第一次寫食評，係因為有一間餐廳係可以難食到咁，食到個人會好嬲，希望大家見到呢個食評，唔好再有人入去中伏。其實啲嘢食份量好大，但係真係好難食，係咁夾硬食，真係搞唔掂，都食淨好多嘢。石鍋鰻魚炒飯，完全冇味，要問佢再拎辣醬同泡菜撈過去，鰻魚肉少到搵放大鏡先搵到，但個飯上枱係好夠熱既。炸雞combo 入面有三舊甜辣炸雞，食到最後個舊先見到入面係唔熟嘅。同埋個酥脆蘑菇雞翼上枱係暖暖地，個質感係淋pat pat。板燒烤肉combo，份量係唔錯，食食吓個口黐到有條頭髮🤢🤢🤢其實員工嘅服務態度真係OK唔錯既，有禮貌。但係啲嘢食真係唔掂，好難食。永遠以後都唔會再入去呢間餐廳。…Read More
