jane377's Profile

今日去開中環參觀大館，玩完想去食個下午茶，就搵到呢間開係天橋下既特色cafe. 一入去有分吧枱同普通枱，d waiter都好有耐性同你講解menu有咩特色食物。佢個menu有好多日本食材，例如海膽烏冬，明太子，和牛同蟹肉。但因為我地係tea time去，所以我地無叫到正餐，反而見到甜品個度有個cheesecake toast幾吸引, 就叫黎試下。果然黎到有驚喜，個擺盤超級靚超級igable，成個花園咁好多生果同花花, 好colorful,我地影左好耐相先捨得食。雖然個toast硬左d，不過都十分推薦叫黎食架👍🏻…Read More

有時係佐敦都唔知食d咩好，今次就搵到一間開係寶靈街附近既小店，試試佢既burger. 一入去都見到好多人係店面食野同等外賣，佢一共有大概10多個位置倒。 佢個menu都好多選擇。我地就叫左一個特級牛肉漢堡同經典田園漢堡。一見到個特級牛肉漢堡我地即刻心心眼😍佢個漢堡好巨型，2層牛肉超厚超juicy，仲有條長煙肉，d芝士仲可以拉絲，連埋個包食真係超飽。另外個田園漢堡都係超好味，d牛油果好多，仲有烤大啡菇超juicy, 鐘意食素既朋友就可以叫呢個，呢d小店一定要支持啦！…Read More

之前喺大陸嘅時候已經會喺嗰度買酸奶黎飲，因為覺得比起飲茶飲，酸奶會更加健康。最近知道我係酸奶君喺旺角開咗分店，當然就要試吓佢嘅出品。佢呢度最出名嘅係原味酸奶加紙幣，因為我之前已經試過同埋啱啱食完中午飯覺得好飽，所以今次就決定試吓第二款。睇Menu見到佢啲鮮果系列都好吸引，而且價錢都可以接受，所以今次就試吓士多啤梨味酸奶。我就冇揀到甜度同冰量。佢啲間舖都接受手機下單，不過我身邊嘅人都直接喺鋪頭落單好似冇乜人試吓呢個新嘅功能。其實等左5分鐘就已經有得飲。飲落去覺得個酸奶都幾濃, 果肉都好多，我自己就覺得都ok，但係就唔會覺得特別好飲，都似平時喺超市買嗰啲酸奶飲品。…Read More

係尖沙咀附近做完yoga, 就梗係想搵d健康 d既野食填飽個肚。咁岩search 到呢間開係the one 健身房入面既店舖，主打能量bowl, 有分埋減肥同增肌，滿足晒我呢d做完運動對卡路里有要求既人。呢間店雖然係開係gym入面，但係其他人都可以隨便入去食，佢有列晒所有有能量bowl既熱量同係屬於咩功能，例如減肥，多蛋白質咁，我要左一個地中海風味蒸魚柳飯，佢個分量好足，又多蔬菜, 加埋個地中海風味蕃茄醬, 令到成個飯唔會好清同 dry, 一個男仔食都相信會覺得好飽。好推薦俾做完運動又或者想食得健康d既朋友👍🏻…Read More

以前喺日本旅行嘅時候都會特登去食大阪燒放題，個時第一次親手自己整餅已經覺得好吸引好好玩，今次知道呢間餐廳係香港開左分店就好想試，但係因為夾唔到時間嘅關係，要宜家先試到。佢呢度嘅燒餅係一個餐一個餐咁分嘅。包括有我哋最常食開嘅大阪燒，仲有廣島燒，文字燒同燒肉。我哋今次揀咗富士山嘅大阪燒同有烏冬嘅廣島燒。服務員嘅態度都十分之好，我嘅手機冇電想叉電但係又冇差電線嘅時候，佢哋都好慷慨咁借左差電線比我叉電。好感動🥺佢哋亦都係上咗菜之後，見到我哋手足無措唔識燒嘅時候，都有上前協助我哋，幫我地整返一個靚靚嘅大阪燒。燒餅嘅味道十分之好，雖然我哋自己有啲整燶咗，但係有個佢燒汁同埋沙律醬的扶持，都令呢個燒餅變得十分之好味。如果都想體驗燒餅嘅樂趣，我都好推介呢間餐廳試吓。…Read More

平時行開旺角嘅登打士街，一向都有好多台式飲品或者手搖飲品嘅鋪頭。太花多眼亂有時都唔知揀邊一間好。同朋友行完街頭再行去街尾終於俾大卡司嘅鋪頭吸引左。佢今期推介做緊promotion嘅係菠蘿系列，有金鑽菠蘿百香果同金鑽菠蘿芝士奶蓋。因為近食飯時間唔想太飽肚又想飲啲比較果茶既飲品，所以就揀咗菠蘿百香果茶。甜度方面就揀咗半糖。等左5分鐘就有飲品啦。個茶有澀味好啱我心水，亦都唔係其他嗰啲揀半糖都好甜嘅程度。可以飲到菠蘿就真係有驚喜，啲菠蘿好甜又多完全可以彌補到茶嘅甜味。百香果又唔會太酸整體嘅平衡十分之好。下次又可以多個選擇去買嘢飲啦！…Read More

每次去台灣嘅時候都會買佢嘅黑糖珍奶黎試，但係其實就從來都冇喺香港飲過，今次開尖沙咀iSquare，喺佢附近就有一間幸福堂，心郁郁所以就買咗一杯黎過下口癮。咁當然我就要試佢嘅招牌黑糖珍珠鮮奶啦！之前有新聞話佢嘅衛生唔好，所以而家喺鋪面炒黑糖珍珠嘅地方，已經有玻璃隔開左，避免啲塵跌咗入去啲黑糖入邊。幸福堂嘅另一個特色之處就係買咗飲品嘅人可以去佢嘅抽籤處抽籤睇吓自己嘅運程，試吓自己嘅手氣。等左唔使5分鐘我嘅黑糖珍珠鮮奶已經到咗我隻手，店員仲好親切咁樣同我講要搖勻先好飲。佢哋奶味十分突出可能郁但反而黑糖嘅味搖勻左之後就淡左好多。有少少失望。可能始終台灣同香港都係有啲分別嘅。…Read More

今日去開屯門，同朋友行街見到呢間叫做羅麥記嘅餐廳，入邊嘅裝修十分懷舊，亦都好有本土香港特色，覺得幾得意所以就入去試吓呢間餐廳。揭開個餐廳嘅餐牌都有好多香港特色嘅食物，例如香港人最鍾意嘅撈麵，有雞翼撈麵，卡邦尼撈麵。亦都有西多士蝦多士等懷舊食物。我哋就比佢嗰個磚頭焗飯吸引左。佢係一個麵包入邊有焗飯，焗飯嘅選擇包括有黑椒雞扒，番茄豬扒，咖喱軟殼蟹同白汁海鮮。我哋最後呢就叫咗焗番茄豬扒飯。佢個麵包份量都好多，反而焗飯就少啲，但係豬扒嘅份量亦都好多，食一個飯已經係好滿足多到食唔晒個包😂另外我哋都叫咗一個羅麥雞翼有得揀辣或者唔辣我哋揀咗唔辣嘅。其實所謂羅麥雞翼都應該係瑞士雞翼黎嘅。飲品方面我哋就叫咗雪糕紅豆冰同粒粒紅豆冰奶茶。佢個粒粒紅豆冰奶茶特別嘅地方就係啲冰係紅豆冰嚟嘅，溶咗就會有粒粒紅豆係個奶茶入邊非常之特別。總結來講啲嘢食都好懷舊，食返以前香港嘅味道，非常值得推介！…Read More

喺旺角區返工，雖然有好多嘢食但係成日都遇到一個問題就係好難揀一間啱心水嘅餐廳。今日經朋友推介又去試咗一間有情調嘅餐廳，聽講仲有live Band添。上到去間餐廳個鋪面都好大，但係嗰日就比較少人，所以我哋都安排到坐卡位。間餐廳嘅冷氣就比較大，好多位都好大風。佢呢度嘅推介係威靈頓牛扒同斧頭扒。但係我哋兩個人食唔晒所以只可以叫其他。呢間餐廳都有生蠔，價錢都好吸引。我哋叫咗一個白汁忌廉煮青口，個汁非常之濃郁好夾啲青口，仲有多士配埋啲汁一齊食好滿足。我哋仲叫咗一個炭燒美國安格斯牛肉眼扒，我哋叫咗七成熟但係個肉質都冇好鞋，煮得啱啱好好juicy. 個份量好多食到我哋兩個人都覺得好飽。嘢飲方面我就叫咗杯caramel latte同榛子 latte, 咁嘢飲方面都係正常發揮無伏。 總體來講食物質素唔錯，價錢都可以接受，我哋嗰晚仲有成晚love band聽又可以點歌，咁係覺得物超所值嘅❤️…Read More

近排聽fd介紹係大埔有間裝修靚又好食嘅餐廳，夾左好耐時間終於都約到去食❤️呢間餐廳係偏僻少少嘅位置，但係都阻唔到我地去搵食嘅決心。一入到去見到左手面有個好大嘅bar枱，上面放左好多唔同種類嘅酒。跟著隔離有個好大嘅screen放緊電影，好有浪漫格調。我地去個陣唔係太多人，成個感覺好relax. 我地就叫左個西班牙黑毛豬火腿菠蘿Pizza個Pizza嘅餅底着得好薄好脆，黑毛豬火腿同菠蘿好夾，Pizza亦都做到芝士拉絲嘅效果。跟著就叫左個菜名好長嘅美國馬尼拉鮮蜆菠菜車厘茄白酒汁珍珠麵配黑松露菌醬加烤海鱸魚柳同海虎大蝦，呢個菜名乎其實係包左好多野，真係好抵食用料勁豐富。今次食完真係覺得大埔有好多特色餐廳，希望下次可以再嚟試吓。…Read More

旺角其實已經有好多間台式飲品鋪頭，每次放工行過都見到有好多選擇。今次行過信和對面，見到有一間新開嘅台式飲品鋪頭，門口個招牌寫住伯爵茶好似好吸引咁，就行過去望下。原來呢間叫做萬波嘅鋪頭，主攻都係奶蓋茶。佢嘅招牌有赤柚與山地伯爵同香草籽與鹹奶油布蕾，我試左香草籽與鹹奶油布蕾，茶味好濃郁，奶蓋仲好厚tim, 睇得出有用心製作，下次都想再試下其他茶款❤️…Read More

呢間通達由我中學食到出黎做野，今日放工行過見到就想再食返啲回憶。以前最鐘意食生菜魚肉撈翅同腸粉，今次就食返佢啲魚蛋燒賣仲叫多左個粢飯黎食。魚蛋燒賣都仲係咁好食，唯一分別就係個價錢都貴左好多，不過都只係關通漲事。粢飯我自己就鐘意走油炸鬼，貪佢俾多d炸菜同肉鬆😂最後仲外賣左腸粉返屋企添❤️…Read More

話說咁岩我係尖沙咀上完堂，又想搵個地方坐下食下野傾下計，就搵到呢間mini bar有靚靚cocktail 同野食，即刻就去試下。可能因為都好夜，舖頭唔係好多人，2個人都可以坐大枱位，唔會好逼。佢係用ipad做menu, 見到drink list有咁多款揀，真係要慢慢睇先得。我就叫左cocktail honey bee成杯酒好重蜜糖味，仲可以自己再加蜜糖落去，勁岩我口味，仲擺得靚靚咁可以打咭。另外我男朋友就叫左手工啤，呢款啤都係偏甜同有蜜桃味，相信對於女仔黎講都好易入口。就係咁我地就傾左成晚，下次都會再黎👍🏻…Read More

近排朋友話要食素排排毒，我地就搵左呢間食素嘅cafe試試佢。呢間cafe裝修好舒服，d人都係casual地傾下計。我地一開始就睇中左佢嘅不一樣的全日早餐，就有牛油果沙律，大啡菇，奇亞籽布甸，炒蛋，多士，應有盡有。我朋友就揀左素牛漢堡，食落真係有牛嘅texture, 好好味👍🏻食下食下見到人地叫左個蜜瓜牛乳刨冰，見到好吸引即刻叫返個黎食。果然黎到無令人失望，個刨冰好重牛乳味加埋啖啖甜蜜瓜，又係一餐完美嘅結束。…Read More

同男朋友行開長沙灣，睇完戲就想搵間好西食。忽然醒起以前朋友話有一間列車主題嘅餐廳好高質，就google下試下啦。一入到餐廳，牆上好多個窗都播緊日本列車嘅畫面，一大片雪影令人望下望下出晒神，好似自己都去左旅行咁。我地叫左阿根廷紅蝦意大利麵同西班牙伊比利亞黑毛豬梅扒。個意大利麵好香，佢個汁有少少辣，岩晒我口味，唯一不足嘅地方就係紅蝦稍微唔夠新鮮，d肉腍左d。但係整體上都好惹味。到於個豬梅扒都好有驚喜，佢個攞盤好靚，豬扒加埋配菜好似粟米，酸蘿蔔一齊食一d都唔油膩，一個人都可以食晒成碟呀😂 希望下次有機會再去啦。…Read More