大食積's Profile

佐敦吳松街果頭，其實好多野食除左爛鬼炒蜆呃遊客店之外，其實都有好多本地小店最近就開左間企理串燒店本小姐覺得環境不錯，枱唔多，感覺cosy昏黃的燈光，木色的裝潢，好像是孤獨的美食家大叔會去的地方今次約 埋幾個朋友來喪食基本上，叫了點餐紙上的半版先來炸物椒鹽雞軟骨，有日式爐端燒的水準椒鹽墨魚咀，成米乒乓波咁大，但入面唔韌，咬得開兼好juicy，炸漿很薄，好!炸水牛芝士，唔夠拉絲，但都味濃燒蠔，本小姐唔食燒蠔，但見都肥美燒虎蝦，正常燒牛仔骨荔枝包煙肉，之前在某些串燒店都見過，這個組合，荔枝的清甜可以中和煙肉的油膩，是很好的配搭牛舌，夠厚但有點韌，要改善燒茄子，超多蒜蓉，香口煙肉芝士大啡菇，燒啡菇幾時都好食輪到我的必點推介，雞皮蝦！外面雞皮脆，入面蝦肉爽難得嘅係蝦好大隻，本小姐櫻桃小咀要3、4啖先食得哂，$48/3隻，抵到爛，忍唔住追加點可以冇燒菠蘿韭菜有渣，同唔係好入味腩肉露筍卷，都係清新之選燒牛肋條，有肉味象拔蚌仔燒得啱啱好， 好嫩食串燒點可以唔食燒雞翼，如果雞翼可以再入味啲更好翠玉瓜整體上，所有食物都做到水準以上老闆說他們是做港式串燒，但個人認為他們所做更接近日式，是港式之上多了一份日式的精緻和堅持港式串燒好多時是用大把大把調味料去燒，掩蓋了食物本身的味道，而這裏，沒有這個問題，他們的出品，其實與我吃慣的日式爐端燒分別不大佐敦食肆也許給人一種市井的味道，但這店多了一份細膩感感謝老闆請食芝士蛋糕，好creamy現時門外有85折coupon，5個人食七咁食，人均都係百多元。此店開到凌晨3時，幾時都可以來食及吹水啦~…Read More

喺屋企吽泥吽左幾個禮拜，終於忍唔住要出關喇！冒險出街食飯，梗係要幫趁返自己友，仲要呢個時期都敢開新鋪，冇理由唔出力支持下。呢間係好多麻甩佬晚晚唔聽過怇唔肯瞓嘅蕭生開嘅，不過裝修風格好年輕，冇佬味，本小姐可以去吓一入門口有個清潔大使著哂防護衣同你探熱，每兩個人仲送消毒用品，雖然有啲好笑，不過為防疫，自己要做足啲，唔懶得。今次又食又拎，正。入到正題，叫返碗大醬湯濕濕個口先，多料唔揸流攤，都幾好味再叫個韓式飯卷試下，細細粒過吓口癮，味道屬正常第一轉叫的牛肉，叫左美國牛小排，安格斯肉眼扒、美國大理石同埋金菇牛柳卷 份量足，冇漏單老實講，牛嘅質素未去到勁靚，解凍方面可以做好啲，不過最貴時段都係228蚊，最平168就食到，咁嘅價錢都已經算交到功課。肉眼大大塊個人最鍾意牛小排，厚身，夠淋其他雞翼豬肉海鮮小食等等都係正常範圍，冇映到相飲品任飲，未有酒類，都係汽水果汁之類最驚喜係任食嘅雪糕, 佢地話係香港製造，味道仲好有特色有港式奶茶味，菠蘿椰子，同埋我最like嘅呢隻海鹽味，食落味道似芝士奶蓋嘅味道，質地又好幼滑本小姐唔係咁好食甜品，但今次都食左3杯，試哂3種味當然, 一般嘅朱古力, 芒果, 雲尼拿同士多啤梨味都有開張頭一個月唔收加一，星期五晚黃金時間$228埋單走人，都幾抵食。…Read More

老實，本小姐患左馬鞍山同將軍澳撈亂症，係不治之症，病因不明原來今次入來搵朋友, 係平生第一次入馬鞍山馬鞍山以屋邨為主，商場都係屋邨格局，估不到有驚喜，除左連鎖店都有一些有特色的小店喺頌安呢間茶餐廳叫時代冰室，食正"時代XX"的潮流，當然我諗佢開嘅時候未必諗到其實佢係以懷舊做主題, 不過食物沒有特別的懷舊菜式平日下午茶時間來到, 有半滿, 以現今市道來說算不錯叫了兩個茶餐食下瑞士汁雞翼撈麵配玉子估唔到係生蛋，我以為係溫泉蛋好在我接受到生蛋, 撈麵係香嘅仲有兩隻全翼, 都幾抵食厚切豬扒配出前一丁豬扒好厚, 好JUCIY, 炸得酥香 三十幾蚊有野飲, 唔錯唔錯冰鎮奶茶唔係鮮事, 不過都幾好飲, 可以一試整體坐得幾舒服, 喺呢個地方, 係一個唔錯嘅選擇, 唔怪得咁多街坊黎食…Read More

近排出街食飯除左好唔好食, 地區情況都係考慮之一朋友話想出黎飲野, 本小姐一向膽大包天, 認為應該偏向虎山行, 最危險的地方就最安全,所以約左朋友喺朗豪坊酒店飲野, 貪佢應該唔使等位不出所料, 朋友爭啲被困旺角港鐵站, 趕得及在落閘前進入酒店而本小姐則要在深水埗步行到酒店, 攪到身水身汗上到5樓, 環境非常寧靜優雅裏面的人有一半是外國人, 大部份或雙雙對對, 或三五知己, 或獨斟享受, 安靜得來舒適, 整個的氣氛都讓人放鬆叫了兩杯cocktail等埋朋友陸續到來有朋友未吃飯, 食物last order是11點, 先叫了邊吃邊等叫了一個海鮮濶麵蝦大隻新鮮, 忌廉汁濃淡適宜雖然價錢有點偏貴, 二百多元，但以酒店價錢來說, 可以接受因為除了吃食物, 也吃環境和服務這裏的服務生服務水準甚高, 有禮貌, 保持適當的距離, 但時刻留意你的需要, 不會叫極冇人理, 所有的動作都是輕輕的, 不會讓人有一絲粗糙感在這個社會氛圍下, 是難得的讓人安心安靜。後來轉場去了諾士佛台, 又是另一個世界了, 按下不表。從高處俯視寂靜異常的旺角街頭, 喝一口酸酸的mojito, 竟是百般滋味。…Read More

呢排都好少出街食飯, 果晚即興想食海鮮, 竟然一呼百應有車就去遠啲, 最後決定入屯門三聖食廣東名門不是第一次來, 佢價錢比海天合理, 坐得又舒服過冬菇亭先去旁邊海鮮檔買啲海鮮首先要讚職員態度好好, 無論係經理或上菜姐姐, 都好友善同好傾, 講真, 食飯最緊要開心, 感覺好就係成功第一步上菜速度都幾快, 首先係油鹽水花甲, 鮮甜, 白蘿蔔好淋薑蔥石鍋鮑魚, 意外的好吃平常本小姐唔鐘意食鮑魚, 因為通常都煮到好硬, 但今次好淋好易咬開, 唔知係鮑魚靚定煮得好, 總之好味椒鹽瀨尿蝦, 惹味, 啖啖肉不過上面的炸蒜就淋淋地, 唔香脆豉椒炒蟶子, 一定要加煎米粉餅底, 索哂啲汁真係好正 呢條魚又係冇得頂, 老虎斑蒸得啱啱好, 滑到痺小二, 來多兩碗白飯!!!今次食得好滿足, 仲有幾味其他野冇影相, 連工包料, 500位, ok啦…Read More

朋友同本小姐一樣大食, 食完晚餐竟然建議立即轉場去食韓食炸雞！最Crazy係全部人都同意，仲心急到要搭的士去因為已經食左正餐, 本來只係諗住叫一碟雞，但覺得5個人叫一碟雞好似唔係幾好, 所以最終都叫左個二人餐沙律正常，不是重點芝士薯條加兩個炸年糕波波，配兩杯飲品薯條鋪滿勁多芝士粉, 但本人不太喜歡芝士粉的味道, 這裏的芝士粉很甜，覺得有點奇怪而炸年糕波, 入面同樣係甜的加上薯條只是普通的，而不是粗身薯條, 好快就凍哂, 最終只吃了一半朋友勁推介話同韓國食到嘅一樣味，本小姐未喺韓國食過呢間, 所以唔知係咪一樣單就今次嘅經驗，覺得份量都幾大份，但個炸漿都幾厚, 雞肉有啲鞋, 而且個汁好唔勻巡，變左有啲雞有味、有啲雞冇味最大問題係個汁又係甜嘅！甜得黎好鬼奇怪都係韓式烤雞好味啲…Read More

朋友生日想食燒鴨, 揀左呢間, 不過原來佢自己都未食過餐廳閒日晚市爆滿，不過大部份都係遊客, 可能有旅遊書介紹過睇食評呢度燒鴨河正, 但見是晚每枱都有避風塘炒蟹, 我諗其實主力係賣海鮮四個人叫左半隻鴨, 上枱時不是熱辣辣, 同枱部份朋友因此不喜歡我個人唔介意食凍野, 甚至係鍾意食放涼左嘅野，所以覺得都幾好食，皮都幾鬆脆甘香，肉質正常不過, 埋單先知呢半隻鴨要$248，以這個價錢來說，又確實另人有啲失望，性價比不高豉椒炒大蜆, $148, 蜆都幾大粒飽滿, 味濃, 個汁最正, 唔俾佢收走, 用來撈飯辣酒煮東風螺, $138, 東風螺都好大粒, 又係味濃, 個汁又係要留低 白灼海哲, 好厚身, 好爽脆, 不是平時食開果啲CHEAP野只拌以麻油, 有點淡, 點埋個豉汁就啱啱好不過有點細碟, $50一碟另外仲叫左個蒜蓉菜芯, 同埋楊州炒飯炒飯大碟有鑊氣，用嘅叉燒同蝦都係新鮮料, 不是茶餐廳果啲雪藏野，反而覺得抵食又好食加埋幾罐汽水，5個人$900埋單，因為冇叫蟹同其他貴價海鮮，整體係好食、食得開心嘅店中大部份係極資深待應, 有返咁上下年資, 但都好友善, 不溫不火, 不會過份熱情又不會太冷漠, 知道適當時候收碟換碟，不似某啲做遊客生意嘅店嘅待應, 個人覺得都非常專業讚！…Read More

久唔久就會想食水煮魚, 之前去開佐敦嘅分店, 不過因為鋪細位少, 經常要等位又坐得迫所以今次去左旺角店。旺角店都有兩間, 一間地鋪一間上樓樓上呢間地方大, 好坐啲今次因為有人唔食辣, 所以叫左個酸菜魚桂花魚勝在無骨, 不過魚味稍欠, 份量都好多, 朋友愛酸, 十分喜愛, 個人唔算超鍾意水煮魚, 見到上面浮滿麻子, 都知麻, 今次有點太麻, 掩蓋了辣香，我也不太喜歡, 不過如果酸菜魚同水煮魚兩者揀一, 我都係揀後者還叫了另一朋友最愛辣子雞，我係唔係好明, 啲雞咁細粒冇乜肉, 有乜好食她說貪其香脆今次試下叫左個炒米, 炒得不錯, 很乾身。米粉是我喜歡的銀絲米粉整體來說尚可, 但總覺得欠了點風味, 可能食呢啲真係要人迫迫, 地地踎踎先覺得正宗人真係犯賤 …Read More

一大班人聚會最好係去食中菜雖然作為一個港女係好鍾意打卡呃like，但如果純粹講食，個人其實係鍾意實而不話嘅平民中菜貪佢有鑊氣，夠濃味同埋一班朋友傾計吹水都可以奔放啲黎高高必吃招牌冰川無骨咕嚕肉炸米網蝦卷, 酥脆, 要趁熱食整返個炒龍躉, 龍躉片好似少啲兩味, 蒸嘅魚皮果種膠質更突出黑椒薯仔牛柳粒, 本人好鍾意食牛柳粒, 因為方便食, 配埋薯仔好香口豉油皇鵝腸, 不過不失最後單尾來個炒飯, 炒米飽飽但飽極都要食甜品, 炸湯丸, 唔係度度先到如果可以炸脆啲仲正…Read More

好多時街過見到啲人食烤魚食得好滋味, 攪到我成日都想試經過荃灣，終於遊說到朋友同我試下。本小姐其實好少食魚，怕多骨麻煩所以叫待應推薦乜魚比較少骨叫完都唔記得自己叫左乜魚....二百零蚊一條，算貴定平? 我真係唔知，因為好少買魚以為會有好多酸菜配料，但原來唔多叫左小辣, 但食落湯冇乜味魚又係冇乜味，啲湯僅有嘅味亦入唔到落魚肉順手叫左個蝦餅, OK啦, 過下口癮其實烤魚係咪就係咁嘅呢? 因為我冇食過第二間, 如果只係過別例子, 有冇人可以推介一間真係好味嘅俾我下次去試下呢?…Read More

本小姐食來食去幾味, 炸雞, 雞煲, 打邊爐, 今日輪到去打邊爐喇滾得棧個名聽得多, 以前成日經過天后果間分店, 都好想去食, 今次終於約埋班FRIEND去左黎得呢度, 點可以唔試佢個招牌爽皮雞呢皮真係脆個喎, 究竟點解呢?又叫左一枱餸牛肉幾靚, 油花分佈平均, 滾幾秒非常軟滑, 正！份量亦足。牛舌薄切手打丸, 菜菜子, 有個菇菇籃, 我鍾意食菇架, 其他地方通常冇得拼菇, 我覺得呢個idea不錯皇帝菜我鍾意仲有啲熟食, 炸蝦餅做得唔錯, 彈牙唔會油, 正 …Read More

又係食炸雞, 今日因為要避開旺角同銅鑼灣, 揀左去中環中環呢間有度好, 環境比較靜, 星期日晚, 不是全滿, 大約7至8成左右今次坐到望街景卡位, 開心！本來4個人, 點知最大食果個來的途中竟然撞車入左廠, 淨返3個食, 好彩仲有我大食積叫左呢度嘅招牌野，唔知係咪有期望, 覺得個芝士味好淡, 淨食啲雞反而仲好味另外叫左個雙拼炸雞, 黑椒味同埋甜辣醬味黑椒味完全唔辣, 冇乜黑椒味, 反而甜甜地但其實黑椒同芝士粉唔係咁夾我可以接受, 但兩位朋友就好唔like, 攪到我要一個人食哂半份泡菜海鮮餅, 正常, 都ok好味食左咁多次，實在係覺得韓式烤雞好味過炸雞。…Read More

深水埗俾人感覺係食地踎野比較，因為大部份鋪仔細細, 裝修又比較簡單不過就係因為唔係太花巧包裝，反而可以將成本心思放喺食物上面，無論咩國菜式，都隨時有驚喜EATALIAN 就係咁, 典型西餐小店, 但以價錢來說，算CP值幾高價錢大約都係百頭蝦蟹肉沙律OK，唔係太吸引 (前面), 但蝦都算多野菌湯清淡左啲安格斯護心肉幾好食, 有油香$48水果特飲買一送一抵飲又好飲我本來仲以為我可以再食意粉或薄餅點知食到呢度已經飽左下次要試羊膝肉醬意粉順帶一提，服務幾好。…Read More

而家個個禮拜都約左朋友去行街，開始有攻略，都會早啲去到附近的食肆食啲野先，食住等夠鐘，補充定體力。今次隨意揀左呢間幸屋，在灣仔循道衛理後面嘅橫街，唔係好起眼，但原來有驚喜。其實佢嘅餐牌唔係好多野, 主要係4款麵同4款飯飯都好似幾吸引, 不過近排天氣熱, 食啲濕野易入口啲點菜之前要填唔同嘅要求, 如麵嘅硬度, 濃味定淡味, 多菜定少菜之類, 叉燒方面我揀左mix，即係角煮同傳統日式叉燒混合, 可以兩種口感都試哂，正！加$15, 可以有罐裝汽水同埋湯餃子兩隻餃子只屬一般貨色, 不過單叫汽水都$12，叫埋就多樣野食咁啦主角來到~ 呢個係朋友叫嘅胡麻王，即芝麻湯底朋友話芝麻味濃, 他點的是"濃"湯底, 想再濃啲做有"極濃"選項加追嘅粟米, 份量都好多我嘅黑武士, 係黑蒜味, 我揀嘅係"正常", 因為之前去過" x王" , 就試過因貪心叫濃味變太咸同某啲店嘅黑蒜湯底來講, 呢度唔係果種有層黑油在面的類型湯呈灰白色, 飲落冇咁肥膩, 蒜同豬骨湯嘅基調有充份嘅融合, 我覺得係做得好嘅而麵嘅軟硬度亦掌握得好, 我揀正常, 食落真係唔會過硬或過淋, 又保持到彈性。食左一陣, 望望錶已經3點, 本來滿的店走剩兩枱, 相信大家都係去同一個地方。我和朋友亦低頭趕快吃完，出發行街去！~感謝給我美味的一餐， 價錢也不太貴，下次會再來。…Read More

作為港女一名, 食野除左食物本身造型嘅之外，食完全變靚都好緊要所以花膠係我地經常會食嘅野，例如花膠撈麵都食過好多間今次打邊爐, 呢度最出名嘅就係佢嘅花膠雞湯底, 個湯真係好濃, 花膠都好多,除左有少少油之外， $218半隻雞, 價錢都ok圖中所見唔係雞湯上場嘅樣, 因為湯一上到黎, 已經一人一碗，飲到見到鍋底, 真係呢一次因為本人慌死蝕底靚少左, 映相自然拋諸腦後而圖中所見是加湯後的狀態, 濃稀啲, 但其實都濃味, 好過好多邊爐湯底至於邊爐料, 就係平凡, 唔係唔好食, 但唔會好好食, 份量ok, 但冇乜驚喜，正常囉，冇特色出位野。所以都冇逐樣映相了…Read More