挑剔天后's Profile

今晚兩位好姊妹好早就約咗我一齊提早食團年飯，好早就好想食呢間潮州菜嘅餐廳，今晚終於食到，果然食物有水準服務，服務員貼身嘅服務，簡直超晒班，喜歡餐廳嘅環境佈置，古色古香嘅佈置，仲要提醒我哋唔好叫咁多，食住先，推介鹵水鵝肝，好嫩滑，做得好出色，鹵水味道唔會好鹹，杏汁白肺湯，好清甜，蠔仔粥好足料，香脆招牌蛋散，厚度適中，炸得香脆，值得推介，豉油皇香煎龍脷魚，竟然好大條，煎得好香口，超級好味，今時今日餐廳有咁嘅服務，好難得，值得再次光顧。👍👍…Read More

因為疫情，很久沒有幫襯大使餐館，年尾清假，相約舊同事再次光顧，老闆推介了三個餸給我們，椒鹽九肚魚，酥炸台山蠔，油浸筍殼魚，另外我哋揀咗淮山杞子螺頭瘦肉燉湯，薑汁炒芥蘭，欖角豬扒。首先講吓椒鹽九肚魚和酥炸台山蠔，鬆脆脆而薄，唔會感覺得好似其他餐廳，食咗厚厚嘅麵粉，九肚魚和蠔，熱辣辣，味道啱啱好，筍殼魚，外脆內軟，炸得魚肉唔會乾身，好嫩滑，燉湯，味道適中唔會過鹹，上枱仍然熱騰騰，薑汁芥蘭，芥蘭好甜好嫩，餐廳應該選擇食材時，有花心思選擇，最後欖角豬扒，味道可以，不過唔夠欖角味，有待餐廳改善，疫情後，餐廳環境感覺更加乾淨闊落，食物更勝從前，呢度唔限時，是朋友聚餐一個非常好嘅選擇地方，值得推介👍…Read More

放工同幾個同事經過此店，見招牌幾特別叫大馬館，不期然地想入去試試，呢度主打馬拉菜，我哋變點咗大馬去骨海南雞，肉質嫩滑，第二樣點了馬來西亞肉骨茶，藥材味夠濃，久違了的味道，同之前去馬來西亞旅行食的味道一樣，相信喺香港好難食到呢種味道，大家一定要試吓，終於俾我今日可以食返這種味道，第三樣點了馬來沙嗲串燒，沙嗲醬有花生醬的香味，我哋又叫咗咖喱牛柳絲，主角應該係咖喱，咖喱汁有椰香的味道，唔錯，脆炸蝦餅，炸得啱啱好，呢度雖然舖頭細，但都坐得舒服，最後一定要讚賞事頭婆，招呼一流，間中過嚟問我哋啲食物如何，睇得出佢有心經營，所以有機會都會再次光臨，試吓店內其他食物。…Read More

請容許我在這裡發表一件不公平嘅待遇，昨晚我去呢度買外賣，買完後在門口等侯我的外賣時，站在我旁邊已經有位坐輪椅嘅中年男人在門口似等待很久想買外賣，他禮貌地向呢度一位員工買外賣，可惜呢度一位穿着制服肥伴的女員工向呢位中年男人説，店舖10 點關門啦，唔接受外賣了，旁邊兩個年輕人都覺得過分，中年男人已等了很久，為何一直沒有理睬他，最後用藉口不做他的外賣呢？咁為何不一早不告知中午男人，累佢一直久等，而且為何繼續接受其他人的外賣呢？明顯地，這個員工有歧視這位中年男人坐輪椅，不想做他的生意，但他只是打工，老闆也有責任教導員工，為什麼香港係一個國際城市，仍然有這些歧視情況出現，經過昨晚親眼到這件事，我以後都不想幫襯這間店舖，希望是個別事件，大家幫襯時，不會遇到同樣事情發生。😡😡😡…Read More

今晚幾位同事約了打羽毛球，打完後和二個同事一齊去食晚餐，路過佐敦白加士街，有一間上海餐廳，門口望入𥚃面都有數張枱有客，正在用餐，而且見門口的菜單，價格中等，便入內試試。我們叫了一碟花雕醉雞，啲雞唔夠滑，又唔入味，完全食唔到花雕酒味，好似洒和雞混合唔到一齊👎，雪菜肉絲麵，雪菜肉絲唔夠味，湯底味道普通，生煎鍋貼，上海年糕和春卷就中規中距，還可以，職員服務，就很熱誠，招呼好，只是一間普普通通的上海餐廳，相信不值得我再次光顧。🙁🙁…Read More

每月飯聚，最頭痛就係搵餐廳食飯，又要食物質素高，又要唔限時，今個月新年後的飯聚，朋友想食雞煲火鍋，偷其意頭滾起滾起，幸好無意中係Openrice 搵到呢間火鍋店，我們叫了一隻全雞煲，味道好，辣度適中，啲雞好嫰，接著就放湯打邊爐，竹庶茅根水，好足料，味道夠，甜度適中，各種食物出其地都好有質素，魚皮薄而脆，炸午餐肉，煎到啱啱好，外脆內軟，恰到好處，韮菜餃，韮菜分量足夠，蘿蔔片超甜，牛肩脊好有牛肉味，又淋又嫰，座位舒適，還要讚賞服務員，殷勤招待，時時添水，另外我們叫錯了食物，也讓我們更換，加上餐廳星期五都沒有限時，非常適合朋友，家庭飯聚，值得推薦給大家…Read More

今晚朋友飯聚，在媒體介紹了一間主打星加坡菜為主題的餐廳，被牠的海鮮拼盤吸引，因此決定今晚和朋友去試試，到達餐廳，發覺它們在試業中，仍未正式開張，所以招牌被遮蓋住，入到餐廳，裝修新潮，它們日間提供星加坡米線套餐，價格也合理，晚市則提供小菜及火鍋，特別之處是新加坡風味鍋底，有喇沙、肉骨茶、胡椒蟹等。火焰胡椒蟹用上大肉蟹、黑胡椒和薑葱炒香，再加入酒並且點火，但今晚因為其中一位朋友喉痛仍未康復，所以我們湯底點了蕃茄濃湯，好有蕃茄味道，又不會太鹹，正適合我口味，火鍋配料亦頗新鮮，本地手切肥牛油脂平均，肉質鮮嫩，最欣賞是魚皮，魚皮夠薄，炸得香脆，我們食到停唔到口，蟶子夠新鮮，味道鮮甜，我們更叫了它們做緊$8特價的豬拼盤，特價食物也有水凖，另一推介食物是它們的豬腳薑醋，豬腳煮得夠淋，醋不太甜也不太辣，味道適中，平均火鍋食物很新鮮，有水準，這裡沒有限時，坐位舒適，很適合朋友飯聚，如果要挑剔，唯一要改善是員工服務，可能飲食業請人困難，員工欠缺經驗，有點甩漏和不懂應變，期待它們正式開業有所改善，消費價格整體合理，一定會再次光顧。…Read More

最近兩位朋友，分別去完台灣和韓國回港，相約聚會，無意中發現旺角開了一間新的串燒店，選擇牠的原因是地點在油尖旺區，方便大家搭車到達和離開，加上聚會在星期五晚上，很難在這區找到餐廳沒有限時，所以一星期前已經訂位。當天晚上去到，感覺雖然店舖內空間雖小，但座位總算坐得舒服，服務人員友善，我們坐了很久，也沒有催促我們離開，食物製作方面，時間稍微有點慢，可能新店，未運作正常，但可接受，食物質素平均有85分，飲料也不錯，價格比較其他串燒店，算相宜抵食，這裡是聚會的好地方，下次一定會再次光顧，試下牠們其他食物。…Read More

今晚為我青梅竹馬的好姊妹，揀了這間餐廳為她慶生，這間餐廳原本是限時，但訂枱時，預先吩附牠們安排生日蛋糕給我的朋友，希望給她驚喜，可能這樣關係，牠們由我們入座到關門前，也沒有催促我們交枱，另外侍應生貼身的服務，全晚都會問我們對食物的意見，服務超級好，至於食物方面，質素也是中上，環境也可以接受！值得推薦給大家，下次也會再光顧！…Read More

朋友於今個月底離開他工作1/4 世紀的公司,因此為朋友安排了今晚的Farewell Dinner, 先前想後,揀了曾經到訪過的一間餐廳, 喜歡牠的環境寛敞,私隱度高,適合傾談聚會的好地方,加上食物質素高,服務人員友善,環境衛生,今次光臨,比較上次,食物更有進步,期望牠們繼續努力,保持水準,值得推薦給大家！…Read More

每月聚餐，朋友提議到此食晚飯，雖然沒有好的裝飾，但總算不會枱貼枱，服務員態度差，環境和衛生也算可以，幸好食物水準高，而且有鑊氣，特別推介出爐乳豬，皮脆，肉嫰，味道適中，黑椒薯仔牛柳粒，薯仔外脆內軟，味道超級好味，下次一定會再叫，如果能夠改善服務員的態度和招呼，餐廳是不錯的選擇。…Read More

數星期前朋友推介這間日式餐廳，今天下午終於相約幾位同事一齊去試試，午餐超過十多款供選擇，每款午餐份量十足，除了主菜外，還包括蟹子沙律，茶碗蒸蛋，味噌湯和甜品。當然味道也不錯，環境舒適，下次會再惠顧，試下牠們其他款式。…Read More

最近公私兩忙，終於有時間把二月寫了一半的食評草稿埋尾。踏入農曆正月，便忙於新年團拜和各類飯局聚會，正巧舊上司二月生日，於是同事們便約了大家一同入舊上司家團拜聚會，到晚飯時間，一行十三個大人和十個小童，於是選擇到他家附近一間中菜餐廳食晚餐，聽聞這間餐廳上年轉了新老闆，加上報紙作家Kelly Chu 也有提起評價不錯，於是選擇了這間餐廳食晚飯。到達餐廳，環境唔錯，一排大窗，透光度高，地方寬敞，座位距離不會太貼近，聊天時，私穩度高，老闆親切地推介菜式給我們，服務也不錯，食物水準平均，尤其喜歡牠們的燒鵝，皮脆肉嫩，味道甘香，花蟹大蜆雞煲，味道濃郁，配合埋薯粉，完美組合，免加一 , 還有糖水送下次一定再光顧，試下牠們其他菜式。…Read More

20160219 朋友們相約新年聚會，叫我安排一下，便在openrice 搜尋，見到這間火鍋店提供tablemap 訂枱服務，加上食評都唔錯，決定book 這間餐廳來聚會，這餐廳安排了我們四個人一張卡位，舒適的環境和座位，加上火鍋配料新鮮，值得推介和下次再來！…Read More

朋友聚會，其中一位朋友想食西餐，但正巧新年時間，很多西餐都full booking, 終於找到一間樓上西餐廳還有位，當晚叫了兩個兩人套餐，五個人分享，餐前小食：鵝肝多士和蜜糖雞翼，好好味，卡邦尼意粉，有水準，進餐時，戶外空中花園，傳來陣陣香味，看見有人正在燒烤，見到大大隻虎蝦，好似好美味啊！難得在鬧市中，也有燒烤地方，下次即興想燒烤，也可以有地方BBQ了，下次一定要試試。總括來說，食物不錯，價錢合理，地方舒適寬敞，最緊要沒有人趕埋單，適合三，五知己朋友聊天。…Read More