cocochanhoyan's Profile

上網睇到呢間川菜館有片皮鴨，心諗可以滿足我兩個願望🤩結果去到，冇片皮鴨食😢裝修好有中國風，頭頂掛住紅紅嘅大燈籠，牆身鋪滿面譜👺🔖金湯酸菜魚 | $188 加大$288因為得三個人食，所以叫咗小份，啱啱好🍲魚肉大塊、厚身，味道正常🐟配菜份量多，除咗魚肉之外，仲有萵筍、菇、紅薯粉🍄‍🟫🔖麻辣香鍋 (花甲、土豆片、蓮藕片、萵筍、花菜) | $178可以揀五款配菜，份量多! 嚟到嘅時候發現有好多花甲都係合埋咗，所以搵店員了解🙋🏻‍♀️店員聲稱花甲合埋好正常，因為花甲遇熱就會合埋，之前已經收過好多客人投訴😲食落去有少少唔新鮮，所以我下次就應該唔會再叫啦🙈🔖紅糖糍粑 | $58糍粑唔夠煙靭，表面嘅黃豆粉份量唔夠，有啲失望🔖百香果檸檬茶 | $36朋友飲嘅時候，發現上面有膠片🫣不過整體都唔錯嘅有微微百香果味本身喺網上見到好多好評，滿心期待，可惜食物質素一般、唔夠新鮮、侍應態度一般，有啲失望😮‍💨==============================推介指數：👍🏻👍🏻性價比：🌟🌟…Read More

蘭桂坊開咗一間好浪漫嘅法國菜，一走入餐廳就俾巨大嘅紅玫瑰同白色鋼琴吸引咗🎹裏面有盞大型嘅水晶燈，隔離有張吧枱🪩grand得嚟又chill，絕對係拍拖之選👫🏼聽講九點前係做fine dining，九點後做酒吧🍸今次用咗OpenRice優惠嗌咗十道菜 $971.6 (另收加一服務費)，套餐包兩杯餐飲，前菜係生蠔，所以店員推薦先飲白酒，然後紅酒🍷 🔖海膽魚子醬伴生蠔生蠔超大隻，好新鮮同滑🦪海膽鮮甜，冇苦味！海膽、魚子醬為呢道菜錦上添花😍🔖法式匈牙利鵝肝湯 食落去每一啖都有淡淡嘅鵝肝味，完全感受到真材實料🔖脆炸珍稀軟殼龍蝦沙律龍蝦肉質彈牙🦞薄薄嘅炸粉，唔會食到成口炸漿🔖法式焦糖鵝肝葡撻撻皮類似Hashtag B，好鬆脆！蛋漿底下有濃郁嘅鵝肝醬，面頭有燒過嘅焦糖面🤤非常jeng🔖黑松露手工意大利鮮蝦雲呑 重黑松露味，雲吞餡偏實淨，唔太食到蝦味🦐🔖香煎匈牙利鵝肝配香檳啫哩鵝肝放入口迅速融化，帶出微微苦味同果香味，每一啖都好creamy，好邪惡😈🔖立鱗日本方頭魚魚鱗炸得香脆，唔會過熟🐟🔖A5 日本松阪和牛和牛油脂分佈均勻🥩剛剛好五成熟，肉質柔軟多汁，啲配菜都好好食🥬🔖黑松露忌廉半熟帶子薏米飯起初我以為係普通米risotto，試真啲原來用薏米做飯底😲食落去冇飯咁滯口，粒粒分明，幾特別既口感，又低碳又健康，有驚喜👏🏻帶子係用刺身級別，面頭煎得香口，裏面肉質嫩滑🔖檸檬撻本身個set係配海膽雪糕，可惜嗰日冇雪糕🍦不過甜品有檸檬撻都唔錯，酸酸地幾解膩 (ps. 前面已經食咗三道有鵝肝嘅菜式🙈）每道菜擺盤都非常精緻，絕對係心機之作👍🏻每道菜我都清晒盤🍽️回頭率極高，打緊嘅時候已經想即刻book返餐☎️==============================推介指數：👍🏻👍🏻👍🏻👍🏻👍🏻性價比：🌟🌟🌟🌟…Read More

榴槤控一定識嘅臭臭天堂 Hotel Icon-The Market😇每年暑假佢哋都會舉辦「榴槤節」🤤今年推出「飄香榴槤下午茶」每位$468/二人$798 (10% service charge)每人包一杯飲品: 包括果汁、lemonade、咖啡、茶類🍹Lamonade非常推薦👍🏻又好飲又可以解膩加$48 仲可以轉榴槤沙冰添，可惜嗰日賣晒試唔到😢【榴槤拼盤】提供三款榴槤，D-Draja皇室、D168公主、D-Putera普王🍴我個人覺得皇室最好，嫌其他唔夠甜😕【鹹點】☕️貓山王鮑魚米鴨燉湯榴槤湯真係第一次見🤩湯裏面除咗有鮮蝦雲吞之外，真係見到有粒榴槤仔🍲但可能因為係老火湯，所以粒榴槤已經冇晒味，同埋湯嘅榴槤味都唔係好出☕️香煎北海道帶子配榴槤芒果沙律榴槤味唔太出，帶子有點過熟，芒果沙律，酸酸辣辣，感覺幾得意🥭☕️鮮蝦多士配榴槤辣醬榴槤辣醬係由榴槤蓉加辣椒粉製成，蝦多士蘸榴槤辣醬，又估唔到幾夾喎🍤素春卷、唐揚炸雞、越南炸蝦網卷就冇乜特別💁🏻‍♀️【甜點】☕️烤榴槤水牛芝士呢款甜品係熱食，食到中途店員就會拎出嚟🤵🏻‍♀️做法係榴槤蓉上面加上水牛芝士拎去焗，食落去啖啖榴槤味，仲有拉絲效果添🧀外表平平無奇，估唔到咁有驚喜😍☕️榴槤方塊蛋糕日式芝士蛋糕裏面加入榴槤味，口感非常之鬆軟，又重榴槤味🍰☕️榴槤斑蘭肉鬆卷斑蘭蛋糕裏面包住榴槤蓉，外面灑滿肉鬆，啖啖榴槤肉💛榴槤抹茶麻糬、榴槤芒果流心泡芙、榴槤蝴蝶酥就冇乜特別啦💁🏻‍♀️【自助甜品區】款式同平時Dinner buffet一樣，各款奶凍 (包括芒果、抹茶、Bailey’s)、鮮果撻、果凍、伯爵茶凍、歌劇院蛋糕、Godiva雪糕🍦📣不過有幾樣係同Tea Setet重複咗，例如榴槤芝士蛋糕、榴槤斑蘭卷、榴槤糯米糍…所以大家拎嘅時候就唔好重複拎啦🙅🏻‍♀️除非真係好鍾意呢款甜品或者有胃口再食多啲最令我深刻嘅梗係任食榴槤蓉同榴槤雪糕啦，真係好正，食完個口臭到飛起😈食完個Tea Set其實已經飽咗一大半，再食埋自助區就食到反胃😵份量實在太多，所以我見枱枱都會打包部份Tea Set走，性價極高👍🏻👍🏻今年唔再食榴槤嚕～～…Read More

Festival Walk 附近真係有好多特色餐廳，今次俾呢間餐廳嘅門面裝修吸引到😍裝修偏向鄉村復古風，主要是藍色為主💙牆上佈滿掛畫，非常有民族色彩🇪🇸Dinner set $348pp (10% service charge) 📝湯 + 兩款前菜 + 主菜 +甜品☕️Gazpacho Shot 西班牙番茄凍湯味道酸酸甜甜、重蕃茄味，非常開胃🍅細細杯，飲完唔夠喉🤤【前菜 STARTERS】☕️Pan Con Tomate 蕃茄多士酸種麵包烘得香口，脆到好似塊餅乾，配上西班牙辣肉腸、蕃茄醬同橄欖油，非常惹味🍕☕️Iberico Ham Croquetas 黑毛豬火腿忌廉薯波薯波波炸得金黃香脆，薯蓉做得綿密，Parma Ham為個薯波波帶出左鹹香味🥓☕️Gambas Al Ajillo 香蒜欖油大蝦大蝦正常，蒜香蝦油味配法包食，味道唔錯🥖☕️Patata Bravas 辣醬薯仔粒炸薯仔粒配香蒜蛋黃醬同辣蕃茄醬，呢個配搭酸辣酸辣，令我一口接一口🥔【主菜 MAINS】☕️Pan Fried Sea Bass 香煎鱸魚鱸魚魚肉過熟、唔夠嫩口、外皮唔夠香脆，食咗兩啖就冇食嚕🫢蜆肉就正正常常☕️Beef Cheek 慢燉牛頰肉質感軟腍、重牛味🐮如果唔鍾意騷味嘅人，應該會麻麻👋🏻南瓜椰子蓉就偏鹹，食咗一啖就食唔到啦😵‍💫【甜品 DOLCI】☕️Churros 西班牙油條油條上佈滿肉桂糖粉，甜度啱啱好，口感酥脆! 不過食得多都會有過膩嘅感覺，所以建議蘸朱古力醬食🍫☕️Cream Catalana 加泰羅尼亞焦糖奶凍傳統西班牙甜品，類似cream brûlée🍮上面有層焦糖、不過裏面有啲稀，味道略甜🙂‍↔️呢度係慶祝好地方🥳小編去嗰日周圍已經有五枱客人慶祝生日🎊朋友帶咗蛋糕去，呢度唔收切餅費之餘! 有四個店員會拎住蛋糕🎂拍住鈴鼓唱生日歌🪇店舖仲會幫客人影一幅「即影即有」做留念📸呢度環境好有氣氛，但食物質素一般🙊如果需要同朋友或伴侶慶祝生日/紀念日，呢度係其中一個選擇🍾🎉…Read More

灣仔近年開咗唔少小店，呢間小店位於大馬路旁🚦門面裝修好有日本特色，長吧枱搭配圓櫈🇯🇵去唔到日本都可以嚟食碗拉麵止下癮🤤有單叫或套餐｛一款麵 + 一款小菜 + 溏心蛋｝湯底：豚骨或蝦味噌🍜小菜：小龍蝦蟹籽沙律、海膽魷魚同煎餃子📍味噌蝦湯拉麵｜單叫$90 套餐$120湯底好濃郁，有濃濃既蝦湯味🦐麵條軟硬度適中，非常掛湯！拉麵既配菜有叉燒、溏心蛋、櫻花蝦乾青蔥、粟米、芽菜、紫菜😛叉燒分開上，厚厚的，但略嫌偏乾🙈溏心蛋生熟程度啱啱好，一咬落去橙黃色既蛋黃就完美地流出嚟哦🧡📍海膽魷魚好重海膽味，魷魚口感滑🦑但略鹹，建議搭配沙律菜一齊食，能夠平衡📍煎餃子（4隻）正常韭菜餃，皮薄，略嫌煎得唔夠香口🥟店舖員工好nice👨🏻‍🍳用餐後會問食客用後感，完全感受到間舖嘅用心製作…Read More