wallisho105's Profile

首先哩餐係收我$53 完全唔值 係完全唔值第1 外賣等得耐 似係整晒堂食至出外賣第2 個麵係幾乎冇味 得個鑊氣味 又炒得唔均勻第3 豬頸肉得5舊 都係冇味第4 個蛋炒燶晒 仲要燶到苦第5 華田似水一樣唔會再有下次 …Read More

講重點先 如果你唔肚餓 純粹想hea 想浪費自己多餘時間 可以入去 同埋你對陶笛有濃厚興趣而又唔怕聽黎聽去都係老闆嘅某一隻個人專輯 但當然有最低消費 ($88 仲要加一 夜晚唔知有冇唔同）以下講經過 晏晝兩點肚餓嘅時候入去 一坐低 老闆娘放低張咭 內容大致係話 唔好大聲講野 接受唔到嘅可以坐室外 今日都熱 選擇左室内 一坐低老闆娘除左放低張咭 仲講左句 食物需時請耐心等候 牆上亦貼住 唔好催 落左單食物不作取消 期間不斷播住老闆吹陶笛嘅專輯 成間野淨係佢嘅笛聲 隔離枱五個人 係一個食完自己嗰份 先上到第二個人嘅食物 見到 已經知中伏了 但嗰時已經落左單 等左一個鐘 個胃開始爛咁 但等左咁耐 走嘅話都係收咁多錢 諗住等埋 睇下食物係咪咁驚為天人 結果等左兩個鐘 個黑松露天使麵咸到苦 結果食兩啖真係頂唔順 埋單時反映左 老闆娘表示因今日比較多人 所以心急就可能重手左 但我覺得真係接受唔到 哩個唔應該係藉口黎 我等到差唔到兩個鐘 先同我講而家開始整個天使麵 其實見到老闆娘得一個自己整主菜同送餐 應該亦都係得一個爐 所以都冇催過 但等兩個鐘 簡直係挑戰香港人嘅低線 而老闆呢 就專注佢嘅拉花 同埋擺個沙律同埋裝個湯 總括黎講 冇下次 本身都算係靜嘅人 但入到去 真係好有壓力 細聲講野 的確係一種尊重 唔需要強調「文化人」係需要講野細聲 但一讚嘅係 老闆娘都算係有禮貌…Read More