man2000929's Profile

老實講，你係望性價比高多款式嘅呢間餐廳可以完全唔使考慮，晚市1150加1之後買三送一，平均每人950雖然呢個價錢對於半島呢個名係值嘅，但係啲嘢食種類真係唔多，回本位甚少，食物質素收貨嘅，但係冇咩驚喜，刺身有三文魚吞拿魚帶子象拔蚌、凍海鮮有蟹腳鮑魚青口凍蝦、熱食只有約20多款，威靈頓三文魚外皮唔夠酥脆，牛扒質素算幾好，但係如果食唔慣太生嘅人完全食唔慣，老實講回本位除咗鮑魚凍海鮮同埋牛扒，真係冇其他，老實講收我呢個價錢唔緊要但係都要俾多啲回本位，呢個價位冇生蠔鵝肝拖羅真係唔收貨，甜品就真係算幾出色所有甜品應該都係自家製，最後餐飲每人只包一杯茶或咖啡，如果點果汁都要另外收費，老實講我俾得呢個價錢連嘢飲都唔係任飲真係爭啲，我當日去基本上都係得10台8台左右，講真如果喺外邊食其他酒店我諗五六百蚊應該都已經有呢個質素同更多嘅食物種類，價錢有一半其實係落咗去半島呢個名嗰度，老實講都唔會去第二次…Read More

餐廳主要以雲吞水餃為主，另外都有中式小吃、酸辣粉、上海面、鍋物等，採用類似快餐店的型式，要先到櫃面點餐結算，人均大約六七十元左右，食物份量與質素都很好，基本上一人點一個套餐都可以食得飽，我們點了兩個雲吞套餐及一個牛肉鍋物，套餐包含一碗15隻的雲吞及一份小吃，另外還送飲品，雲吞湯底也可以加錢升級其他味道的湯底，性價比不錯，另外經理服務態度熱情，說話很有禮貌，樓面所有東西都是他一個人負責，態度能夠比上高級餐廳。…Read More

之前聽到朋友勁力推介這間私房菜,於是來試一試。這裏有十多間獨立房間,我們那間房間還有獨立洗手間,而且還有免費wifi。首先飲品都幾多款式,有可樂、忌廉、自家製菊花茶、利賓納丶Lemon CC等十多款飲品,還有酒精飲品,但需另外收費。麻辣雞煲超惹味,又麻又辣,超好食,而且還可以任添。刺身有生蠔刺身和泰式生蝦刺身,超新鮮,如添加生蠔每隻$19,還有生蠔套餐$199有意大利白酒1枝及生蠔半打,一點也不貴。蟹煱非常足料,而且有新鮮大肉蟹。海鮮盤有聖子丶鮑魚丶大蜆丶龍躉片丶蝦丶蠔丶油魚丶鲩魚等多款海鮮,而且還有四款可以免費添加。牛頸脊肥瘦平均,非常好吃,如要添加每份只需$38,一點也不貴。丸類非常彈牙,雲吞皮超薄,蔬菜非常新鮮,響鈴和魚皮非常可口,非常脆,而且可以免費添加。飲品有雪糕波波,有朱古力丶豆腐丶綠茶丶牛奶丶芒果丶士多啤梨六款口味😋。整體來說,食物非常新鮮好吃,多款式,$258非常抵食,值得推介。建議食客先致電69990050訂座預留房間。…Read More

我同幾個朋友經過佐敦廣場,諗住上去食私房菜,原來改咗名叫一哥私房菜,點知比之前更好食,仲有獨立房間及廁所,私人度極高。飲品方面：不但有汽水啤酒,仲有自家製菊花茶,清熱下火,最適合打邊鑪時飲。食品方面：我哋叫咗中辣雞煲,雞件滑身,香味四溢,辣度啱啱好。生蝦刺身配上泰式酸辣醬,非常新鮮,酸酸辣辣,非常好食。蟹鍋裏有原隻肉蟹,真材實料,非常鮮甜。海鮮拼盤內有多款不同嘅海鮮,有聖子、鮑魚丶帶子丶生蠔丶蝦等等。非常足料,非常新鮮。牛肉非常好食,脂肪分佈平均,非常有口感,入口即熔。丸類有魚蛋丶牛丸等,非常彈牙。餃類有雲吞丶魚皮餃,餃皮非常薄,內面非常足料,鮮甜多汁。炸魚皮及響鈴十分香脆,非常可口。疏菜非常新鮮。有部份海鮮丶魚皮丶雞煲丶丸丶餃丶疏菜類等可以免費任食。$258(一位)可以食到咁嘅質數的任食火煱,真係物超所值,十分抵食,值得推薦比其他人👍。…Read More