科大小毒男's Profile

一個人的時候可以找回男人的浪漫，不用常常西餐法國餐， 總之就是高級的餐廳，因為要另一半同你大牌檔，總覺得對方有點委屈。自己一個人, 可以選選一些簡單平凡的東西, 就算是一碗河粉，有時，你都會覺得很是滿足。這次我選了碗沙嗲湯河，沙嗲湯底不像茶記的沙嗲汁，反而更像馬來喇沙風味，很香椰奶味，配少少滷肉碎和花生，撈埋一齊，更有口感，河粉份量也很夠，大食的我剛好！！我選了滷水大腸跟滷牛展，　滷水大腸很香陳年滷水味，滷得很軟滑，一口便滑到肚去了，好味；牛展不過不失，　不太厚，口感一般，如果厚身點就好了！男人不用山珍海味，大腸，腩肉，啤酒更啱口味。…Read More

話說中午係尖咀食左一間中伏既韓燒, 心情唔多好!!! 食到真係想爆嘈!之後同女朋友轉場去左銅記行街~~未到6點已經好肚餓, 又唔知食咩好!! 女朋友話上次同朋友食左間日本放題幾好食, 心諗女朋友又推介, 唔知會唔會又中招, 不過佢死話今次係佢食過, 一定無事, 咁我唯有多次機會佢!呢間放題係黃金廣場上面, 基本成層都係餐廳, 上到去唔算多人, 心裡面都有D驚驚地! 不過食完之後真心讚, 依度款式同一般放題差唔多, 但勝在你叫咩都好食! 最好既係依度好似高級餐廳咁用Ipad落單, 有相睇, 睇啱就點, 落單唔洗下下搵侍應, 落完單好快就有野到, 上菜速度極之快!! 一陣間就成枱都係野食!刺身多款，好新鮮，三文魚新鮮, 凍冰冰, 厚身肥美, 甜蝦連埋個頭, 算大隻, 晶瑩剔透, 鮮味;帶子切粒, 入口有點淡淡海水味! 榮螺超好食, 第一次食榮螺, 好有咬口之餘而且味道很重, 很有食緊糖心鮑魚既感覺, 十分推介!! 如果唔切到細細舊, 大粒D就更加好!! 海膽真係好好味! 有點甘甜而且又係任點!!飯唔多, 食多幾件就回本!!天婦羅上枱熱辣辣, 唔多粉, 你仲可以好清楚見到隻蝦, 燒物就相對無咁好! 燒得有點老同有點乾! 不過真心想推介個鐵板燒, 佢有幾款幫你SET好咩配咩, 我揀左最大路既和牛鐵板燒, 你可以揀要幾辣或走辣, 我揀左中辣, 真係好好味, 中辣好惹味, 最重要係夠熱, 而且和牛入口即溶, 超得!我仲發現依度有任飲清酒, 有熱有凍, 我揀左凍, 入口甘甘地, 都算易入口, 唔錯!!完全覺得今次女朋友推介得非常好, 值得加許, 有時兩個人去食飯食唔到好多款, 放題每樣可以點少少, 係一個唔錯選擇!另外要讚一讚基本上沒有漏單,不停咁收枱面d唔要嘅野 仲會換埋碟, 態度非常之好! 唯一一樣野係女朋友加錢點左杯特飲: 藍天柚子特飲!! 柚子份量係OK既, 不過太甜, 加錢真係唔多抵, 我地下次一定唔會加錢, 飲返果汁汽水之類仲好!…Read More

話說依個週末同女友出街, 約左去尖咀睇聖誕禮物, 未睇前諗住醫個肚先, 估唔到千揀唔揀我女朋友又發揮佢揀咩都死既功能! 伏已中~.~依間真心係極品, 你睇佢外表裝修幾好又係Isquare入面, 應該會幾好, 坐低佢有得你揀任食LUNCH或者SET LUNCH, 我地見午餐唔洗咁豪就叫個set lunch 算啦! 我點左個上級牛肋肉, 女朋友點左個雙拼(牛肋肉&腹胸肉), 兩個都跟前菜, 牛尾湯同餐飲!!先黎前菜, 份量唔少, 味道正常, 個牛尾湯都幾重牛味, 飲落清清地, 唔會好重味精!! 點知主菜就中灑伏, 個上級牛肋肉燒出黎係完全無肉味, 仲一陣梅味, 我食過韓燒放題好多次, 都未試過咁差既質素, 仲要叫上級, 就算差既都唔緊要, 你可以醃下佢, 完全無味既燒肉我都係第一次食到, 佢外表睇落黎真係唔似咁難食, 完全一放入口即覺得中伏!! 反而女朋友點既唔係上級, 只係普通既牛肋肉仲好味D, 不過都係無肉味, 勝在口感好D, 無梅既感覺!! 成餐飯真係用豉油點肉黎餸飯, 好似個前菜仲好食過主菜真係好少見!! 我女朋友更加用前菜黎送飯!! 灰到無朋友, 真心講!! 如果我食放題你比D咁既野我食, 我都覺得你情有可原, 始終我係任食, 但係我叫得餐,得幾舊肉, 你係咪好應該管理好公司既出品呢? 都唔平架, 埋單成$90一個人, 係咪食茶餐廳好過食你!!…Read More

平日黎呢度, 唔洗排隊, 入到黎唔知食咩好, 估唔到點左個五色刺身丼有驚喜,首先兩隻牡丹蝦刺身真係大得好跨張, 蝦尾好容易剝, 証明好新鮮, 仲好彈牙 咁大個仔真係第一次食咁大隻蝦刺身, 口感爽口彈牙又不失鮮味, 推!!! 三文魚刺身厚切肥美入口即溶, 非常鮮甜, 三文魚子份量都不少, 沒有腥味, 個人本身唔係太好但都可以接受, 反而吞拿魚同帶子刺身就相對遜色, 無咩特別, 帶子食到有點海水味, 唔知咁樣係咪代表好新鮮, 係咪要加D檸檬汁呢???反而個醋飯有驚喜, 我同朋友都好鐘意, 因為飯唔太淋唔太硬, 醋既比例又剛好唔會太酸但可以把飯每粒痴實, 不用加任何醬油調味已覺好好味, 咁樣先食到飯既甜 總括$148 五色刺身丼本人覺得好扺食, 剩係2隻牡丹蝦己經值回票價, 服務都不錯, 會再ENCORE!…Read More

朋友想食韓燒, 選了韓雅林, 是日星期六, 幸好有BOOK位, 都要等15分鐘才安排入座, 被安排雙人卡位, 算舒適。我地點左呢度招牌牛肋肉, 另加生菜拼盤, 泡菜湯, 點完菜先上八小碟,  有泡菜、甜薯仔、辣泡菜、香魚乾、牛肉菜、爽蓮藕、酸辣青瓜、辣豆腐, 泡菜辣得過"引", 薯仔很淋, 甜得黎又很綿, 很好味,  小魚乾，香口得黎帶點辣，也不錯, 八小碟份量剛好夠兩個人, 食完都飽左一半!!!  招牌牛肋骨店員會幫手剪好, 然後等我地自己燒, 牛肉醃得頗入味, 甜甜的, 但食得出不是貴價肉, 生菜是另加的, 配上類似麵豉醬蒜肉來包肉食, 十足韓國人, 不錯, 是另一番風味, 一咬下去先感覺生菜爽脆, 然後有一些綿綿的肉, 個醬又惹味, 層次感很重, 又可以無咁熱氣, 個人很推介這食法, 講真我去過韓國, 生菜根本不用加錢, 但唔知點解呢度就要加錢, 很奇怪。不過服務就認真好唔得, 侍應叫極無人理, 想點菜都要等, 好唔緊要, 當你睇唔到, 但我地叫左個泡菜湯, 個跟飯, 黎左個湯勁耐, 仲唔黎飯, 唔係唔記得呀? 好, 咁我地唯有主動問, 又係舉左手好耐都無人理, D侍應就咁係我地身邊行過都睇唔到, 唔緊要我地再出聲叫你, 問你有無飯跟, 你話有, 好以為你走去攞黎, 結果等極都等唔到你返黎, 原來你唔記得, 你話係咪吹漲, 個湯都凍灑, 又要我地一個半小時交枱, 你D野唔上, 我地又點走呢??? 個湯凍灑就算好飲都變唔好飲啦. 而且呢度油煙味都幾大, 不過我地男人就唔係好介意, 女生可能會介意D, 而家愈來愈多韓國店新開, 抽風系統又好服務又好食品又好, 如果唔進步小心俾淘汰!!…Read More

依間甜品我已經幫襯過好多次, 當然厚福街其他甜品店如甜品工房, 甜蜜蜜我都有食過, 不過始終覺得依間整體上係最好, 因為無論你點咩甜品, 依度都係好味, 無藥水味, 都唔會漏單, 所以係我朋友們既甜品首選!講返出品, 今次叫左個朱古力PANCAKE配朱古力雪糕球, 好大份, 食完一個都飽灑, PANCAKE 煎得好薄身, 食落口唔會好粉, 帶有甜甜的蛋味, 生果係超足料, 有香蕉, 西瓜, 蜜瓜, 芒果, 火龍果, 生果料圍灑成個PANCAKE, 生果算新鮮, 芒果唔酸, 西瓜同蜜瓜都好甜好多汁, PANCAKE下面仲有一球朱古力雪糕球, 係比利時出品既雪糕, 好濃朱古力味, 比一般甜品店用唔知咩牌子, 好奶既雪糕好得多, 講真, 我覺得甜品呢D咁簡單就整到既野, 用料我覺得好緊要, 邊個用料好邊個就取勝, 俾貴少少食好D都無所謂 …Read More

一蘭一開時真係好跨張, 係朋友FB睇佢零晨3點去食仲要排長龍, 心諗要本少爺去排隊就算再好食, 本少爺都一定唔會去, 隔左咁耐, D香港人終於試夠啦, 就係本少爺出動去朝聖既時候, 今日下午六點半, 路經鑼記, 一個人見肚餓, 就行去一蘭個邊睇下, 好, 無人等, 咁我就入去食啦!!!入到去, 可能時間仲早, 都無咩人, 好快就安排左座位俾我, 但我想講, 依度超似自修室, 用板隔開一個又一個既坐位, 連椅背都無, 好似考試場咁, 心諗好似同身邊既人講, 你唔好偷睇我D答案呀, 我知呢個係日本拉面店既格局, 但係真係食完想坐多陣都唔會囉, 而且如果你同朋友黎, 感覺好似唔識感, 想傾句計都難, 仲要呢度只係得一款野食, 就係拉面, 頂多俾你揀下面既硬度, 湯既濃度咁, 都幾單調~~不過黎到我諗都係食面, 我揀既全部都係普通就試灑佢最正宗既一碗一蘭拉面, 湯底係好濃既豬骨湯底, 但唔太油, 奶白色, 面彈牙有嚼口, 成碗面其實好普通, 最重要係有一蘭既秘製醬汁, 令到成碗面好食灑, 一蘭既秘製醬汁有啲辣, 但係辣唔似我地平常吃既辣椒汁, 佢係以唐辛子為主要配合其他味料而成既辣醬, 辣味特別, 加上辣得黎唔會傘到豬骨湯底, 配搭一絕, 我諗呢個就係D人鐘意一蘭既地方, 因為個醬會令你一口又一口咁把面放入口中, 同埋連個湯都飲埋, 不過$100 一碗我覺得真係好唔抵,  叉燒 少得可憐, 又簿又細, 食完等於無食, 面都係少得可憐, 想要帶碗D, 加錢囉, 咁就百幾蚊只係食碗無餸既面囉, 所以總括黎講, 係無下次, 試過就算!   店員便從前方窗格內收取落單紙不過有一度都可以讚既, 就係依度服務真係似足日本, 侍應會九十度躹躬同你收單或者埋單,  正常日本既服務, 當面送上既時候又會把前面既簾拉下讓你專心食面, 所以讚是給服務的人!…Read More

返完學去左佐敦比賽結果大數對手, 成班麻甩仔好似中左波咁決定要豪一豪慶祝下, 本來諗住去食放題, 但係book唔到位, 有人提議黎依度, 話食過好新鮮仲話應該而家仲有位, 去到真係仲有位, 雖然今日係星期五, 但係都無令我地失望!我地好似放題咁不停點野食, 每樣野食都有驚喜都好好食, 首先刺身真係非常新鮮, 三文魚厚切肥美, 甜蝦亦相當大隻鮮甜肉質實唔梅, 新鮮表現, 海膽吾腥甘香不苦, 另外我地叫左好多個定食, 最好味係三文魚碎飯, 好香葸味同芝麻味, 壽司飯軟硬適中, 帶有飯本身既甜味, 個人很喜歡這個, 最後我地追加每人一件鵝肝壽司, 真係好味到不得了, 外脆微燶肉軟熱辣辣, 有一種甘香在口久久不散, 個人覺得配多士更好味  總括我地都係盡興而歸, 而且也要讚一讚依度服務真係好好, 換碗倒茶落單都很快, 而且有親切笑容令人感覺舒服  會再來的!!…Read More

其實我覺得自己都幾毒幾宅, 但係唔知點解好鐘意食朱古力同甜品, 我絕對唔覺得食甜品係女人既專利, 試諗下有一個鐘意同你食甜品既男朋友都幾好, 所以我會毫不猶疑係人面前點甜品, 愈甜愈好!!!今日路過鑼記, 打完波, 食糖水吹水就梗架啦, 不過發現五代同糖執鬼左, 所以轉戰黎左松記, 松記講真糖水好一般, 俾我見到佢餐牌寫推介爆醬心太軟, 所以就叫黎試下, 係就係爆醬, 不過味道真係好一般, 好似只係將D面粉同朱古力加埋就算, 個蛋糕好粉, 而且朱古力醬仲有D苦, 雪糕都係好一般, 好重奶水味, 可以講無下次!!下次係松記都係唔叫D咁西式既野, 都係叫返西米露個D穏陣D …Read More

完左OCAMP, 做完組爸就要開始攪RE-U!!! 搵地方係一個好麻煩既事, 又要地點就腳又要好食又要有得玩又要坐得耐, 我相信好多人都同我一樣咁頭疼, 所以係openrice 專攻樓上CAFE俾我搵到依間野, 打去book位,話要收訂金因為全晚不反枱, 不設時限, 夜晚最早可以6點入坐, 玩到收鋪, 心諗而家係樓上CAFE BOOK張枱都要落訂, 有無咁跨, 不過好彩最後間野都無令我失望首先講食物, 依度無得散點主菜係叫餐既, 分A, B, C 餐, 我地點左B餐包沙律, 幾款小食拼盤, 幾款主菜同每人兩杯飲品, 按人頭收費每位$188, 份量亦因應我地人數而定( 野食碟碟都好大碟, KING SIZE, 成盤盤菜咁, 出手咁好豪氣, 一定夠飽) 小食方面其實都係以炸為主, 雞翼同芝士焗青口係比較好味, 芝士焗青口面頭有好多芝士, 芝士焗到溶灑帶點微燶, 芝士食落口好煙韌又有淡淡既芝士味, 青口唔腥, 熱辣辣好味, 主菜方面推介豬仔骨, 豬仔骨厚身多肉, 唔會剩係得骨, 而且好juicy唔韌, 入灑BBQ醬味, 酸酸甜甜好惹味, 另外三文魚意粉都不錯, 很香忌廉味, 配煙三文魚偏喊剛剛好, 又多汁唔會乾爭爭咁食意粉, 總括黎講依度食物真係算唔錯, 比得上餐廳!   講真依間cafe真係唔係大, 枱同枱之間都係逼逼地, 開放式廚房會隠若聞到油煙味, 不過依度似家庭式, 侍應會主動同我地傾計一齊睇電視仲會教玩遊戲幫我地影相, 同我地打成一片, 最緊要無hard sell, 令我地好舒服輕鬆咁玩左一晚, 所以我都要俾個笑你! 最後我諗真係好多人黎依度慶生, 可能因為依度平日食滿$400 送生日用既怪獸雪糕, 當晚一齊熄燈, 枱枱都上怪獸雪糕好跨張, 個雪糕真係好大個, 仲要用DRYERS 老板真係好豪氣, 良心餐廳!   …Read More

今日成班朋友話想去食韓燒,但又唔想太貴,咁咪揀可以任燒,咁班朋友就話有介紹,就跟佢地去。其實裝修絕對唔差,聽講仲有房坐,不過我地就無咁好彩有房喇。價錢都十分公道,絕對岩哂一班餓鬼去食,加埋野食種類都幾多,起碼唔會食到悶先。韓國冷盤有好多款，我覺得個泡菜都幾有水準,而且睇落都好開胃,粉絲都係推介之一,而且仲有刺身同壽司,諗住佢任食,質素都唔會話太高,但個三文魚刺身真係喜出望外,佢好新鮮,而且唔會話任食所以太薄。主要燒既野大約都係一堆肉類,好就好在賣相都十分整齊,唔會睇落令你唔想食,整體黎講都唔錯,最後就係價錢同食物質素係絕對令你滿意,不過睇食評就話服務好差,我自己就覺得唔錯喇,因為成班人都唔洗話咩服務既,最緊要自己食得開心。…Read More

德國熱狗,依間舖已經好多朋友同我介紹過，但自己就真係未去試過, 今次去就岩岩撞正依個Lunch時間，真係依個人山人海,佢依個舖裹面大約有6-8個位左右，好彩仲有2個企位留番比我同朋友。雖然真係好多人但值得一提係依到既Staff 真係好有禮貌，抵讚！今次我揀左依個set,就係珍寶腸熱狗＋芝士，佢依到既茄汁同芝士都落得非常多，因為食落每一淡都有好香既芝士入口，真係好正呀！其實依個鋪仲有好多唔同既腸可以揀，但自己一向愛原味既野，所以熱狗都係應該係要配依個珍寶腸先好食,雖然依到佢個廚房細細，但D工序都分配得好好。一有熱狗order，就會開始烘熱你個包。所以食落去係非常之熱嫁,唔會話裹面熱但外凍咁樣,所以唔錯。SET就可以要薯條或者薯餅,咁樣食都算飽既,不過大胃王就可能要兩個喇。 …Read More

雖然一直都知道依間係一間出名既甜品店，但係一直都無黎食過,睇食評先發現好多人都推介依到既tiramisu,當然鍾意tiramisu既我又點可以放過依到，比較鍾意咖啡味既我，就當然要叫依到tiramisu,朋友就叫左依個apple crumble，由於無食過既關係,所以都抱好大期望嫁。佢依到既tiramisu真心做得非常之咁出色，因為食落唔單只有依個香濃既咖啡味，吃個陣仲會有D液體狀既野出黎,食落好似飲緊依個咖啡酒咁，幾特別嫁,自己就真係覺得依到既tiramisu真係好好味,之後就係依個apple crumble,我自己都係第一次食依個，當然都係好好味，面頭個層好脆，有D似菠蘿包既感覺，食落好香口，裹面就似係依緊蘋果批咁,好香,又唔會好鬼甜,一樣的味道，好味。另外比較有心思既係依到裝甜品既器皿，係幾靚嫁,聽講仲可以拎得走既,下次試下黎買外賣。 …Read More

其實都知道大坑算多野食,不過就好少黎依到搵食,原來依到真係非常之多選擇,不過今次同朋友決定左揀依個越南菜,所以就黎左火車頭依到喇,這間餐廳環境都算唔錯,樓底十分之高,不過餐枱唔算太多多,所以枱同枱之間都非常鬆動,唔會好似同唔識既人食飯咁,餐牌選擇又夠多,不過今次得兩個人叫唔到太多野食,首先就叫左依個魚露蜜糖雞翼,好大隻嫁,加埋D酸酸甜甜既醬汁,食落有好開胃, 有少少泰式雞醬咁,不過就當然唔係咁簡單,仲蒜頭粒同埋蜜糖,食落又唔會太膩幾好, 之後就係依個雞肉串燒,都係好大串下嫁,不過雞肉既肉質就比較實左少少,沙嗲汁唔太夠濃,不過食落味道幾好既,之後就係依個蕃茄牛腩煲,依到樣樣野都好大份,好多蕃茄好多牛腩,依個蕃茄汁做得好濃,食落好正,馬拉盞炒通菜,依個炒得幾惹味,另外佢係用鑊仔上,食起上黎又幾得意既 …Read More

依到既咖椰野食都非常出名嫁,所以決定同朋友黎試一試,首先就揀左克力架,咁佢就有三塊,賣相就真係非常吸引,睇落塊塊都有多到漏晒出黎既咖椰醬,同埋一片薄薄地牛油,睇落真係無敵,要小心咁拎上手,因為一出力一咬,佢個D多到爆炸既咖椰醬,一定會滴到周圍都係,食個時一定會小心D你自己衫。但係味道上真係無得輸，甜得黎唔會太膩，成塊都有哂椰香同埋依個牛油味，不過真係會食到咩都亂哂,好似打完仗咁,之後就叫多個咖椰多士,食完頭先個個已經整到隻手污糟哂，當然就再食盡D。佢地依到自家製既咖椰醬加埋烘到非常鬆脆既多士，熱辣辣咁食,真係非常正,食多幾件都仲得,之後再加多杯柚子紅茶,岩岩好既甜味，柚子味都算夠濃既，茶味又唔算太澀,可以用黎消下個種膩度。 …Read More