貓姐姐's Profile

三月初某個周六已經和🐷媽媽到訪試了一個二人餐，印象非常好，念念不忘。今日家人放假，所以再來到訪一次。可能香港人假日都北上關係，今日假日竟然沒有滿座（之前都需要事先訂位）我地一家四口點了一個二人餐，和兩個一人餐。🐷爸和🐷弟吃二人餐，🐷媽和貓姐姐吃一人餐（因為上次已經試了二人餐）兩次用餐經驗都很好，雖然是鉄板燒，但廚師會不同方法烹調食物，而且配上自家製醬汁提昇食物嘅鮮味。最深印象是季節燒魚，雖然叫燒魚，但其實炸魚比較貼切。廚師會先用油炸然後在鉄板上煎，口感非常脆嫩。另外甜品焦糖多士也很贊真的吃一整塊也不夠午市一人䱗$380已有9道菜，性價比高遲啲會試埋晚餐。如果日後菜單可以再有變化更加好，會再支持用心小店…Read More

今日午餐去了Yoho臺北棧好耐無食台灣野，點了一碗招牌牛肉面，黑松露滷肉飯，一份三色鹽穌雞，手抓餅披蕯和一杯蜂蜜苦瓜汁牛肉面有刀削面和寛粉可以選，我地揀左刀削面，面質彈牙唔錯，牛肉湯味濃郁黑松露滷肉飯唔係好有黑松露味，我覺得點普通可以了，滷肉汁都幾惹味，都有好多肉粒三色鹽穌雞，三色只是三款醬汁，蜂蜜芥末醬最好味，另外兩款好似芝士？和仲有一款無點醬，雞件大件，熱辣辣，就咁食已經好好味我未食過手抓餅所以唔知呢個披蕯同手抓餅有咩共同之處，但食到有陣果皮味，唔係好岩我杯蜂蜜苦瓜汁呢個價錢$48真係算细杯，佢啲杯唔似其他台式食店咁大大杯。苦瓜汁唔算苦都甘純粹想試吓但唔覺得好好飲星期六日無餐要散叫埋單五百幾都幾貴但坐位確實寛敞舒適好岩同朋友飲野傾計…Read More

媽媽朋友介紹在元朗水車館里正在試業中的Reef and Beef。那天是端午節，假日沒有提供set lunch, 所以入內幫襯的人不算多。餐廳環境舒適但帶點新裝修的油漆味。一開始奉上了熱烘烘的餐包。食物味道不錯，服務挺好，侍應也經常加水我們點了一份大蝦沙律，一份牛扒，黑松露意大利飯和一個千島海鮮Pizza。大蝦沙律蝦是龍蝦尾，很驚喜，菜也很新鮮。Pizza是日式風味，鋪上大量木魚絲。意大利飯味道比較淡，牛扒很有肉味，配上點薯條的醬是黑松露醬。埋單四人共吃了八百多元，如果假日都能提供set lunch會比較抵食…Read More

以前係雞地讀書N年後雞地鳳攸南街多左好多特色小店經常經過但第一次試呢間小茄子泰國菜除咗單點菜牌，夜晚仲有晚餐晚餐有粉面飯 + 餐飲$100以下都算幾實惠見到好多人買外賣我地叫左泰式生蝦，燒豬頸肉，炭燒牛柳和一個海南雞飯餐，餐飲加錢叫左咸檸七和一枝象啤泰式生蝦好大隻好新鮮，配埋辣汁好正豬頸肉和牛柳份量估唔到都好多下，有小小炭燒味，仲配埋醬汁，結果食唔哂打包拎走侍應好好人，見我地打包拎走，用盒仔裝左啲醬汁比我地海南雞飯雞肉嫩滑，油飯都好味，份量都多整體上今餐好滿意，上菜速度都好快好想試下冬蔭公湯不過前排整親手要戒口，下次再黎試吓…Read More

裝修之前的港畔餐廳都幫襯過幾次，無論環境、服務或食物都相當滿意因此裝修重開之後一直非常期待再次光顧，所以特別預早兩個月在網站訂位慶祝本喵的生日係Youtube已經睇過一些Youtuber嘅影片，知道之前一直心心念嘅蟹肉燕窩羮已經無再提供。我哋大約六點三到左餐廳，其實自助晚餐六點開始，所以一入到去已經見到冷盤區有一條人龍。先講環境，裝修之後座位沒以前那麼擠迫，而且還有一些是梳化位，景觀依然是餐廳的一大賣點，每位客人只包一杯餐飲，之前會提供的welcome drink已沒有提供首先冷盤刺身，凍海鮮都係一般水準，有面包蟹，蟹腳，蝦，螺和青口刺身有拖羅，油金魚，甜蝦，帶子，三文魚和三文魚子。帶子算鮮甜，拖羅唔係好肥，仲有一些現成壽司其中有海膽小卷不過無乜鮮味。熱盤唔見有鮑魚茶碗蒸有啲失望，食左燒牛肉和龍蝦，正常發揮。熱食無乜選擇，唔係好多人排隊。海參花膠果啲一早比人夾走哂之後唔覺有re-fill。花鵰南瓜鴨肝好想試但早排整親手要戒口唔食得，豬弟弟食了三次應該幾唔錯自助餐中段侍應送上每位顧客每人一客鮑魚罐湯餃，個湯底鮮甜唔錯，但有啲飽所以無食隻餃甜品試左自家製雪糕和馬卡龍，馬卡龍唔甜真係好好甜味，如果有得買我都會比錢買最後酒店送上一件小小的生日cake, 八點鐘維港上演幻彩詠香江，埋單兩個人二千蚊…Read More

今日🐷母母出街食飯屋企無人煮飯貓姐姐和🐷弟弟自己搵食在open rice search一下見到海之戀有呢間居酒屋就諗住試下一入到去，餐廳好似好party room feel入去時侍應說用餐限時一個鐘帶位個阿姐開口便說無訂位唔會有梳化位坐咁坐高枱都ok一坐低水都無杯帶位阿姐跟手放低一個蕃茄前菜話要收費（但無講幾錢）佢話唔要可以收返，但就轉身走左果下真係O哂咀，我地又唔食蕃茄，就叫佢拎返走，阿姐即刻黑面，問佢拎水又話呢度無人提供，比人感覺超級差囉叫左個二人餐，兩位年輕的女侍應都很有禮貌，個餐本身轉龍蝦要加$100，但侍應話本身果龍蝦沒有了，要轉龍蝦需加$180轉波士頓龍蝦😡我地無轉要清酒煮蜆就算啲食物味道正正常常牛就有啲靭個蜆用膠袋裝住就幾特別食物質素其實很Ok, 跟朋友在這裡閒聊一流上菜速度超快但開頭的感覺不太好唔會再去…Read More

今晚個buffet有小小失望肉骨茶無肉，不過個廚師有禮貌地回覆因為今日無乜豬骨返龍蝦係新鮮但條龍長期有人等凍海鮮無乜款刺身ok啦，但壽司無乜款燒牛肋條/羊架都算嫩甜品蛋糕太大件啦，食一件都飽榴蓮蛋糕好味芒果糯米飯芒果勁酸人手有啲唔夠，收碟好慢啲侍應有啲生手餐茶就好慷慨地比了一大壺但無乜野食八五折後都要六百幾蚊好多食物都限時限刻供應，好唔大方伏伏地…Read More