午餐時間係餐廳外面排左大概10分鐘左右，排隊期間店員見差唔多有食客埋單就會先比定落單紙比頭幾位排隊中既顧客先落單，咁到入去坐低就應該差唔多有得食，覺得依個安排幾好，慳返啲時間👍🏻👍🏻 今次試左好多人推薦既「濃厚蟹蝦豚骨拉麵」🍜 湯底真係幾濃厚，蝦味比蟹味出，湯既份量唔多但都足夠。拉麵份量佢寫住「普通」份量係其他拉麵店既1.5倍，不過我又覺得剛剛好，都食得晒，可能我大食😂 拉麵係粗身個隻，好咬口，岩我口味🤤 叉燒切到好薄身，對比出面個啲厚身但好多肥膏既叉燒，怕肥膏既我偏向鍾意薄身依隻叉燒😗😗 而溏心蛋我覺得淋左少少，比較鍾意口感實淨少少既蛋。 整體而言都幾好，有機會會再幫襯試其他口味既拉麵🍜😋 另外佢既配菜係可以根據自己口味去轉的，雖然我樣樣配菜都食，但覺得依個安排好貼心💪🏻…Read More
1. 嗌左佢好出名既黃油烏頭，平時唔鍾意食魚既我都覺得佢既烏頭好好味，肉質又香又滑（最怕食到鞋烚烚既魚肉） 2. 千島醬咕嚕蝦球啲蝦又大粒又彈牙，咕嚕夠酸 3. 鵝片入味又夠淋，每片都大大片，厚薄適中，唔肥 4. 蒜香通菜好爽口，咬落去索索聲，調味剛好，係望落油左少少🤏🏻 5. 潮洲蠔仔粥好大兜，蠔仔新鮮，入面有魚乾好香好咬口，好潮洲風味，like! 當晚係weekend，好爆場，好彩預早啲去攞位，坐低半個鐘就坐滿人，真係好受街坊歡迎。不過可能因為岩岩重開加上多客，上菜速度慢左啲，不過都可接受。 Menu上好多野都好想嗌，最衰限4人一枱，嗌唔到咁多野，遲啲放寬返人數再嗌多啲朋友一齊去，佢啲滷味、豬紅、蠔餅以前食過都好好味，仲有海鮮都好新鮮，一定會再幫襯！
