or#tm67856928's Profile

已經變成唔係做香港人生意嘅店舖，可以自由轉位攞嘢飲入去，門口安排已經混亂，個師傅不停揮手叫我哋入去，樓面又話未到我哋！又唔會派籌，混亂之下久等！本身間舖頭已經好逼夾，都係因為以前返工食開特登過嚟食，而且貪佢有個石鍋，食沾麵啲湯唔會凍，點知大不如前，個石鍋冇預熱，靠嗰點蠟燭小火根本好快凍晒，我朋友叫嗰個櫻花蝦拉麵仲慘，竟然啱啱嚟已經唔熱，要成個叫師傅再翻熱先食，都已經唔係嗰回事啦，本身係因為佢水準高先再嚟捧場，點知已經變成遊客店，我哋坐吧枱位，已經一浸尿餲味，食慾大減，食食吓仲有個着圍裙嘅女人喺後門入嚟大嗌打尖喎完全黑人問號，點解有個後門俾人不停咁出入同大嗌，間舖頭已經夠迫，食物水準同客戶服務都好差，唔會再特登過嚟嚕，同埋希望呢間鋪個社交媒體網站唔好再叫人哋睇演唱會前去食佢啦，等得來食埋都開咗場，你哋專心一意做某國人生意啦！收得咁貴食物同埋質素都唔符合水準，北上唔係冇原因！而且面嘅份量非常之少，最尾要加個芝士飯先夠飽，成$98.1個面，面嘅份量一注夾晒！仲要嚟咗個湯一陣個麵先嚟，個湯都攤凍晒啦！本身仲貪佢石鍋先特登過嚟食…Read More

牛角包夾生豬肉他他非常出色👍🏻食到我飽飽滯滯，就快要食保濟丸消化下， CP值非常之高!仲有個自家製巨型花生雪糕🍦食到舔舔脷，睇得出甜品師一家幾咁用心，顯赫世家做得出咁用心嘅花生甜品，真係為佢獨尊，仲要冇分身幫佢整，出色嘅one man Band👍🏻希望佢哋可以繼續用心鑽研花生甜品，供一眾街坊繼續長食長有！…Read More

冇諗過招牌豬手原來係白烚，腸仔同蔬菜都係白烚！炸魚薯條可以炸到魚同個脆漿分開！呢個lunch set唔平，計埋+1都要$100 ，冇諗過招牌菜可以差到咁，豬手係白烚都不特止，連條腸仔煎都懶得煎！我諗呢度啱減肥人士多啲！可以做到咁差唔怪得知香港地冇人再食，餐廳都唔爭氣！menu 上三款特飲2杯都冇，雪糕都冇！特登去食，估唔到失望而回，仲以為寫明德國豬手，仲要係招牌菜係白烚⋯⋯如果知道係咁同自己係屋企白烚就得，洗鬼特登去德國餐廳咩…Read More

係嘉誠幫襯過2次，佢哋真係唔歡迎有小朋友嘅家庭去㗎，只係小朋友去廁所遲咗5分鐘，即刻方向面，其實都係俾啲好普通嘅波波腸你食，牛角包咪又係嗰啲嘢勁普通，雖然話自己用心整，有邊間舖頭嘅食物唔係話自己用心整？對小朋友唔友善已經唔使再去！你當我係要考牌家長都好，遲5分鐘唔係原罪囉，咁就話因為我遲到5分鐘所以啲嘢食遲30分鐘先嚟，態度又唔好唔敢催佢哋，佢嗰啲腸仔咪又係急凍食物，有幾難呀？知道佢哋最後一個月就快執笠，除咗佢哋派巨型花生食唔落之外作為食客我都暗喜！唔好理佢派巨型啲花生恩恩怨怨係乜嘢先，首先服務態度已經唔得啦，嘢食又唔係特別！…Read More

同小朋友同行，嗌咗熟食等咗勁耐都未到，小朋友等到肚餓，幾樣嘢食都要分開上一個食完到一個，冇乜聚餐嘅意思，小朋友等到肚餓，價錢唔算平，食物普普通通不算太出眾，位置亦不算就腳，要稍為搵一下先到，不會再光顧了。…Read More

門口寫住整仲以為佢真係正宗越南菜寫住三寶，點知得幾片迷你扎肉，店員話係咁樣只得一樣！烤肉跟本都冇，仲要落卡夫奇妙醬！個包真係好難食🤮我真係未食過落沙律醬嘅越包…Read More