christine021232's Profile

今日同友人一同到此午餐，友人叫左咖喱牛腹。等待送餐期間，店員率先送左餐俾隔離枱（本來都無為意，隔離枱遲過我地叫餐）。原來係送錯左餐，店員竟然首先問隔離枱會唔會唔要，想收番呢個餐，好彩隔離枱照食。（ 如果隔離枱唔食，唔知會唔會轉頭就送番俾我地。。。。）但隔離枱叫既係咖喱豬，店家竟免費升級俾佢地。相反我地就咩都無，公平咩！反而我地叫左貴既咖喱牛腹仲要等，等到我食完先剛剛到。我與友人極其憤怒，店家都無任何道歉。…Read More

之前知道仙后餐廳好出名亦都聽聞仙后餐廳無左軒公就差左好多但都決定去幫襯親身試試再評論預先訂好枱準時出席即時有枱呢個環節係無問題既假日食Brunch 食物質素就一般正常唔難食有擺盤裝飾但性價比就唔匹配好彩本身無期望但服務態度就真係差明明唔滿場侍應都係扮睇唔到招手會忽略任飲唔添杯收碟十級快最好笑係甜品蛋糕未預備好就叫個客自己出去睇唔知睇咩總括而言試過一次就夠了呢個價錢可以有好多選擇用餐體驗就唔會令人回顧…Read More

用food panda 叫外賣自取，叫左湯檬同炸軟殼蟹兩樣。app 話可以到取，點知到場要等，一等就係40分鐘，仲要無餐具提供！現場堂食唔多人，而且其他比我遲叫外賣既都早左攞。食物質素係正常嘅，但今次咁樣等外賣後，完全唔想再幫襯！…Read More

今次係食75分鐘任食大閘蟹放題，入座時職員寫低左時間係張單上面，話係last order既時間。點知到左我地落last order 既時候，職員就反口話係張單既呢個時間前15分鐘last order, 即係時間已過，無得再叫。本來都無諗住勁食，但咁樣做生意咁唔老實就好差囉。一開始就彈弓口，再問清楚就西哂面，仲要趕人走。呢間野既大閘蟹就一般，上蟹時間都算快，但服務態度好差，特別係咁唔老實，結果食完一肚氣走😤…Read More