Fanfanwong1214's Profile

星期六，嚟到景峰探朋友，知道景峰一向好多美食，今次試吓呢間新開嘅沙嗲研究所！佢嘅位置就係景峰輕鐵站背後，一間裝修很特別很sharp,一行入去就見到我就點咗兩個主食，巴東咖喱牛肉配薄餅同埋特濃海鮮參參巴東咖喱牛肉，牛肉好腍，好有牛味，份量好多！薄餅有三大片，好酥脆，就咁食個薄餅都覺得好好食！$58 ，呢個份量真係好抵，重點係好好食！喇沙海鮮參參，湯底好濃，好香椰味，湯汁十分掛面，淨係飲湯底都覺得好好飲，我係一個喇沙控，我覺得十分滿意！而材料方面有兩隻蝦，一個青口，好多粒魚蛋，仲有豆卜！魚蛋好鮮甜彈牙，豆卜吸滿了湯汁，超好食！其他串燒亦都好正宗，馬來西亞風情，我最鍾意食嘅就係牛舌，因為好腍，好有炭香味！另外有一個紫蘇雞皮蝦，亦都好特別係用雞皮包住紫蘇葉同埋蝦去燒！豆卜燒到卜卜脆，辣辣地，好惹味！其他沙嗲雞串，牛串，豬串，黑毛豬頸肉，亦都好嫩滑！呢間舖頭真係可以再嚟食，價錢又唔貴，食好食又食得好飽！不過呢間係小店，所以只有外賣。…Read More

慶祝家姐生日，家姐見網上評分好多好評，想試吓呢間泰菜，點知十個失望！食物難食到黐線，份量少，用餐時間短，上菜速度慢，而且員工會過來催埋單！我哋叫咗炸蝦餅，泰式海蝦炒金邊粉，咖喱炒軟殼蟹，同埋牛油薄餅 （4塊）！飲品叫咗兩杯龍眼冰！首先，上咗兩杯龍眼冰，味道好淡！之後上咗炸蝦餅3塊同埋牛油薄餅 （4塊）！炸蝦餅一啲都唔彈牙，只係炸得脆，而且感覺唔到又蝦！3塊佢會𠝹開成6塊，幾個人食都得㗎！跟住上咗牛油薄餅（4塊），4塊的意思係一塊剪成四件，完全令人好誤會，佢落單個app係無相㗎，可能咁啱冇影啦！！唔知點解乜都未上就想4塊薄餅，食晒個蝦餅，咖喱軟殼蟹都未黎，等到凍晒！等咗好耐終於嚟咗個金邊粉，份量真係好少，得三隻蝦都算，啲粉仲要好少，炒到好碎！味道一般！終於嚟過咖喱軟殼蟹，冇咖喱味，杰撻撻，配菜只有紅椒，青椒，薯仔都冇一塊！兩個人食，五百幾蚊都唔緊要，至弊係好難食，真係嬲到連夜要打呢份食評，想去食嘅朋友記得要諗清楚！…Read More

今日午餐自己一個人，就去食咗想食好耐嘅船麵！原來都唔平，都要成$70幾$80一碗！雖然有啲貴，我揀咗船湯同埋頂級美國肥牛做餸，面底揀咗黃面，即係油面咁！麵連埋兩粒魚蛋同埋一條秋葵都好新鮮好好食！枱面上都有魚露或辣汁可以配！雖然貴咗啲，但整體嚟講幾好食！…Read More

今日陪老公做身體檢查，趁有一個鐘，就去附近雲川食米線！呢間米線點解咁多人食呢，未夠午餐時間兩個人就要等位，好彩我一個人，而且出餐速度都算快！呢間埋線舖都係用app落單，我揀咗腩肉同埋雞翼兩餸！比較驚喜嘅係雞翼竟然有三隻，而且都比較入味！而失望嘅係啲腩肉好肥，有三份二嘅部位都係肥肉！我揀咗小辣，都唔係好辣，有啲甜！而飲品方面我揀咗阿華田，除咗可以揀多冰少冰之外，仲可以揀濃啲或者淡啲，我當然揀濃啲啦，都唔錯！…Read More

今日同閨蜜嚟到銅鑼灣，high tea加打卡！呢間餐廳嘅裝潢好華麗，好似去咗皇宮咁，被安排坐梳化位置，位置闊落而且餐廳下午唔算好嘈，係傾偈談心嘅好選擇！我哋坐低，我哋嚟之前已經睇中呢個tea set，打卡一流！味道方面，最底層的蟹肉魚子鬆餅，龍蝦西多士真係好正，海鮮好新鮮鮮味！香煎北海道刺身帶子，夾住蕃茄碎好夾好鮮味！而鵝肝慕絲配無花果，酸酸地同鵝肝好夾！而巴馬火腿配蜜瓜，蜜瓜好甜，好好食！甜點方面，巴斯克蛋糕配自家製嘅藍莓醬，馬卡龍，馬卡龍口味是隨機的，我哋食咗熱情果味，有熱情果嘅酸味，完全唔會過甜！而馬德連貝殼蛋糕入邊係有一啲橘子果皮，食落好夾，唔似傳統只食到蛋糕味！仲包兩杯$28以下嘅飲品，半價嘅價錢就可以升級特飲！我揀咗牛油果smoothie，閨蜜揀咗西柚梳打，我嘅smoothie 好滑，唔會甜好有牛油果嘅香氣，好正！總括嚟講，呢個價錢食到咁好味新鮮嘅食物，又可以打卡同傾偈，而且服務都唔錯，下次會再同閨蜜返嚟試吓其他菜式！…Read More

今日同老公放工後，係屯門市中心搵下好野食，慰勞下工作左一星期的我地係屯門西鐵站，沿着天橋行過去時代廣場，一入去，就見到呢間燒肉店，好多優惠，門口的大電視，啲優惠好搶眼！我地好肚餓，所以就搵放題食，呢度有燒肉，壽喜燒仲有三文魚刺身食，岩晒我地呀一入位，職員就送上壽喜燒湯底連SRF安格斯牛肉，職員仲好細心咁講話啲牛肉係火鍋用的，我諗一諗有咩差別，原來火鍋的比較薄，燒肉的比較厚身! 牛肉肉味好濃，肉質好滑！黎到主菜，燒肉，我地兩個食肉獸瘋狂落單，上菜速度很快，主要梗係識S R F安格斯牛板腱啦，當然仲有其他牛肉都好出色，例如一口牛，牛舌，牛肋條，燒完點埋燒肉汁或者喜馬拉雅山鹽，簡直絕配！除咗燒肉之外，三文魚刺身亦都好新鮮肥美，每一塊都有香濃嘅魚油，我哋點咗幾次，真係好好食當然仲有熟食啦，我覺得牛肉薯餅，海苔魷魚鬚仲有味醂雞泡魚乾係至正的！除咗喺手機落單之外，外邊仲有雞肉串燒，炸餃子，關東煮，豬紅等可以隨便拎！飲品有特別嘅紅豆薏米水，呢個飲品喺外邊好似好少見，係可以去水腫減肥嘅飲品，食咗邪惡嘅燒肉梗係要飲返一罐啦！而其他汽水綠茶呢啲一定有，佢仲有咖啡同埋加$10可以任飲啤酒，款式都唔少！而甜品，都有唔同款式嘅選擇，我個人比較喜歡食泡芙，試咗原味同朱古力味泡芙都好好食！而雪糕方面，有近期好Hit嘅開心果味，仲有提拉米蘇味，未食過開心果味雪糕都可以一試！其實仲有好多食物，可惜OpenRice只可以post 12張相，真係唔夠用，呢間燒肉性價比都幾高，下次再同朋友返嚟encore啦！…Read More

星期二放工時間，同兩個fd去左荃灣敘舊，朋友介紹食呢間川菜，第一次試，估唔到味道咁好。麻辣年華有兩間分店，我地去呢間比較新，就響荃灣廣場後面。個門口閃閃發光，裝修幾靚。入到店鋪第一個印象係好乾淨，水吧入面d杯杯碟碟都擺得好整齊，個地下又好乾淨，唔會有一d痴笠笠的感覺，真係好抵讚！不過影太多相怕俾人覺得我怪，所以無影到個出奇咁乾淨的地下！店舖唔會好大，但已經有三個服務員，而且佢地超好禮貌，遞上menu之後會主動問是否需要介紹一下食物！我地比較內斂，就叫佢擺地低自己慢慢睇。Menu好靚，而且選擇超多，有麻辣雞煲，椰子雞煲，酸菜魚，燒烤，烤魚，琳瑯滿目，最後我地都係叫返服務員介紹下，哈哈我地三個人揀左個烤魚二人餐，服務員話份量都多，條魚好大，食完唔夠可以再加配料打邊爐！我地就一於睇下條魚有幾“大”先！個烤魚等左大概10mins就上啦，真係好驚喜，原來除左烤魚，仲有鮑魚，魷魚，基圍蝦同花甲，簡直係海鮮拼盤！我地叫的係藤椒味，有少少麻辣。個味道又一次俾到我地驚喜！1.首先條魚真係好大條，估計真係足兩斤！成條魚煎過曬，咬落去好脆口，d魚肉又厚又甜，配埋d藤椒湯一齊食，真係好正，最重要係，條魚無骨ga！配料上，個鮑魚食得出好鮮甜，一定唔係急凍果D，呢個烤魚拼盤整體而言真係非常出色，難怪佢開分店。如果行開荃灣，大家真係可以試下！套餐仲包括左燒烤食品，包括兩串牛，兩串羊，兩隻生蠔！生蠔好大隻，而且蒜味好足，連埋d汁飲，又係另外一種享受。至於個牛，唔會燒得好乾，咬落仲有肉汁，難得有間舖可以兩樣都做得咁出色！原來二人餐都真係咁多份量，食埋d串燒，我地都飽左7成，但呢個超值套餐仲有6種打邊爐配料附送！清左條魚，我地就開始打邊爐！打邊爐的配量同外面的專業邊爐店差不多，但係配上呢個藤椒湯底就真係獨一無二！麻麻辣辣，非常惹味！因為今次的主題其實同好耐無見的朋友敘舊，所以我地叫左一“杯”店員極力推薦的水果杯。黎到又再一次令我地覺得好驚喜，既然係足3L的大杯，好似飲啤酒咁，哈哈。大到我地個個都要打卡！真係大過我個頭（出賣朋友系列），哈哈而且個味道仲好ok，唔會好甜，有D西柚檸檬味，好清甜。我地一杯一杯咁起勢咁飲，飲極個水位都好似無變過咁！真係三五知己聊天專用神器！超級讚！！！呢間舖的食物確實真係無得彈，味道好，份量足，價錢實惠，店鋪門面又乾淨，店員服務仲要好好。譬如服務員會好勤力幫我地換骨碟，我地都無發現個火息左，佢地已經留意到，仲主動過黎加火！真係好低讚！麻辣年華雖然唔係咩大連鎖，但係就係對自己經驗小店的堅持同熱誠，令佢地做到非常出色的食物同服務！最後，亦係最重要的，價錢真係好低，性價比好高！如果大家有行開荃灣，推薦過黎試下！值得一試ga…Read More

今日同老公行完東涌嘅outlet， 血拼完一輪，梗係要食返啲好嘢補數，但買咗好多嘢又唔想食咁貴，又想食得有質素，見到呢間喺東薈城7樓嘅錦麗，就入去食啦原來都有唔少選擇，有飯，有河粉，金邊粉，仲有好多唔同小食特色飲品選擇，而且價錢好合理我同老公都嗌咗河粉，但係大食啲嘅老公就叫咗安格斯火車頭河粉，入邊有好多料，有牛丸，牛腩，肥牛，牛筋，扎肉兩粒牛丸好彈牙，安格斯肥牛片好有牛味好滑，牛腩亦都好淋，牛筋一大條充滿骨膠原，扎肉好香黑椒味，而河粉亦都好軟熟好彈牙，湯頭亦十分之鮮味而我就叫咗胡志明綜合河粉，配料同老公嘅安格火車頭河粉差唔多，但少咗一條牛筋，亦都同樣好出色另外，我哋嗌咗大蝦扎肉米紙卷，蔥油雞翼，仲有一個叫做綠白嘅蔬菜，其實就係用馬拉盞炒銀芽同時蔬大蝦米紙卷嘅米紙好煙韌，好友趙口蔥油雞翼炸得好香口，加埋我最鍾意嘅蔥油，真的不錯而馬拉盞炒銀芽都好惹味另外我哋仲嗌咗兩杯特色飲品，就係牛油果生椰乳同埋芒果生椰乳，兩杯飲品都唔會太甜，而且芒果生椰乳有一啲脆脆係上面，好好食的叫咗咁多嘢，都唔使$400，真係好抵食…Read More

今日放工又同老公周圍食下野，今次黎到荃灣的牛摩，近我地返工的地點，千色滙入面，係荃灣地鐵站行過去，只要5分鐘左右，好方便！牛摩有幾個級數的放題選擇，今次平平地，食第二級牛 特選美國牛肩胛過下口引！而家做緊韓國主題，有啲韓國特色嘅小食可以選擇，例如韓式餃子，傳統韓國牛肉餅，紫菜粉絲卷，韓國炸無骨雞，呢啲小食喺出邊嘅打邊爐都好少有，值得一試！牛摩一人一鍋打邊爐，就係可以每個人按自己嘅選擇揀湯底，可以食多幾個口味，而且唔使㗎鴛鴦湯底費，真係好！我揀咗壽喜燒湯底，老公就揀咗沙嗲湯底，識識吓可以交換食，唔錯唔錯！壽喜燒湯底甜甜地，而且好正宗有一隻雞蛋送，用壽喜燒湯底，配雞蛋真係絕配！而沙嗲湯底就好香濃！呢一個級數嘅套餐，已經包括牛肩胛，豚肉，羊肉，雞肉，而且外面仲有好多唔同嘅蔬菜，丸類，仲有甜品飲品，好多選擇！牛肉有雪花，好有牛味！而我最鍾意食羊肉，彈牙嘅口感加上有少少嘅蘇味，真係好好食，叫咗幾次！而豚肉，我哋點咗一次啫，因為主要食牛同羊肉都已經好足夠了！我哋仲點咗個牛摩飯試吓，一碗飯加咗紫菜同埋肉碎， 十分美味，不妨一試！飲品方面，除咗雪櫃入邊嘅罐裝或包裝飲品外，仲有果汁同埋沙冰可以揀，不妨一試！另外甜品方面，有朱古力泡芙，瑞士卷，豆沙餅，仲有好香滑嘅雲呢拿味雪糕，有好多唔同嘅topping自由配搭！我自己就食咗朱古力泡芙，同埋雪糕真係好好食！整體來說，用餐體驗不錯，而且店員還會主動加湯和收碟，服務態度很好，下次會再來！…Read More

今日放半日假，約咗家姐去佢公司嗰邊搵好嘢食！之前聽家姐講，佢返工嗰邊有間冰室啲食物質素好好，而且份量好足，味道仲要好好食，今日一於接家姐收工，順便食好西！呢間樓下冰室，喺荃灣荃荃薈商場，係大窩口地鐵站行過去大約10分鐘就到！餐廳嘅裝修好多香港地道特色，有一點霓虹光管，路牌，同埋以前戲院嘅特色，QR 落單，幾好，唔駛搵人食物有好多唔同嘅選擇，有選擇困難症嘅我當然要諗一陣先得，最後揀咗最多人食嘅瑞士汁雞髀，炸餃子，咖喱豬扒撈公仔麵，同埋公司三文治瑞士汁雞髀，一上枱就聞到好香嘅瑞士汁味，切落去好多肉汁，瑞士汁好入味，雞髀啖啖肉好大隻，超正！炸餃子，粒粒都好大粒好飽滿，仲要係即炸，食嘅時候要小心唔好焫親咀，$37 有8粒，仲要勁多沙律醬比你點黎食，真係好抵食咖喱豬扒面，啲咖哩汁好濃，好味！公司三文治啲料真係好澎湃，起碼用左3隻蛋先整到咁多蛋，好大件，烘左底的面包真係無得頂！叫左2杯特飲，紅綠豆椰汁冰同埋柯華田脆脆紅綠豆椰汁冰，啲豆煲到好淋，好綿，正！柯華田脆脆，好濃好味下次要再黎！…Read More

今次已經系第二次黎，因為覺得幾好食，所以寫下食評俾大家參考下。呢間成都串串的位置都幾方便，就響肥姐小食檔過一個街口。約左舊同學8點黎到，入面已經坐滿曬人！證明確實系幾受歡迎的。我地響門口企左大概10mins，店員整左張檯俾我地用！門口個招牌好醒目，大大隻字寫住放題，我地兩個肥仔就系衝住佢黎！放題的餐單選擇都好多，除左d串串之外，仲有d小食同麵食。因為系放題的關係，我地當然系咪埋眼全部點曬咁濟，幫大家做個白老鼠試曬佢！首先上的系飲品，鍾意健康的可以揀無糖的茶，有蜜桃烏龍通菊花普洱，我就揀左罐椰汁，都幾耐無飲！椰汁我見好多人都有推介，其實飲落真係香，好過椰樹牌，大家可以try下！小食都叫左d，有棒棒雞同水煮麻辣豬紅，見個餐單上都有個good推介，食落味道真係有驚喜，尤其系個豬紅，好鬼入味，好食到連d韭菜都食埋，我相信去得呢度食buffet，叫幾次系常識吧！其他小菜例如雞亦尖，牛百葉，無骨鳳爪都唔錯，就是沒有豬紅同棒棒雞咁驚艷罷了，所以我同朋友系留肚食豬紅！之後串串香系重點，我地叫左中辣，拒個中辣都幾辣，有d似譚仔個中辣，所以大家如果食唔到呢個辣度要量力而為！一上就幾十串，雖然話係放題而且我地兩個肯定食得曬，但都有d唔好意思。唯有努力食快d唔咁覺眼。但咁樣打卡真係一流！因為之前去過成都旅遊，都同當地人食過成都的串串香。感覺香港食到係迎合香港口味做過修改，味道正過正宗好多wo衰鬼！重點推介的有麻辣牛肉同五花肉，好入味，一串一淡，好有咬口，好好食，我地前後都叫左三次！朋友話想試下d主食，我地就叫左個川味牛肉麵。開頭驚好大碗，浪費個胃的quota。後來我地的擔心都係多餘，店家係好體貼，細細碗好似泰國船面咁！個面d口感係唔差的，都彈呀，我地仲自己加d牛肉入去一齊食，一流！食到一半已經成百串，唔知店家會唔會black list我地，哈哈哈！但講真，店員真係好有禮貌，因為小店其實張檯都唔會好大，靠的就係樓面個妹妹好勤力幫我地收野，見到我朋友杯蜜桃烏龍飲曬，仲好主動問要吾要多杯或者order其他飲品。其實有時候小店真係好有人情味，而且味道都好獨特，唔會好似連鎖咁一成不變的味道同態度！串爆，真係係一間好味道有誠意的串串buffet，如果大家三五知己約食飯，真心推介大家試下！…Read More

有一段時間無去屯門市中心，本來同老婆想去食牛角放題，不過等的人都幾多，而且上次食的質素覺得下降左好多，價錢都貴，所以今次就去左佐賀山田，唔係開左好耐，第一次試。門口等候的人唔算太多，可能系已經接近8點，等左唔算好耐就有位。入到去原來都好多人，但係d座位出奇咁闊落，而且張檯好大，可以俾我點好多野，放到滿曬，呢點真係好抵讚，唔會為左做多D客就整窄d位，坐得好舒服。服務生的態度都好友善，覺得待遇好過牛角好多。我食的系LV2的美國嚴選和牛放題，兩人加埋服務費500松d，但已經有二十幾種唔同口味的靚牛可以揀。店鋪會先上一個頭盤，有一口牛，和牛牛板腱，牛胸腩，好有牛味有肉汁。我地起勢咁點，務求響100分鐘內食盡拒，店員上菜都上的超快，呢頭掃完QR code，一分鐘左右就上齊，真係超讚。最最最低讚西系，d肉上到黎已經解凍，唔會好似石頭咁硬，呢個真係真心覺得好好，因為去其他燒肉店好多時d肉上到都係未解凍，燒好耐先可以食，而且又難燒，呢個我加分唔少。除左牛之外，當然豚肉，雞亦，海鮮都有，不過我食的級數選擇就唔算好多。但係其實個人去燒肉放題都係沖住D和牛去，好少會點其他類別。拒的多春魚幾好食，連老婆本身唔食魚都食左4條，建議大家可以燒下。除左主食之外，當然飲品，甜品都唔少得。呢方面係採用自助模式，外面有幾個大雪櫃任君選擇。飲品方面，各式汽水，茶，水，樣樣區全。我揀左d蘋果汁同芭樂汁飲，呢d真係好少見，味道唔錯ga。甜品有好多蛋糕仔同泡芙。不過我食到真係好飽，所以只係食左一舊仔朱古力蛋糕。最後係我同老婆都好鐘意的雪糕櫃，呢d任你食，北海道牛乳雪條，紅豆雪條，芒果味都有。100分鐘的歡樂轉下眼就過去，我同老婆都食得好滿足。確實呢間燒肉除左性價比高之外，食物的質素絕對係物超所值，而且服務態度好低讚，用餐環境又舒服，我同老婆的評價都好高，下次再食燒肉都會揀呢間，真心推介俾大家，值得一試嘎！…Read More

突然好想食打邊爐，即刻搜尋下邊一間打邊爐又好食又抵食。搵到呢間喺旺角女人街旁邊嘅肉蒲團，除咗個名好得意，食物仲好新鮮，好高質素，而且服務仲好好我同老公點咗M5M8 和牛套餐，點左壽喜燒做鍋底，湯底甜甜地，好似食緊日式牛肉鍋咁我哋呢啲食肉獸，梗係第一時間點好多唔同嘅牛肉啦。我哋第一轉點咗封門柳，澳洲M5和牛牛肩胛，澳洲M8 臀腰肉心，澳洲穀飼牛臀尖，M5M8和牛，好食就唔駛講，原來澳洲穀飼牛臀尖都好有牛味，好正當然仲有食其他牛胸爽，豚肉，廣島號，石斑魚片，原隻魷魚仔，仲有水餃，雲吞可以點除咗QR code點嘢食之外，外面梗係仲有一啲丸，菜類仲有熟食添午餐肉係厚啲切㗎，真係忍唔住食咗幾件食完打邊爐，仲有甜品可以揀，就係哈根達斯嘅雪糕或者芝士蛋糕揀，我哋兩個都揀咗朱古力味嘅雪糕，正而且呢度啲服務態度真係好好，服務員主動清理枱面，加湯，而且上菜速度超快，一撳完QR code，轉頭就到了，少於1分鐘就上道菜，真係好難得，好抵讚仲有一樣嘢要讚，就係每碟肉佢都會有個肉嘅名稱上面，令到客人知道每一碟肉的部位，食完好食可以再叫同款的肉，唔使估估下…Read More

今日放工同老公嚟到屯門巿廣場嘅金鳳大餐廳，呢間餐廳成日都好多人排隊，所以要預留啲時間去撳飛，提提大家可以喺網上THE GULU撳定飛，咁就唔使等咁耐等咗15分鐘左右，我哋就有位啦，我哋被安排到卡位，都幾舒服我哋都點咗套餐，先來一個忌廉湯，暖暖嘅餐包配牛油，非常好味。老公點咗美國安格斯肉眼扒五成熟，黑椒汁，鐵板上，鐵板熱辣辣，牛扒熟得剛剛好，好嫩滑，配以薯條同埋一啲配菜唔會溜而心多多嘅我點咗什扒餐，貪佢乜都有，有牛扒，豬扒，雞翼，火腿，同埋腸仔。估唔到塊豬扒厚得來都好Juicy, 都係有薯條同埋一啲配菜，食咗咁多肉都可以減低罪惡感兩個人食到咁飽，都只係三百幾蚊，真係好抵食，重點係好好食，下次要再encore先得…Read More

今日放工後約左家姐打邊爐，上網搵下邊間又平多款又好食。見到網上評價唔錯，地方又就腳，喺旺角創興廣場，即刻決定食呢間18樓雞煲火鍋我嚟到首先揀食邊一個餐，我同家姐慳慳地食個最平嘅餐。首先我哋食咗個雞煲先，啲雞好滑，嗰醬好惹味。食完雞煲，加啲湯落個鍋度可以打邊爐，食物種類都有好多，有肥牛，黑豚肉，仲有羊肉，牛柏葉，雞件當然唔少得，而且仲有鮮蝦同埋魚，更加有好大舊花膠，唔係度度地方都有而且佢有好多唔同嘅丸類，都好特別，最特別係有一個醬爆豆卜，入面應該係包咗一啲豬肉丸，好好味另外小食方面，有一個小蘇肉，好香口，好少火鍋雞煲有得食除咗蔬菜，飲品係自己拎之外，其他食物都係用QR code落，夠晒方便衛生飲品種類都有好多，除咗汽水之外，仲有一啲茶類例如冬瓜茶，另外仲有啤酒飲，呢個價錢真係好抵！食飽之後當然唔少得食返杯雪糕啦！今日乳酪雪糕嘅口味係原味同埋抹茶味。個人比較鍾意食原味，加埋啲topping,太好味啦，食咗兩杯！總括來講，性價比好高，而且好好味！…Read More