kt80s's Profile

我同我老公成日喺青衣搵食，見到涌美開咗呢間日式丼飯串燒小店，當然要試吓佢啦，我哋揀咗牛肉牛肚同味噌豚肉丼，每人再加$5要隻溫泉蛋，將每人嗌多罐可樂都係一人50幾蚊，好平不過串燒要夜晚先有牛肉牛肚飯，個汁好濃，牛肉同牛肚都好入味，好味呀味噌豚肉都好入味又好啱味，不過個飯嘅個汁就淡咗啲，個汁透明色，入面有啲紅蘿蔔粒粒，但係略嫌個汁淡咗啲，可以再改善一下個汁濃返少少配合返個味噌豚肉，咁就完美喇食飯期間同食完飯之後臨走老闆娘都同我哋傾偈好友善，仲問我哋啲嘢食好唔好食，話遲啲會改 menu 加食物，好期待有新嘅食物，下次再幫襯呢間小店…Read More

尋晚一家人中秋節去大埔呢間明星皇宮食晚飯，因為限聚令焗住9個人分開坐3張檯，啲經理行開晒冇人落單，我企咗好耐都冇人理我😒見到個紮髻女經理同人吹緊水 social, 仲講咗好耐😡我等佢吹完水行過去🚶🏻‍♀️落單，我叫咗1隻3斤十両嘅長腳蟹🦀、1份片皮鴨🦆、1碟白灼蝦🦐、1份桶蠔🦪、1碟椒鹽炒鮮魷🦑、1煲冬瓜煲老雞🐔🥣，吩咐咗佢要分3份上3張檯，佢哋好快上菜，一嚟就嚟3碟白灼蝦🦐🦐🦐、3份桶蠔🦪🦪🦪同埋3碟椒鹽炒鮮魷🦑🦑🦑😱😱😱，吓！？ 乜叫1碟全部變3碟？？ 咁如果我叫1隻乳豬咪嚟夠3隻？？？🤡🤡🤡🐷🐷🐷我見狀立即同佢哋講清楚，我哋係要1碟分開3份上3張檯，佢哋話只可以改1碟蝦，而桶蠔同椒鹽鮮魷就唔可以 cut, 一定要我哋要晒佢，咁都唔係錢嘅問題，係根本食唔晒，會浪費食物，啲侍應同經理諗唔到？完全唔覺得有問題？？🤡😮之後又走咗個男經理出嚟話隻長腳蟹好瘦，叫我哋唔好要，咁我叫佢取消咗佢，改返張單，佢走咗去冇咗件事，最後仲要我叫另一個男經理改單，後尾去廁所見到隻蟹唔見咗，都唔知係咪俾咗第二個食😡😡成間酒樓啲侍應同經理都唔 make sense, 完全老屈，咁樣做生意都有嘅😒😒我第一次去明星，亦都係最後一次去！🤬🤬🤬想去幫襯嘅諗清楚，想唔想俾人當水魚😡😡…Read More

間唔中會黎食，早午晚餐都有試過食，今晚黎食犀飛利銀芽肉絲脆麵，以前嘅肉絲變左大大條嘅豬頸肉😳成碟勁多大蔥同埋大豆芽🌱連熱飲要$51，覺得碟麵用料唔值呢個價錢💸👎🏻最近黎嘅10次8次，服務都好差🙄成日唔行過黎埋邊果邊，一係就唔望人，咁點落單叫嘢食？唔通次次都要d 客大聲叫落單咩！？ 😤 今晚8:30左右落到去，等埋食緊未夠9:00，個女侍應响我面前係咁掃地，之後仲拖地，好唔合衛生，好似趕客咁😒以後都會少d 黎食😝…Read More

朋友生日book 左位, 話係"咪豬連", 未食過, 就試下食啦!! 點知有朋友遲到, 問個侍應, 佢話食兩個鐘就只准食兩個鐘, 唔可以加時, 唔可以再叫野食...有錢唔賺錢!?!? 其實想翻檯賺多d 就真.  d 野食份量又太少, 一個雜菜煲得幾條菜, 乳豬最出名, 但係隻豬太瘦啦!! 燒到冇咩肉, 得d 皮一味脆, 超搵笨既"咪豬連" 定價又太高, 服務極差...叫佢地10 問9 唔應, 呢間都係black list 左, no return 既"咪豬連" …Read More