Haileypang's Profile

即興同幾個朋友嚟咗呢一間餐廳飲杯野同食啲嘢。卡邦尼意粉質地好杰身，芝士味好濃。上面部份煙肉係較高級嘅，口感同味道都好有層次。燒春雞等待嘅時間比較長，但係雞肉好嫩滑，同附上嘅醬好配合！德國香腸拼盤比較鍾意紅色嘅，彈牙一啲。白色嗰幾條入面有香蔥味，比較林。墨西哥香蔥芝士薄餅薄餅入面夾住芝士，中間係一個芝士乳酪味嘅醬。個人好鍾意佢有啲煙煙銀銀嘅口感。香蔥芝士焗薯條薯條好脆，啱一大班人食，因為份量好多。同埋要趁熱食比較好味。我飲士多啤梨味嘅啤酒，唔錯！整體來講呢一間嘅食物份量都好多，幾抵食。…Read More

暑假嘅時候食嘅趁暑假仲有啲時間 約返啲舊同學去旺角食野 朋友話白布街黑布街個度多餐廳 去左個邊入左間韓國餐廳食野 總體來講所有野都唔錯 但係我會覺得環境高分 食物不過不失係旺角咁繁忙既地方 搵到間坐得舒服既餐廳唔容易 一樓有4/5張枱 二樓有10張到 大批人食都幾好 因為有屏風間隔 唔會太噪 環境燈光都舒服 係懷舊既韓國餐廳 同兩個女仔食 唔係叫左太多野 野蠻奶奶雞同我喺韓國食過嘅有啲似 湯底有啲似咖喱味 雞肉意想唔到嘅嫩滑 因為我哋掛住傾計都煲咗好耐 但食到最後啲雞肉依然保持到質素 冇話愈煲愈老 可惜嘅係配料唔夠多 可能店主預咗我哋要加料（有得俾錢加多啲配菜）卡邦尼芝士年糕名副其實既卡邦尼芝士年糕 係平時食開卡邦尼意粉既味 配料都幾多下 又有煙肉又有菇 年糕仲好煙un 用西式方法做韓國年糕 呢個組合唔錯～仲叫咗其他小菜 不過最推介都係上面嗰兩個…Read More

真係好耐冇食放題喇...今次黎大滿喜，價格唔算貴但質素都唔差。放題當然要食刺身！份量足，叫幾多上幾多，即使餐廳內好多人都上得好快。壽司亦叫左很多款，最鐘意油甘魚，好肥美！部分特色壽司嘅壽司飯會細舊啲，細食嘅人都可以試下。熟食推介燒鰻魚，唔腥。菠蘿都好甜但冇影相。甜品有手拉雪糕，好特別，不過個人覺得偏甜。相中是奶凍同雪米糍，都是偏甜的。還有其他蛋糕/啫喱/雪條等等，放題來說款式算很多。值得一讚嘅，服務員態度唔錯，而且成日清枱上嘅碟👍🏻…Read More

好想瘋狂食魚生同壽司嘅時候，最好就係食放題，而且哩間放題過左9:30就會半價，百幾蚊就食到，超抵啊。我食嘅刺身種類其實唔多，我覺得哩到嘅魚生好林，帶子好有鮮味，我地都encore左幾次。值得一提嘅係哩到嘅鮑片唔係米色長方形個隻，係好似螺肉咁嘅，好特別。好鍾意哩到嘅特色創作壽司，細細粒，唔會好飽，但係又好好味，帶子個款上面係黑松露，雖然佢唔係好多，但已經好香好夠味。另外個個芝士吉列蝦都係好好味，個蝦仲係脆架，芝士味又濃。仲有哩個芝士焗扇貝，估唔到放題都有哩啲野食，真係好抵。脆肉瓜，好多汁甜品仲有雪糕、雪米糍同雪條，不過太飽喇，我地冇食到。…Read More

哩間係一間好休閑嘅咖啡店。環境舒適，地方好寬敞，好適合一班人來傾計玩遊戲，佢仲有好多broadgames提供。食物方面，小食叫左海鮮拼盤，全部都係炸野，而且炸得好脆，最鍾意佢嘅薯條同埋炸蝦。可惜帶子冇乜海鮮味。炸魚就好大塊，所以都幾抵食。主食就叫咗墨西哥辣肉丸意粉，但係其實唔係好辣，只係肉丸有啲黑椒味，相信唔食得辣嘅人都食到。另外仲叫咗墨西哥雞翼，有六隻，上面有好多蘑菇同汁，我覺得都幾特別同埋幾入味。…Read More

呢個小羹同埋隔離樽野係用嚟食鍋邊蛋嘅，好可愛。首先食咗呢個黑毛豬，侍應會幫手燒埋，因為佢哋話呢個豬肉係好珍貴，喺韓國農場直接運過來，唔想客人燒到燶晒食唔到，所以會幫我地燒埋。成塊其實好厚肉，所以其實都幾飽，包生菜食加小小醬就好好味。另外食咗金仔炸雞飯，啲炸雞雖然淋左醬又放咗喺飯上面，但係都依然好脆，對於鍾意食炸嘢嘅人來講係值得一試嘅。而且佢其實份量都幾多，最好多啲人一齊share食。杯芒果沙冰好重乳酪味，食咁多重口味野嘅時候飲都幾清新。…Read More

小食拼盤有六款嘢食，我最鍾意魚手指薯條同埋雞翼。魚手指好多汁被入邊，薯條就夠粗又脆。我哋仲食咗日式牛柳粒飯。牛肉好林，啲汁又好好味，用黎撈飯好正。佢仲有啲三色椒係入邊，好入味。甜品就食咗心太軟。製作時間比較長，所以建議大家可以早少少嗌定先，同埋就咁食可能好濃，加＄2加雪糕好值。飲品就飲咗薑蜜，薑味好濃好暖胃。依家唔鋪頭環境同埋服務態度都唔差，係一個同朋友傾計嘅好地方。…Read More

辣汁炒花蛤王$68啲汁好似食雞煲個種咁，有啲麻有啲辣。啲花蛤就好大隻，老闆話係家人係塔門拎貨，所以好新鮮。好惹味。海膽汁焗扇貝$78雖然佢得一隻扇貝好似有啲貴，但係哩隻真係好大隻，啲肉好鮮甜，啖啖肉。個汁都好好味，好濃海膽味。就算2個人share 一隻都好抵食。另外我同朋友就再叫多左個薯茸。都係海膽汁，佢嘅份量比我想像中多，都幾飽下。野飲就叫左紫貝天葵，係老闆娘嘅媽咪煲嘅，好有愛啊。整體黎講，肚餓去食個宵夜都好正。…Read More

先講下店內嘅裝修，位置寬敞而且舒適。有一面用左落地玻璃，可以見到外面。而燈光偏暗，好適合聊天聚舊。跟據我的觀察，都有好多韓國人黎哩到食飯，而且老闆都係韓國人，食物應該較為正宗。 Chicken and squid fry估唔到都幾大碟，個墨魚係原隻上，不過店員好細心會幫手剪開。薯角正，就咁食已經有味，不過都係中意點茄汁食。雞件就超級好食，好滑。我估係焗/烤出黎，皮脆之餘又唔會好油膩嘅感覺。 Egg roll入面有好多洋蔥，唔中意洋蔥嘅人要小心！中間有紫菜，不過旁邊一兩舊係無嘅。係上面個醬係綠色的，但食唔出係咩醬。點茄汁都幾好食架。 Grapefruit squash 味道唔錯，苦澀味唔重。…Read More

哩間餐廳裝潢好特別，枱與枱之間有一塊簾隔住，走廊處更有屏風分隔。紋路和燈光給人一種優雅和放鬆的感覺。 頭盤我地食了一籃法包，田雞腳及螺。法包一籃入面有好多個，不同款式不同味道，但我始終較喜歡最普通的那一種。 職員話這款田雞腳是法國地道小食，一份入面有4隻。賣相沒有很吸引，不過味道不錯，肉很嫩滑。雖然係炸的，但入口不會太油膩。 螺，外貌似好乾，但螺入面其實有好多汁。不單螺肉有鮮味，下面的薯蓉都非常好吃。與一般薯蓉不一樣，有很香的牛油味，好好味。 lemon squash，幾好飲，酸酸甜甜咁。食主菜前，佢會比一小杯蘋果雪芭我地清下個口，再繼續食其他菜。個雪芭酸酸地，頗開胃的。 威靈頓牛扒，外面包著火腿芝士，再外面是一層酥皮，心思十足。不過味道略咸，牛扒都有啲乾。而外面的皮食落好似三文治的味道。 另外哩個磨菇天使麵就好好味喇。好香松露味，啲菇都好好食。雖然係好普通的菜式，但調味方面都落左不小心思。天使麵也煮得剛剛好，質地不硬不軟，好值得食。 然後唔少得甜品啦，外面酥皮是炸過的。裹面是香蕉和芝士，就咁食有小小漏，沾下下面的熱情果醬中和不少。…Read More

聽朋友講話哩間放題唔限時加上之前食過中環個間覺得質素應該有保證，所以即刻黎試下哩間放題正唔正！環境幾舒服，唔會好迫。一坐低就即刻點食物。 首當其衝嘅係前菜，海哲同沙律。海哲係幼身啲嘅，但係個人覺得太多芝麻。沙律就唔錯，個汁幾好食，海鮮沙津，入面都有幾款唔同嘅刺身，同個汁都幾夾。 刺身就正喇。三文魚好厚好大塊都唔算話好出奇，令我覺得驚喜嘅係連帶子刺身都好大舊！一般去放題食嘅都係珍珠帶子，好細粒。但係哩個帶子係大嘅，以及鮮味都好出！今次刺身食得最多唔係三文魚同甜蝦，係帶子。 燒車厘茄同翠玉瓜，本身中意食燒蕃茄，翠玉瓜好有牛油味，不過感覺上哩到嘅燒物唔會放太多調味，食完都唔會太口乾。 另外飲品同甜品都唔錯，雖然免費只可以叫一次。梅酒梳打，幾甜唔係好苦，岩女仔飲。綠茶雪糕就係抺茶味，冇乜特別不過幾好食。…Read More

係中環的哩間餐廳岩岩開張，但好似已經好有人氣咁，決定黎一試盧山真面目。格調同氣氛都唔錯，座位闊絡，而且感覺上好有私人空間，好適合黎同朋友聚舊。 首先食左刺身，非常生鮮，個人偏好白色嘅魚肉，口感較嫩滑。不過哩到的三文魚都相當不錯。帶子更加係我的最愛，哩到嘅帶子有啲特別，佢爽口小小，不過鮮味都仲係好豐富。 日本海膽伴豆腐，佢嘅豆腐係芝麻味的，有小小似食緊豆腐花，好滑，同海膽一齊食係好新鮮的配搭。 吉烈鹿兒島豚肉，好正嘅吉烈豬扒，好嫩，而且半肥瘦咁，好好食。加上佢炸得岩岩，好脆，就算凍左都唔會唔脆。佢除左可以點沙律醬，仲可以點黑色個個醬，唔知佢叫咩名，但係酸酸地咁，我都好中意。 甜品叫左梅酒啫喱，啫喱放係martini 杯到，造型好得意。而啫喱都好重梅酒味，好正。…Read More

見天氣開始凍，加上黎到元朗，氣温都低幾度，就想食返啲熱辣辣，暖笠笠嘅野。於是我地就黎左食雞煲！哩間雞煲有埋海鮮同刺身食，到底係我太耐冇食雞煲，潮流已經轉左，定係佢真係好有新意呢？刺身就冇食到喇，因為我地都係想食熱同埋熟嘅野。爺爺雞煲，我地簡左微辣，不過對我地黎講都幾辣。裏面啲雞肉都幾入味。豚肉，用黎打邊爐真係好正，而且本身冇調味，繼續打邊爐唔會搞到湯底好咸。四寶丸，一般黎講四寶丸入面總有一兩款係我唔中意食或唔夠好食的，但哩個四寶丸質素好平均。牛丸同鯪魚球都好彈牙，蝦丸同墨魚丸都好新鮮，不過墨魚丸可以更彈牙。另外仲食左哩到自家製的響鈴，好重豆味，同係出面買個啲真係幾有分別。雖然比較幼身，但好值得食。…Read More

今日想食好啲，於是黎左呢間幸村食飯。店內座位好似唔多，環境唔錯。我地一行人都中意食海膽，就叫左海膽刺身。$268份量都算多，有青瓜絲同紫菜作配菜，味道夠鮮甜。此次食了帆立貝$58，好鮮甜夠大隻。簡直係享受！2片中間夾住塊青檸，食真啲會有小小青檸味，fresh!豚肉卷風味燒$92，最得意嘅地方係中間包住個舊，口感似菇類，但到而家都未知係咩黎😂😂不過味道係唔錯嘅。最後仲食左加洲卷$80，哩個就冇乜特別，不過都幾好味。順帶一提，哩到啲芥末都幾辣架，最好逐小逐小加。…Read More

第一次食呢間放題, 見佢幾有Gimmick, 即管一試, 好彩無失望, 食物質素唔錯, 多特別款式。一開始送左個燉湯- 真係老火湯, 無味精味, 飲完唔會口渴。而飲品款式有14款, 總有一款岩!!!食物款式夠多, 有新意~~~ 沙律都有四五款最正係千島薯茸大蝦沙律, 雖然蝦未算好好味,但個薯蓉好Creamy , 好夠味。如果鐘意酸既朋友仔可以試下麻辣涼拌五目野菜,野菜好爽口, 味道頗酸,但好開胃。最後不得不提吞拿魚他他, 由於男朋友生日, 事先Book 定, 但無諗過咁有驚喜,有位待應會關燈開咪, 話慶祝顧客生日, 之後待應就會送呢個’’蛋糕’’過來,上面仲要插住仙女棒, FOR影相一流,吞拿魚他他個汁好好味, 酸酸甜甜。餐廳整體唔錯~~~…Read More