angelauy's Profile

柯士甸路都有唔少日本菜, 今次試下呢間新開小店. 睇食評話必叫手打自家製雞肉棒, 有四種風味, 今日我得一個人自私食, 點左檸檬鹽免治雞肉棒，入口啖啖肉但味道清新, 再沾日本蛋汁食, 好正。本日海鮮有牛油燒扇貝, 鮮味甘甜; 另外叫左牛舌同煙肉蕃茄, 調味配搭都好好。 佢有2款迷你燒飯糰, 細細個, 可以share, 臨尾想食少少飽肚嘢剛剛好。佢有好多唔同款式sake可以配串燒食, 下次同朋友去可以再試😋😋…Read More

駱駝漆好多食肆，今晚我哋發現呢間新開小店。餐廳正門有少少隱閉，整體係日式簡約設計，裝璜同背景音樂都好無印風格，仲有榻榻米座位，地方好舒服。套餐可以揀一款主菜，兩款配菜； 白飯用日本秋田米，但可以揀加入蒟蒻米或者椰菜花飯，食得飽飽又冇罪惡感。主菜我哋揀左煎雞扒同义燒，都十分好味；兩個人可以有四個配菜share嚟食，晚餐七十幾蚊嚟講實在超值。店員（店長？）亦十分親切，呢間係好有誠意嘅小店，下次會再試下其他菜式😋…Read More

十二度的boxing day晚上，好鬼凍。我哋嚟呢間之前已經bookmark 幾耐嘅悅蔵。佢地下層係bar枱，樓上係正常餐枱，成間店陳設同氣氛都好「日本」。講番食物。我哋叫左北海道海鮮鍋，有好大隻松葉蟹、帶子、三文魚、大量菇類同蔬菜，湯底鮮甜，食完暖笠笠。再叫埋個燒牛舌加軟殼蟹卷兩個人已經又飽又滿足。本來仲想叫燒飯糰但已食唔落。店員招呼周到又好親切，日本店員同我哋講英文同廣東話。最鍾意佢成晚播啲日本歌都十分啱聽。下次再去試其他菜式😄…Read More