致命一擊's Profile

幫襯牛惣居酒屋的原因很簡單，因為香港冇幾間日本居酒屋，有燒酎飲。牛惣有最少70款的燒酎，讓人大開眼界！熊貓山竹 65元選擇呢杯嘅原因好簡單，因為個樽實在太可愛了，加冰飲，非常易入口。佐滕燒酎以薯仔作原材，帶點辛口的口感裡，能感到一絲絲甜蜜。玫瑰蕃薯 75元女仕無法抗拒的玫瑰花香裡，用薯仔作基調，也滲透一點甜絲絲。沒有嘗到太強烈的酒精味，卻能感到酒後飄飄然，推薦給各位女仕嘗試。螢光魷魚68元送酒一流。帶鹹的鮮魷香，配合燒酎的辛口感，完美的平衡。牛面肉 38西餐吃的牛臉頰肉稔豐厚，牛惣的做法, 用利落的串燒，把牛肉香發揮更盡情。酸汁牛舌筋牛舌是串燒和燒肉的常客，開胃的酸汁，有新意！咸牛肉麵豉醬配野菜條咸牛肉味是很對港人的口味，麵豉醬再為野菜條錦上添花。今晚真的好盡興，燒酎萬歲！…Read More

不要以為這間老港情懷只賣裝修，食物質素，令人驚喜！湯底以老火湯作賣點，我很喜歡雞湯，當然叫了濃湯花膠雞鍋，半隻雞加大量花膠才198元，值！店員說湯底是用上新鮮豬骨農場鮮雞，和日本乾貝、海南鮮胡椒 、山西大棗等，每天熬製六小時而成，老火是有理由的！老港情懷牛皇拼盤火鍋必吃牛，好喜歡老港情懷牛皇拼盤，集牛的各部分，一盤吃盡牛的精髓！蒙古羊肉片也是推薦之作。鮮脆鯇魚片火鍋必備！芝心墨魚丸咬下去，裡面的芝士便流出，很正！懷舊陳皮魚蛋喺出面好難吃到陳皮味的魚蛋，我覺得好正！啤酒都夠凍，飲得好爽，值得一讚！…Read More

一直都好鍾意銅鑼灣嘅漁獲浜燒。我朋友都話尖沙咀都開咗一間新嘅，為咗之後唔洗同人迫，決定年三十晚喺嗰度食團年飯。六點就上到黎，新裝修非常新淨，環境好好，仲有三間包房。今日嘅推介係赤鯥刺身。呢隻魚既刺身比較少有，我本身都中意赤色魚皮既魚，加上新春當然都係選擇紅色，希望能取得好意頭！赤鯥魚份量剛好四人用。鮮魚骨做既魚湯，唔使講，鮮味十足！日本清酒係浜燒絶配好拍檔！味噌蟹甲羅燒呢個係我必食嘅菜式。本人非常鍾意食蟹膏。店員細心咁混蛋即燒，一邊燒，一邊同混合蟹膏，令蟹膏口感更上一層樓。無論當多士食，定直接食都一流！特上漁獲浜燒盛合 四人前包括白蜆 ，響螺 ，榮螺 ，北寄貝，活帆立貝 ，魷魚等。全部都係活生生即燒，原味無添加係我覺得最正的。浜燒會用清酒煮，有時會用自家製牛油燒，做法可以自己揀，但係我全部交俾店員話事，因為會好期待嗰種驚喜和滋味。活龍蝦浜燒睇到都知和味。活龍蝦加大量蝦膏，又係一個天意衣無縫既絶對。你睇到果堆滿滿嘅龍蝦膏，口水都流埋。白鱔浜燒呢渡既白鱔燒得脆口，不妨試試！柚子雪糕最後黎一個柚子雪糕，完美句號！…Read More

今天來到上海弄堂食晚飯，一進門口便被呢渡古色古香嘅擺設吸引，喺蘇豪區，呢種設計的，的確會好吸引外國人光顧。好吧，讓我先介一下這晚的菜式。食得上海菜，一定係叫佢呢度嘅特色。我朋友叫咗菜肉雲吞麵，貪佢清清地。雞湯湯底夠味，菜肉雲吞果然係佢哋嘅招牌，粒粒都好好味。上海麵底，功力十足，我朋友話好正。我就比較鍾意食肉，叫咗牛𦟌配菜飯。菜飯係上海菜嘅特色，其實我好欣賞呢個做法。平時出去食嘢，的確食少蔬菜，將菜放喺飯度，一舉兩得。牛展帶微辣，非常開胃，簡簡單單的一頓飯，健康無比，大家行過SOHO，不妨嚟影吓相食吓飯。…Read More

旺角新開嘅依家大勝丼位於剛裝修嘅商業大廈，今日lunch朋友介紹你試吓。呢度嘅招牌丼，就係充滿着豐富嘅海鮮刺身，俾個胃口超級大滿足！甘蝦海膽丼148元呢度有我最鍾意嘅甘蝦加海膽，完全係不加思索就order！成版海膽，連埋紫菜，鍾意點食都得！甘蝦鮮鮮甜甜，點食都唔會夠嘅，哈哈，呢度嘅定食，仲有沙律，味噌湯同甜品。所以食到好滿足！温泉蛋慢煮燒牛丼 128元朋友今日腸胃不適，唔可以食生冷野。所以佢叫咗溫泉蛋燒牛肉。佢話牛肉燒得香，加埋個溫泉蛋汁，撈埋飯一齊食，簡直一流！午市有七折，大家不妨一試！…Read More

平時去開將軍澳煌府飲茶，去食晚飯都係第一次。中意黎煌府，係因為新裝修好靚好大，而且價錢相宜。煌府專做婚宴，地方大又濶落，場內一棵櫻花樹，意頭十足！晚餐套餐選擇非常多，中意海鮮既朋友更加大把選擇！今晚藍妹啤酒仲有推廣價，當然要飲杯啦！由於今晚四個大人，費時諗食咩，就直接叫海鮮燕窩餐，四人份量加價錢相宜。雖然係推廣套餐，但係用料十足，絶無將貨就價。先上陣既竹笙海皇會燕窩，已經令在場既女仕興奮。。。燕窩養顏嘛！上湯焗大蝦球伴伊麵以大蝦球代替龍蝦，好處就係啖啖肉加食得方便，唔洗用手去骨甘論盡，而且大蝦相當大隻，炸得脆脆，正！清蒸沙巴珍珠龍躉呢條珍珠龍躉都好夠份量，四個人食啱曬。 黃金脆皮走地雞半隻脆皮雞食得多，用走地雞既餐廳唔多，煌府對材料既選擇，好有心機。濃湯海味雜菜煲係自選菜式，我見個套餐無咩菜類，就選擇左濃湯海味雜菜煲。意外驚喜除左雜菜多，個湯真係好好飲，可以當海味雜菜湯飲呢！特色嶺南甜點係桂花糕。我地另外叫左招牌生磨合桃露。熱乎乎又香噴噴既合桃露，做飯很甜品，真係大滿足。煌府無論飲茶定晚飯，都係不錯既選擇。…Read More

今晚試左呢間意大利餐廳都唔錯，首先我幾中意佢既環境。二來有唔錯既 Craft Beer, 每支78元。Carpaccio di manzo 118元前菜中，印象比較深刻嘅，係呢個意式薄片生牛肉。薄切嘅生牛肉，牛肉味濃，加上芝士嘅鹹香，同火箭菜嘅特別氣息， 三種材料，簡簡單單，配合得幾完美。Pizza Margherita 138 元香港好少食到特別印象深刻既pizza. 呢個pizza 我中意佢餅底煙靭口感佳。材料分佈平均，蕃茄既味道同食材配合得好好。餅邊即使擺耐左都仲係脆既。做得好有心機，簡單一支手工啤加pizza , 已經滿足。…Read More

中意食豚肉既朋友又有新喜訊！呢間專食各部份豚肉既新店，可以食到平時食都食唔到既豬天梯、豬腦。。。其實我無甘識食，但係我好中意吃豬大腸、豬舌、豬雜呢啲 local 野。今日，我就係為左食豬而黎，一開波即黎一堆豬內臟料理。札幌生啤58元食野先黎一杯凍生啤，乾一乾杯！豬肝暮斯 68元呢舊多士的重點係果舊方型豬肝。非常重工藝，要先將豬肝煮熟整碎再倒模，有類似鵝肝既香氣。味噌煮豬大腸32元豬大腸經過味噌煮後，無左腥味，但柔軟有彈性既質感不變！個味噌汁一流！豬生腸串34元再黎豬大腸，日式串燒做法。燒過後腸皮香脆，大腸果陣性感既香味依舊迷人，比味噌更騷，正！就係要呢種感覺！天之户吟泉純米55元生啤完後，嘆下佢呢渡出名既清酒。呢渡最稱心就係可以逐杯叫，而且有好多種靚清酒，可以問下店員點配答食物，佢地好專業嫁。呢支天之户好易入口，先來清甜，後勁一陣辛辣，好過癮！豬顎骨肉串38元平時無食過豬顎骨肉，所以叫黎試下。呢渡有好多平時食唔到既豬身部分，唔試就笨。豬心串28元豬心脆口新鮮。豬肝串28元平時打邊爐食得多，今次食燒既，果種好豬肝既感覺依舊不變。而且唔硬，好意外。豬耳芝士串32元呢碟係因為豬耳同芝士都係大熱元素，兩種甘受歡迎既食材拼埋，又點會唔好食？呢度食嘅小食同全消，每碟都係廿幾到四十元，非常之抵。同啤酒、清酒都好夾。當然仲有刺身、海鮮、牛等選擇，多樣變化。值得一試！…Read More

心鉄板燒，最吸引我嘅地方，係佢師傅即席進行鐵板燒，而且環境優雅，對住個大海景食飯，淨係硬件都滿分。價錢方面，豐儉由人，今日我就選擇咗唔洗兩百元既大蝦、銀鱈魚配芝士春卷。大蝦、銀鱈魚配芝士春卷 188元先上場嘅係季節沙律，簡簡單單咁用芝麻醬調味，已經好開胃。上碟好靚，燒大蝦又大隻又多肉，附上嘅番茄甜酸醬，增加左大蝦嘅鮮味，非常唔錯。銀雪魚上場了，雖然比例有點細，但係做得非常精美。銀鱈魚柔軟，魚油香口，有兩隻醬汁可供調味。蕃茄乾酸甜，青瓜沙律醬就好清爽，兩隻都帶到銀鱈魚唔同嘅口味。呢個芝士春卷，香脆可口。非常抵讚，而且上碟嘅時候，淨係睇個造型，已經令人心情愉快，胃口大開。食物太精緻，食完先一半飽，最尾好彩仲有炒飯、炒雜菜、味噌湯、漬物。仲有雪糕或熱咖啡選擇，甘我就選擇柚子雪糕。清爽涼快。呢度特別注重食飯嘅節奏，屬於輕鬆舒適型，沒有其他地方食午飯嗰種壓迫咁同緊張咁，呢點又要加分。…Read More

旺角既放題唔少，神輿既優勝之處係環境唔錯，夠大夠寬落。有大量卡位、空間感十足，而且店員夠、上枱快。食物都唔錯，應有盡有！刺身有希靈魚、三文魚、象拔蚌、吞拿魚、甜蝦等，大路人氣之選，夠食。我鍾意食嘅小食，呢度都齊又幾好味。螺肉、八爪魚、芝麻豆腐、果醋番茄、沙律、甜粟米，一次過試晒。壽司方面選擇都唔少，我最鍾意食嘅係左口魚邊，和燒三文魚。燒物熟食，食左燒花枝丸、雞翼、大蝦、甜薯，甜薯好好食，encore 左三次！天婦羅都唔錯，有蝦有蔬菜，炸完脆脆的。燒扇貝，滿滿既蛋黃醬！佢哋嘅飲品選擇都有好多，鍾意飲熱野嘅有玫瑰花茶，鍾意飲酒嘅有清酒和麒麟啤酒任飲。如果想飲酒又唔怕醉嘅，仲有果汁汽酒任君選擇，可以照顧唔同人嘅需要，抵讚。甜品有芝麻雪糕、紅豆雪糕、綠茶雪糕，仲有日式果子。我最鍾意食芝士年糕，雖然比較邪惡，但係國流心芝士，真係食極都唔厭。舒舒服服食兩小時放題，遲啲會再同朋友黎食過。…Read More

女仔真實真係幾利害，總會係唔同地方摱到食野既地方。今日去官塘行 outlet. 無端端就係人捉左上工厦食 dinner .呢間I’s Land Cafe 地點好方便，駱駝漆大厦一座，附近就係outlet 。行兩步就係港鐵站。成間 cafe 佈置到後花園甘，有花有草有木馬，完全就係女仔心中既樂園。一入到去，大部分客人都係女仔，作為男士，呢餐飯景點不錯 二人餐378元，好抵食，份量充足。先有蒜蓉餐包同羅宋湯。前菜選擇左翠玉瓜伴香草炒雜菌。帶一點松露醬香，旁邊仲有生果粒。主菜叫左招牌德國鹹豬手配三色汁。呢碟招牌德國鹹豬手上碟，嚇親同枱嘅女仔，嘩，甘大件既？女仔細食，驚食唔曬，我就非常高興！ 呢個份量先夠擦嫁嘛！個外皮燒到脆卜卜，好好食。加上骨膠原嘅口感，非常完美。雖然係豬腳，但係好多肉可以食，切開兩邊，大啖大啖咬，好有滿足感。同桌既女仔就好開心甘食紫薯蓉同青瓜片，我地各取所需！最後主食係巴馬火腿卡邦尼意粉。熱辣辣上場。做得好 creamy, 火腿鹹香適中，意粉硬度剛好，成碟都好美味。我一個人食左七成。同女仔食飯就係好在可以食多啲。鮮搾蘋果汁可能女性客人多，呢渡餐飲可以選擇鮮搾果汁！好健康。今晚就係鮮榨蘋果汁。甜品甜品都係粉紅色既士多啤梨奶凍，好可愛。又係一件令女仔見到已開心既事。呢度真係唔錯，由環境、服務到食物都幾滿意，大家不妨試吓。…Read More

韓舍推出豪華的韓式宮廷海鮮鍋，今晚黎韓舍，不再是燒肉，而係海鮮鍋！講明係韓國菜，海鮮鍋可選泡泡菜或豬骨湯底。要食到海鮮原味，泡菜似乎太重味，所以用左豬骨湯底。呢個海鮮鍋真係不得了！超大既海鮮盤要兩個 gas 爐先夠。店員將海鮮盤擺上去時，龍蝦仲識郁，好生猛哦！除吸睛既活龍蝦外，仲有大大隻扇貝、大海蝦、象拔蚌、大蜆、鮑魚等。非常大堆頭，而且都係非常新鮮，可以一次過嘆曬甘多海鮮，值回票價！抵讚！湯底仲有好多娃娃、冬姑、栗米同秋葵。食得燒肉多，轉呢個生猛海鮮仲正！其他，仲有酒店式甜點、刺身、炒年糕、咕嚕肉等熟食。冷盤既凍蝦都好正！清酒、飲品仲係自助任飲！328蚊，抵到要encore !!睇翻佢地既燒肉都有很多種類，你中意海鮮鍋定燒肉吖？…Read More

Mini Friday 最近推出左dinner set ，好抵又好食，選擇又多，一百幾到二百幾都有，原本中意散叫都既刻轉肽。每個餐都有餐湯、沙律、主菜、甜品同餐飲，今晚一定要幫佢地推介下！田園沙律呢個係兩人份量，都真係唔少，係 regular size!! 上面既西柚汁啫喱好討好。餐湯，係西蘭花忌廉湯。打碎曬西蘭花混合忌廉，好健康。我選擇左個最平既”$139元套餐，自由配搭意大利麵或飯”，可以任選四款配料。配料選擇包括椒絲、蘑菇、橄欖、洋蔥、番茄、香蒜、雞肉、火腿、煙肉、牛肉、海鮮。甘多真係花多眼亂，最後我要左蘑菇、海鮮、火腿、雞肉乙蕃茄汁、忌廉汁、香草汁又可以任選一款。結果，呢個組合我好滿意，料多，味濃。有甘多選擇，真係食多幾次都唔會厭！朋友選擇-香烤波士頓活龍蝦配西班牙黑毛豬肋條， $209套餐。原隻活龍蝦，其實209元真係抵食。再配有羽衣甘藍同紫薯同西班牙黑毛豬肋條，好有heart 既製作，其實都好值得推薦！甜品都充滿驚喜，超濃滑朱古力蛋糕，一碟唔夠！Mini Friday 定期換 menu, 上菜快、服務到位，黎多幾次都唔厭！…Read More

今晚等到9pm 入座，為左有八折！千賀水產既鮮鍋道場係我最近食過最滿足既放題之一。比起港式，日式既千賀水產，有日式食材又有港式，一次滿足兩個願望。今晚打算以食肉為主！新鮮沙律、壽司吧，同無酒精飲品放題。呢個凍蝦我食左廿隻，好好味！湯底選擇左日式既黑蒜油豬骨鍋。每位都會先送一套美食，當上場時，我地全枱都驚喜不已，甘豪氣既海鮮盛合！環球美食菜式旬之海鮮盛合旬之海鮮盛合包括鮑魚、貴妃蚌、蠔、鯇魚、花甲、蜆，全部新鮮！象拔蚌五品刺身盛就係象拔蚌、三文魚、牡丹蝦、希靈魚、鮑魚片刺身。我超讚既極上安格斯牛小排，牛肉好滑，好有牛味，而且份量多，正！仲有家鄉手製香菜水餃，同鯪魚、墨魚滑。爆漿薑汁貢丸意外發現，好食，咬落去薑汁係會爆發出來。無限追加既肉類有美國穀飼肥牛片、美國穀飼黑豚肉片、農場鮮雞片同極上羊肉片。美國穀飼肥牛片同牛小排當然無得比，但係無限追加仲想點？美國穀飼黑豚肉片都唔錯，唔多肥膏夠健康。豆腐雪糕又滑又香，必食！…Read More

已經唔只三個朋友叫我黎小糖鈕食佢地秘製既海南雞。今晚同老友得半個鐘空檔，都趕上黎朝聖。係我哋嘅朋友圈，未食過小糖鈕嘅海南雞，似乎 out 左。今晚趕到成身汗，一坐底就叫海南雞，老闆都被我既熱誠嚇親！由於實在無時間再選擇食咩好，我地就直接叫個大鈕盤 ，足兩位用。海南雞上場果個一刻，真係好似見到聖人般感動。期待已久的一刻！無骨海南雞，真係滑到不能置信！要吃到第三四舊，才能倶體回過神來。太滑，太有雞味！配油飯一流！無味精雞骨湯，簡直純到好似係屋企飲既湯一樣！大鈕盤 HK 268 呢個Snack platter 真係靚到爆，真係後悔第一次應該同女友黎食。拼盤有六款醬汁，加小食。醬汁有唔同既特色，其中我最中意朱古力柚醋汁。芝士雞翼絞碎既雞肉釀進雞翼再炸。唔點醬都好食。巴拿馬火腿加脆餅三文魚他他，配有芒果蓉。炭燒蛋卡皮，充滿特色。和牛餃子配青汁，一流。鴨胸配青蘋果蓉，都係好有個性既配答。…Read More