RainYiTse's Profile

位置唔難搵，地鐵出去十分鐘左右但全斜路，記得著對舒服既鞋去🏃🏻‍♀️店內打卡位都冬算多 陶瓷、燈花樽、地磚、杯，木枱櫈⋯所有野都走懷舊路線 好值得打卡😍一入門口就係影相位 等位時如果外面無人坐仲可以影住相先📸店內位置比較少，等左九個字，總算到我了😍坐低第一時間嗌嘢食，都算快手，十分鐘左右食得了😽同友人因為覺得熱飲杯比較靚所以點左熱飲Latte $40Latte Macchiato $40拉花好特別，味道都唔差，無失望既嘢食都唔錯Avocado & Scrambled Egg on Bun $85Pastrami Bun $85特別地方在於Bagel 有蒜茸牛油醬既香味，好夾！🤤整體嚟講除左排隊耐左少少🤏🏻都係正評建議平日食，等待時間會短啲佢唔算係齋打卡影相既餐廳，有機會會再去！大家如果去到可以試埋甜品，見隔離枱食好吸引😽不過同友人太飽了，唯有下次😣推薦指數🌟🌟🌟🌟…Read More

嘢食好味 而且唔貴覺得牛仔骨幾出色 非常Juicy！而且份量唔少最推介大家食招牌五花肉 伴埋微酸嘅蘿蔔蓉 減淡左油膩感 而且添加咗日式感不過串燒店嚟講加一就有d貴 如果唔使+1就好啦呢間鋪頭入面都有幾多喺元朗搵唔到嘅串燒款 例如係雞子 雞肝 呢d 即使係出面嘅鋪頭都好少見 而且燒得都好味 唔會乾 唔會燶又唔會太淡太濃 味道票過不失Anyway 下次會再去食 …Read More

今日同男朋友去試吓呢一間土瓜灣嘅新串燒比起一般嘅串燒鋪佢算係裝修比較精緻同埋新派個地方唔算話好大 個環境比較幽靜啲仲有大螢幕播足球 啱晒鍾意睇波嘅男友嘢飲方面 雖然選擇唔係話好多 但係居然有生啤 同朋友吹水嚟幫襯 的確幾好feel而嘢食方面就係重點啦平時去食串燒嘅話等到2046都未有得食但如果你睇住佢燒 玩法又唔同喎 因為佢係開放式嘅廚房 咁你就可以睇住佢燒成點同埋個衛生情況我推介大家一定要食佢嗰個燒鱈魚乾 沙律丸 燒鰻魚 同埋炸饅頭 莎莉蛋糕呢幾個嚟講 平時嘅串燒鋪一定唔會食到之餘佢嗰隻我直頭係覺得好好味🥺特別係炸饅頭 老闆好好人叫佢多練奶 一定會比 跟住有一樣野我係重點推介就係佢哋嗰個燒牛扒 你以為要100幾十蚊 原來只係$60囉😱份量都唔少 而且絕對唔係cheap cheap鬆肉粉牛扒抵食過出面嘅一口牛好多平時閑閑哋 食出面嗰啲串燒 都要$300 仲要係難食嗰隻:(但呢度買單都唔使$300😯已經捧住個肚走大家如果有時間真係要食下 本人非常少寫食評的 但都要推介呢間野俾大家👍🏻…Read More

男朋友一早訂左位同我去個到慶祝生日一去到覺得個環境好靚 作地留左個望海景既卡位比我地而且食物既選擇都唔少餐廳職員好care每位客人 對於餐牌有唔明既地方都好主動咁作出解答同推薦我地叫左其中一個有斧頭牛排既set 佢係按g同人頭計個set既價錢雖然話就話係set但佢既前菜都唔馬呼係一個好好味既焗蠔同蜆我好怕食腥野 但一d腥味都無個斧頭牛排叫左五成熟我個人覺得個牛既質素唔錯 入口有陣炭香味加上牛既脂肪分佈岩岩好 香而不漏👍🏻最有驚喜係原來餐廳安排左個火焰雪山作為完結去過咁多間餐廳食生日飯 ✨都未試過有一間既staff係會唱生日歌比客人聽佢地做到個下好驚喜！仲要幫我揀埋個靚位影張相留念🤣我對於成個餐廳既感覺係加左50分無論係食野食質量既你 食環境既你 定係食服務質素既你 我都係好推介呢間餐廳 唯一既缺點係比較貴囉😂😂…Read More

呀姐落單態度十分差 明明佢係我面前 我叫左唔該幫我落單講哂要食咩 居然叫我搵第二個落單 話你可以搵其他人落 唔一定要叫我已經唔該前唔該後仲要態度咁差野又唔係好食 比錢買難受以後唔會再幫襯…Read More