cheung_aaron's Profile

<2023最好自助餐> #ejs美食上年食咗5,6間自助餐，發覺真係一般般，價錢對唔上食物嘅質素🥲但臨尾食嘅呢間<巴黎人自助餐>就比到驚喜我地。完全feel到咩係誠意🤩──────────🍽開餐🍽─────────$688食到以下嘅野，以嫁through官網book仲送餐卷補貼，香港同價位真係比唔上😆呢到由頭盆開始，去到甜品全部都唔失禮，極多款，用料唔差😎下面會有幾樣我地嘅重點推介推介🙋🏼‍♀️🙋🏾‍♂️:⭐️帶子刺身🐟⭐️⭐️黑松露烤龍蝦🦞⭐️⭐️拖羅他他🐠⭐️⭐️炸物拼盤🍤⭐️⭐️⭐️梳乎厘🍰⭐️雜果冰茶🍎🍇…Read More

今次要介紹嘅呢間舖頭可能大家看過旺角，灣仔都會見過，皆因佢每間裝修都好新奇有趣但你又唔會一眼望得出間嘢係食咩嘅。今次就係要介紹一間走年輕潮人路線嘅fushion cafe 《mamaday》。——————————————————今次去幫襯嘅係尖沙咀嘅分店，時間係普通lunch hour。入到去餐廳，裝修好明顯會比到一種年輕嘅感覺，真係幾潮。而枱與枱之間嘅間隔亦好足夠，唔迫至係呢d時勢要有嘅安全感。餐牌俾到我一種耳目一新嘅感覺，所有嘢都好stright forward，飯麵嘅佢會直接categorize做cabonhydrates，d嘢食名都好特別，係直情俾到一種呢間餐廳咁直，簡直就唔憂冇生意對自己食物超有信心嘅感覺。今次點咗一個小食兩個主菜同兩杯嘢飲。———————————————————🍝×有蟹go又有蟹肉的蟹蟹蟹意大利扁麵 $128× 【6/10】餐廳無特別講有咩招牌菜，所以就嗌咗呢個意粉。賣相還好，第一啖食落去嘅感覺係好鹹，蟹膏味好重。本應係一件值得開心嘅事但食落好唔balance，蟹膏好鹹之餘，意粉係偏硬同好重橄欖油嘅味，再有辣椒，味蕾係短時間受到多重衝擊真係唔係好頂得順。但食得出真材實料，不論蟹柳蟹膏都好多好豐富，係味道比較重同多元化，唔係個個都啱食。———————————————————🍽×辣架傻豬豬豬頸肉泰式肉碎日本蛋包飯 $118× 【3.5/10】嚟之前素聞呢間餐廳蛋包飯唔錯，見周圍枱都有嗌，自己都想試下。望到個名，見到 泰式豬頸肉 同 日本蛋包飯 真係有少少期待，兩樣本身點煮都好難難食嘅嘢撈埋一齊會點呢。本身expect 佢會將泰式豬頸肉直接釀入蛋包飯，一來美觀，二來蛋包飯不嬲講求蛋香，同飯鬆軟，撈埋蛋包飯咪會好香口好正。但世事往往不如人意，侍應一拎上嚟見到賣相已知出事。所謂嘅泰式豬頸肉係肉醬豬頸肉，係真係literally肉醬，個汁仲要頗稀。食落好奇怪，豬頸肉唔得煙靭，夾埋個醬簡直就係災難。蛋包飯還好，但醬係咪打開嘅蛋包飯之前已經滲晒落d返到，淋batbat，口感好差。呢個價錢真係非常唔合格。———————————————————🍗×記住 期望越大。失望越大。雞翼 $68/6pc× 【6/10】雞翼有四種味，見佢呢個名都真係無咩期望，但咁樣反而有啲驚喜。今次嗌咗原味，味道係普通燒烤炸雞翼。雞翼size唔錯，仲包埋雞翼尖，皮都炸得十分脆，但問題就嚟啦。食落去雞翼係無肉味，肉汁幾滴都無，可以知道係炸嘅時候溫度唔夠高，時間唔夠快。但呢個價錢我覺得還好，但佢個名都咁寫你都唔可以expect d咩。———————————————————🥤×Strawberry Milkshake/你今日飲左益力多柚子沙冰未呀 $48/each* 【6/10】飲品非常普通，我諗同你想像中差唔多。Milkshake 味道偏淡，冇咩奶味。柚子沙冰都無咩特別，份量頗細，嗌嘢食無套餐嘅關係下會覺得頗貴。——————————————————-總括來講，呢間餐廳性價比唔高(襯返個名)，但由於黃店同空間大嘅關係，我都覺得值得來試試，但揀嘢食真係要小心d，好奇心有時真係會害死人，哈哈。…Read More

<$39足料飽肚嘅壽喜燒>祝大家2024年新年快樂😁今年真係食咩都要諗過度過，唔平唔食😖今次介紹一間平到嚇親人嘅壽喜燒先💰Hama Sushi開咗咁耐口碑都唔算太好，壽司真係麻麻😕但估唔到$39可以食到足料仲要幾好味嘅壽喜燒，性價比爆燈🤯🤯🤯🥬有唔少生菜🧅洋蔥吊咗好多甜味出嚟🥚包埋溫泉蛋😦🥩肥牛都可以入口，好過好多坊間邊爐🤩仲有有大大舊冬菇😮連個汁都做得好，唔太鹹少少甜唔係Clickbait,呢個壽喜燒真心可以一戰。我地個日食真係比個價錢嚇親，無諗過打開個下會有咁多料🤣(不過你見到我地成個post都無講到壽司就知咩事🤣不過都好食過元氣😳食hama sushi建議可以由熟食入手😆）…Read More

今次想同大家介紹係位於中環IFC 一間米芝蓮1星級嘅日式拉麵。餐廳主打用松露，牛肝菌醬同海鮮熬製嘅湯底。係日本仲曾經榮獲tabelog最佳拉麵 帶住最佳拉麵光環嘅金色不如歸係開業初期真係長期水洩不通，勁多人排隊。不過小弟近幾次去食已經見唔到長龍 排隊時間大概15分鐘左右，有時仲唔使排隊。———————————————————————————🍜#貝味鹽湯拉麵  $128【8/10】比較起兩款貝味招牌拉麵，鹽湯係比較清淡嘅。但清淡得來海鮮，尤其係貝味非常突出，絕對係嗰種你會想不停飲嘅湯底。喺層次非常豐富嘅湯底加上白松露同牛肝菌會有非常多嘅層次，呢兩種味道不但無喧賓奪主嘅感覺，仲突顯每日即餚湯頭嘅鮮味。麵條係成碗麵比較失色嘅位置，比較普通，比較硬，份量亦唔多。叉燒經過慢煮之後口感軟得來有咬口，亦唔會非常油膩。———————————————————————————🍜#貝味醬油拉麵  (圖1) $128 【9/10】比較濃味嘅醬油拉麵明顯比鹽湯拉麵嚟得更香，係醬油海鮮湯底加上牛肝菌同黑松露香味非常強，湯底飲落亦更多層次，但唔代表湯底會好複雜同有味精feel，反之湯頭仍然有一種fresh嘅感覺，雖然無鹽湯嗰湯頭咁清，但鍾意濃味嘅小弟覺得係無咩特別嘅麵條嘅前提下，醬油係比較出色嘅一款。———————————————————————————🥟#黑豚肉餃子 $68 (圖2) 【6/10】餃子有5隻，講真再好食嘅餃子都未必值呢個價錢，但佢帶住全部肉都係黑豚肉嘅餃子嘅名號，小弟都好想一試乾坤。但食落真係有啲失望。餃子係好食但絕對唔係超班水準，豚肉雖然唔多脂肪，同椰菜，菇菌夾埋好清新，油膩感唔重，但肉質無咩口感，亦唔多帶肉香，呢個價錢絕對唔值。———————————————————————————🥚#溏心蛋 $15 【9.5/10】溏心蛋絕對為呢碗拉麵畫龍點睛，蛋黃除咗係半流心之外，蛋味超濃郁，成隻蛋仲帶住醬油香，同拉麵起到天作之合嘅作用，非常好食。———————————————————————————總括嚟講，呢間拉麵我覺得係hk top3，絕對可以一試。係麵屋一燈呢啲拉麵都可以賣到過百一碗嘅時候，雖然呢間拉麵雖然一碗 $140，但亦對得住個價錢，水準亦有日本拉麵鋪質素，可見過江龍亦唔係間間都過譽嘅。…Read More

Hashtag B開咗之後，人氣真係高得好誇張🔥連台灣網路紅人嚟香港一日遊都專程嚟食，甚至乎好多人都話佢好食過Bakehouse😲前排我地就去咗一試究竟🤔──────────🍽開餐🍽─────────✅皮超脆，蘇皮仲要好多層😆✅賣相都好正，似朵花🌼❌無咩葡撻嘅吉士味，食落似蛋撻🥹❌綠茶味無咩茶味，可skip😆Hashtag B無論價位定賣相其實同Bakehouse有8成似。可能因為咁，所以我地食嘅時候都抱住Bakehouse/葡撻嚟做standard🤣(個撻名都係千層撻唔係葡撻🤣)個撻其實好有特色，都好甜，最重要係皮好脆。但如果大家想食葡撻我諗呢個撻就比唔到呢個感覺你啦😫…Read More

今次想介紹一間都係我哋好鍾意食嘅餐廳，佢就係喺銅鑼灣鬧市中，入到去好似真係去咗日本嘅<Jung 39 Japan>。😋😎──────────🍽開餐🍽─────────餐廳主打日式炸串，炸串皮薄但脆，完全唔怕膩，真係拍得住係日本食嘅感覺😋。日藉師父亦會每日更新餐牌，定時做唔同時令推介😆。我地主要食炸串，下面會有我地嘅推介。個人覺得炸串點都要配啤酒，呢到就有10幾款唔同嘅果味生啤🍻🍻，仲要sake嗰d, 實有一款啱你。炸串推介🙋🏼‍♀️🙋🏾‍♂️:⭐️⭐️⭐️流心蛋豬肉🐷🍳⭐️⭐️年糕🫓⭐️⭐️特選牛🐄⭐️⭐️明太子獅子狗🍥⭐️車厘茄豬肉🍅另外，吞拿魚他他卷我地一試再試都覺得好好食。🤣價錢方面，如果食lunch, 6串炸串丼都係$118,拍得住日本價錢。🤤餐廳仲有牛腸窩，牛腸仲可以refill!😲😲…Read More

今次想介紹一間我哋好鍾意食嘅餐廳，佢就係喺北角，要行一段仔斜路先見到嘅<青藏牛肉麵>。唔好俾餐廳個名呃到我哋覺得佢嘅雞扒同羊肉非常出色。最緊要係無論午市晚市都好抵食。⭐️羊肉湯麵 [$50 set] 🐑羊肉湯麵非常足料，有超多片羊肉。🤩食落係煙韌，有少少羊騷味。😍拉麵咁平都唔會有傳統茶記餐廳嗰浸鹼水味。😳$50包小食，飲品，仲可以去邊到搵。👍🏾⭐️蘇炸雞扒飯 [$45] 唔係講笑，每次嚟食都好鐘意個雞扒飯。皮薄，外脆內軟，件件雞都好多汁，仲要大過kfc嗰d幾倍😆😆…Read More

火炙壽喜燒牛肉湯烏冬 [$98 set+$30] 🐄烏冬好彈牙，但唔掛湯。無咩壽喜燒味，反而有煙醺味🤣肉就半生熟，半塊生，但湯嘅溫度又唔夠整熟片頗薄嘅牛😳驚喜位係食完會加返柚子味高湯，清甜有果香，好解膩👍🏾⭐️明太子溫泉蛋冷烏冬 [$78 set+$30] 成個combination非常夾，清新得嚟突出到烏冬嘅口感，加埋個汁撈起令人食指大動，值得推薦😄厚切吉列豚肩/雜錦天腐羅炸物個炸粉真係好薄，好脆😎但用料有改進空間，豚肩少少韌，菜同蝦都偏細。…Read More