KanL23的個人專頁

其實已經食左幾次， 水準穩定， 環境氣氛好有外國 feel~~ 員工服務水準高， 食物永遠都熱上青口 10/10 👍👍👍 個人最中意 House Mussels, 白汁同青口肉好夾， 配菜嘅薯條十分出色。 至於其他口味， 有特色， 不過冇 House Mussels 咁經典， 所以如果第一次去食， 都係建議 order 返 House Mussels龍蝦意大利飯 9/10外觀出色， 用黎影相一流， 食都好好味。 龍蝦肉新鮮， 意大利飯亦好有海鲜味， 唯一扣分位係有一兩舊龍蝦冇剪， 食唔到牛扒 8/10正常發揮， 一般出街食牛扒店嘅水平， 試下都可以， 不過唔係依間鋪嘅特色羊架 7/10個 sauce 唔太中意， 羊肉好有羊味， 所以合格分數飲品 10/10每一杯都好有特色， happy hour 時段飲好抵， 黎食都起碼叫兩杯…查看更多

有特式嘅日式餐廳， 食物唔錯， 店流氣氛一流， 播嘅日本歌好好聽， 係一間值得去試下嘅餐廳。炸雞 10/10 👍 好好味！！！ 炸雞同個 sauce 好夾， 加上炸得好脆， 黎得絕對要試下。腐皮壽司 7/10其實唔太差， 唯一問題係腐皮味太出， 所以無論叫三文魚， 吞拿魚都好， 味道冇太大分別。 同埋腐皮好飽頭， 所以建議食三四舊就夠， 可以試下其他食物。 不過都要講多次， 其實幾好味嘅。芝士sauce壽司 9/10芝士味好出， 同壽司出其地夾， 建議都點d試下。飲品 7/10飲品方面， 個人覺得外觀好靚， 不過飲就正正常常， 冇驚喜， 不過唔係差。…查看更多

食材新鮮， 壽司質素都幾好， 不過款式少左dd。 室内環境都唔錯， 座位舒適， 唔迫， 坐得幾舒服。壽司 8/10自己最鐘意係吞拿魚Toro壽司， 好新鮮， 食落好甜。 另外海膽壽司唔似一般壽司店咁臭臭地， 反而好香， 有驚喜。 其他壽司正常發揮 👍 👍 茶碗蒸 10/10係料理中最好味！！！ 好滑， 唔 overcook, 絕對要試。天婦羅 10/10炸得好好， 放左一陣先食都仲係脆！！！🤠🤠🤠甜品 7/10 cheese cake 係好味嘅， 不過綠茶糕方面， 個人唔太識欣賞😅。…查看更多

餐廳嘅地點同內在環境都唔錯， 食野前後又可以係 shopping mall 行下， 食物飲品都幾好， 值得一試。。。。Four Cheese Pizza 👍 👍 👍 10/10芝士味極濃，pizza 餅底唔會好厚， 熱食會拉絲。如果唔嫌有少少臭芝士味， Pizza 值得一試。日式櫻花蝦芝士玉子燒 8/10整得唔錯， 一層一層， 食落好有層次， 不過好飽肚， 可能芝士同沙律醬多左少少， 如果多人 share, 都可以試下明太子忌廉汁煙肉意粉 7/10絕對係好味嘅, 不過普通左少少， 正常發揮Sweet Summer 7/10甜甜酸酸， 夏天飲係正嘅…查看更多

依兩個鍾嘅雞煲真係拎到爛， 雞煲調味出色，食物新鮮， 飲品種類多， 調味料個 corner 整潔，又有乳酪雪糕做甜品埋尾， 上菜速度快等等。。。。。。係少有令我會想再黎食嘅放題！！😋😋😋😋😋雞煲調味出色， 唔會太味精， 食落舒服。 雞塊差唔多件件都擔擔肉， 重點係冇雪味， 十分新鮮！肥牛&羊肉每片都好原整， 好有肉味， 肥肉唔會太集中， 而且色澤好靚， 一見到已經又好快手咁叫多左兩碟😛 羊肉都好有水準， 不過唔夠 so~~~炸魚皮 + 響鈴真係好新鮮， 平時外面食係好大陣油up味， 不過18樓嘅炸野好爽口。 響鈴係食到一層一層， 而且好大舊。 👍 👍 👍 肉丸類特別有印象佢個胡椒豬肚丸， 係其他地方係冇得食！！ 至於其他例如牛丸貢丸都正常發揮。海鮮蝦好爽， 魚片唔太多骨， 貝殼類都好新鮮， 黎得嘅真係要每樣都叫黎試下！！！調味料好整潔， 唔會一地都係。 種料都多， 可以按自己口味去配。飲品選擇多， 冷泡茶係必試 👊 甜品乳酪雪糕係要自己行出去拎， 係麻煩d嘅， 不過好好味。 如果食得太飽， 食返杯乳酪都可以平衡返。最後， 要讚下員工， 服務好， 上菜快， 亦冇漏單。 👍 👍 👍 👍 👍 建議大家黎食下依間PS 冷氣夠大， 夏天打可以當自己係冬天咁食， 不過記住帶褸 😆…查看更多

從餐廳外望入去就已經俾人一種好寧靜嘅感覺， 喺一個適合靜靜地食甜品嘅地方。 🍀🍃🌿餐廳裡面餐桌的擺設亦都好細心， 空間感好好， 相信揀堂食嘅食客唔會覺得擠迫。蘋果批:簡單黎講就係牛角包家裡面有蘋果餡， 批好香好脆， 刀切落去嘅時候係沙沙聲， 裡面嘅餡亦有香嘅果肉味， 絕對唔藥水味， 依樣亦都係我覺得俾其他街邊嘅蘋果批出色既地方。 👅👅👅火腿芝士批:如果蘋果批嘅皮係牛角包皮， 咁火煺芝士批就係蛋撻皮， 好香嘅牛油味加上火腿芝士， 會係一個好好既早餐或者下午茶， 不過重點係一定要熱食， 如果加一杯茶會更加正。Tiramisu:相信喜歡咖啡嘅人會好鍾意， 蛋糕好鬆軟而且咖啡味好濃， 唯一少少扣分位係蛋糕太多， 有d飽肚， 不過整體上係一件出色嘅蛋糕！！…查看更多

今日終於食到依間餐廳！！！🍽🍽🍽🍽店內環境好舒適， 枱同枱之間好闊， 背景音樂好聽但又唔會太大聲， 環境方面係滿分。👼👼今次叫左佢兩個 dinner set。。。。頭盤叫左龍蝦湯流心好過包同埋爆漿蟹膏流心牛角包， 龍蝦就麻麻地， 湯太多所以個牛角包好軟林林，不過個爆漿蟹膏流心牛角包就真係好好味， 蟹膏好鮮甜， 係 10 分滿分嘅。另外加左一個魚子醬帶子， 同樣都好新鮮， 不過如果個汁可以濃少少會有再好味d。流心蛋意大利飯真係好正， 好難去形容點樣好味， 不過肯定係今年食過最好味嘅 Risotto 。牛柳配煎鴨肝同樣都十分出色， 牛柳無 overcook, 火候啱啱好。 鴨肝唔會太膩， 同時又可以做到入口即融， 強烈推介大家去試下。🐿🐿🐿甜品叫左燉蛋同埋芝士蛋糕， 味道唔錯， 正常水準冇乜驚喜。。。飲品叫左紅提子汁同埋白桃芝味特飲， 提子汁味道好濃， 不過絕對唔係藥水味， 白桃芝士亦都唔錯。 不過個人鍾意提子汁多少少。整體黎講係一次好好嘅用餐體驗， 建議大家去試下 👍 …查看更多

首先，想讚下服務質素， 店員好有禮貌， 處理問題嘅效率都好高。 今晚原本 book 左 outdoor, 不過因為落雨， 想坐返室内， 都只係等多 10 分鐘， 而且店員態度好好， 完全冇黑面。 🙏 食物方面， 正如標題所講， 一份錢有兩種甚至更多嘅口味。 dinner set 好抵食， 今次叫左和風芝士漢堡扒吉列大蝦配飯。 吉列大蝦應該係新炸， 食嘅時候仲係勁脆。 漢堡扒唔係一般超市有個種， 佢好有肉味， 好有肉汁， 配埋芝士食， 真係好夾。另外跟餐嘅生果新鮮， 沙律都唔錯， 湯冇咩驚喜， 不過夠熱。另外叫左個 Beef Short Ribs Risotto, 飯一半生， 一半熟， 食落好有口感， 手撕牛都合格， 不過配汁食好正， 食落口， 係酸甜並至。特式飲品方面， 今次試左藍色夏威夷飛雪， 藍色嘅飲品加白色嘅雪糕， 未飲都已經夠晒吸引。雪糕出其地好味， 唔太甜而且入口好滑。甜品就揀左焦糖蘋果牛角酥窩夫， 食落好有咬口， 蘋果肉都唔會好霉， 不過覺得焦糖味可以重d, overall 都唔錯。…查看更多

可能因為好多公司俾員工 WFH 嘅關係， 好少人出街食， 位同位之間好闊， 坐得好適服。 坐邊位嘅好處就係可以睇埋溜冰場， 相信如果平時有人黎玩， 會幾熱鬧。講返重點， 食物好好味。 叫左 Executive Lunch Set 嘅 扒餐。份牛扒係熱石上， 但居然唔會 overcook,。 肉嘅質素好好， 好多肉汁， 肥瘦分佈平均。薯條有少少黑鬆露， 好香。飲品係菠蘿油， 幾酸甜， 幾開胃。甜品係迷利泡芙， 甜度啱啱好。…查看更多

我係12月31號黎食， 真心覺得好好味， 所以黎俾 comments。首先想讚下店內環境， 好舒服好relax， 尤其室外座位， 梳化好舒服， 冬天黎凍住食辣野， 一流。 👍 食物方面: 第一道芝士肉丸， 我覺得幾開胃， 酸酸甜甜， 適合做前菜。水煮魚係好高水準嘅發揮， 湯唔會淨係得個辣字， 幾鮮幾甜。 魚肉都好滑， 湯底有大量芽菜同薯粉， 好吸味， 好抵食。另外都叫大炸大腸同炸子雞， 炸得好好， 保留到肉汁， 所以愈食愈上癮， 一d都唔厭。之後都求其叫左個菜， 不過佢地煮得一d都唔求其， 好好味。飲品叫左2杯 mocktail, 好解辣， 一定要叫。…查看更多

一開始覺得依間茶餐廳價值幾抵睇落又好似唔差， 所以入左去食。 最後係好有驚喜。熱狗大大份， 抵食， 條 hotdog 好有肉味， 唔係求求其其嘅一帶腸。薯條大大條， 炸得好香口， 水準幾好 👍 雞扒麵塊扒還可以， 正常發揮， 不過麵同汁好好味， 甜甜咸咸， 真心唔錯。另外， 多士 ， 蛋同火腿就冇咩特別， 正常茶餐廳嘅水準。…查看更多

今次同好多人一齊食， 所以一次已經試到幾款唔同既食物。軟殼蟹意大利粉味道偏淡， 不過軟殼蟹炸得幾香， 整體黎講都唔差。卡邦尼意粉真係好好味， cream同奶味都好香，兩隻意粉黎講， 個人係中意而且多啲。牛扒普普通通都還可以。甜品叫左雪糕，啲朱古力波波同埋雪糕好夾。特別鍾意依間野飲， 個人鍾意飲朱古力， 所以非常欣賞佢嘅招牌特濃朱古力。另外環境座位都好舒適， 應該都會經常黎食。 👍 …查看更多

係平安夜 4:30pm 左右入座， 窗外嘅景， 店內嘅氣氛， 已經好有 holiday 嘅感覺。 相信如果平日黎食， 應該會俾食客好 chill 好 relax 嘅 feel~~飲品好有特式， 亦都好有美感。 意大利麵好正， 麵條嘅質地好正。20 Oz. 牛扒係相對差少少， 脂肪分佈唔太平均， 不過味道都可以。最後甜品叫左節日 special, lava cake 好正， 其他我自己冇食， 因為唔啱我口味， 不過我女朋友食晒， 相信應該會係女仔中意嘅 dessert。最後補多一句， 係讚嘅。。。服務一流，員工好 nice !!…查看更多

盤菜好足料， 夠喂飽 14 個人， 絕對冇落格。籮白好入味， 豬皮同腐皮都okay, 豬肉都算新鮮。 不過雞肉好似麻麻地， 湯底有少少咸， 淡d應該會好d。 另外今次鍋地有少少燶。…查看更多

先作總結： 環境一般， 所以唔建議堂食， 不過食物質素幾好， 喺整潔同埋乾淨嘅。今次叫左碗招牌芋圓， 芋圓好彈牙同埋好有咬口， 略嫌雪糕偏甜， 所以建議其實可以唔落。 本身唔鍾意涼粉， 不過加埋落去食都唔錯。強烈推介！…查看更多