drone831的個人專頁

一直都有幫襯開觀塘分店，有日行開見到新蒲崗原來有分店，都即時幫襯吓。但這間分店無論是咖啡出品，還是員工的態度，完全不及觀塘分店。特別是那個長髮女店員，態度極差，勁惡劣🙄點餐時叫咗Tall size ，但之後拎咖啡嘅時候，見到個杯size比較細，就即時問女店員，點知佢反晒白眼，勁不耐煩咁講話冇Tall size🙄咁既然係咁，點餐時點解又唔同個客人講聲呢？其實顧客亦可以選擇其他飲品店，相信這個商場亦不只你一間咖啡店，飲McCafé 無咁嬲😤…查看更多

好耐之前已經bookmark左觀塘呢間餃子舖，今日做完嘢終於有時間過嚟食。發覺原來佢有個好抵食嘅下午茶餐🤩記得係大概$36-$40 左右。同朋友一人嗌咗一份，下午茶餐包括4粒大餃子+ 湯麵 (好似有烏冬/ 上海麵/ 米線/ 米粉……)仲要有得揀蕃茄湯同豬骨湯😋食咗一啖之後，真係「嘩」話咗一聲，真心好好食😋佢個黑松露芝士餃同埋芝士粟米餃，簡直係驚為天人，好juicy呀！仲要個黑松露一食就知道唔係平價黑松露，平時出面個啲平價黑松露會有好大浸汽油味，呢個一食就知道係好嘢同勁足料🤩💯💯人均消費唔使$50嘅情況下，食到咁嘅質素真係好抵食，仲要好高質💯💯另外，啲侍應都好熱心，見到我哋個冷氣位好凍，即刻安排我哋調位，無論嘢食質素定係服務都非常唔錯，其實大家真係要繼續支持香港小店！#香港美食 #餃子 #觀塘美食 #餃子店 #foodie#FoodieLife #美食日記 #香港必食 #觀塘好東西 #觀塘午餐 …查看更多

年初六 下晝大坑冇乜餐廳開門，唯有去咗依間食越南野，叫咗一個$98所謂signature”火車頭越南pho”點知嚟到嘅居然係茶餐廳嘅河粉..都算!!自問係一個成日食越南野嘅人，平均一個月都要飛一次越南，但真係未食過一個既難食又臭嘅越南pho🤢🤢！1️⃣先講個粒牛丸，加咗勁多既黑椒，唔知以為自己食緊一粒「黑椒丸」🤮🤮2️⃣然後到牛筋，硬到好似冇煮過一樣，真心以為自己食緊樹根！😡3️⃣然後都冇乜技巧嘅牛柏葉，居然發出陣陣臭味😤😤4️⃣最後，係零技巧嘅河粉，但個河粉竟然係酸到不能入口嘅！最後食咗兩啖就成碗俾返佢！連所謂signature既都煮到咁。。其他 我真心唔敢食🤦🏻‍♀️🤦🏻‍♀️BTW 友人叫左個春卷撈，點菜嗰時，個Staff仲話..「下，撈係凍個喎」，其實，一個傻嘅都知撈係凍架啦😂個客想食乜咪叫乜囉。。 要關心嘅你又唔去關心🙄🙄最好笑嘅係，個Staff之後仲問我碗麵打唔打包，其實一個醒目嘅員工都應該會問吓過客究竟乜嘢事點解會成碗冇食過啦 下話🙄🙄🙄而至於員工態度方面🤭哈哈。。大家去坐下就明哂（無謂我一句搞到人地份工啦！）不過，就算唔使錢，我就依世都唔會再去依間嘢食垃圾啦💩💩💩…查看更多