weisikkay's Profile

【鴛鴦鍋：湯底夠驚喜！】我哋叫咗個鴛鴦鍋，分別係 卜卜蜆濃湯鍋 同 清甜雞湯鍋卜卜蜆濃湯鍋：真心夠鮮甜！一上枱已經聞到好香嘅蜆味，湯底濃郁得嚟又唔會死鹹，打邊爐前飲咗碗暖吓胃先！清甜雞湯鍋：呢個好特別，入面有烏雞件同新鮮薑片。最驚喜係啲薑片煮極都唔會辣，反而令個雞湯越熬越濃，飲落好清甜滋潤，冬天食一流！【四款羊肉：羊肉控必點！】今次一次過試咗佢哋四款羊肉，真係各有千秋，啱晒唔同喜好嘅朋友！羊上腦：係油脂最豐富嘅部位，所以羊肉臊味最強，肉質非常嫩滑，啱晒重口味羊肉控。羔羊肉：如果想食嫩滑但又唔想太油膩，羔羊肉 會係個好選擇，食落比羊上腦更嫩滑。高鈣羊：佢嘅特別之處係食到一啲脆骨，口感好豐富，好有層次感！後腿肉：至於鍾意實在口感嘅，就要試吓後腿肉，佢油脂最少，肉質最實在，比較有嚼頭。【招牌配料：樣樣有驚喜！】白鱔片：厚切！咬落爽口，好新鮮，食得出處理得好乾淨。鴛鴦蝦滑墨魚滑：兩款都好彈牙，鮮味十足，食得出無咩粉感，真材實料！雨衣鮮竹笙：好值得一試！同平時米線嗰啲竹笙唔同，佢爽口得嚟又滑捋捋，索晒啲蜆湯之後，鮮味再升級！👍🏻水蓮菜：第一次打邊爐食水蓮菜，爽脆到不得了，用嚟解膩一流！【飲品：消暑之選】叫咗杯水果蜜桃茶，上枱時面頭有層好似打果汁嗰啲天然泡泡，飲落清爽，唔係人工甜味，好啱火鍋後清清口腔。整體嚟講，湯底同食材都好高質，特別推介卜卜蜆湯底同雨衣鮮竹笙！服務都唔錯，值得再encore！…Read More

平日嘅lunch time一點度嚟到得番近門口一張細枱就照坐，但過左陣店員主動問我地要唔要轉去另一張入面既枱，好好呀~~自助形式揀好嘢食之後出去落單Tiger Prawn spaghetti in spicy tomato sauce $129意粉熱辣辣上枱聞到好香! 賣相幾好，大大隻既虎蝦加上芝士碎，即刻好有食慾🤤 虎蝦已經挑咗蝦腸，啖啖肉又彈牙! 蕃茄汁酸酸辣辣好開胃，又夠掛汁～Cajun chicken and pineapple burger with Lemon yogurt dressing and roasted potatoes $126超大個超厚身既burger!!! 一塊有厚度嘅雞扒都唔夠，仲要切多半塊落去，女仔真係食唔晒🤣 個包好鬆軟，夾包既菜好少見咁新鮮翠綠，個檸檬乳酪汁係神來之筆，酸酸地好岩用黎做mayo既健康牌burger醬!Hot rich chocolate (3oz) +$11Order既時間staff有提醒係細杯，show埋隻杯俾我睇，依樣都幾貼心! 見到佢咁深色都有心理準備會係好濃既，但冇幻想到係咁杰身，飲落口係會漿住成個喉嚨，好正😍 所以都明點解佢只係得一個size，因為呢個size都已經好夠好滿足!!! Flat white +$16朋友話flat white正常，拉花靚呀~Keto matcha cream roll cake $61賣相有驚喜!! 有別於一般size既切件，依個係幼身長條，仲有金箔喺面點綴~ 之前食過生酮蛋糕覺得幾難食，依個個蛋糕好軟熟，忌廉有少少回甘，同非生酮蛋糕食落無咩分別，完全接受到！…Read More

太古城開咗間新餐廳，裝修格局幾靚~ 點餐前店員先上左碟意式薄脆片，蘸橄欖油同濃縮黑醋汁食，份量岩岩好俾我地一邊點菜一邊過下口癮香烤意大利蝸牛 $98/6pcs開胃菜我地揀左烤蝸牛，一上枱就聞到勁香既牛油同蒜味，彈牙煙韌有咬口~ 墊低既薯蓉落重牛油同奶油好香滑，超級邪惡香烤牛骨髓配焗蠔4隻 $298烤牛骨髓充滿住油脂既香氣，不過牛骨髓都係好有營養既食物，高蛋白低脂肪，好在骨髓本身份量較少，食少少過下癮~~ 另外既烤生蠔幾creamy，烤得岩岩好仲好多汁，非常惹味龍蝦意大利芝士雲吞（半份龍蝦）$298半邊龍蝦大隻過我手掌，蝦鉗已經開左殼，仲有幾舊龍蝦肉啖啖肉!! 意大利雲吞釀左ricotta chees，淡淡既咸香配上香濃既龍蝦汁，層次非常豐富Tiramisu $78見到人哋影嘅相賣相好精緻搞到好想試! 用個金屬罐仔裝住嘅tiramisu一面頭有塊薄朱古力，店員好有儀式感哋叫我地準備相機佢就用匙羹幫我哋敲碎塊朱古力~香濃既牛古力薄層更加突顯mascarpone cheese輕盈綿密既口感，味道方面，咖啡既苦澀味同酒味都較淡，適合唔中意飲咖啡同飲酒既朋友~Mango Sago $88依杯可以話係芒果西米露嘅杯裝版 芒果味幾濃幾甜 面頭除咗西米露仲有啲椰絲 增加口感Citrus $88另一杯嘢飲最底有層好似乳酸飲品嘅味甜甜地中和返青檸溝檸檬兩種酸味 大量新鮮薄荷葉加上梳打水令整體好清新店內裝修好新, 坐得好舒服, 幾適合慶祝生日或紀念日~ 幾位店員都好細心咁介紹每一道菜，可能因為新開想問多d意見，又講下本身既構思又有咩想變下，感覺幾有heart…Read More

之前係觀塘見過一直都未試, 見中環開左, lunch黎試下~ 一開𨋢見到個玻璃櫃擺咗花膠陳皮嗰啲, 入到去又有大魚缸, 空間感唔錯, 好光猛乾淨等左陣都無二人枱就安排左窗邊張大枱俾我地坐👍🏻每日既午市套餐都有d唔同, 不過龍躉日日都有, 應該係招牌~ 私房黑蒜蒸大龍躉頭腩 $98份量超多!!! 大約係我自己去街市買一舊仔$7x既份量! 火侯岩岩好, 肉質結實, 仲有幾舊有我鐘意既魚皮~~好厚好有咬口! 而且黑蒜味道唔錯, 甜甜地又唔會好搶味, 下面既粉絲吸晒d魚油好正🤤鮮魚湯淮山泡蜆 $88另一個套餐就中規中矩, d蜆唔算多不過好新鮮, 一d沙都無~ 個湯奶白色飲落清清地幾好👍🏻 超多淮山都幾飽肚紅棗糕 跟餐+$16紅棗味好出, 係本身既甜味, 煙靭得黎唔痴牙~ 熱辣辣上枱加分~ 一入座開個壺陳皮普洱茶, 一開始好淺色不過都幾香陳皮味, 到食完飯再沖出嚟飲就變到好深色, 濃左好多! 無飲過有陳皮既茶, 幾特別!依度d姐姐都客客氣氣好有禮貌, 見有幾枱想影合照佢地都好樂意~ 👍🏻👍🏻…Read More

以前依個鋪位好似係好多摩天輪係門口 好耐無黎發現唔同左 不過俾甜品櫃既麻糬蛋捲吸左入去試下🤩Dinner set for two $408前菜餐湯/沙律頭盤蒜蓉焗生蠔 - 超級爆多蒜! 同隻蠔嘅比例一比一咁濟🤣 仲要隻蠔焗熟咗之後都唔係好細隻喎 同埋幾juicy 追加左水牛城雞翼$38 兩邊個皮仲係脆㗎 個汁好夠酸好開胃！北海道帶子黑松露意大利飯 - 黑松露味唔係好出 不過夠多嘢菌好好咬口 美國安格斯肉眼牛扒 - 嗌咗七成熟 邊位啊切出嚟見到好靚嘅粉紅 食落好juicy 中間就好似過咗七成肉質無咁嫩 下次試5成應該會好啲 落咗幾多鹽同黑椒去醃 個味幾出跟餐甜品係牛角窩夫雪糕 - 終於試興咗一段時間嘅牛角窩夫! 夾扁咗嘅牛角包口感厚實 細細塊已經好滿足雙重朱古力麻糬卷蛋+$38 - 終於黎到吸引我試依間cafe既甜品! 賣相好有心思 有幾款朱古力配飾同玫瑰花 蛋糕體好軟熟得黎比海綿蛋糕實少少 食落濕潤d~ 中間既cream好厚實 似mousse~ 就咁食蛋糕同cream有唔同層次既朱古力味 而佢個麻糬夠軟熟同煙靭 叉落去係可以痴住d cream一齊食唔會分開粒麻糬跌咗出嚟 好正😍😍😍熱香茅生薑蜜…Read More

之前行過見到依度有五六個位坐 今日嚟到發現變咗立食🤣 店主話喺牌照嘅關係… 不過壽司都出得快 同埋企角落有得挨下都還好渡邊屋壽司盛盒 $168整體都唔錯~ 帶子又厚又大件 好新鮮, 赤蝦同紋甲好黏 拍得住係北海道食既個種黏口新鮮度!! 海膽有兩大片 都幾甜🤤另外三文魚 油甘魚 真鯛就正常 唔算肥美火炙壽司盛盒 $138依個set有三文魚/油甘魚/帶子/左口魚/赤蝦/鰻魚/海鰻 追加左辣味蔥吞拿魚腩卷 $78 - 食落似係吞拿魚沙律 辣味好突出火炙福岡明太子壽司 $22 - 真材實料有層”衣”嘅明太子 好鹹鮮 依個份量可以配一碗白飯🤣7-8點似乎係最忙嘅時段 一路食keep住有街坊入嚟買外賣同埋外賣員嚟拎單 兩位師傅冇停過手咁做 睇嚟都幾受街坊歡迎…Read More

前排朋友約喺依橦大廈食泰國嘢 先知原來依度好多餐廳 weekday放假黎依度食個和式brunch 未到lunch hr 一開始得我一枱 有啲自然光透入嚟好舒服好好坐 揀左個自己組合既6格Bento board $118和風雙色沙律 - 椰菜好爽口 個汁酸酸地 好開胃!山葵山藥漬 - 好鍾意食山藥 但每次自己整都會俾啲汁整到敏感好痕 難得依度有得食!! Wasabi味唔係好濃 加少少酸味 好易入口蟹籽牛油果 +$10 - 牛油果熟d就好喇吉列鹿兒島豬扒 +$18 - 望落好的骰🤣 粉漿炸得好脆但係食落唔油膩 肉質ok無咩肥膏櫻花蝦墨魚餅 +$18 - 似乎櫻花蝦同墨魚餅係分開嘅 勝在墨魚餅多幾彈牙加配野食有優惠 所以揀咗杯宇治小山園matcha latte $44 靚嘅拉花同有自然光嘅餐廳環境好岩打卡🤩本身以為個份量唔算多唔會太飽 點知最後都食唔晒碗珍珠飯 每樣少少可以試多d野 又健康～…Read More

係公司附近見到有間新開張既poke 有幾款pre-set既bowl又可以自己揀 都好多選擇! 飯/菜底 多肉/多菜 都可以自己配搭 Order左幾分鐘就有野食喇! 好colourful好豐富 全部都係想食既野🤭好肚餓嘅關係揀咗full rice 好難得出街食飯可以食到糙米呀!! 好多自稱糙米既都係白米溝幾粒糙米….. 食食吓發現份量其實都幾多 下次都係揀半飯半沙律菜🥗 主食揀咗雞扒同八爪魚粒~ 雞扒正常發揮 勝在唔油同無肥膏, 八爪魚粒食極都有 唔韌 同有啲爽口d應該係脆骨位 有驚喜! 最鍾意佢醬汁可以減份量同另上 我揀左柚子醬(少醬) 好開胃! 加埋啲花生碎同炸蒜做toppings 口感好豐富間鋪細細地 不過座位唔會好迫 都幾chill 仲有對牆吧枱 自己一個食lunch都唔尷尬 會encore做飯堂!!🤭…Read More

係尖沙咀出口一行出去就見到間酒店,過對面就到,勁方便!Happy Friday 揀左重量級既level3, A-D 每種類揀一款, 每款3片肉(我地有幾款肉俾左4片🤩)套餐包麵豉湯, 好滑既茶碗蒸, 前菜, 白飯同野飲D肉好新鮮好靚呀😍😍😍 第一set有:樂天澳洲和牛封門柳 - 好濃牛味極上牛舌 - 厚身得黎好爽口牛後腿肉 - 比封門柳有咬口霧島黑豚梅肉薄燒 - 好薄片所以都唔使燒好耐 肉味都好濃另一set揀左唔同款, 可以試多d:牛腹肉 - 依個最鮮紅, 好新鮮! 油脂豐富牛內裙邊 - 最多油脂, 點d檸檬汁同醋中和下好d甲羅燒 - 一d都唔腥, 加半隻蛋撈埋咸道岩岩好雞腿肉 - 意想不到既好味!! 無醃d咩味, 但好濃肉既甜味, 仲好juicy!!自製牛肉蟹膏丼🤪任食既日本雪糕有去日本一定會食既明治香草雪糕, 仲有另一個brand既, 食落似沙冰, 都唔錯~~…Read More

本身去亞太中心食其他野 係樓下派傳單俾身肉獸朋友見到依間雙眼發光 上到去見環境好乾淨 完全無油煙味！👍🏻👍🏻👍🏻我唔係好鍾意食好肥既牛 所以平時食肉既放題都唔會揀最貴既牛 不過見佢最貴個set海鮮種類勁豐富 就試下佢～～好快就上左個拼盤 有唔同產地既牛😋自己scan QR code落單幾方便 有圖睇下係點既😆 第一round主要試薩摩和牛同美國prime 前者油脂明顯豐富好多 好淋好香濃既牛味! 不過我鐘意後者多d 無咁肥又可以食多d🤪點左好多海鮮 果然無令我失望!! 最驚喜係爽口既鮑魚同 好濃好滑既甲羅燒 (之後encore左甲羅燒 再點左雞泡魚干 自製送酒小食🍻) 加幾十蚊就有埋邊爐 要左豬骨湯清清地 主力烚菜呀🤣🤣 想讚佢既菜係細細棵好新鮮好乾淨 我食左幾round!! 行過見到人地燒菠蘿🍍 解膩岩晒 跟隊！試左自助區嘅麻辣雞煲 好入味加$48既酒精放題😱😱😱甜品區有幾款日式菓子/泡芙/生果 最吸引嘅就係唔同款嘅雪條 細細條 唔使特別留肚都可以試到幾款🤪 揀左白桃烏龍茶雪條😋Overall d野食好高質!! 鐘意食A4/5牛同飲酒既話應該會好抵食🤪🤪🤪…Read More

好耐之前黎過印象幾好 今次黎到睇餐牌都有d食過既正野不過專登揀d新野試!店員熱心介紹夏旬special餐牌 揀左幾款試蔥吞拿魚腩薄脆 $88吞拿魚腩蓉好滑又無筋 連埋下邊嗰塊米通一齊食一脆一滑幾得意日本純菜配白子豆腐 (白海老魚子醬) $78店員介紹純菜係款日本本土好健康嘅菜 喺香港冇見過所以試吓 上菜嗰陣店員叮囑我哋要食晒啲菜佢 因為好有益架! 就咁食啲菜就淋淋地冇乜特別嘅味 連埋啲啫喱同埋醬汁一齊食好易入口👌🏼 係日本食過白子刺身 不過就第一次食白子豆腐 無印象中既白子味 食落係硬身少少有質感既豆腐~~ 連埋d汁同上面既白蝦+魚子醬一齊食 有食緊緊緻日本菜既感覺😆最中餅散壽司 (帶子海膽白海老) $128最終餅係似雪糕三文治夾住雪糕嗰塊餅成個賣相有啲似寶盒🤩 飯量都幾多 兩個人share夠晒今次既重點！！！店員推介吓試埋呢個伊勢龍蝦燒 $698🦞首先連蝦頭上咗半熟龍蝦 龍蝦肉超厚超大份 無咩幾可食咁大隻龍蝦 仲要係刺身級 所以先試淨蝦肉咁食 然後用店員教嘅食法 連埋海膽一齊食 加左份creamy口感 同炙燒嘅香氣~~ 大啖大啖食好滿足呀🤤食完龍蝦肉之後店員會拎返個蝦頭整龍蝦粥/湯 我地揀一湯一粥試晒兩樣 店員話個base係用豬骨同蝦熬既 再加埋客人個份龍蝦頭! 個湯超級濃! 個粥都吸晒d湯 好軟棉另外係主menu嗌多幾樣野都唔錯兵庫蠔$48/隻油揚燒蠔串$48 阿波美雞腿串 (明太子醬) $48 地獄鐵板阿波美雞腿肉 $88 去過好多居酒屋都係普通餐廳咁上菜收碟 依度既店員除咗點菜同上菜嗰陣會介紹吓啲嘢食 耐唔耐都會行埋嚟傾吓計 好friendly 成晚感覺都好causal好舒服☺️…Read More

星期一嘅6:30左右去到 估唔到都已經排緊4-5枱 等咗半個鐘度入得 燒牛肉沙律 $98想食燒牛肉又想食燒豬頸肉 驚太多肉食唔晒就揀咗沙律 燒牛肉嘅份量比想像之中多好多 牛味濃 燒得香 又淋！沙律底就好多洋蔥芹菜蕃茄青瓜 撈左去辣辣地個汁超惹味!! 揀咗小辣不過都覺得越食越辣 但又好過癮🤪燒豬頸肉 $78呢個熱辣辣燒起好香 食落唔會覺得好肥好多油脂 反而好爽口 醉貓肉碎炒金邊粉 $78超大份既炒粉!! 夠乾身 唔油膩 除咗肉碎仲有好多豆角粒粒 個味幾好 不過唔知點解叫醉貓 😹招牌泰式咖喱炒蝦 $218本來以為隔籬枱炒蟹先至係一大碟 點知呢個炒蝦都係大碟到嚇親🤣🤣 個咖喱係加咗好多蛋落去嗰種所以一啲都唔辣但係就好香濃 擺上熱辣辣嘅蒜蓉包食好夾 3隻大蝦開咗邊好方便食 大大隻幾脆口蒜蓉包 $28識咁耐出邊條路一直有增無減 所以都明佢真係夠鐘就叫你要埋單 不過佢上菜都好快 所以都ok~…Read More

恨食左好耐既平民茶記 每次都不敵條長龍食唔到 今日五點幾行過餓餓哋又見唔使排就衝咗入去食啦!!諗左好耐都揀唔落手 最多人講嘅炒蛋叉燒同豬蔥油豬扒都好想食 睇睇下見到有個炒蛋蔥油豬扒🤩🤩🤩仲唔係佢!!!$56連凍熱飲雖然呢個時間唔多人 但都等咗5分鐘左右 新鮮整起👍🏻 份量好多 滑蛋完全蓋住下邊嘅豬扒同飯!! 佢做到好滑得黎又唔會食落覺得成口油好膩 輕鬆食晒😬最欣賞係佢個蔥油係有薑蓉 同埋豬扒同蔥油都唔會好死咸 係啱啱好 見到對面搭枱女仔食無蛋既蔥油豬扒 可能冇滑板焗住整濕 佢塊豬扒望落香口啲(大塊d定可能係多一塊🤣)同多啲蔥油 下次唔想食蛋既可以all in豬扒😆😆…Read More

食完飯想食糖水 去到將中滿記都9點幾 好彩staff話10點收工前埋單走人都ok俾我地入去食~~ 快手揀個九份芋圓 上面個舊芋泥好棉好滑 芋圓好煙韌 仙草加薏米加埋綠豆冰消暑岩晒🫠綠豆仙草芋圓 $39…Read More

除左一大班人party平時好少外賣pizza 咁岩電話plan續約有coupon 就外賣左個二人餐 $238 試左款新野 蜜糖五味芝士 再轉芝心批 再加幾包芝士烤係面🧀🧀🧀🧀🧀🧀🧀 藍芝士同cream cheese個味最出 咸香配甜甜地既批唔會好膩 如果多d蕃茄仔juicy d會好d 個批食唔晒 第二日用煎pan細火烘番熱 脆脆地同熱溶左d芝士仲好食😆😆跟餐個海鮮闊條麵好creamy 比想像中濃 太耐無食pizza hut唔記得個份量多到咁 餐嘅小食要咗個甜甜地嘅細Pizza 配左一盒仔煉奶 好似上海嘢嗰種炸饅頭 仲再香口d 不過個二人餐兩個人根本食唔落咁多 個量係for 3個人/2個人食兩餐🤣🤣…Read More