kellynks's Profile

🧋懷舊滷肉飯（小）🍚 $35看似好細碗，但原來份量都唔少，滷肉口感唔會滿口都係肥豬肉，味道唔錯，唔會過咸或淡。🧋秘製牛腩油麵🍜 $58牛腩份量適中，牛腩唔錯，油麵就偏少。🧋肉鬆起司蛋餅🥚 $37淡淡嘅起司配搭肉鬆，口感豐富；餅皮外脆薄，可惜份量偏少。🧋鹽酥雞🍗 $37好味，鹽酥雞啖啖肉，炸得唔會過火，亦唔硬，配搭埋適量嘅椒鹽，酥脆可口。🧋芋圓綠豆湯（小）凍🍵 $20有驚喜，炎炎夏日食左有涼感，同好消暑，綠豆起沙，芋圓有口感。整體比想像中好味。…Read More

是晚平日，到晚餐時間好想食滑蛋，於是來到日式餐廳食，輪後時間大約5分鐘就可以入座，唔算等好耐。😌看看餐牌，好快決定了想食的😋：🍚十勝帶廣名物豚丼定食整個賣相好吸引，+$18升級定食，有凍飲、麵豉湯、前菜同果凍。一般麵豉湯比較鹹，所以都唔會飲晒，但今次麵豉湯唔會太鹹，唔錯。豚肉肉質嫩，味道口感好好，好正！🍚滑蛋吉列豬扒咖喱丼吉列豬扒炸粉薄，脆炸得唔錯，跟住豬扒份量大而且啖啖肉。如果滑蛋再多啲就更好。日式咖喱汁看似好多，但原來送飯、豬扒，咖喱汁只係剛剛好。好滿足嘅一餐。…Read More

是日星期日晚，一行4人選擇了無限時嘅套餐：爵爺套餐。呢個套餐包括了：前菜小食、主菜六選一、火鍋湯底八選一及爵爺專享美食（頂級手切牛拼盤，豪華海鮮拼盤，豪華時令刺身）。🪭前菜小食涼拌青瓜及炸雞，炸雞只有每人一件。🪭主菜六選一揀左重慶雞煲(小辣)，幾惹味，雞肉嫩，配料新鮮，味道好好。🪭豪華時令刺身厚切三文魚，原粒大帶子都好正！🪭火鍋湯底八選一花膠美人鍋，不過不失。🪭豪華海鮮拼盤有大大隻扇貝，蠔🦪。🪭頂級手切牛拼盤原本有唔同部份嘅牛肉。肉質嫩，唔韌。無限時的確吸引，可以一路慢慢食，一路暢談。…Read More

是日星期日差唔多到晚飯時間，開始肚餓，肚餓起來，咩都想食，腦海浮現第一樣就係打邊爐，一段時間無打了，心癢癢的，於是決定來個豐富晚餐。感覺好新淨，好寬闊，好大嘅空間感，可能仍是新開張期間吧。座位闊落，4人可以選擇兩種湯底，分兩個煲。我哋揀左黑蒜豬骨湯底同日式牛骨濃湯（微辛），選擇左level 2特選牛小排+prime 美國肩胛肉眼放題，限時90分鐘。自助區有多款食物，有關東煮、沙律區、小食如雞翼、迷你葡撻、炸鮮奶等等，有菜區、飲品區、甜品區如軟雪糕（好味😋）、豆腐花、自助棉花糖。整個食物質素都好好，值得一提係環境令人食得好愉快同滿足。…Read More

新開張期間，無論咩時段都特別多人光顧，還是午餐去湊下熱鬧😛😛。排隊期間等待入座時已睇定餐牌，揀完了食咩。選擇了濃湯喇沙系列：🍜豬頸肉喇沙麵$66手機落片刻後，好快就送上。整碗喇沙外型上係吸引的，豬頸肉都唔少，其他配料豆卜魚旦芽菜都有。名符其實係好濃湯，味道平衡各味覺，不偏辣，不偏奶，麵質軟熟程度係我好喜歡的。午餐A🥩香煎西冷牛扒配飯 羅宋湯送熱飲$76牛扒肉質唔錯喔！而且份量唔細，羅宋湯都好飲喔！…Read More

是日平日，行下行下已經到晚餐時間，揀下揀下就選擇左日式餐廳。手機落單，看了一輪，最後挑選了豐盛定食系列：🏮秘製豬軟骨肉定食配珍珠米+甜品牛奶奶凍有前菜，係日式醃蘿蔔，豬軟骨份量都適中，都大件👍，味道唔錯，豬軟骨有入口即化嘅感覺，汁液都好送飯，碗珍珠米都比平時飯碗大碗。原本呢個定食跟麵豉湯，我改左要個甜品，幸好唔會過甜，定型度都唔會硬，啱啱好。🏮刺身飯配麵豉湯都幾豐盛，刺身都新鮮，麵豉湯唔會太咸。簡單但滿足的一餐。…Read More

是日平日晚餐食中菜，一行4人左揀右揀最後決定了‘古都冷菜三小碟’，菜式如下：🥢紹興酒糟醉雞三小碟之一，雞肉嫩的，有酒味，但味道比較單一。🥢蔥油涼拌海蜇頭無味。🥢糖醋小排骨肉質好硬。🥢油泡翡翠雙鮮相對來講味道淡。🥢婉兒雞茸燕窩羹一般般。🥢松子黃花魚味道開胃，黃花魚炸完後，魚肉質還可以。🥢烤北京填鴨（全隻）不過不失。🥢宫廷四合蔬好普通。🥢北京炒拉麵唯一有記憶點就是呢個炒麵。🥢上官花素蒸餃餃皮正常發揮，但餡料就一般。🥢豆沙鍋餅都唔錯。🥢鮮奶合桃露本身有啲期待，可惜唔夠滑，稠度比較稀。…Read More

是日平日星期五，一大班人暫時放下衝鋒陷陣嘅工作，於淋瑯滿目嘅美食下聚首一堂，互相聯繫，互相交流。期待已久嘅lunch buffet，用餐時間由中午12點至下午2點半。等緊入座期間，入口處已經飄來陣陣榴槤香氣，形形式式嘅食物，令人急不及待同食欲大增！餐廳出名食甜品，不過其他食物質素都唔錯，選擇都好多。熟食方面特別難忘嘅有清新沙律🥗，焗芝士生蠔🦪，燉盅雞湯，三文魚扒，喇沙湯麵🍜。至於甜品，榴槤雪糕、榴槤撻、榴槤蓉、奶凍甜品、芝士蛋糕都唔錯。Lunch來講，算係多嘢食。…Read More

是日平日，一行4人，較早晚餐時段，周圍食肆都可以輕鬆有位，唔使排隊。沒有訂座情況下，就可以好快入座。睇睇餐牌：🐟酸菜烤凌波魚賣相好吸引，大大盤咁，其實係將條魚兩面都攤開，視覺上就好大份量。熱焫焫嘅烤魚魚肉唔錯，味道酸微少辣，開胃正。🐟雞絲伴伴麵 份量一般，但都幾好味。🐟黃金組合 有娃娃菜，金菇，海帶同薯仔，娃娃菜同薯仔浸係酸菜烤魚湯底裏，好入味。🐟易燃易爆小吃天團 炸椰菜花、炸菇、炸雞粒等等，都唔錯。🐟囂張冰桔桶 一端枱上感覺好震撼，好巨型，有3公升可惜冰好多，實際有嘅柑桔水唔多，但幾好飲。整體上，比想像中好嘅一餐晚餐。…Read More

餐廳不是地舖，於大廈地下好容易會搭錯𨋢，應該使用左手則之𨋢直接上到餐廳層。是日平日，來到一間印度式嘅素食，一入門口，感受到餐廳好大，環境好靚，裝飾富有印度色彩，枱同座椅都好大同寬闊。餐牌唔係中文或英文，除咗飲品睇得明，其他睇唔明，研究左一陣子，終於落單。食物賣相同擺盤相當吸引，好多唔同嘅醬料伴隨，特別喜歡那印度薄餅同三款醬料，分別有辣，有唔辣，醬料口感豐富，稠度適中，唔錯。開心果milkshake 一般般。經 Open rice 訂位全單有85折，但加一就以原價收。…Read More

已經一排無食pizza，於是好有衝動食返餐😆。是晚叫左個二人套餐，估唔到有驚喜！🍕經典至尊（爆脆批）之前多數都係叫厚批，今次揀左爆脆批，爆脆原餅底夠薄嘅效果，好味！熱焫焫送到，餅皮好薄、好脆！餡料好多，每一口pizza都有滿滿嘅餡料，好正！一口氣食左3塊，好滿足！🍕蘑菇忌廉雞湯每次食pizza都必點嘅蘑菇湯，還是從前嘅味道😇，好味！🍕芝士焗薯雞皇飯每逢食pizza，飯未必食得落，但呢個飯唔錯，汁杰稠度適中，淡淡嘅芝士味，唔會膩。新鮮熱辣食出爐嘅pizza好正！食了一餐好滿足嘅晚餐。…Read More

是日平日，一行兩人來到一間充滿校園氣息嘅coffee shop 相聚。餐牌用上返學時代嘅單行簿，簡單看一看後：🍝黑松露什菌意粉 $98份量都幾多，黑松露汁稠度恰當好處，濃濃的黑松露香味，意粉軟硬適中，什菌菇類都好爽鮮。🍝蟹肉蟹棒明太子意粉 $138好大條蟹棒！蟹肉肉眼都見到唔少😆。🍝炸黑松露薯條🍟配茄汁 $58薯條唔單止粗大仲好長條，咬落去表面保持脆面，內裏就係大大啖嘅薯仔，好食！意粉一定要襯熱食，凍左感覺好膩。食飯聚會過程中，人流唔算多。…Read More

是日平日，適逢係下午茶時間，見到有下午茶優惠：只要讚好餐廳專頁，就買任何漢堡/意粉，送薯條及飲品（只限平日下午茶時段），等於一個套餐。🍔鄰居漢堡有手打牛肉扒、煙肉、蘑菇、菠蘿、車打芝士、蕃茄、紅洋蔥、羅馬生菜、自家醬汁組成嘅鄰居漢堡，牛肉好juicy，肉質嫩好好味！煙肉更有驚喜，唔會只是乾韌同好咸，配搭埋菠蘿，口感一絕。🍔大烤菇牛肉漢堡大烤菇唔乾，好juicy ！🍔雙重芝士牛肉漢堡雙重芝士用嘅係Mozzarella cheese, cheddar cheese 。有薯條同蕃薯條好正，好滿足，食材新鮮，食得出係用心製作。…Read More

是日係年二十九晚上，天氣凍凍地，但唔算好肚餓，左睇右睇餐牌，睇吓有啱食嘅嘢，見到雜扒配炒飯$67，有湯又有熱飲好低食，一於試吓：🥩豬扒、雞扒、爆醬腸配炒飯豬扒份量都幾大塊，肉質不過不失；雞扒就細塊少少，但好味過豬扒；爆醬腸都可以，脆皮。黑椒汁與洋蔥汁之間選擇了洋蔥汁，好可惜這不是汁，係醬，汁太稠。羅宋湯唔差。炒飯份量可以多返啲就最好。以往大時大節都會慶祝一翻，今年開始大不同，要慢慢習慣和接受。有時簡簡單單一餐都可以好滿足。…Read More

是日平日，人流唔算十分好多的下午，一行4人來個下午茶食班戟🥞。🥞原味梳乎厘製作需時，大約等左20分鐘才食到。賣相幾吸引，可惜蛋味唔夠亦唔夠香，口感亦比較單調，無咩層次，反而果兩小口cream就好綿密滑。🥞芝士漢堡班戟配薯條🍟有驚喜！好味！甜甜地嘅班戟面夾著漢堡食原來好特別。漢堡肉好juicy，配埋薯條，整體成set口感好好！🥞薯格薯格一般般，薯條比薯格好食。整體感覺其實都幾貴，一心期待嘅梳乎厘不及有驚喜嘅芝士漢堡班戟。…Read More