Khyip的个人专页

成日都見到呢間餃子店，今晚終於試吓.連平日嘅夜晚 都見到好多人食！見到餐廳啲poster係松茸餃子！我哋都叫咗黎食，我哋要龍鳳松茸餃有黑松露同白松露！非常濃郁嘅松露味！出面餃子店係好少食到！一咬落去就濃濃嘅松露味走出嚟😋松露fans嘅我 覺得好好味！我哋叫咗基本口味：白菜豬肉餃餃子大大隻，餡亦都好多！ 煎都好香口！而且亦都有唔同嘅醬汁可以配搭！另外我哋叫咗重慶鮮肉雲吞一聞到啲湯，就流晒口水🤤食完一啖又一啖,辣既程度唔會太辣！份量亦都好多.我哋再叫咗四川涼皮.餐廳好貼心咁將辣分開，如果唔係食得好辣嘅，可以按照自己嘅程度撈！涼皮食落去都好滑溜😋我哋仲叫咗佢自家整嘅山楂雪梨水，最啱而家乾燥天氣飲😋…查看更多

以前接觸嘅金鳳裝修比較老派咁啱行開街 見到間餐廳既招牌吸引咗去望原來係金鳳而家變得非常新式同年輕啲感覺去到門口拎飛嘅時候 侍應都好有禮貌唔同以前😬😬😬等咗一陣終於有位侍應又會好熱情帶位未用餐 感覺已經好好我哋叫咗貴族牛扒餐（美國牛肩肉） 5成熟由於好耐無食過扒房 我哋叫咗鐵板上 待應倒汁落去 吱吱聲 好有懷舊感覺🤣🤣牛扒肉汁足夠 非常嫩份量亦都好足夠 其一份牛都已經夠我哋兩個人食！然後我哋叫左咖喱羊肉飯個咖喱香料十足 喜歡重口味既一定鐘意！羊肉亦煮好冧😋😋飲品🥤叫左杯唂咕 真係未飲過其實係味道似阿華田、美祿，又似朱古力既飲品我覺得係無朱古力甘甜既飲品好少茶餐廳見到今晚食得非常滿足…查看更多

琴日黎左間以貓貓做主題嘅餐廳🤪入到餐廳嘅氣氛，感覺好開心我哋叫咗個厚切和牛猫罐头超抵食！有五款肉提供！全部啲肉都好Juice塊宮崎A5和牛，一煎就好吸引🤩超香！雪花亦好靚！👍🏼👍🏼好好味！黑毛豬五花望落好肥，但煎完好香口！邪惡東西 ，特別好味🤣厚切美國牛肋，好juicy!平時燒肉好怕乾真真，但呢度啲肉都唔會！我哋問店員有咩推介，佢就推介咗貓抓藤椒雞.非常之惹味，好鍾意食辣嘢，啲青花椒好香，雞肉醃時間都好夠 好入味🤪食夠肉，我地叫左貓抓焦糖布丁同埋貓抓鮮奶奶凍估唔到唔係得個樣😂 通常呢啲甜品都係好睇唔好食。但係呢度嘅甜品唔錯，造型夠特別，好吸引人打卡，甜都吾會太甜！…查看更多

今晚想打邊爐，揾左間吾係連鎖店既餐廳試吓！今晚揀咗喺寶勒巷樓上嘅火鍋店！店舖嘅裝修以日式風為主，可能時間上都唔叫做太多人！咁樣仲好，食得比較舒服👻我哋叫咗個二人套餐！侍應送咗碟蕃茄俾我哋食，好好食，係啲漬　物，酸酸甜甜好開胃！主打湯底係雞白湯，濃郁嘅湯底 要飲返夠本先捨得落肉🤣套餐可以揀肉，我哋揀咗澳洲m4和牛頸脊份量都多，濃濃牛味，配上湯底非常好食！另一方肉類，我哋揀咗日本羊肩肉！淥2下就全熟，羊肉吾會太騷！重頭戲就係呢個拼盤海鮮！鮑魚超新鮮同大大隻，上碟啲鮑魚喺仲係會郁🤪蝦同大沙白都係好新鮮 ！蝦肉爽甜同沙白都廿沙，啖啖肉！個套餐有配烏冬，最後將雞白湯淋上去！就變左雞白湯烏冬！…查看更多

見好耐冇去女人街既餐廳食飯，所以專登搵咗間係女人街嘅餐廳食晚飯.好耐冇見到你間餐廳紅噹噹裝修，覺得一定食辣嘢應該唔錯😂餐廳出邊都擺咗banner推介雞煲放題，我哋就俾佢吸咗入去啦但係我哋入到去發現仲有其他嘢食吸引，我哋叫咗烤魚放題！我哋揀咗香麻辣烤魚！佢係半煎炸咗，望落去脆卜卜！等烤魚滾嘅時候真係好難捱，因為一路滾啲香氣就一路飄上嚟😂呢間嘅烤魚，一嚟到就放咗好多配料喺度有金菇，豆腐皮，萵筍，蓮藕同埋鴨血！啲鴨血超入味！金菇索晒啲麻辣汁，超正！魚肉熟既程度嘅啱啱好！唔會係一早已經炸炸熟晒！食完烤魚係可以放題食火鍋配料！以為應該係會揸流攤，點知啲蔬菜係好新鮮，同埋牛柏葉係爽既！肥牛嘅質素都好好！仲要呢度係有得食一杯Häagen-Dazs雪糕！飲品任飲！覺得呢間非常抵食…查看更多

今晚想同老公一齊打邊爐，佢話食過呢間火鍋性價比好高，所以叫我同佢一齊食！我哋去到先六點幾睇坐滿七成！見到餐廳做緊promotion 吃300送300現金劵既活動！好似好抵甘！首先待應會問要一個湯定係鴛鴦鍋.我哋揀咗鴛鴦鍋，有辣有唔辣😋之後我哋就揀肉類，羊係必點！首先，我哋叫左塔拉上的快樂卷同美國牛肩胛我哋兩個人食，淨係叫咗小份.我仲以為會好少，點知原來份量都可以咼！羊肉吾羶，非常嫩口！配埋個湯底，好好味🤪牛肉都唔錯😌呢間餐廳好好 大部分都可以叫半份，滿足晒我呢啲眼闊肚窄既人🤪呢個薄皮韭菜盒，煎到脆加埋韭菜，好好味！先13蚊，其實食呢個都飽飽地😂熟悉我哋就再叫埋呢串蒙式烤羊，充滿孜然粉，羊肉又唔會燒到好硬！我哋仲叫咗凍豆腐/鬼馬墨魚滑！吸哂個湯底好好味🤤呢間餐廳非常之抵食，性價比好高！…查看更多

今日係假期，所以想揾間高質餐廳享受下！我哋揀左食呢間可以一路食飯 一路可以欣賞海景❤️一入到餐廳，待應就示意我地去吧枱坐。食鐵板餐就係最好坐吧枱，因為可以望住廚師烹調食物比自己，順便偷下師😂我哋揀左經濟一啲既lunch set!前菜好難得未煮過既蕃茄都會覺得甘好味，酸酸甜甜，好開胃🤤大池魚 金目鯛刺身師傅有話我地要先食邊件，甘就吾會搶左味道到食壽司，師傅係我哋面前握飯團，視覺得豐富，未食都覺得好味啲😂然後到主菜我揀左帆立貝配海苔帆立貝上面舖左魚籽海苔加上大大粒既帆立貝師傅吾會燒得過火😋另外香煎鵝肝配藍苺醬擺盤已經好靚，加上鵝肝煎得好香 配埋多士一齊食 超級好味薄燒牛肉 好好味 以為會太生，係岩岩好 配埋師傳即整既蒜片😋超好味仲櫻花蝦炒飯同面豉湯初頭仲驚吾飽，真係好味！我見呢排餐廳有優惠，遲啲再食☺️…查看更多

荃灣廣場有好多餐廳選擇，經過見到呢間泰餐裝修幾靚，就入咗去幫襯😂餐廳門口擺放咗好多甜品，好似好好食甘😝Menu 啲嘢食好吸引！我哋叫咗*泰式蝦餅*熱辣辣，唔會太多炸粉，配埋蝦片！咬落都好q彈！😋另外我哋叫左*泰北咖喱雞髀麵*份量都幾多，雞髀煮到好腍！味道貼近我係清邁食過既味道！上面炸麵唔會好油膩，但又鬆脆😋我哋再叫左*辣椒膏炒蜆*待應一放上嚟香噴噴，啲蜆都吾發覺有沙！而味道夠惹味！食泰國嘢梗係要有沙冰😂大大杯，透心涼我哋仲叫左大大隻既燒河蝦🤪待應招呼我哋入座既時候，就推薦食河蝦，話今晚新鮮！肉質彈牙！最後我地叫左甜品做總結😂金莎朱古力千層多士超邪惡！面包都好鬆軟，多士加雪糕一齊食，感覺好夾🥰…查看更多

呢排人人都興北上，但我又冇時間上去，唯有喺香港食啦！ 今日終於試到之前新開張人頭湧湧嘅餐廳！我哋食咗餐牌寫上一年只賣45天嘅菜式！可以話係春天限定！侍應介紹我哋食呢幾道餸菜，貌似好平凡，但我有坤😂我哋食咗*小筍炒臘肉*春天嘅筍，食上嚟好似都比較嫩，配上臘肉一齊炒，就覺得10分夾！另外叫咗*香樁炒雞蛋*係湖南特有嘅香葉去炒雞蛋，唔嚟呢度都唔知道有呢種材料！我哋仲有叫咗*雪豆酸菜肉沬* 呢味餸酸酸辣辣，好適合配飯！我哋甜品仲叫咗個*油炸鬼糍粑*呢個係估唔到咁好味！油炸鬼同糯米，原來係好夾！軟軟內內，味道又唔會太甜！啱晒我口味！不得不提只要喺平台推介食物，就有免費大大杯檸檬茶！1L甘大杯，飲得非常之爽😂…查看更多

happy Friday，要食個燒肉慶祝一下😂屯門市廣場有好幾間燒肉，今日試咗間可以食燒肉又可以打邊爐嘅餐廳😋餐牌有好幾個選擇，主要就係睇吓想食邊款肉！我哋就揀咗食安格斯和牛（樂放題）放題有得任食三文魚刺身同有得食壽喜燒鍋侍應好好，我哋會話俾我哋知出邊有小食同飲品甜品可以自助取！當壽喜燒鍋到咗嘅時候，侍應會提一提我哋記得要點寫住SRF嘅牛肉，肉質會比較好！呢個都好unexpected, 難得嘅細心👍🏼超多選擇可以食，單單係小食，有炸帶子/牛肉薯餅/麻辣魚皮等等😋😋淨係食小食都食到飽😂講到燒肉，好多肉類都會有唔同味道揀，有原味/鹽/味噌/辣，可以迎合唔同口味嘅顧客！海鮮都好，令我驚訝😂叫咗生蠔，估唔到都算大隻同新鮮，我叫咗好多次😂超滿足…查看更多

佐敦好多好嘢食，今日搵咗間湘菜餐廳試吓！餐廳裝修感覺好老字號！菜單裏面有好多選擇！搞到心大心細，唔知食乜好！我哋叫咗個水煮魚！嚟到嚇親我哋！😂超多魚！我哋叫咗小辣，但係見到個煲紅油滿滿，超多辣椒，以為都會好辣，反而味道好香👍🏼👍🏼入面配料都唔少，有薯粉，雲耳同埋萵筍！另外我哋叫咗青椒炒肉片，好似返咗深圳食一間好著名餐廳嘅一道菜咁😂 平時唔鍾意食青椒嘅我，竟然會係咁食，炒得非常之香口！去得食湘菜或川菜，我最鍾意就係叫辣椒炒包心菜🤪🤪 呢度炒得非常出色，炒到啲菜非常之入味！我哋仲叫咗涼拌魚皮😋魚皮非常之爽口，份量亦唔少，極都好似食吾完甘！由於我唔食芫荽，待應都好好，幫我走晒啲芫荽！…查看更多

今晚是喺北京道1號食飯，入到餐廳，安排我哋坐窗邊位.然後我哋就哇左一聲😂原來係無敵大海景嚟㗎，睇到維港景色1881，都未試過用呢個角度嚟睇！但可惜今日有霧😮‍💨餐廳裝修都好有情調，好多花花嘅裝飾，而且一入門口就係吧枱，應該係可以同朋友喺度chilli下😂餐牌有超多嘢食，我哋都要望咗一陣先至決定到叫咩嘢食！因為樣樣都好吸引！我哋叫咗個甲羅燒入邊有海膽，蟹肉海籽等 超美味！仲要有侍應幫我哋處理，我哋就喺度等食😂然後叫左吞拿魚芝士卷，超多吞拿魚，食落去口感好豐富！我哋仲叫咗啲串燒（牛舌/牛肉/大蔥雞肉/雞腎 ）好少燒雞腎係會唔乾，竟然係juicy😋另外我哋叫咗個天婦羅，都好出色，粉漿唔會太厚，食落都冇咩有油益味！最後我哋叫和牛石頭鍋飯😋牛肉固然好味，石頭鍋飯又有飯焦！好好味…查看更多

今晚經過尖東食飯，見到間烤肉我哋就走去望吓！先知道原來呢間烤肉店全中國都有好多分店！有成幾十間㗎喎！咁就試吓係咪真係咁好味先😂我哋兩個人叫咗個二至三人餐！肉肉未到之前，侍應已經準備醬料同生菜.仲有啲前菜，好似有薯仔沙律，醃製嘅菜.肉未到，就已經擺滿晒成張枱.套餐入邊有好多款肉，有老太太特色肥牛 老太太特色瘦牛 澆汁橫隔膜 雪花肋條 厚切豬五花 錫紙金針菇 芝士粟米初頭以為會唔夠食，點知原來嗰份量都唔少！醃製過嘅牛肋條，我就覺得最好味，因為唔會太肥，而且都會有肉汁！肥肥嘅厚切豬5花，超級香口！因為我哋將佢燒到脆卜卜，燒走晒啲豬油出嚟，自我感覺冇咁肥膩😂包埋生菜同醬料一齊食非常之夾!呢度幾侍應好幫忙，見到我哋燒就會問使唔使幫手！呢度環境唔會太過擠迫，所以都好推介同朋友一齊嚟食！…查看更多

今日同老公好懶惰，唔想煮飯.喺屯門經過一間壽司外賣專門店就幫襯咗！門口擺咗幾塊餐單嘅board,我哋望到啲菜式好似吸引，所以就想試吓！入到去發現原來舖頭唔止淨係賣食物，仲有好多唔同嘅烹飪材料/急凍食物/同埋日本嘅手信.雖然舖頭細細，但感覺都幾多元化.原來呢間專門店仲有賣羊腩煲同雞煲.見到都好吸引，下次先試！我哋今晚主題係日本嘢😂我哋買咗一盒大生蠔，入面起碼有40隻以上嘅生蠔！超級多！食落都幾鮮味！我哋兩個食極都食唔完😂唔使剝殼，就咁夾嚟食真係好爽我哋仲叫咗個壽司拼盤入邊有腐皮壽司/三文魚壽司/蟹柳壽司/八爪魚沙律軍艦/天婦羅蝦壽司/蝦壽司都不過不失啦，三文魚食落都好鮮甜！另外我哋叫咗鰻魚飯估唔到鰻魚有成大半條，鰻魚汁都好濃郁！…查看更多

今日去咗中環同食咗一間小巷入邊嘅西餐位置位於蘭桂坊旁邊，所以都好好揾！餐廳少少，但裝修非常型格！一入到去就會見到個open kitchen .可以睇住廚師煮嘢食嘅過程.首先，小菜我哋揀咗《牛肉他他》每間餐廳嘅牛肉都會有啲分別，呢間就好多芝士，擺盤好吸睛，夾埋個多士一齊食非常配合！另外我哋叫左《龍蝦湯蕃茄長通粉配雞胸》呢個味道真係有驚喜！發生以為係比較稀，似食湯粉.原來係龍蝦湯煮到好濃，煮多啲通粉吸晒啲味！個雞胸原來係慢煮嘅，所以個肉質就會比較爽！感覺非常之有誠意！最後我哋叫咗類《慢煮伊比利亞黑毛豬配秘製杏脯醬》因為係呢一款豬，所以餐廳可以選擇唔煮全熟，餐廳店員特登話俾我哋聽見到肉質粉紅唔使擔心😂呢個位都係加分點由於唔係全熟嘅關係，所以豬頸肉質比較嫩！…查看更多