係女朋友最愛嘅貓貓插圖crossover啲香港特色，有時間去食嘅時候都可以留意吓。…Read More

新開左一段時間的cafe, 距離上環地鐵站5分鐘路程，環境座位都幾舒服，女朋友呢期玩節食叫左個Avocado smoked salmon sour dough分左半個俾我但自己叫左杯熱朱古力（祝減肥成功）坐左3個幾鐘談心，窗口位幾大風，有啲凍同成日會同路人對望，建議坐高櫈望公園景或者自己坐開左窗個邊。整體評分：值得一試LOL signature breakfast + Americano : $158Avocado smoked salmon sour dough + hot chocolate: $140P.s. 新年期間送包裝滴漏咖啡…Read More

今日出去尖沙咀開會，午飯就去咗韓國街覓食。由街頭行到街尾，見到呢間入面唔少人就揀咗佢。座位唔多但乾淨簡潔。餐廳是傳統韓式食店，有炸醬麵、牛肉湯。我和同事分別揀咗牛肉什錦飯和海鮮辣豆腐鍋。落order後，好快就上前菜，共四款。我哋幾肚餓，好快清咗碟泡菜，仲免費添加，前菜味道不過不失。兩款午餐都真材實料，大大份之餘，味道也不錯。同事的豆腐鍋，上菜的時候熱辣辣，食極都仲有蜆，而我的什錦飯，不是用蠱惑的碗盛裝，差d食唔晒，唔加辣醬亦都好夠味。侍應姐姐自動加茶，唔洗叫先郁，服務唔錯。午市唔加一，真係低食夾大件，鬧市中快靚正的首選!…Read More

舊同事另謀高就，我們一行十多人為同事慶祝。星記一向是我們的飯堂，圍枱坐得舒服之餘，又方便傾計。杏汁白肺花膠湯是必叫的，足料又滋潤，那盆湯渣每次都很震撼。（如要點這道湯，請記得預約。）蝦籽柚皮是星記的招牌，聽說處理柚皮步驟繁複，特別是柚皮的苦澀味是很難去除， 就係呢陣苦澀味尤其受有練歷的同事歡心。椒鹽鮮魷極邪惡，炸粉漿薄薄的，鮮魷大塊又厚肉， 咬落非常有口感。炸豆腐有點失手，之前食都是外脆內滑，醬汁亦好惹味。可是今次有點普通，豆腐不夠滑，醬汁也不是很香。蔬菜方面，我們叫了薑汁炒芥蘭和梅菜配菜心，芥蘭炒得夠脆，薑汁辣得黎又唔會搶左芥蘭既鮮味， 菜心就不過不失色，感覺似係煮好一段時間。總結黎講，星記話哂都是米芝蓮星級餐廳，保質有保證，值得推薦。p.s. 最後送左紅豆沙糖水作結，友人表示相當滿意，少少甜頭，十分歡樂…Read More

飯店離地鐵站有段距離，行都去熱騰騰但好彩冷氣夠曬涼.但如果好像我我甘弱質編编記得帶多件風褸仔。講返食物先，本menu都有返甘上下厚，圖文並茂，菜名都幾有創意，有少少衝動想叫個"肉鮮肉死"，但友人目標非常清晰，只叫主打熱門菜式（土匪雞、鐵板黑椒豬手、琵琶豆腐、蠔餅、蜆芥鯪魚球、腊味煲仔飯）。本來去到先叫到menu話土匪雞要預訂，友人當堂嚇一嚇，然後得啖笑，但其實食頭圍（六點至八點）既都有得叫的，同埋可能土匪雞都吾算平（再唸返，個名都俾哂tips），所以都吾係好多枱有叫到。吾洗五分鐘隻土匪雞就到左，上菜速度十分驚人，隻雞既擺位都幾出位，打卡一流，肉質都吾錯，最主要係有得自己切。鐵板黑椒豬手亦相當正，今次叫的幾個菜都要自己動手，幾有趣！至於蜆芥鯪魚球炸得幾乾身，個醬汁幾特別，酸得尼帶點甜，又不像普通酸甜醬。相當腊味煲仔飯就比下出，分量同個煲不成正比，友人笑言係咪畀人食過。整體黎講，食物都十分出色，一貫有大牌檔風味，值得推薦！P.s. 飲品在店無得叫，要在街口的士多買，是次只喝茶，但走的時候留意到士多價錢亦可接受。…Read More

和友人係灣仔出發行山，先去醫下肚仔先。第一次黎金鳳，見每抬都總有一個菠蘿包，所以點到叫個常餐包埋菠蘿包。常餐其實都幾多嘢食，先有個麵，今次叫左炸菜肉絲米，友人叫左沙嗲牛通， 貌相都幾吸引 但鑒於有啲熱氣所以冇叫到。 剛返肉絲米，份量足得黎湯底都吾錯， 感覺唔係味精湯底。 隨後上嘅有主打嘅菠蘿包同奄烈，由於奄烈用火腿有啲咸， 建議放喺麵上一齊食。至於菠蘿包，雖然吾係新鮮出爐（可能係緣份啦）但明顯食得出個包係真材實料，吾係出面既空氣包，食完好似食左空氣甘。菠蘿皮亦都好有口感，吾會話一咬啲皮就散哂，跌哂落枱。總结黎講，價錢吾算貴，食物質素可以，菠蘿包要睇缘份，環境干淨但坐位有啲窄。今次未飲佢個奶茶，見友人叫左涷既係冰鎮個呢（雪凍，冇冰係杯入面）下次有機會再黎一定會試！P.s. 菠蘿包本身都有牛油跟埋，菠蘿油只係牛油轉鮮油:）…Read More

星期日放工後，路過環翠商場，見到嫲孫樂有下午茶餐幾吸引，便入去試新野。環翠商場翻新後，有多間新的餐廳進駐。下午茶餐選擇頗多，揀左酸辣雙丸米線，還可免費加小食（有幾款，今次試左涼伴皮蛋豆腐）。飲品方面，加錢可改為台式飲品。米線不過不失，湯底風味十足，食完不口喝，應該無咩味精。小食的豆腐本身略為清淡但都好滑。下午茶盛惠$37，分量足，低食又好味，柴灣街坊又個選擇啦！嫲孫樂主打台灣菜，所以門市外市有外賣飲品部係非常合理的，台式珍珠奶茶都吾太貴，值得一試呢！…Read More

最近各行各業都有聲音話經濟下行，客量少左幾多幾多甘，但一上去25樓已經好多人係度等位，仲要係平日！好彩友人先見之明，一早訂左檯先可以吳使等甘耐。一坐低，waiter已經再三提醒左要每人叫一杯飲料，都是cafe一貫的套路，並非新鮮事。由於一共五人關係，叫左六樣野，兩款前菜沙律，四款主食，再加五杯飲品。食物質素方面，主菜既pizza同risotto都有驚喜，反而打星既豬肋骨就略嫌骨多過肉，對中意啃骨頭既朋友就應該吾錯。飲品就叫左4杯 ”彩虹7“，可能因為有$88/2杯既關係，差不多見檯檯都會有杯打卡用，但小弟就覺得 ”彩虹7“上的雪糕雪得太凍同太多冰。除左食物，小弟覺得呢度另一個賣店係裝修，吾難發覺佢地既裝修都好搶眼同好多detail位。其實店內有好多board game, 今次只係玩左個簡單既Tetra tower,（本身話輸左個個埋單，但無人認帳，sosad），由於太多人等位既關係，我地都吾好意思坐太耐，本身時限一個半小時，但都提早左半個鐘埋單，下次有機會一定會再黎玩耐啲哦！科科…Read More

九龍城一向為九龍美食之區，泰國菜、甜品店等林立。是次美食團同友人試試馬仔既火煱，地鐵站仲未開，交通都要轉兩程，相信日後會更方便。馬仔係市政大厦3樓，樓下係普通街市(都係多水tun同有街市既味道）反而入到三樓環境比想像中好很多呢，而且每檯地下放有兩個紙皮箱可供放置隨身物品，幾貼心。食物方面，簡單既菜單，對有選擇困難既朋友係一大福音。由湯底揀起，友人一早已經話要沙嗲湯所以冇其他懸念。主食方面，相信牛都係必點既，因五個人關係叫左大份，份量可以接受。由於大部份朋友吾太喜歡處理魚骨所以友人力推既翠肉鯇就冇叫到，叫左其他肉丸、餃類同菜。整體食物質素不錯，主要賣點都係沙嗲湯底同公仔面，但隨住水干後其後加水，湯底明顯無一開始既時候濃，所以建議可以先食公仔面，食盡個湯底。同埋，如果三五知己一齊食就吾好遲到啦，否則，俾人食左頭啖湯就無癮啦…Read More

口淡淡想食下燒肉，但縱觀市面上幾間連鎖燒肉放題都三百起跳， 所以就選擇試下其他野。雖然肉吾係放題式任燒任食，但有無限野菜、飯同湯任食，尚算彌補一下放題心理。由前菜講起，野菜屬於正常，有三款調味將汁如果吾落調味就有少少dry。至於湯同飯方面，湯好理所當然係牛肉湯，比較油同味道吾係好出，但可以自己加黑椒或salt，飯就吾係日本靚米，但都屬一般的。主菜方面，今次點了三拍子牛扒同牛柳作為入門初體驗，個人比較偏好牛柳，肉質比較嫩口。三拍子牛扒就相對牛味重啲，同比較juicy，兩種肉走既路線都各有千秋，整體兩款都吾錯的。P.s. 個人覺得幾啱正真發育既年青人食，今次下畫五點倒去食，人數吾算多，但去到六點倒開始見人龍，所以可以早啲去…Read More

夏日炎炎，行開中環除左眼睛食雪糕外，真係熱到要食杯真雪糕！見有冷氣有位坐又有幾個人排隊（應該吾會好伏）就無唸甘多狗沖入去嚕。款色吾算十分多，十多款，店員亦無主動問試吾試食。有cone 同cup兩款揀，正常雪糕店，多一球加多幾廿蚊，cone睇落都幾特别，滿滿既粒狀糖但基於唸住開心share關係無試到。本身一行4人打算叫兩杯，但叫前面有位客人見左家庭裝，店員起勢甘打爆個桶，目測至少有6球上以上。所以經於經濟考量，最後一行4人決定同叫一桶家庭裝，咖啡味（英文好長，吾記得）。除咗份量多，味道都不錯，驚喜既地方係幾多料，有疑似咖啡豆，朱古力粒同其他粒粒，提升左整體口感。咖啡味都濃郁，夜晚食既小心訓吾着。價錢黎講吾係平，但如果家庭裝4人分，每人$25又可以接受，係無甘多口味試p.s. 店內大概有10個位左右，可收信用卡…Read More

工作需要，有時會係屯門返工，整體黎講，屯門區小店選擇比較多。今次同事揸車，去咗新屯門商場食，見有幾間差吾多既餐廳就隨便入一間試試。 午餐menu大概有4至5款, 餐牌亦有數十款可供選擇配飲品只需補差價。今次嗌咗L1漢堡，整體份量相當夠， 配有薯條及雜菜。漢堡包包皮略嫌乾咗少少，可能因為冇乜醬料，牛肉尚算可以，連珍珠奶茶60蚊，可以話係物有所值！p.s. 商場滿一百大元可以免費泊車，下午12點去食，到1230左右已經滿座鳥。可以既話午餐早少少去吾洗排隊…Read More

好耐無去過荃灣廣場鳥， 一貫大商場作風，店鋪流轉量好大，已經無印象呢間次男坊前身係咩鋪，但除左呢間對我嚟講新開嘅舖頭之外亦有幾間唔同樣新食肆，最後因為見到排隊人數唔係太多所以揀咗呢間， 今次同友人點咗兩個丼，分别係次男坊丼同柚子豚肉丼。開頭見到都擔心會食唔曬，但係原來碗中有玄機。 所以份量都算係正常唔會係太大分 。次男坊丼即係牛肉，有些少辣，味道還可以但略嫌味精太重食完之後相當口渴。 反而柚子豚肉丼少少甜感覺既清新，值得一試。p.s. 因為都幾多人等位所以你當佢食快餐咁，唔好諗住可以坐耐啲， 人多聚會其他地方會比較好…Read More

日本菜可以話係由細食到大，加上近年日本機票平過返大陸，而家係對日本菜有啲要求。以西環區黎講，選擇都好多，今次試呢間可以話驚喜吾大，正常一般既日本野。餐牌好多選擇，有4張足底面既A5紙，今次點了幾款壽司同魚生飯。整體黎講，壽司比魚生飯質素高好多，魚生飯既魚生款式都合理但份量吾算多，飯就比較硬同吾夠醋。壽司相當正常好多， 軟殼蟹手捲亦都唔錯。總結係推介壽司同手捲， 可以多試幾款。p.s. 需要加一同收信用卡的…Read More

每年都會到訪一次既餐廳，因為距離海洋公園十分近，所以每年生日免費去海洋公園之後都會光顧。今年試左西冷扒同羊扒，一如以往，肉質非常鬆軟, 餐湯連沙律飲品同係加$28, 價錢合理。第一次食相當驚喜，雖然open rice 評論不多但幾乎每次去都坐無虛席，有時仲要等位同訂抬。飯後再叫再個面包布甸配雪糕，亦係非常高質，整體食物質素屬中上。p.s.餐廳可以儲積分做VIP, 因為一年先去一次既關係，食左三年都未做到但積分仍然有效，期待未來夠分做VIP再同大家分享有咩優惠…Read More