eateasy ho's Profile

呢餐飯真係好有誠意，每一道菜都好精緻，唔單止食材新鮮，仲將日式嘅細膩呈現得恰到好處，食完真係回味無窮🥰🥰同朋友分別揀咗瀧同宴兩個餐，分別係瀧餐有鮑魚同多兩款刺身，宴餐就有鵝肝同多兩款壽司 🥢 前菜北海道高野豆腐高野豆腐吸晒高湯精華，口感綿密又有層次，淡淡地帶出豆香，係一個好靜好柔嘅開始🐟 季節刺身馬刀貝爽口彈牙，深海池魚脂香細膩，鰤魚肥美嫩滑，赤海蝦鮮甜多汁，每款刺身都充滿鮮味🍣 精選壽司馬刀貝壽司保持咗佢爽脆質感，配埋微酸嘅醋飯好清新；左口魚壽司入口即化，炙燒過嘅油香充斥住口腔🦆 法國鵝肝鵝肝係宴先有，鵝肝香滑濃郁，橘子嘅果香同酸味啱啱好中和咗油膩感，呢個配搭幾有創意🦐 野生大虎蝦虎蝦肉質彈牙，鮮味十足，簡單烹調已經好出色，唔需要多餘調味，食材本身已經好有說服力🥩 美國頂級牛肉一次過有兩種唔同食法，先食薄燒牛肉包蔥，牛香同蔥香互相提升；牛柳粒外脆內嫩，肉味更濃，配埋蒜片食更加香口，兩款牛肉都好有層次，令人食到停唔到口🐚 南非鮑魚鮑魚只包喺瀧餐，肉質厚身彈牙，鮮味濃郁，烹調得啱啱好，保留咗海水鮮味之餘仲可以沾海鮮醬一齊食，更增添另一種風味🍳 櫻花蝦煎蛋炒飯炒飯粒粒分明，半生熟嘅蛋汁撈飯一流，同櫻花蝦嘅鮮香好夾，食落有種溫暖嘅感覺，但又唔失高級感，係一個好完美嘅收尾🥬 炒雜菜配芝麻醬雜菜炒得爽脆，芝麻醬係自家製，唔係沙律醬嗰隻，反而近似惹味嘅XO醬，香濃但唔會搶味，係一道好健康又好味嘅配菜，令整體餐單更加平衡…Read More

去完西沙Go Park玩想搵野食，但又唔想食連鎖店，畀我搵到一間都幾就腳嘅餐廳，點知好有驚喜，真係無揀錯！呢餐真係好有誠意，每一道都見心思~🫶🏻🫶🏻🌶️ 辣酒煮花螺一上枱就聞到酒香同辣味，花螺爽口彈牙，辣得啱啱好，唔會搶味，反而令螺肉更惹味。好適合作為開胃前菜🐟 三式刺身（三文魚、油甘魚、北海道帶子）刺身新鮮度爆燈，三文魚油脂豐富，入口即溶；油甘魚肉質細緻，魚味濃郁；北海道帶子鮮甜滑溜，夠厚身嫩滑🍶 清酒煮蜆清酒煮蜆湯底清澈，酒香溫和，蜆肉鮮甜無沙，飲一啖湯即刻暖晒個胃，好舒服。🔥 🍱鹽燒黃腳鱲定食估唔到香港都有得食到咁出色嘅鹽燒魚，仲要係用香港嘅黃腳鱲，別有一番風味，燒得皮脆肉嫩，魚油滲出嚟好香，燒魚火喉控制得好，唔乾唔腥，配白飯食好滿足🍣 壽司Set（吞拿魚、三文魚腩、三文魚、真鯛、油甘魚、玉子、熟蝦、火炙蟹棒、厚燒鰻魚）壽司Set款式多，視覺同味覺都滿足。三文魚腩油脂豐厚，火炙蟹棒加埋芝士無得輸，厚燒鰻魚甜香濃郁，玉子壽司甜而不膩。每一貫都見到師傅嘅功夫🥃 威士忌薩摩芋呢道甜品真係有驚喜！將日本番薯焗得外脆內糯，甜度天然唔膩，沾上威士忌同砂糖一齊食，酒香滲入薯肉，帶出微微甜味，層次好豐富。威士忌冇搶味，反而令薩摩芋更有深度，係一個完美又有格調嘅收尾…Read More

今次我哋兩人利嚟到銅鑼灣世貿中心嘅牛陣HANARE，呢間餐廳專注於壽喜燒同涮涮鍋，環境設計得相當舒適，木質裝潢令到整個地方充滿日式風情，適合朋友聚餐或者情侶約會。我哋今日食咗兩個午市套餐，一個係鹿兒島黑毛和牛壽喜燒，另一個係本日海鮮推薦既shabu shabu首先講下壽喜燒，牛肉質感好柔嫩，真係入口即化，加上攪拌後嘅生雞蛋蛋液及壽喜燒甜醬汁同新鮮蔬菜，口味十分地道。至於shabu shabu，大蝦、蠔同魚片都非常新鮮，高湯清爽，煮好之後搭配上調味醬，海鮮嘅鮮味完全被保留，好食到唔想停口音樂啊，飲品方面，我哋選咗柑橘檸檬梳打同埋荔枝紅茶，清新又解膩，特別適合搭配火鍋嘅餐點。最興奮係餐廳仲提供芝麻味雪糕任食，濃郁嘅芝麻香味就算好飽都可以食到兩碗…Read More

今次我哋嚟到尖沙咀海防道樓上的852居酒屋，呢間餐廳主打日式居酒屋風格，環境方面相當舒適，木質裝潢加上柔和燈光，營造出一種放鬆嘅氛圍，非常適合朋友三五聚餐或者想一邊飲酒一邊享受美食嘅人🎉🎉🫶我哋今日點咗一個冬日暖流二人前，仲加咗一個匙盛一口壽司六件。首先，二人前嘅三色季節刺身拼盤，色彩繽紛，擺盤精緻，鮮魚質素非常高，入口即化，特別係帶子同三文魚，鮮味十足北海道產真蠔大隻之餘海味濃郁，配上檸檬汁，口感清新，真係好正！再講講鐵板帶子，帶子煮得剛剛好，外脆內嫩，味道保留咗海鮮嘅鮮甜燒物拼盤包含廚師精心發辦嘅五件燒物，都燒得恰到好處，香氣四溢，搭配上特製醬汁，味道更加出色。我特別中意荔枝豬肉串，整體非常配搭牛肉壽喜燒就係另一個亮點，牛肉鮮嫩唔會過老，煮熟後吸收咗醬汁嘅味道，搭配上新鮮嘅蔬菜，整體味道濃郁又唔膩，真係好抵食至於加咗嘅匙盛一口壽司六件，每一件都新鮮，米飯嘅口感軟硬適中，海膽帶子全部都好出色，配料亦有特色，令人一口接一口，停唔落嚟。最後連甜品都估唔到咁有誠意，用黃豆粉蕨餅配搭鮮忌廉餡嘅麻糬，仲有紅豆蓉，完全呈現返日式甜品嘅風味，呢一餐由頭到尾每一道菜都咁好食，真係好難得總之，852居酒屋嘅餐點質量高，環境舒適，係一個好適合聚餐嘅地方…Read More

知道夏麵館出左蟹粉menu即刻揾手去食！平時都覺得佢啲菜式有質素，今次都無失望～～蟹粉炒粉皮呢個真係無嗌錯！蟹粉味勁出，啲粉皮都吸晒啲蟹粉精華，啖啖香濃蟹粉撈飯蟹粉撈飯又係另一種食法，用煲上更加有風味，煲底仲要有飯焦香，睇得出係鮮拆，唔係啲化學螢光色嘅色素蟹粉，撈埋啲粒粒分明嘅飯，真係一啖接一啖停唔到開心果高力呢排最hit嘅就係開心果，好多甜品都會出開心果味，估唔到可以咁配搭，味道超濃郁，食得出真材實料～…Read More

最近我去咗一間意大利正宗餐廳，點咗兩個set餐，整體體驗都幾滿意，抵食服務又好！佢晚餐有幾個Set 揀，我揀咗嘅Set 1有半隻意式烤雞，雞肉外皮金黃酥脆，肉質鮮嫩多汁，仲帶有香草嘅獨特香氣，真係好正！配埋新鮮嘅蘿蔔、青椒、南瓜等等嘅蔬菜，中和左油膩感，同埋一定要睇吓佢個薯仔，真係做到外脆內軟好惹味脆口～跟住就係意式雜錦豆湯，呢碗湯好少喺出邊嘅餐廳飲到，望落清淡，但飲落都好香濃郁，同香料搭配得好好最後，甜品可以揀意大利雪糕或者意式蛋糕我見佢本身間餐廳有埋好多唔同口味嘅意式雪糕，最後揀咗朱古力意大利雪糕，雪糕滑順，朱古力味濃，真係幾高質第二個set係蜆肉意大利麵，麵條煮得剛剛好，配上新鮮嘅蜆肉，海味十足。整道菜嘅醬汁清爽，唔會遮蓋蜆肉嘅鮮味，好authentic嘅意式做法另外仲有個招牌IBP意式沙律，好特別冇食過呢種配搭，有吞拿魚，烚蛋同綠豆，配上油漬過嘅蕃茄乾，清新得來又有幾種層次最後個friend揀咗士多啤梨雪糕，唔會有好假嗰啲士多啤梨味，甜而唔膩，完美咁結束咗呢一餐!…Read More

前排去咗東薈城間牛気火鍋，估唔到佢間舖好大好闊落，坐得好舒服😌我哋揀左level 4個套餐，湯底揀咗北海道蛤蜊魚湯，話說呢個係和洋祭限定嚟㗎。個湯香濃鮮美，啲蜆夠大隻鮮嫩呢度度啲食物選擇好豐富，牛肉都已經有好幾款，澳洲穀飼黑安格斯牛肉味濃又大大塊。SRF美國極黑牛就油花豐富，入口即溶，仲有特選牛小排，一定有一款啱食海鮮方面都唔執輸，日本帆立貝同大海蝦都新鮮，其他配料仲有豬肉、雞肉、餃子、花膠，連牛骨髓都有，質素全部都中上～如果仲想食多啲唔同嘅嘢，佢仲有一堆熱葷，好似關東煮，紅酒燉牛肉咁最驚喜嘅係仲有三文魚刺身任你嗌，同埋期間限定嘅烤芝士生蠔，肥美到癲。甜品方面都幾有heart，除咗而家大熱嘅巴斯克蛋糕，仲有脆皮提拉米蘇，真係唔係周圍放題都食到。總括嚟講，呢度嘅嘢食真係多到你唔信，食材新鮮，味道又好。唯一嘅遺憾就係個胃實在太細，真係想多幾個位都唔夠。絕對值得再去試吓！…Read More

呢次去 airside入面嘅 Chatterbox Cafe，好感受到新加坡飲食文化嘅精萃，食到一啲平時唔會食到嘅菜式馬來特色炸豆腐 - 高吹皮薄漿係似臭豆腐嗰種，又脆又嫩，配搭特別嘅馬來咖哩醬好惹味炸素春卷 - 皮薄餡靚，唔會好油膩同埋入邊嘅蔬菜豐富咗口感雜菜沙律 - 同我想像中嘅完全唔同，用特製沙爹醬做醬汁，食材有青瓜、薯仔、洋蔥、四季豆，加埋蝦片雙重爽脆，refreshing得嚟又好香口文華海南雞飯 - 一定要試嘅招牌菜同埋建議嗌雞髀肉，雞肉鮮嫩多汁，配合買飯嘅油香真係一啖都唔想放過招牌大蝦喇沙 - 超濃郁嘅椰香，同埋識得出喇沙湯底係手工熬製，真材實料，啲大蝦仲要剝埋殼，食得超爽蠔油小棠菜 - 每一棵到咁大棵鮮嫩，簡單用蠔油吊味就已經好夠，新鮮就係好芒果菠蘿梳打 - 入邊超大粒菠蘿肉，夏天飲好解渴清涼四季柑飲 - 酸酸甜甜又清爽解膩，養生之選斑蘭蛋糕配椰子雪糕 - 唔會過甜，蛋糕都幾鬆軟，估唔到甜品都咁高質…Read More

呢間係尖沙咀嘅潮州餐廳真係可以encore! 通常潮州菜俾人個印象都好貴，但呢間性價比高之餘，食物質素都好好👍🏼魚翅撈飯：魚翅撈飯成日聽，但今次真係有得食，魚翅湯汁好濃郁，飽滿鮮美，真係有幾塊翅㗎，撈埋白飯食好正，一啖接一啖，仲有例湯飲$88去邊度搵咕嚕肉：呢度嘅午市都好抵食，只係加$30就有一個小菜，仲要有咕嚕肉揀。唔係講笑，呢度嘅咕嚕肉個外層係酥脆，入口即化，肉質軟嫩多汁，係我食過最好食！下次一定要叫大碟滷水拼盤：雖則係加30蚊嘅小菜份量，但食材應有盡有，有墨魚、豬腩肉、鵝片、紅腸，每樣都滷得好入味，尤其係墨魚好爽脆，鵝片都啖啖肉，出色！總括來說,呢間潮州餐廳除咗有出色嘅料理之外,服務態度都好好，而且環境夠大又乾淨環境佈置，會再嚟食其他嘢！…Read More

呢間餐廳係荃灣plaza 88，感覺好有氣氛同格調，想飲下嘢一班 friends聚下都好適合～嘢食方便主要以 pizza pasta為主，另外都有唔少墨西哥菜，選擇種類多，唔怕揀唔到啱心水火腿菠蘿披薩 - 披薩底香脆金黃，有香濃的馬蘇里拉芝士、充滿鹹香嘅火腿同香甜嘅菠蘿，加埋牛至的香氣，同千島醬好夾自製雞肉nacho - 呢道前菜個份量成個主菜咁～ 番茄莎莎醬、馬蘇里拉芝士、墨西哥辣椒、牛油果醬、黑橄欖和酸奶油，撈埋一齊食fit晒～大蝦芒果鱷梨沙律 - 好足料嘅沙律，新鮮大蝦搭配香甜芒果同軟滑牛油果，層次感好豐富巧克力布朗尼 - 外層酥脆，內部濕潤紮實，加埋巧克力的香氣超濃郁，同雪糕一凍一熱雙重enjoy …Read More

最近係荔枝角搵食嘅時候發現左呢間係工廠大廈嘅cafe，上到樓感覺截然不同，呢度嘅氣氛好優雅別致～有一刻覺得自己處於歐洲 柚子大蝦沙律伴秘製甜酸汁 - 呢款沙律個樣好靚，色彩鮮豔，清新嘅柚子香氣加埋大蝦ge鮮嫩多汁，味道酸甜恰到好處煎盲曹魚柳伴香辣莎莎醬 - 啲魚柳煎得金黃酥脆，內裡嘅肉質鮮嫩多汁，配上香辣嘅莎莎醬完美地平衡咗魚嘅鮮味同辣味，值得推薦提拉米蘇 - 濃郁嘅咖啡香同滑順嘅cream cheese奶油，每一啖都好有層次感Mightyleaf tea 有機茉莉山泉 - 呢度嘅飲品選擇都幾豐富，而呢杯茉莉山泉茶成壺上，清新芳香，令人心情放鬆…Read More

知道奧運海旁開左間新中菜，仲要係酒店入面，即刻走嚟試下～入到去環境好寬敞，感覺好舒服，仲要一坐低就serve合桃酥，連d茶都會熱住，服務好周到，未走都有賓至如歸ge感覺合桃酥 - 佢嘅外觀金黃脆脆，一入口就感受到杏仁同合桃嘅香味，香甜鬆脆高湯海參灌湯餃 - 餃子裡面灌滿咗濃郁嘅高湯同鮮嫩嘅海參，一咬落口就感受到湯汁嘅鮮味爆發，同時又有海參嘅鮮甜味道。個湯餃皮薄薄咁，口感滑嫩，超級推介花膠珍珠雞 - 一開就彌漫著濃郁香氣，糯米飯軟糯得黎有趙口，花膠令層次更豐富，加埋惹味XO醬，令味蕾好滿足金箔鮮蝦餃 - 餃子皮透明晶瑩，內裡包著鮮嫩多汁嘅蝦肉，加埋金箔作點綴，賣相真係靚到無得輸！古法馬拉糕 - 佢嘅質感好軟綿，入口即化，都值得一嗌芥末美國石蠔卷 - 一咬落去啲石蠔鮮甜多汁，加埋個酥化脆皮，真係好好食！宮廷紅棗盞 - 有成三大舊盞仔，紅棗滋味濃郁，係養生之選蛋白杏仁茶 - 呢杯茶香氣撲鼻，杏仁嘅香味濃郁，而蛋白令茶湯更加滑順。呢杯茶唔止好味，仲有養顏美容嘅桃膠，滋補又健康…Read More

今日呢間餐廳係西環海濱，離遠一睇就已經見到佢，因為超級靚，好似去左歐洲咁，環境無得輸。一開始就會送上麵包籃，好有heart，有兩款醬可以揀，包括南瓜忌廉醬同煙肉蒜蓉，香濃好味，麵包啱啱焗起，外脆內軟紐西蘭海鳘蝦意大利飯 - 呢道菜用上高質素嘅紐西蘭海鳘蝦，同埋碳燒鮑魚、青口，加上creamy ge忌廉醬同羅勒調味，每一口都好鮮美，海鳘蝦肉質鮮嫩多汁，碳燒鮑魚有獨特嘅炭燒香氣，忌廉醬令口感更豐富，而意大利飯完美地融合咗所有嘅配料然炭烤牛骨髓意大利手闊條麵 - 呢道菜用上慢煮嘅和牛面肉，炭烤嘅牛骨髓味道好濃郁，質感嫩滑綿密，帶嚟獨特嘅口感享受，紅酒牛尾醬嘅豐富口味令整道菜更有層次感，京蔥絲就帶嚟一絲清新嘅香氣，闊條麵嘅彈牙口感令呢道菜更加完美Gin tonic no gin - 呢款係無酒精ge mocktail，以清新嘅口感為特色，唔會有傳統嘅gin ge辛辣味道，反而超fresh嘅氣泡同橘子乾嘅香氣The red queen 紅心Q - 呢款就係cocktail，上檯個時覺得好amazing，仲會出煙，用熱情果浸泡嘅rum為基底，散發濃郁嘅熱情果同新鮮草莓香味，再加上荔枝同薄荷更加芳香撲鼻。總括而言，呢間餐廳提供一個好好嘅食物體驗。無論係海鮮定係肉類嘅菜式，每一道都展現咗餐廳對食材揀選同烹飪技巧嘅用心…Read More

今晚去咗尖沙咀文化中心附近嘅餐廳，本身牧羊少年好多分店，但呢間比較特別，叫牧羊少年同他的浮萍。果然內有乾坤，餐廳唔單止好闊落仲有展覽睇，感覺好舒服。首先試咗佢哋嘅嫩菠菜奶油烤菇叫貓耳朵，貓貓耳朵本身口感比較煙靭，而且個造型掛汁，令白汁忌廉嘅味道更加突出，奶油好香，亦唔會搶左菠菜同烤菇嘅鮮香。黑啤美國慢煮牛肩肉配暖墨西哥餅 - 估唔到慢煮牛肩肉嘅肉質咁腍身，加埋濃郁嘅醬汁同墨西哥餅好夾時令烤海鮮拼盤 - 呢個拼盤份量好足好大份有大隻虎蝦同扇貝，仲有蜆、魷魚同比目魚柳。海鮮用義式調味料烤煮，辣得嚟好惹味，海鮮都好新鮮，十分滿意最後，一定要食埋佢哋個甜品無花果合桃焗流心芝士撻，擺盤本身已經好靚好吸引人，仲要好滑好好食，撻皮香脆，口感好豐富。特別嘅係，撻裡面嘅流心芝士加埋無花果同合桃，味道特別好食。…Read More

好耐冇食到居酒屋啦，因為覺得菜式好似差唔多，冇乜新意咁。不過呢間喺銅鑼灣嘅日式居酒屋好多朋友食過都讚好，真係驚喜到我！環境好有日本風味，連餐具都好精緻，用餐體驗好好馬友一夜干 - 口感鮮嫩多汁，肉質又甜又鮮美。烤得啱啱好，外皮酥脆，入面嘅肉仲保持住嫩滑嘅質感。同埋如果配埋啲酸汁同埋蘿蔔蓉食，就更加清爽解膩，自己食晒成條都仲得六貫壽司盛 - 新鮮就係好食，左口魚裙邊嘅魚肉好鮮嫩，口感好細緻；大拖羅入面嘅魚肉軟嫩，油脂豐富好入味；池魚配上三升漬更加突出鮮味。而且仲有時令嘅老翁肉，質地緊實，咬落去好有彈性同口感爽口。每一貫壽司都高質五色鱚揚 - 色彩繽紛，睇落好開心。其實五色係指脆米，令到外皮更加金黃酥脆。而魚肉內裡鮮嫩多汁，唔止係味覺享受，仲係視覺享受。野菜天婦羅盛盒入面嘅露筍、冬菇同番薯都炸得好酥脆，口感好適中。露筍嘅鮮甜同冬菇嘅香味互相襯托，而番薯就加埋甜味。日落呢道菜真係充滿詩意。其實係薯仔蛋黃醃漬蝦沙律，橙色嘅鮮蝦肉質鮮嫩又脆口。再加上綿密細緻嘅薯仔蓉，最令人驚喜嘅係中間藏住嘅橙紅色蛋黃，帶嚟濃郁嘅口感同香氣。吞雲吐霧 - 昆布香脆又鬆化，再配上一口煙燻芝士。唔止口感豐富多層次，仲有木炭焦香同芝士嘅香味喺口腔度綻放，真係好特別同好好食…Read More