Mintier's Profile

Glass house 食過好多次，K11呢間，Yoho 果間都食過好幾次，食物其實不嬲都覺得唔好食，食嘅只係個環境，夠chill 夠舒服。但而家連呢樣都無，Waiter 果種唔禮貌嘅服務態度真心令人火滾，安排左我地坐bar枱，行到過去，Waiter 將原本拉開左可以坐嘅整櫈一下大大力咁卡返入去枱腳，大力嘅程度嚇左我地一跳。同明明拉開嘅櫈點解要卡入枱腳，要我地再拎返出嚟？真心無禮貌同無理頭。食物差到打唔到食評，食過人生中最難食嘅紙皮豬扒，又凍又硬，連吞都吞唔到，但飲品9年都未到，又無水，好在仲算年輕可以吞到，長者唔建議食，怕有危險。西多士就茶記30蚊件都好食過佢。好在無食afternoon tea, 唔係應該當場喊出嚟，男人老狗要咁就真係得啖笑。整體咁講，呢世見到Glass house 都唔會再入去。完…Read More

1行5人同外父外母去食自助餐，點知食到成肚氣。凍海鮮俾人拎晒之後無refill, 6:45已經無晒蟹腳，但無refill。去到8點鐘，大家覺得唔對路，就企晒喺長腳蟹個位前面，逼到酒店Refill左一轉，每人夾咗兩隻咁大把。其他燒牛扒，冇晒，羊架冇晒，鵝肝排到呆晒，最後都係攞唔到。原來4XX係唔包野食，真係失望致極。有冇嘢食咪諗住去攞杯同檸茶飲吓，點知連檸檬都冇，叫個職員拎檸檬。當去refill嘅時候，我只係靜靜地企喺佢後面等佢，佢突然間大大聲講佢知得對手做緊啦，仲想點啊？但係其實我一粒聲都冇出企咗喺後面等緊佢refill完之後去拎，不過最後連杯都冇我都放棄咗冇拎凍檸茶。總括而言如果想去受氣同埋唔食嘢的話都可以嚟試吓嘅。…Read More

荃灣的大鴻輝不嬲都係美食天堂，今次我們去了一家可以吃到海鮮和燒肉的自助餐廳，價錢只係348港幣，真係好抵！進去一看，海鮮區就擺滿了扇貝、帶子、魷魚、鮑魚、生蠔、沙白蜆、黃花魚。還有幾個大冰箱，裡面堆滿了各種串燒和肉類，像是沙薑雞翼、蒜蓉雞翼、黑椒雞翼、羊排、叉燒、豬頸肉、雞皮、鴨胸、豬大腸、芝士丸、小腸，還有菠蘿等等，多到講唔晒。一坐㡳，服務員會過來教我們怎麼烤大頭蝦，要用個水筒去拎冰加水，之后就捉新鮮嘅大頭蝦上嚟，放入筒到凍暈大頭蝦。仲教我們用電爐的方法，上層擺海鮮、下層烤串燒。他們還端上了一盤烤白鱔🐟，外皮烤得香脆，肉質彈牙，非常好食！之後就開始烤大頭蝦，烤好的大頭蝦外皮酥脆，肉質彈牙，蝦頭的膏也超級好吃。食物介紹▫️必食生蠔：在生蠔上加點蒜蓉去烤，烤出來的生蠔還是很飽滿多汁，加左蒜蓉真係同出街買45蚊隻燒生蠔一樣咁好食！▫️鮑魚：烤之前要用剪刀把鮑魚跟殼剪開，不然烤的時候會爆汁。鮑魚很新鮮，吃起來爽口彈牙，蘸點豉油味道更鮮美。▫️扇貝：扇貝記得拎橙色肝的，加點蒜蓉和牛油，再點點豉油，味道超鮮甜！▫️蒜蓉雞翼：雞翼味道蒜香濃郁，醃得很入味，肉質鮮嫩。▫️豬腳：豬腳因為肉厚所以要烤久一點，但等一等絕對值得！醬汁滲透到豬腳裡面，烤出來香氣四溢。▫️菠蘿：烤菠蘿出奇的多汁，超級香甜，是解膩和甜點的好選擇！吃飽之後去拿杯雪糕來圓滿結束這頓大餐～雪糕仲有好多款揀！…Read More

觀塘呢間INN 一直都好想同老婆嚟試，可惜星期六日一直都book 唔到位，咁岩平日拎左假，又去開觀塘有嘢做就等佢開門食個lunch! 不過真係好crazy, 佢12 點開門，我搵路搵到12:05分，已經有兩枱客坐左係到，之後我地食緊時，大約1:00pm, 室內已經full, 戶外都坐左5成。唔怪得之前一直都book 唔到位啦，不過我同老婆食完之後就明白點解了，因為食物真係好出色！我地當日叫左兩個午餐同跟餐甜品(+38)香煎羊扒配薄荷汁羊扒叫咗五成熟，廚師煮到啱啱好，表面有少少焦香，內裏肉汁爆出嚟，有羊味但無羊臊味。雖然得兩件但兩件都好大件好夠食。薯蓉都非常好味。牛油煎廣島蠔鮮蠔汁意大利飯成個意大利飯一嚟到就已經聞到好香嘅蠔味，個意大利飯吸收晒蠔汁嘅香味，每一啖都好似食緊一隻蠔咁。牛油煎嘅廣島蠔就非常有蠔味，有啲似蠔豉嘅質感同味道。跟餐南瓜湯好足料嘅南瓜湯，有濃稠感同有忌廉嘅香味，好飲。Tiramisu 甜品就比較普通，因為蛋糕比例比較多，我哋鍾意食芝士多一點。…Read More

果日諗住同老婆一齊去cafe 坐下，休息一下，因為行左大半日對腳好攰。不過行左大南街好幾間cafe都滿座，一係就要預約。咁岩呢間cafe 有Bar 枱位可以即時坐低🪑，同事後發現呢間係一直bookmark左嘅cafe，所以就試一試佢！桂花鮮奶咖啡呢杯咖啡有啲失望，因為原來諗住咁特別加入左桂花先叫呢杯咖啡，不過桂花味真係好淡，唔細心咁飲真情唔覺有桂花味，好在咖啡係nutty 嘅口味，岩晒我所以加返少少分。小山園紅豆抺茶窩夫甜品就更加令人失望，一上枱見到咁大份嘅窩夫真係好興奮，不過一切個窩夫嘅時候就已經嚇一跳，因為個窩夫偏硬唔係脆，加上紅豆真係太少，其實食唔到啲咩味。而抹茶窩夫嘅抹茶味就真係完全食唔到，又唔夠蛋香。雪糕都係唔好味嘅。…Read More

平時係屋企附近嘅餐廳食到有啲厭，咁岩行過見到呢間新開嘅台灣菜就決定試一試！黑糖珍珠奶茶黑糖味太少，基本上係飲唔到有黑糖味，令我都有少少懷疑係咪黑糖珍珠奶茶。另外奶味太重完全飲唔到茶味，令到成杯黑糖珍珠奶茶好似一杯奶水咁。澎湖蝦卷蝦卷炸得夠脆身唔錯，不過味道唔係太濃，可能香港人嘅口味偏向重，所以建議店家可以配上醬料或汁咁會好啲。黑麻油雞翼拌麵黑麻油味道唔係太重，唔係好入到雞翼，不過雞翼都算嫩滑唔錯的。糖心蛋味道唔錯夠入味。不過因為黑麻油味道唔夠重，令到拌麵好淡同面身唔夠淋。肉燥娃娃菜娃娃菜落汁都幾鮮嫩同有甜味，不過個肉燥味道有啲怪，可能係口味唔同食唔慣。唔係一般食開嘅肉燥味道，有一浸唔識形容嘅香味。…Read More

最近我去了旺角一蘭拉麵店，呢到開左兩個月左右，每日經過都非常多人，咁岩當日一個人經過所以唔使等位，所以緊係一定要試一下！這裡的拉麵湯頭超級濃郁，特別是豚骨湯，熬得剛剛好，喝一口就能感受到滿滿的豬骨風味，還有一絲微甜的味道，唔錯唔錯。而且他們的麵條也是一絕，有一種特別的小麥香氣，吃起來口感細膩彈牙，每一口都令人愛不釋手。配料也非常豐富多樣，不僅有傳統的叉燒和海苔，還可以加點溫泉蛋、玉米等等，隨心所欲地搭配自己喜歡的口味。店內的氛圍也非常溫馨舒適，服務態度親切友善，讓人感覺就像在家裡一樣舒適自在。如果你還沒有試過一蘭拉麵，我絕對推薦你去一趟，絕對不會讓你失望！總的來說，一蘭拉麵給我留下了極為美好的印象，下次我還會再來的！…Read More

流沙奶皇包搣開個包有流沙效果，有粒粒蛋黃碎喺入邊，奶黃餡香滑，包身鬆軟。叉燒腸粉腸粉即叫即蒸，粉漿透薄夠滑，口感軟滑。入面叉燒份量正常，口感唔會好乾身。蝦餃餃皮晶瑩剔透，厚薄適中，唔會太厚皮，口感煙靭。裏面嘅蝦肉份量好飽滿，食落有口感。如果蝦肉再多少少會更好。鵪鶉蛋燒賣豬肉同蝦肉份量比例剛好，口感豐富滿足。腐皮蝦卷order完就會即刻喺門面度煎，腐皮煎到金黃香脆，入面有少少蝦肉。略嫌腐皮蝦卷太薄身，欠缺咗啲口感。…Read More

上星期六去咗呢間餐廳食飯，但係真係唔太滿意。首先，佢哋嘅價錢同傳單上唔一樣，上到去食就係貴啲，感覺有啲欺騙。而且，傳單上嘅龍蝦、池魚、蟹等貴價野都冇得食，真係好失望😞。另外，佢哋嘅刺身好多都冇貨，就算有都唔新鮮，有融雪嘅味道，質素好差。我覺得解凍食材係日本菜裡面好重要嘅，如果解凍得唔好就真係好遺憾。再加上，呢間餐廳嘅性價比唔高，牛肉好低級。同埋佢哋出單慢，係咁上錯嘢，真係浪費咗我嘅時間同金錢😮‍💨。加上個場唔多人，氣氛都唔係好好。如果你想食好嘅日本菜，我建議你揀其他餐廳。…Read More

呢間有料案內所食過好多次，佢地嘅甜品基本上係會食上癮。今次試左tiramisu 梳乎厘同搽茶latte, 兩樣都好好食！不過tiramisu 疏乎厘上面嘅tiramisu cream 就覺得少左啲，唔夠喉，同唔夠咖啡味，如果再濃味啲就仲正！搽茶latte好飲，綠茶味唔苦，清清甜甜咁，岩晒食住甜品咁飲…Read More

呢間係屯門好出名，食開佢地分店，今次試下呢間。坐座比較迫，同要搭枱。不過呢間味道無咁好同餸比較少，唔夠喉。而豬大腸就太韌，同無味，好似食香口膠咁。不過豬頸肉就好好食，仲有少少炭香味！紅薯粉都係必食，口感煙韌仲好索汁，好食！…Read More