felix78's Profile

見彩頤花園有新店就去試下，我買左手撕雞飯。當我打開時我以為中伏，賣相真的好麻麻。點知食落都幾好食。雞絲唔算好滑，但青瓜絲做得好出色，將青瓜既清淡與雞絲既味道平衡做得好好。35元一盒飯，性價比都唔錯。…Read More

今天慕名而來，見食評唔差。買了炸糉及滑蛋义燒飯。個糉食落似薯餅，炸得唔太老，唔太乾，有口感，可能得舊豬肉再炸過，本身無咩味，加配醬才有味。滑蛋义燒飯，义燒肥瘦適中，蛋煮得都滑，飯我覺得似珍珠米，有咬口。整體幾好，四十幾元都幾抵食。…Read More

今天lunch去1仔買左個福建炒飯，送餐湯。個餐湯係紅蘿蔔青蘿蔔湯，個湯只要足料都幾甜。至於個福建炒飯，首先叫得炒飯一定是炒飯底，點知係白飯。芡汁唔夠味，餸就一般。性價比好低，唔會返叫。…Read More

下午去生記食午飯，叫做過鹹菜大腸米線，沒有加辣。阿姐話唔加辣即係bb辣。我覺得bb辣真係同清湯唔咩分別，要加辣椒醬，佢地辣椒醬幾香幾好味。麵煮得剛剛好，無生麵亦唔太淋。大腸滷得都幾入味，洗得幾乾淨。…Read More

諗住三點買外賣應該好快，點知去到外面仲有好多人等位。我買了煎芫茜餃，芝士蛋糕及飯團。芫茜餃好有芫茜味，放了小小時間都脆。芝士蛋糕軟心得來好有芝士味，唔太甜，味道及texture都好平衡。至於飯團，我覺得較為通過，味道都可以。…Read More

今晚買左個狗仔粉，之前睇左食評，的確有點期待，但食完後有點失望。首先，個湯底唔夠鮮，個味唔到，可能無油渣及豬油，無禁香。至於狗仔粉，用粘米粉做應該可以彈牙啲，但個粉粉身太淋。整體來說覺得唔合格。…Read More

我今日慕名而來，下午四點鐘都有七八成人。來到時好多餸都無晒。最後叫左腩肉米線，湯底夠味，小辣係唔太辣，好多地方小辣已經好辣。腩肉都好入味，亦淋，唔太韌。性價比都好高。…Read More

今晚去肥仔買左酸辣小鍋米線，配腩肉蘿蔔及腐竹。雖然有啲後悔唔叫bb辣，但湯底夠味，唔太咸，腩肉及米線份量非常足，腩肉蘿蔔入味，個人口味如果淋啲更好。分湯上就加盒錢。整體上幾好食，性價比高。…Read More

今天下午同班同事來七月食午飯，地方乾淨，唔太迫，坐得都舒服。我叫左個香矛豬排喇沙。湯底唔夠香，椰香唔夠，而辣味適中，香矛豬排無咩驚喜，可能咖哩蓋過香矛味，整體味道一般，52元差不多。…Read More

想食好耐，今天路經佐敦，所以來朝聖一下。食落個包好煙韌，唔似一般麵包鬆軟，略嫌個布丁有點過甜，不過我覺得小朋友或女仔會喜歡這個甜度。15元一個，性價比都可以，值得一試。…Read More

今晚晚餐點了炸排骨麵及鹽酥雞。排骨麵個湯無味精幾鮮甜好飲，而麵可以掛到個湯，排骨唔會炸到乾，但食落又唔太油，適中，肉本身亦夠鬆。鹽酥雞食落同排骨差不多，炸既程度適中。…Read More

午飯買了個海南雞飯包個湯，出餐好快，基本係整定，個湯沒什麼特別，雞件有八件左右，雞唔夠滑，油飯唔夠油，有啲乾。48元午餐在九龍灣算中下水平，但個人覺得性價比好一般。…Read More

用山水既豆腐花比一般豆腐花滑，因為可以少放石膏粉，而且水質好自然好食。我每次去寶蓮寺都必來食，比出面豆腐花滑。但我食落感覺豆香沒有比出面香。15元都可以值得一試。…Read More

在星期六，我十二點幾起大澳，到處都唔係好多人，但當我經過這間舖頭時，差唔多成間都滿，入到去見到差唔多每枱都叫水蟹粥，我就叫了一鍋。68元加一，鍋粥有成隻蟹，蟹肉都唔少，粥底唔係綿個種，初時食米心有點生，放多陣就無。粥放好多香菜炸蒜，食落都幾甜幾鮮，整體幾好食。…Read More

我放工時通常蛋漿都賣晒，今天七點幾路過居然重有就買左個格仔餅食。30元一個芝士格仔餅。雖然30元，但非常厚身，而且好香， 食落都脆，加上醬十分好食。格仔餅愛好者可以一試。…Read More